養心殿台式養生鍋 (已搬遷) 新店位置

一入門囗好有日式風味，但今晚我地係食台灣火鍋台灣火鍋湯底是藥善為主，款款配料都好豐富。今晚唔食麻辣，食秘制薑母鴨鍋。湯底有來自台灣的紅面番鴨、老薑、馬碲、冬筍、當歸、豆腐和枝竹。一開個鍋，鴨件、豆腐、冬筍和支竹都好多，而鴨肉件件都好多肉又唔肥。湯底好似老火湯，甘甜。火鍋最重要係牛肉，今晚不食手切，揀了極上雪花肥牛，一卷卷雪花，紅白色分布均勻。海鮮拼盤內有海蝦2隻、帶子2隻、九孔1隻。帶子大粒厚肉鮮甜。九孔彈牙新鮮。而海蝦生猛又大隻，上枱一段時間，還腳仔爬爬。麻辣牛肉餃子勁大粒，咬開像粒牛肉球，辣味微辣。