養心殿台式養生鍋 (已結業)

又去養心殿打邊爐😂今次同朋友一行4人去尖沙咀分店我地都幾好彩唔洗等位比咗間房我地。原來平時係可以book邊唱k邊打邊爐～但就會有min charge🤔$400 per person今次同朋友揀咗麻辣湯底(中辣)同埋養心湯底~個養生湯真係可以當湯咁飲!入面有好多藥材!🤭🤭好足料！個湯好好飲，有少少胡椒味🙂🤤我地仲叫咗個台灣小食—椒鹽柯仔好好食！椒鹽嘅野真係無可能中伏！另外仲叫左餃類拼盤，丸類拼盤勝來咩都有d但我地叫嘅蔬菜拼盤就無出現過。打邊爐當然唔少得響鈴，肥牛啦❤️響鈴食完個個都讚！真係好鬆脆肥牛就無咩特別，價格有d貴。另外仲叫咗豆皮，豆腐 ，面等。四個人食已經好夠了。

適逢天氣開始入秋, 又係打邊爐嘅節奏。今次黎到信心十足嘅養心殿, 由於唔係第一次食, 大家都一致要encore, 回率頭爆燈。提提大家一定要book位, 唔book位真係有排等. 一坐低大家都拿拿臨加豉油, 小不了海量芫荽 ^__^ 湯底今次酸菜白肉配美人鍋, 提提大家湯底會收貴鍋個個價錢 ($188)。好喇開動喇! 首先叫咗一人一份蟶子 ($48一隻), 建議大家放係個筲箕到大約10秒左右就要食, 味道口感剛剛好! 絕對新鮮! 由於大好味仲encore多咗一條添! 估唔到海鮮都咁出色啊!打邊爐點小得嚮鈴, 呢到即炸嚮鈴 ($68) 唔係周圍食到, 即炸係有一種魔力完全令人停不到的吃。就咁食又得, 放湯滾又得, 得咗!丸類方面呢間絕對一讚, 因為2人叫一份又好似太多, 呢到有得叫半份就剛剛好喇. 半份蝦丸 ($40) + 半份墨魚丸($40), 兩款丸都有機會試哂,yeah!由於美人鍋湯底太足料, 我地決定叫個千層凍豆腐 ($48) 試下, 凍豆腐吸哂湯d精華, 鎖實哂係個豆腐到 (要注意湯太熬, 要小心食啊)D話人遇到一班好知己難得, 我就話遇到一班愛好打邊爐嘅好知知仲難得！FACE

繼銅鑼灣分店之後, 今日挑戰尖沙咀分店喇！一入到去裝修一如其他分店一樣都係好有私人空間, 尖沙咀分店仲有屏風分隔, 台與台之間唔會太近, 無論三五知己, 一家人或者拍拖都好適合黎撐台腳. 由於我地唔係第一次食, 大家都好快決定到要咩湯底喇, 美人鍋 ($188) 上次是一試難忘, 今次配埋酸菜白肉 ($128), 簡直係完美配搭。一啖美人鍋滾湯試真味道, 明目杞子﹑補血紅棗﹑仲有不同藥材, 一如既往好鮮好足料, 絕無味精. 酸菜白肉好開胃 , 追加酸菜白肉仲要係免費, 推介大家值得一試等湯滾時先試試小食, 即食炸午餐肉 ($48), 炸得好香好惹味!打邊爐點小得肉類,霜降肉眼肥牛 ($178), 肉味濃郁, 脂肪同肉分佈剛剛好! 好味!由於同行友人減肥中, 叫咗3份蔬菜類試試。有機秋葵 ($48) – 唔係間間打邊爐都有得食, 以為炒先好味, 原來舛黎打邊爐都一樣咁出色!日本金菇 ($48) – 擺得靚靚, 食得出係新鮮交足功課野生竹笙 ($88) – 價錢係貴咗小小但絕對值回票價, 比出面食嘅大條同有口感.最後以寬粉條 ($38) 作一個完美ending, 大滿足。

約咗啲fd去食養心殿打邊爐，坐操下先發現原來呢度係以前Y club嘅地址，地方夠晒大，坐得又舒服，大大聲聲講嘢都唔驚。我哋叫咗個鴛鴦，分別係麻辣鍋同埋酸菜白肉鍋，咁樣叫都係$128姐，兩個湯底都好足了，麻辣鍋裏面有鴨血，好好食，一定要加碼。而個酸菜鍋入面有紅薯粉，煮到夠晒諗，煙煙銀銀超好食，吸收晒酸菜嘅味道。大手切牛肉$338一睇就知道靚呀，啲雪花分布好好，好有牛味，而且好新鮮，中間有幾快係特別肥嘅，鍾意食肥啲香啲嘅朋友搶晒嚟食。千層凍豆腐$48凍豆腐一定要放喺麻辣果一邊煮，索晒嗰陣麻辣嘅味道，辣得超過癮，豆腐一層層好有豆香味。餃子拼盤12粒$118有水餃，雲吞，韭菜餃，麻辣牛肉餃，魚皮餃同埋水蓮餃各兩粒，我最鍾意係馬勒牛肉餃，夠晒特色，有肉好彈牙，再喺麻辣鍋嗰邊淥，味道好夾，另外雲吞都好彈牙，裏面隻蝦好新鮮，魚皮餃嘅皮煙煙銀銀，好多汁。蔬菜拼盤$68有秋葵，粟米同埋山藥，山藥比較少見，錄完都仲係好爽口，好有口感。萵筍$48好新鮮好爽口，冇喳。冬瓜$48響鈴$68即叫即炸，響鈴真係食麻辣必須嘅火鍋配料。蟹子墨魚滑$88個賣相好靚，好似一個波咁，墨魚滑打得好彈牙，配埋蟹子，淥熟咗咬落趣卜

以前冬天凍冰冰先鍾意打邊爐⋯但而家就算夏天都會去🤣麻辣火鍋好似會上癮咁😸今次8個人2個鍋😆麻辣mix養生 + 酸菜白肉mix美人🤤🤤店鋪人手略不足，叫極都未有人😵·之前試過美人⋯覺得麻麻，今次試埋養生😵嘩 點知人蔘味好好好重⋯大家都唔鍾意🤣🤣🤣比較下美人湯算唔錯😂酸菜湯都幾好食👌🏻👌🏻·仍然係點左最愛既午餐肉🤤仲有豬肉牛肉羊肉🐷🐮🐏餃子🥟丸🍡⋯blablabla！熟食點左鹽酥雞🐔甜不辣🍢同滷水拼盤😸.火鍋配料無好特別既款式，主要係試真材實料既湯底！不過我都係鍾意蜀大俠🤣

同朋友食飯，佢話想試下養心殿又就我尖沙咀放工咪去棉登徑分店.訂左位6點半，點知去到話限時個半鐘，但訂抬時無講過，擾攘一番後安排到坐位.入到去由於未齊人，諗住叫杯啤酒飲住先，點知叫極都無人應.到落單時遇到既情況都一樣，個個好似好忙，話轉頭都唔知轉左去邊.裝修雖然古色古香但環境非常嘈吵，坐對面都聽唔到講野.叫左個麻辣湯底同酸菜白肉，麻辣一般，酸菜唔酸. 個鍋滾極都滾唔起，火鍋料又無乜特別.食完就走，相都無影過張.

今次係我第二次幫襯養心殿火鍋了, 上次食完後一直心癢癢，所以約好飯局後當朋友問我有咩嘢提議後、我毫不猶豫地揀左養心殿，而且養心殿的分店越開越多 ，就連尖沙嘴都有，非常方便，事不宜遲即刻book台，解一解我既火鍋癮。😂😂去到尖沙咀分店，見到入口掛左啲中式燈籠再配上燈光效果, 已感覺呢間分店既設計都幾有心思，落到底層，見到啲桌椅擺設都係用木材, 台與台之間用鏤空屏風隔開，走仿古風格，裝修都頗有特色。寧神養心鍋拼麻辣鍋 $168養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 我最愛麻辣，必點麻辣鍋，麻辣鍋端上來時、個湯底本身已有豆腐和鴨血係入面、而且可以免費追加一份鴨血、已覺划算。同行友人唔好辣 所以俾佢話事，佢揀左用烏雞, 鮮魚和多款藥材熬製的寧神養心鍋, 當湯滾後 我地每人先飲左一碗湯, 香氣撲鼻 ，藥材味十分濃郁、鮮甜可口、非常好味😋😋極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛既雪花非常均勻, 肉質軟腍, 淥一淥就食得，牛味濃郁，用養心鍋或麻辣鍋涮都非常夾。手工丸類拼盤(12粒)

今晚約左幾個朋友去食火鍋是日去尖沙咀養心殿台式養生鍋好快就有位喇首先選左個鍋底先美人鍋拼養生鍋美人鍋拼養生鍋--成隻烏雞都幾滑,仲有大量桃膠,桃膠食落咬口都幾好仲含有豐富膠原蛋白人參味都幾勁,仲有鴨血食,鴨血食落唔會好腥仲好好食混下醬先另外仲點左手切牛肉,極上雪花肥牛,沙巴龍躉班,蟹子墨魚滑,水餃,魚皮餃,鮮甜三蔬(秋葵,玉米,山藥),寬粉條手切牛肉--牛既脂肪好平均,咬落去充滿牛既香味極上雪花肥牛--唔算好肥連埋牛脂一起食,都好香牛既味道沙巴龍躉班---好香魚味,一片片滾一滾就食得,保留好鮮味仲要好滑蟹子墨魚滑---好香好好味,慢慢整去滾黎食水餃,魚皮餃--幾好食,D料都幾多,咬入去都唔錯鮮甜三蔬(秋葵,玉米,山藥)--非常新鮮好味,山藥煮一陣唔好太淋食係好正寬粉條--放入個靚湯入面煮,吸收日月精華,個粉又爽口彈牙又有好正既湯味叫埋野飲解下渴

宜家開左好多火鍋店 但大部分都要散叫 我又唔係多朋友所以好少會去呢類店食火鍋今次約埋朋友double dating利呢到食野😀間鋪既裝修真係好中式 但有點暗養生野最重要緊係個湯底 我地試左酸菜白肉同美人鍋美人鍋有半隻烏雞 由於太阻住就食左一半 都還可以 雖然黑黑的望落去一般 酸菜白肉好有味 而且酸菜白肉係另上 總共會比兩碟你呢碟就恢酸菜白肉最正係呢個響鈴 好脆應該係自己整 一放落利就聞到好香既味蔬菜盤千層豆腐 如果大件點就好啦🤭未夠入味丸拼盤 有六款 而我已經唔記得有咩味啦😂主角 牛肉 係幾令 食落林身又不會太肥台灣空運到港的菜 香港係未食過 呢隻菜煮好耐都仲好爽 唔錯唔錯8:30pm前埋單仲有7折 都幾抵食呀👏🏼👏🏼👏🏼

一行5人想打邊爐，又唔係好想食任食邊爐，就book左嚟依到養下生霸氣既門面😂入面既裝潢有陣古色古香既味道餐具都係走中國風依到連茶都有打邊爐都係飲汽水啱我多啲，飲茶依啲咁健康既嘢都係留返比朋友Share Facebook有嘢飲送大家都即刻share雖然免費，但都唔係hea貨，份量同味道都唔錯有六款湯底揀我地今次就揀左酸菜白肉鍋同美人鍋食物選擇都算多，大路嘢都有齊，亦都有嘢台灣既特色嘢揀好嘢食就可以出去拎醬，依到自助形式，鐘意落咩就咩淺色既係酸菜白肉，深色既係美人鍋美人鍋入面真係成半隻雞，雞肉都好入味同嫩滑身為食肉獸當然要食肉先啦今次我地豬、牛、羊都嗌齊晒霜降肉眼肥牛($178)質素唔錯，肥牛同火鍋無論點都係好朋友御選梅花豬($118)豬都唔錯，不過相比之下，我就鐘意牛同羊啦涮鍋小羔羊肉片($108)依個有少少驚喜羊味好濃郁，配埋個湯底真係一流牛胸爽($138)咁多款肉入面，最鐘意就真係依個牛胸爽牛肉味好濃，又爽口除左肉，都嗌左其他唔少配料台灣炸豆皮($38)食落同響鈴差唔多，吸晒個湯，無得輸黑柏葉($78)夠爽口，唔錯唔錯蟹籽墨魚滑($88)韭菜餃($42)+鵝肝墨魚丸($48)+黑松露

呢日喺K11行街，突然好想打邊爐，邊行邊望有咩餐廳，竟然俾我見到呢間餐廳，於是同朋友一齊去烚吓烚吓先。醬料係自助嘅，比較特別嘅係蒜泥汁同香醋，食物沾點後會加添一份香味，而微酸就中和了膩感，唔錯! 火鍋湯底我哋揀咗雙拼，美人鍋拼養生鍋，美人鍋有烏雞、桃膠同金華火腿，飲落好鮮味養顏。養生鍋飲落有濃濃嘅人蔘味，呢餐飲咗好多碗湯，好滋補呀! 手切牛肉好鮮好淋，肥瘦適中，肉味香濃，好味! 極上雪花肥牛都好味，脂肪分佈平均，同樣都淋滑。沙巴龍躉斑好鮮味，魚肉細嫩，好好食! 鮮甜三蔬有秋葵、玉米、山藥，秋葵吸咗啲湯，好入味，玉米好清甜，山藥煮一陣就夠腍，全部蔬菜都好新鮮，正! 蟹籽墨魚滑好彈牙，仲食到墨魚粒，保留咗口感。自家製極品水餃嘅蝦肉好彈牙，木耳好爽口，食落啖啖鮮味。魚皮餃好有口感，外皮煙韌，餡料美味。寬粉條要淥多陣，索晒湯嘅精華之餘，又變得煙煙韌韌，係我嘅至愛! 自家製杞子菊花圓肉露飲得出真材實料，有淡淡菊花香味同圓肉甜味，打邊爐飲佢清熱就剛剛好。呢餐嘅食物湯底質素都好高，而且價錢合理，性價比好高，下次想補補嘅時候，都會再返嚟搵佢呀!

養心殿原來好多間嘅，我哋行到尖沙咀，一入去嘅時候見到，紅色嘅燈籠斜路，路落上面有個好大嘅led螢幕，將個招牌閃出嚟，好靚。入到去中國式嘅，結構擺設木造嘅，枱櫈雲石面，有打邊爐嘅火鍋，我哋叫午餐，都幾特別嘅，上菜嘅時候係一盤上，有齊湯呀前菜煮菜。我就叫咗個，汁煮安格斯肥牛配白飯，前菜小食甜酸咸味都有，牛肉都幾鬆脆好味，朋友就叫咗個煎比目魚燥飯，比目魚都煎得幾好，味價錢又唔係貴喎， 最後就一杯 菊花杞子露同埋一杯烏梅汁，真係唔錯清清靜靜，尖沙咀但係又唔貴喎，埋單都係200蚊有找，兩個真係值得一試。

好耐冇試過一大班朋友去打邊爐今次特登book咗呢間好出名嘅邊爐😍餐廳位置就係k11格離，好方便一落到地庫就見到勁古色古香嘅裝修 好有特色👍坐低就梗係即刻睇餐牌啦嘢食款式都幾多下🤤醬料方面呢就係自助嘅今次我哋嗌咗勁出名嘅美人鍋同埋酸菜白肉鍋左邊嗰個就係美人鍋啦！我哋打邊爐打到最尾嘅時候仲食埋佢啲竹絲雞，唔好以為佢係湯料就冇乜味，煲度最咩都仲好好味㗎😍一行五人我哋今次嗌得比較多嘢食上至下呢就有韭菜餃，鵝肝墨魚丸同埋黑松露蝦丸真係要讚一讚個黑松露蝦丸本身唔食蝦嘅我都覺得呢個好好食黑松露同埋蝦嘅味道夾得好好，完全不失其中一樣既鮮味👍👍白玉蘿蔔同蟹子墨魚滑～梅花豬同埋霜降肉眼肥牛😆個牛嘅脂肪比例非常均勻 果然係賣優質食材嘅！極力推薦牛胸爽！！😍非常有咬口同埋陣牛味係慢慢出嚟嘅 正👍小羔羊肉片👍👍 一啲都唔騷👍仲有呢個一直都諗唔到會嗌，但係超級好食🤤擺落湯度浸一陣好似響鈴咁就夠啦😆如果以上嗰啲我哋都仲有嗌其他嘢食嘅黑柏葉同響鈴都非常推薦黑柏葉非常爽口～響鈴應該係自己炸既， 但係一啲都唔油！五個人，埋單都係每人三百到咁優質嘅食材黎講其實都好抵食🤤🤤下次一定會再約多啲人嚟試多啲唔同嘢食！

原來"養心殿"有幾間分店架！尖沙咀呢間都係第一次來食，因為出開尖沙咀買嘢，見到大門有兩行燈籠中間有"養心殿"招牌順著燈飾循環閃下閃下好得意特別，就停下來影下相順便食個午飯，要落樓梯才到達， 裝飾 幾有台灣風味，全木製造！又唔會騷擾到別人，坐落又舒服，叫了兩個午餐價錢不算貴， 套餐幾有特色！ 特別嗰盅台式燉湯真材實料 ，人參鬚竹絲雞湯，熱辣辣入口甘甘甜甜， 就連配菜都好特式，酸菜 甜菜 鹹菜共三色味道 ，不過最緊要是主菜，大大份特別照燒牛柳粒 牛肉好淋肉汁味濃，煎比目魚就有點似炸感覺，有點硬呢！不過配埋肉燥又幾夾， 最後兩杯飲品"杞子菊花路和烏梅汁" 清清甜甜食完肥膩就最夾啦 午市不用加一呢！門口 有養心殿招牌 好吸引好似去咗台灣感覺煎比目魚 肉燥飯照燒牛柳粒飯原盅台式 參鬚燉竹絲雞湯杞子菊花路和烏梅汁牙籤好環保 可以再用呢

😡😡昨晚到尖沙咀棉登徑分店，原先Book了枱的，因行錯路枕誤了時間，我們已知會遲，已在早10分鐘致電想說一聲，但打了兩次都沒有人聽，到找到鋪後，一入去完全沒有人招 呼，見到侍應跟他們說book了枱，一個同事又叫另外一個同事，不停叫我們等等，終於負責既人出現了（肥肥矮矮長頭髮，著住西裝外套）我們跟她說book了枱，她就立刻用非常無禮貌的語氣話：「你地咁遲，你地等下先啦！」遲左要等都唔緊要，我地都無催促過，最多當Walk in入，但眼見有枱都唔比我地都算，到叫我地入座的時候，果個女人又再用啲十分差既態度同責罵既語氣講：「遲你地又唔打黎講聲！」我朋友立即跟她說已經打左兩次，你地無人聽，佢再話：「我地好忙家，點聽啊！」(咁你就唔好話我地唔打啦)，跟住仲唔夠,再要講：「留枱不嬲都留15分鐘家啦！」呢個人咁既態度，我地都已經懶得理佢😒你地呢間鋪做到唔休做咁，唔知以為唔可以Walk in入，唔book枱唔去得，打開門口做生意自己唔聽電話仲要話人地唔打黎，啲野食幾好食都無用啦，有呢啲咁嘅員工，簡直幫公司倒米!