養心殿台式養生鍋 (已搬遷) 新店位置

去到旺角既養心殿食火鍋 ～ 由於去既時候尚早未有咁多人 兩個人去食佢比左個四人位我地 仲有一個屏風 隔住左同隔黎既人 私密度尚算OK～  餐廳入面有少少古色古香 咁既枱同櫈都幾傳統咁叫左個雞湯底 個湯唔油得黎都幾好飲感覺係好養生lol fit 曬佢個餐廳名去左個牛肉 松露勿演哈哈哈哈 仲有一個唔知咩豆腐豆腐索曬啲湯好正～令我諗起火鍋撚個蜂巢豆腐叫左黑柏葉 蟶子同埋蠔  黑柏葉就無乜話好特別 都係咁既味囉蟶子無沙 大大隻 幾爽 好想encore TT蠔就好壞參半啦 佢個味都幾鮮不過上碟既時候就連埋左啲冰咁好似未解凍好就揌上碟。。有小小唔appealing 咁囉然後叫左個響鈴  呢度既響鈴大到不得了痴線架@@要嗌既時候真係要諗清楚 

這裡的招牌鍋-美人+養生鍋，同是$188，所以雙拼一次過滿足兩個願望。朕較偏好美人鍋，清甜得來又溢出濃濃的雞味，吃到最後再喝一口，根本是媽媽湯味，可以無限添湯。養生鍋非常重人參味，女士們要一試。友人未齊腳，先來一個即食鹽酥雞+炸午餐肉。前者普通，反而午餐肉厚厚的，鴨血亦是厚厚實實，絕不吝嗇。另點了雲吞拼韭菜餃，會推介韭菜，好吃👍🏽墨魚滑彈牙，蟹籽很多，哈哈。生蠔同梅花豬普通。這是手切牛肉的大portion，不太重牛味，份量可以。響鈴是剛炸起，不會令你失望。蟹棒+萵筍無特別，應有質素。不多地方有的QQ粉，女士大愛，可以一試。順帶一提，帶位姐姐不斷帶錯位，沒記性沒關係可以用枝筆寫低，扣分。其他staff服務不俗。看見bb會自動拿bb椅，主動加湯加茶。

台式火鍋係香港食通常都唔平，同幾位朋友睇完7點場既戲差唔到9點，知道養心殿做緊宵夜優惠即刻去試下。Order左個駌鴦鍋，麻辣鍋仲有得免費添加1次鴨血。另外一邊係烏雞鍋，湯唔錯幾好飲熱食叫左個鹽酥雞，份量好足！其他食物質素中上，會再幫襯

台式養生鍋作火鍋主題正式打進香港市場，餐廳其中以環境及火鍋湯底作著眼點，特別重視這兩項要素，所以都比一般的火鍋店有明顯的分別 ; 而已，餐廳所提供的食物及其質素亦不錯，絕不能太差，以配合及襯托特別又養生的湯鍋餐廳環境及格調有點古代的感覺，燈光相對較一般的較陰暗，有種放鬆舒適的感覺點單紙可點選湯底及所有的火鍋配料，餐廳亦有中式茶給客人飲用用餐配套方面，用具齊全，其中一個用具亦算是有特色，猶如一個迷你炸物器皿，方便將一些易熟或比較分散的配料一同煮熟，確實是一個不錯的設備當晚所選的湯底 : 美人鍋 - 當中的主要用料包括，原隻烏雞，再加入桃膠、杞子、南棗及金華火腿熬製可見湯底非常足料，除了該一大隻原隻烏雞之外，其餘的配料更含有豐富膠原蛋白，相當滋補，比起一般坊間的火鍋湯底，例如沙嗲，麻辣等確是比較特別，亦更有養份，感覺上真的有種養生感，哈哈鮮蝦滑，用茶匙分出自己喜愛的蝦滑大小，上面的蟹籽連同蝦滑一同下鍋，煮熟後蟹籽仍然與蝦滑緊扣，再進一步提升蝦滑彈牙爽口的感覺，口感不錯(半份)自家製鮮蝦雲吞，$42只得四粒的它，價錢好像有點貴，不過它的口感及味道，確實與其價錢是成正比的屬於自家製的它，口感實

好鍾意內裏一間嘅台式火鍋點打邊爐，因為佢裏面嘅格局好有典雅嘅中國味道，傳統得來好舒服嘅感覺。一路喺呢個環境打邊爐就會有一種親切舒服嘅感覺。因為冬天嘅關係我哋叫咗一個薑母鴨鍋＄168。食呢個囉佢會俾埋腐乳醬俾我哋，其實佢個味有少少似羊腩煲，不過唔同嘅係佢好重薑味，裏面啲料有竹筍馬蹄富足鴨肉，鍾意食羊腩煲嘅人一定唔會鍾意。 個鍋非常知足料，如果食呢一個嘅話可以叫少啲材料。另外我哋叫咗一個集材拼盤＄58 ,一個鮮榨響鈴＄68非常之大條香脆每一次來都一定要食嘅，最後仲叫咗一個雪花肥牛粒＄138 ,唔好睇佢個樣好似雪藏左好耐咁，但係食落就非常之香牛肉味同埋好軟熟。

之前有朋友喺銅鑼灣分店食過讚不絶口，今晚收工約咗男友食飯，凍凍地就想打邊爐，但平時d打邊爐好熱氣，即刻諗起呢個養生鍋，咁啱打電話去問又有位，爽呀!食物種類都幾豐富，但價格偏貴，尤其是肉類全部都屬貴價貨(實際係咪高質就唔知)，另有幾款由台灣空運來嘅特産。餐廳有個特點就係好多食物都可以order半份，就算好似我哋咁得兩個人食，都可以叫多d款。美人鍋原隻竹𢇁雞滋陰養顔，加埋杞子、南棗、金華火腿、黨參同勁大粒嘅圓肉，個湯好甜超好飲。未放其他食物之前，先飲幾啖湯，再食入面嘅雞!另一個主角就係桃膠，顧名思義，桃膠即係桃樹嘅產物，係桃樹皮裂開所流出嚟嘅樹脂液，具天然修復功能，當樹脂遇到空氣凝結後，就成為硬身晶體就即係桃膠嘞!桃膠顏色橙橙黃黃，質感同口感都好似蒟蒻，但又煙韌有彈性，坊間認為桃膠含有非常豐富嘅植物性膠原蛋白，具嫩滑肌膚同增加皮膚彈性效果，兼通血脂降膽固醇。近年桃膠仲被封為「平民燕窩」，功效可媲美貴價的燕窩、花膠，但事實上原來桃膠唔係直接對美顏有幫助，佢只係會被大腸吸收，對潤腸、通便有幫助，只係間接有助美顏。桃膠係對陰虛人士有幫助，呢類人士因體內缺水，容易令腸道乾燥而出現腸燥便秘，加快排出

聽朋友講喺旺角開間台式養生鍋， 專登同四個朋友嚟試下， 我哋 叫咗個美人鍋同埋麻辣鍋 鴛鴦鍋又係兩種感受， 個 美人 鍋真係真材實料， 同D海鮮都係好新鮮， 仲有叫咗個手工丸拼盤 即叫即做 大家不妨一試

天氣寒冷，我和另半都想吃火鍋，特別喜愛麻辣火鍋。近來很火紅既麻辣火鍋，當然係養心殿，旺角分店晚晚大排長龍！我地早一個星期預約，去到仲要等10分鐘清枱入座。企係門口等入座時，已經聞到濃濃既火鍋味道，已經令我食指大動。養心殿裝修間隔別緻，以古色木框間房，每台都很有私人空間。養心殿總共有6款湯底選擇，包括麻辣鍋、酸菜白肉鍋、養生鍋、寧神養心鍋、秘制薑母鴨鍋、美人鍋。今日我地首選當然係麻辣鍋，另外仲想試下寧神養心鍋。選擇鴛鴦鍋的話，就會以高價錢湯底收費。麻辣鍋配以多種香料及藥材，聞到都好香麻辣味，內裏有鴨血及凍豆腐，額外再送一份鴨血，鴨血已經預先與麻辣鍋煮好，只要煮一陣就可以，吸收了麻辣鍋的精華，非常惹味。寧神養心鍋以川芎、白芷、天麻、當歸、鮮鷄、豬肉及魚餚製而成，我地滾起時先飲碗湯，帶有陣陣藥材味，非常清甜！座位附近仲擺放了自助醬料區，供食客自由添加享用。極上雪花肥牛$188，雪花好靚，好新鮮，牛肉味重，非常肥美。炸午餐肉$58，同一般火鍋午餐肉不一樣，因為炸過，特別香口，吸湯能力更高。寬粉條$38，火鍋必點配菜，寬粉條能吸收湯底精華，太正。台灣A菜$78，由台灣空運到港，其實味道似油麥菜，

同朋友慶祝去食遲來既生日飯，雖然唔係任飮任食，但一定要黎試試li一間台式火鍋～～～火鍋湯頭夠足料，我哋點咗鴛鴦湯底打邊爐🍲落料前一定要飲一飲😋🔸美人鍋湯料有豐富膠原蛋白既桃膠，半隻滋陰補虛既烏雞，仲有其他材料肴制而成，對女仕們非常適用❤️🔹麻辣湯底（小/中/大）我哋雖然唔係辣妹子，但都點咗半邊小辣🌶嚐一嚐🤯,最正既莫過於個湯底有包埋滑溜既鴨血同蜂巢豆腐，將湯既精華都吸收哂，少少麻，少少辣，正❣️👍🏻火鍋配料都好新鮮✔️我哋最推薦有：🔅炸午餐肉🔅炸響鈴新鮮即炸，就咁食都已經好好味🤤🔅餃子拼盤（1盤6款，每款2粒）每一款都皮薄料多，十分彈牙✔️🔅酒香白肉就算放落麻辣湯底燙熟，仍然無損它的酒香，肉質十分爽口，因爲薄切所以好快食得👍🏻🔅榴槤雪糕(驚喜位❤️）每一枱都會有雪糕贈送，但今次食li個唔同一般個d，li款榴連香味十足，個雪糕仲成個高爾夫球添，真係令喜愛食榴連既朋友起大満足❤️

養心殿喺電視賣廣告，又被咁多媒體介紹，固然對佢好大期望，而且話晒佢都唔係平，我嘅心態係我唔好拎啲錢去食我平時食開最好食個間火鍋？食完之後當然佢未能超越我最愛嘅火鍋，但質素都算係咁上下啦。特式火鍋其實味道都唔錯，美人鍋有烏雞，養生鍋有人蔘，兩者都好補，其實一開始係分唔到邊一邊係美人定係養生，需要對返menu先知，因為反而美人鍋係黑媽媽，藥材味較重，而養生就奶白色，打破我對養生鍋一貫嘅慨念。我個人偏好養生鍋，味道較易入口而且濃味，不過又唔會愈煲愈咸，不論配咩配料都好食，特別係湯底本身有凍口腐，索晒湯底嘅味道。

《養心殿》 #旺角新興大廈🔹養生鍋👍🏻拼酸菜白肉鍋 $188-免費一份酸菜白肉🔹手切牛肉（小） $238🔹厚脂黑毛豬梅花肉 $168🔹即炸脆響鈴👍🏻 $68🔹自家製麻辣牛肉餃👍🏻（半份）$42🔹寬粉條 $38🔹雜錦蔬菜盤 $68🔹千層凍豆腐👍🏻 $48🔹稻庭烏龍麵 $48🔹象啤 $28🔹汽水（免費） facebook check in即可換取🔹茶芥每位$20-💬首先講下整體感覺 係好味嘅 食物質素好 員工友善 坐得舒服又不限時 雖然價錢真係比較貴 但間唔中都要對自己好d嘅😊-🔺養生鍋係推薦嘅👍🏻仲可以飲埋湯（聽講個麻辣湯都好好味😭）🤭酸菜白肉鍋就普通d 好似食緊譚仔咁 可以唔洗試🔺牛肉牛味幾重 可以一試豬就普通 小人食就可以唔洗嗌🔺凍豆腐同響鈴都係好味嘅👍🏻要試🔺麻辣牛肉餃都幾得意 之後仲叫多左半份▪️蔬菜盤 麵類 我就無咩意見 都係可以唔叫-💬茶芥$20位真係貴左d個象啤連埋冰筒上係幾好 但唔知點解有d怪味3個人食平均$380 食到太飽 其實可以嗌小d-byT:9/10

姊妹淘每年都會做小團年, 有人食過呢間好掂, 所以帶埋我地來encore.上圖嘅養生殿嘅醬料, 由左至右, 上至下: 芫茜, 紅辣椒, 香蒽, 香醬, 蒜泥汁及豉油.養生殿嘅鴛鴦鍋唔洗加錢，識食當係鴛鴦鍋啦！ 姊妹淘點個“美人鍋”+“麻辣鍋”（$188）美人鍋內有烏雞, 南棗及杞子, 打邊爐咁熱氣都可以同時補補身, 湯底好清甜, 未開餐前已食晒D雞.麻辣鍋內有凍豆腐及鴨血, 凍豆腐吸收麻辣湯頭, 鴨血軟滑跟麻辣最夾.配料方面有: 每日限量嘅"手切牛肉" (細$238), 牛味濃肉香嫩, 入口即融.御選梅花豬($118)  肉質冧又嫩, 有微微乳豬先有的香味, 放入麻辣或美人鍋都好出味.海鮮拼盤 ($138)  海蝦超爽甜, 帶子2隻絕對達到2L級, 帶子要留意火喉唔好滾太耐, 先可以保持嫩口, 還有九孔鮑魚, 新鮮即劏, 肉厚唔"un".再來個 美人 至愛  雜錦蔬菜盤($68)食完仲有每人一個雪糕球, 每日提供嘅味道到唔同, 睇你嘅運氣喇!食完都21:30, 店外已企滿人, 好在我地早到, 否則真係有排等

這個冬天真太冷! 對我這個怕冷的人來說，每天都要把自己包得像糉一樣才能出門，很不是味兒。但冬天唯一的好處，就是吃火爐時會特別的津津有味。在這漫長的寒冬，既要暖身更要養生。甜不辣 $48朋友未到齊，先點個台式美食甜不辣頂肚。外層酥香，魚肉軟彈，沾上甜中帶微辣的醬汁，開胃惹味！ 美人鍋／麻辣鍋 $188美人鍋是必選的湯底，雙拼鍋都有半隻烏雞，還有桃膠，龍眼，杞子等湯料，十分滋補。點這湯底主要是要喝的，建議先喝碗潤甜的湯，吃過入味肉嫩的烏雞肉，才開始打邊爐。另一邊的麻辣湯底，滾起來已散發出陣陣麻辣香，可先吃湯底中的鴨血及豆腐，鴨血軟彈嫩滑，而且還另外加送一份！黑松露蝦丸 $48 / 鵝肝墨魚丸 $48 / 芝士牛肉丸 $48養心殿的手打丸是必吃的，粒粒都軟實彈牙。黑松露醬溝入蝦滑，濃郁的黑松露味沒有蓋住蝦的鮮甜，而是互相帶起味道，令味道提升。而牛肉配芝士，芝味之餘不失肉味，增加味道層次感。還有鵝肝墨魚丸，充足鵝油香。大腸頭 $88大腸軟彈不韌，建議落麻辣湯底，味道夾而且突出。紫淮山面 $38以淮山作火鍋配料都能經常吃到，但紫淮山面倒是第一次吃。紫白色的面線，外型似紫色的稻庭烏冬般扁身，但厚身

成日聽人講呢間好食！昨晚終於去試了！服務確實好好！不過野食真心有點貴！黑毛豬薄切$168但份量不多！但尚算可以，陸耐左都唔諧，養生湯個人覺得好普通！肉丸$128得10粒、黑松露豬肉丸只不過加左味禁大把！唔覺得食完會滿足鴨血更加普通！個胃唔值得留位比佢!一口牛好味!秋葵好吃但有小小老！凍豆腐好吃不過好多地方都食到好咪既！總括泥講！唔會encore 因爲呢個價錢個人覺得比較貴，而野食只不過唔係任食質素禁解

連續凍咗好多日，終於可以食到餐火鍋喇！這間食店地點方便，地方都算大，幸好我同個朋友放工後就來，不用等位，進來時差不多每枱都坐滿客人了。店內間隔我很喜歡，就算這麼熱鬧，都可以有私人空間感。係我哋食飽離開時，門外聚了很多人在等位，都真的很受歡迎喎！今日揀咗個超級滋補的養生鍋：＂美人鍋＂湯底好香藥材味，真的很足料，水一滾我哋就將湯底內的烏雞肉食了一半，肉質還很鮮嫩，裡面還有膠原蛋白，滑滑的口感，好似啫喱。＂手切肥牛＂真的一分錢一分貨，好新鮮，牛肉味好重，有入口即溶的感覺。＂御選梅花豬＂一點也不韌，仲要好有口感添，好甜的鮮肉味。＂手工丸拼盤＂共6款口味，每款有兩粒，可以試齊全部。梅菜豬肉丸好似屋企煮的肉餅味道，變成一粒一粒好得意，味道好有家的感覺；其他粒粒都好彈牙，好鮮甜，我自己就最愛鵝肝墨魚丸同埋芝士牛肉丸。＂雜錦蔬菜盤＂有3款菜全部都好新鮮爽口，又有3款菇，最正係玉米超甜多汁。食完最開心係一人送一個雪糕球，甜絲絲，涼入心。