養心殿台式養生鍋 (已搬遷) 新店位置

朋友即將去外地工作，相約佢養心殿食火鍋順便餞行，選擇咗養生窩同美人鍋，未落火鍋材料已經先試飲一碗，兩者皆又甜又夠味，可見火鍋十分足料，睇返其湯底配料，就知道呢種湯底實有養生之效， 叫左海鮮拼盤，墨魚滑，日本蠔，即炸響鈴，台灣炸豆皮和蔬菜籃。餐廳內部裝潢以中式為主，以屏風相隔每個座位，提高私隱度，唯一係食材份量較少，小小唔抵食，但味道搭救，成班朋友食會比較抵啲。場地環境乾淨只是較昏暗，座位亦尚算舒適，服務員態度亦可。

昨晚放工後相約友人到旺角養心殿😍之前一直都想試，終於夾到時間齊人去食！店內裝修好有傳統台灣食店風味，感覺舒適。我地選了鴛鴦湯底：酸菜豬肉鍋同美人鍋。仲有一碟酸菜附上，唔夠酸的話可自行加料！美人鍋真係十分養生，有烏雞，紅棗，龍眼，好岩女仔食呀！因我不食牛，特意點了豬肉片來試試！肥肉唔多，岩我地健康一族！蔬菜拼盤，咩菜都有齊，很新鮮肉丸拼盤，肉質彈牙，推介！蜂巢豆腐係我最愛，吸哂湯汁，好味！粟米都好大份同鮮甜！叫左碟炒年糕，口感一流，配埋酸菜湯底，可以一試！整體服務都不錯，侍應態度好，會再來！

一入門囗好有日式風味，但今晚我地係食台灣火鍋台灣火鍋湯底是藥善為主，款款配料都好豐富。今晚唔食麻辣，食秘制薑母鴨鍋。湯底有來自台灣的紅面番鴨、老薑、馬碲、冬筍、當歸、豆腐和枝竹。一開個鍋，鴨件、豆腐、冬筍和支竹都好多，而鴨肉件件都好多肉又唔肥。湯底好似老火湯，甘甜。火鍋最重要係牛肉，今晚不食手切，揀了極上雪花肥牛，一卷卷雪花，紅白色分布均勻。海鮮拼盤內有海蝦2隻、帶子2隻、九孔1隻。帶子大粒厚肉鮮甜。九孔彈牙新鮮。而海蝦生猛又大隻，上枱一段時間，還腳仔爬爬。麻辣牛肉餃子勁大粒，咬開像粒牛肉球，辣味微辣。

同朋友黎夜晚十點幾黎打邊爐，冇諗過咁夜仲要食啲咁heavy嘅嘢竟然要等位😂可想而知，呢間嘢係幾咁多fans(其實我三個月內都食第二次啦🙈）星期五宵夜有七折我哋叫咗美人鍋，諗住補補身😂佢隻烏雞真係好正，個湯勁甜，重要愈煮愈甜！！！同埋其實要做呢個湯底，係唔需要叫咁配料我同朋友叫多咗，食唔哂👉🏻👈🏻我哋叫咗本份、蜂巢豆腐、響鈴、新竹米粉、金菇、芋絲如果少份響鈴或者新竹米粉嘅話呢就應該fit哂但係真係好難抉擇佢響鈴即炸又唔會好油，新竹米粉又好好食不過如果真係要揀，陪呢個美人湯都係食清啲好，所以要揀嘅話都係會放棄響鈴我會繼續黎架（偶爾），因為其實唔平宵夜都要$150-200一位但食完會覺得係養生🙊間唔中食一次啦🙊

碰上朋友老婆同場打邊爐，有緣到不得了。養金殿，個名真係十分有詩意呢。初到貴境當然要做下功課先，慢慢刨下菜單再飲返幾啖冰凍啤酒。最大目標係麻辣鴨血，但其他都好多野想食呢 ﹗叫多點叫多點，我會打包返屋企，不浪費的。款款鍋底都想試，麻辣、酸菜、寧神、薑母、美人、養生，教我如何是好呢，擲骰仔決定？麻辣鍋小辣，麻辣鍋其實我愛食中辣的呢。小辣也不錯，微辣帶著香料甜甜的餘韻，豐富的香料，溫和的刺激。美人鍋有桃膠，我以前成日以為係花膠溶到黐埋一舊舊囉，真係大鄉里孤陋寡聞啊，要進修一下。仲有烏雞、杞子、南棗、金華火腿、等等。滾開急不及待飲碗，夠香夠濃，有燉湯的影子，厚厚黏黏的湯汁特別美味。養生鍋，美女稱好怕人蔘既甘苦味道都願意捨命陪我一試，感激不盡。用藥材、人蔘、火腿、老雞、瘦肉餚製而成，甘甜蔘味強烈，加上清香藥材味道，美味絕倫，我非常喜歡。但美女完全受不了，食唔到養生鍋，只能食麻辣鍋，真係十分抱歉啊。滷水鴨舌，乾乾瘦瘦欠肥美欠爽彈欠嫩滑，感覺似雪死左不夠新鮮，滷水味都較平凡。我要食新鮮雞子架，為何來了鴨舌？可能侍應姐姐入錯單咯，雞子叫做雞佛？第一次聽，有趣喎。鹽酥蚵仔，鹽香炸瘦猛猛蠔仔，乾爭爭不鮮不甜

今日大約五點已經到店鋪用餐，看到只有三張枱客人不多，可能因為太早了一坐底，我地即刻叫了麻辣鍋加美人鍋，麻辣鍋本身有凍豆腐及鴨血（店鋪會另外多送一份鴨血）所以點餐時，不用多選一份鴨血。我們兩位，點了一份七星鱸魚，份量都十分之多。生蠔又大又肥美我們還叫了一份滷水鴨舌，但因為太難食，所以沒有拍照，建議所有朋友不要點滷水的食物。（我們只食了四五件，因為份量都比較大）因為本人都食過養心殿三間分店（包括銅鑼灣、尖沙咀、旺角）個人感受覺得銅鑼灣分店，環境、食物、服務都比較好一些

聽朋友推介話養心殿打邊爐唔錯，但頗貴，星期日約左班fd食飯，本來想經濟d食馬辣，但樓下實在太多人等lift,所以去左養心殿，睇下係咪真係咁正6點去等位，好快可以入座，限時1.5小時，聽落有少少趕，同埋睇個menu又唔平，一開始都冇抱好大期望可以食得飽，已經諗定下場食甜品我地4個人order左個麻辣同美人鍋湯底，兩款湯底都超足料睇呢張圖就知，美人鍋湯底有半隻烏雞,紅棗杞子，好多養顏既桃膠,野食未到我地已經急不及待飲啖湯，幾鮮甜，食埋桃膠即刻覺得皮膚好左咁😂麻辣湯底我地揀左小辣，呢個辣幾岩香港人，恰到好處，你見好多辣椒好足料，仲有d豆腐索晒個湯好鬼正，入面本身有鴨血，我平時唔食，但今日試過又幾鍾意又幾好味喎衰鬼，一路打一路吞緊口水🤤佢除左本身有鴨血仲再送多碟鴨血，驚客人唔夠喉？野食我地叫左響呤，墨魚膠，菜，冬瓜，薄切牛同埋12款手打丸，真心好味喎！樣樣配個湯底都好正，唔洗蘸醬料驚口渴order埋個黑糖酸梅湯，每人飲到3杯左右，算係咁啦本身以為埋單每人起碼$200，點知原來8點前有7折，每人$158咋好鬼抵，即刻勁開心！咁抵食到算係高質既打邊爐，正！

第一次來完後已決定必定番兜！！和朋友四個人來食，19:30前離座有7折所以book左18:00。服務員態度非常好，食物上得也很快。叫了養生+美人的鴛鴦鍋，養生鍋有参味，美人鍋有半隻烏雞，燉得非常香軟，抵食！下料之前記得飲多兩碗湯補補先。單點食物推薦手工丸，真的吃得出不一樣。牛肉片、梅花豬、嘉美雞非常好吃，梅花豬和嘉美雞完全有驚喜！4個女生，每個人吃得飽飽，7折後人均消費不到200，料又高質過出面d放題好多，呢間真係值得番兜！

今晚同三個朋友一齊去食，因為其中兩個都唔食得辣所以叫了美人鍋同酸菜白肉鍋，未開始打邊爐之前試飲咗個湯底先。美人鍋清清地唔會有浸藥材味而且個湯底有原隻烏雞好足料！酸菜白肉鍋亦都唔會太酸，佢另外附上一疊酸菜嘅，如果鍾意酸啲可以再攞多啲酸菜，我就落晒成碟🤤同其他火煱店相比，佢嘅湯底係食完唔口渴！！ 😌響鈴即叫即炸好新鮮，熱辣辣咬落脆卜卜✨推薦🌟好想食佢個台灣A菜但係好可惜今日咁岩冇貨😣炸午餐肉上台時仲熱辣辣、脆卜卜，浸3秒，放入口，好正！驚喜係午餐肉有肉味 😍😍啲雪花肥牛脂肪比例好平均，切得好薄，好靚仔。唔食牛肉嘅朋友仔揀咗黑毛豬都好唔錯，有肉味，而且肉質唔會好柴好乾。推薦🌟手打肉丸都好新鮮，最鐘意係黑松露蝦丸。蝦丸肉質彈牙，有香濃黑松露味，但又不掩蓋蝦嘅鮮味😍😍另外仲想讚下佢壺茶，好濃好好飲，好似某某珍珠奶茶個茶底陣味，勁驚喜！！！！打邊爐最怕食到成身一陣味，好彩冇事！而且乾淨環境，同朋友自成一角傾計有私人空間，古色古香裝修，坐得舒適。最後一定要讚佢貼心嘅牙籤！估唔到唔係普通嘅牙籤，而係一邊有埋牙縫刷！特別對於箍緊牙嘅朋友來講係好感動😭😭因為有啲位可難用牙籤，而好少店家會咁貼心。。。

一向都好中意食台式火鍋，呢間想食好耐，今晚終於有機會試啦收工去到已經見到有人排隊，不過我訂左位，所以唔洗排隊就入到去啦我哋叫咗個鴛鴦火鍋，酸菜白肉鍋同麻辣鍋！酸菜白肉鍋入面有好多豬肉同埋酸大白菜，仲有qq寬粉條，好好食，好有酸辣粉的味道，但唔辣，好開胃麻辣鍋我叫咗小辣，但其實唔係好辣，鍾意食辣嘅建議叫中辣以上，我選擇免費加鴨血，份量多極上雪花肥牛，呢個雪花分佈好均勻，好味牛胸爽，呢個真係好香牛味，食落去爽耐不肥，值得一試嘉美農場雞肉，雞肉食落去非常滑，就算碌耐左都依然保持滑 手工丸類拼盤，呢個幾好，咩丸都可以試下所有丸都好彈牙，有水準，新鮮！黑松露丸好香，食落去啖啖松露味鵝肝墨魚丸，真係見到有鵝肝芝士牛肉丸，呢個好好食，好彈牙食到尾原來仲有甜品送，係芋丸紅豆沙，紅豆煲到起沙，好食！

同朋友相約去旺角打邊爐黎到呢間位於新興大廈既台式養生鍋裝修滲入陣陣中國風味水壺也很有特色先選鍋底鴛鴦鍋都唔使加錢當然諗都唔使諗 就決定要鴛鴦鍋祕制薑母鴨鍋+寧神養生鍋我就較喜歡藥膳味濃又足料的寧神養生鍋配料區 選擇也很多 揀完配料 返位坐低 食物已開始上枱炸午餐肉 香脆可口 可以食住呢個等個鍋滾酒香白肉豬肉滲出淡淡清香酒味肉又不會韌即炸脆響鈴夠曬大份 即炸夠新鮮手工丸拼盤十二粒共六款 各有特色 全部都很彈牙想食d菜 但又揀唔定食邊款雜錦蔬菜拼盤 一定係最佳選擇杞子菊花圓肉露清甜解渴

近期大熱的台式火鍋開遍幾乎成行成市但要吃到好吃的確實不易是次來了朋友極力推介的養心殿坐下來我們點了鴛鴦鍋:美人鍋及麻辣鍋(中辣)餐廳的湯底十分足料！美人鍋的配料有桃膠 杞子 烏雞 絕對可以幫女士們進補麻辣鍋有鴨血 千層豆腐等配料麻辣鍋沒有想像般的辣 初嘗麻辣鍋的朋友可以先選中辣餐廳設有自助醬料區 配料是新鮮的 可惜的是醬料選擇不太多千層豆腐$48麻辣鍋本來已經預先加入了了千層豆腐預先加入麻辣鍋的千層豆腐吸入了麻辣鍋的湯底 十分入味因為太美味的關係 小編決定追加多一份野生竹笙 $88日本金菇 $48竹笙金菇原本都是靠湯底帶出味道的所以小編把放在麻辣湯底 吸一吸味吸收了麻辣湯的竹笙金菇十分美味黑松露蝦丸(半份) $48芝士牛肉丸(半份) $48墨魚丸(半份) $40香菇貢丸(6粒) $48餐廳的丸類有一份或半份選擇為免眼闊肚窄 小編點的都是半份可以多吃一點之餘 不會浪費食物餐廳的丸類大部份都是自家製的 是外面吃不到的味道黑松露蝦丸彈牙有蝦味還不失黑松露味道芝士牛肉丸熟透後 芝士從牛肉丸流出 十分邪惡日本牡蠣 (蠔) $138/6隻日本蠔無論味道或是size都信心的保證 新鮮亦鮮甜極上雪花肥

難得早放工，同朋友商議左一陣，決定去一間叫養心殿台式養生鍋，打邊爐又可以養生！地點都方便。去到目的地既大廈之後，我相信大家都同我一樣，會覺得自己去錯地方。其實係正常，因為楝大廈既性質主要係做旅館。不過唔緊要，我地目的係食野，所以好快到左餐廳～等左一陣就有位。由一位侍應哥哥帶位，去到一個相對比較寧靜既房間。坐底後都覺得冷氣足夠，打邊爐好怕冷氣唔多夠，呢部份做得相當唔錯！睇左一陣點餐紙，以下就係今晚美食～養生鍋　話明養生鍋，當然要一試便知龍與鳳，果然名不虛傳。湯料包括人參，去核紅棗，鹹火腿，豬心精心炮製。味道先甘後鹹，唔會飲完覺得口乾，所以最岩ＯＬ一種最好！麻辣鍋　大量花椒，辣椒乾，八角，再加入凍豆腐。飲一啖湯之後舌頭已經麻痺！證明正宗麻中帶辣，凍豆腐就好似一塊海棉咁吸收哂麻辣湯汁，黃豆味再加辛辣味，味道相當刺激，口感帶爽！最緊要係點麻辣鍋會送鴨血，鴨血我個人十分喜歡，跟麻辣絕對匹配，更可以補充鐵質，一舉兩得！手切肥牛　刀功一流，片片相當厚度。牛肉色澤紅潤，油花分佈平均。牛肉以骨牌式排開係碟上面，美觀而可以等食客充分鑑賞手切牛既外貌。味道方面，牛肉味特出，食唔到雪味，油花經過熱湯過之後變成

yoyo!又食養生殿喇！最愛既台式火鍋🍲上次尖沙尖沙咀食過返尋味，今次嚟到旺角分店再食，同樣都係高質嘅台式火鍋，感覺尖沙咀分店好似坐得比較舒服，但旺角分店嘅員工好細心熱情👍🏻上次試咗美人鍋今次佢哋試吓個麻辣鍋，台式火鍋！總要試吓麻辣鍋嘅！有得免費追加一份鴨血，鴨血好滑！真材實料，真係做得好好！酒香白肉，可以聞到酒嘅香味，食落有少少甜甜嘅味道，好食海鮮拼盤，有兩隻蝦鮑魚帶子，蝦好新鮮睇個樣已經好靚，好好好食係海鮮拼盤嘅冠軍！黑松露蝦丸，呢個配搭得好好，黑松露好香蝦丸彈牙4粒岩岩好👍🏻水耕菜！要用食牛既方法望住佢！好新鮮呀！下次我會再order多d菜！回味我既寬條麵少人慢慢食，配咩湯都得！湯底正！睇個全相😁😁埋單送糖水，芋圓啊！大滿足好好既服務🤤👍🏻

今天一直下雨，很想吃火鍋，去到了店裏，卻發現台式火鍋店裏竟然有午市套餐。由於價錢比吃火鍋更經濟實惠，所以改變主意吃台式午餐。午市套餐有十幾款選擇，老公選了他最愛的藥燉排骨，很滋補。湯底濃郁，排骨肉厚軟腍。還有三款小食，最愛牛肚，少少辣，很香口。飲品要了沖繩黑糖烏梅汁，酸甜生津。我選了汁煮安格斯肥牛，肥牛一片片，乾身，配有菇菌及三色椒。肥牛套餐有飯有小食，還有燉湯呢！燉湯有烏雞、杞子、人參等，好滋潤。飲品要了杞子菊花圓肉露，淡淡的菊香，微甜。好豐盛的午餐，又不用加一，蠻不錯。說好的火鍋，就下次才吃吧！