飲茶 (已結業)

母親大人愛吃中菜，中午找了家在尖沙咀新開沒多久的中餐廳飲茶。這家餐廳是很完美的中西結合，用了開放式廚房的設計，裝潢西式也很型格，店裡蠻大，我們下午2點半到可能因為過了午飯時間不用訂位可以立刻入座。來之前看到網路上的點心照片都好可愛，我們點了皇牌點心’睇住流奶’, 連名字都很趣怪哈哈。上來是三件黃色的小眼奶黃包，超萌！賣相可愛，味道也非常贊！一掰開就有奶黃流出來，包身很鬆軟，奶黃不會過甜，不知不覺吃了兩個（驚）哈哈！另外一個我很推薦大家試試的是手抓蔥餅，在香港很少吃到很好吃的蔥餅，因為不夠薄不夠酥軟。這家的連母親大人都贊好，上來有兩塊摺好的蔥餅，建議大家不要掰成小塊吃，要連蔥一塊吃會更香！蔥餅非常酥軟，不會很厚身，味道不鹹好好吃！我們還點了安格斯牛炒河粉。河粉很有米香味，不是那種很薄比較透明的那種，有點厚度很好吃。牛肉也很軟很香！我們還點了份上湯白菜仔。菜很嫩，湯底比較清淡，我不喜歡吃太鹹所以超愛！大家如果想吃可愛點心可以試試這家喔！

很失望的一餐，除了流沙包和蝦餃屬於正常質素外，其餘的真是不到水準。义燒包：少义燒，包不夠軟糯米飯：1pet嘢咁😫牛肉：沒有牛味的牛肉😟皮蛋豆腐：期望流心皮蛋配豆腐，點知係少少皮蛋碎加豆腐😰玄米茶：淡到似水😲我很少寫食評，比我寫得都真係⋯⋯⋯酒店價錢，但質素和環境都不值😡😡

當晚卜了7點半開始，因為實在有太多菜式想試，但兩個人實在有點困難，但實在太吸引喇，都引唔住點了不少個菜。味道同造型都很好，下一次還會再來，而且會叫多兩個朋友，試更多款！

有幾個台灣來的朋友，一心想食香港點心。同行嘅香港朋友卻偏偏不喜歡吃點心，而且一般吃點心的環境如添好運或茶樓也很嘈吵，不適合安靜地聊天聚舊，真的給我一個大難題！終於給我找到一間新開張的點心鋪，名字正正就是飲茶！除了點心，還有晚餐的中式菜餚，而且環境也不錯，所以就推介了朋友一起來試試！餐廳有個開放式廚房看到點心及小食的製作過程，感覺衛生！環境十分高級，是一間新式的點心鋪！菜單上有點港式廣東菜、有點貌似上海菜的小食、也有點心，很多款選擇！ 我們點了兩款點心分別是睇着流奶流沙包及一籠8 戒叉燒包，兩籠包點一放上桌面，大家便不禁大叫一聲好得意啊！然後同行的朋友不停拍照，拍了大概5 分鐘都仲未食得！我已經忍不住開始食流沙包，流沙包有一對眼睛在上面，十分可愛。咬一小口，入面的汁，不停流出來，味道十分濃郁，卻又不會太鹹，簡直是全香港最好食的流沙包！我們馬上又再叫多一籠流沙包！ 叉燒包是一個豬仔的圖案，亦是十分可愛，叉燒包的叉燒餡，十分入味，叉燒汁很多！ 除了點心外，我們還叫了小食拼盤，包括留口水雞、雞絲粉皮及椰菜吞鴨！口水雞有少少香辣，而不麻。雞絲粉皮很普通。椰菜吞鴨，就

今天帶了算是半個港女的媽媽去飲茶，為了滿足她可以影相Post相的興趣，選擇這裡，未有食物已經可以開始影。 各種點心的造型都很可愛，單看賣相已經夠吸引，食欲大增，味道也不錯，但價錢稍微貴了一點點。這個雀仔造型的是鳳梨酥，不會太甜，菠蘿沒有渣，酥皮都可以。 蝦餃就是表面多了點顏色外，跟平常吃到的差不多，Ok。 十分可愛的豬仔叉燒包，豬仔面皮算是軟熟，叉燒味道OK。造型贏晒。 我們都點了一些小食和小炒，雖然沒有可愛造型，但味道一樣不錯。 媽媽也非常滿意這次有得食有得影相的飲茶。記得預先訂枱喔，我們是閒日的中午去試，但都是滿滿的。

今日又去飲茶, 要食埋其他未食過的!一籠八戒: 就係叉燒包! 個樣十分可愛, 不過冇見住流奶咁突出....呢個就用樣貌取勝皮蛋豆腐豆腐好滑, 不過好淡口, 一定要夾住d皮蛋一起食.....清清淡淡都幾好橙棍冬瓜:呢個應該係甜品.....因為佢係橙汁味既冬瓜, 入口清甜爽口.....鹽水泡鴨:開頭以為真係得鹽水, 原來仲有花椒八角等, 口味好重,但鴨內嫩口鮮美....唔錯污糟撈面:味道都幾好,不過上台唔係太熱...

飲茶，我都幾鍾意，我阿媽好鍾意，但其實d茶樓食黎食去都係個d野，真係有d悶，所以唔會成日去飲茶。呢間食點心既地方同其他食點心既地方唔同之處，除左係點心賣相吸引外，食品既種類亦係優勝既地方。"飲茶"一睇就知唔係平野，裝修以粉藍灰白為主，餐具更別具一格，單單係環境裝修都已經值回票價😊由於係星期日，而又見到好多報導，唔訂位有d唔安樂，因為要早返屋企於是訂左第一輪6點入坐。一黎到唔駛等，可能因為太早，餐廳裏都只有2-3 枱客，感覺良好!點心紙上有好多選擇，有可愛造型點心，有冷盤，有小菜，有甜品，有飯麵，有小食仲有飲品。每樣食品都用左d好精美好有意境既名，真係花多眼亂。叫左都幾多野食唔係好記得名，有流沙包，雀籠鳳梨酥，咕嚕肉，雞排麵，墨魚汁飯，紅油抄手，皮蛋豆腐，黑醋雞鎚，蘋果撻，流心朱古力煎堆，糖不甩，菜，口水雞等等。。。我都唔記得😅最好味係流沙包，賣相可愛唔在講，真係好流又唔太甜。另外，墨汁飯都係值得一試，個名好靚又好味。口水雞亦係喜出望外之作，雞夠滑又唔太辣。特別想講下黑醋雞鎚，伴碟既燒菠蘿，真係超級香甜好味，而炸雞鎚亦非常出色，香脆又唔厚既炸漿，包住晒黑醋同放左一陣之都仲keep到脆口真

相约好朋友到此店只因被它的可爱点心所吸引！環境整潔，寛敞！開放式廚房，令食客吃得更放心！鴿吞鳳梨！原來是小鴿子造型的鳳梨酥！上枱時仍是暖的，內心的鳳梨清甜可口！一籠八戒！豬仔造型的义燒包！义燒切得極細粒，不肥不膩，調味很好！睇住流奶！其實是奶黃包！内裏充滿了奶黄，包身柔軟，非常好吃！朋友勁讚！雞絲拉皮！粉皮滑，調味好，但份量略小！青瓜皮蝦！蝦肉鮮，用青瓜卷着蝦同吃，味道清新！椰菜吞鴨！用椰菜包着鸭肉、紅蘿蔔及青瓜吃，配搭新穎！清淡而健康！

Yum Cha 是新派的中菜館，裝修摩登，碗碟及茶具也别緻。不過，沒有普洱，壽眉，鐵觀音，就只有玄米茶，而且茶包像重覆給客人使用般，因茶焗了一會，仍然淡如水，後要求加新茶包，味道就截然不同了。先吃造型可愛的小豬仔叉燒包，皮不是傳統皮，反而像叉燒餐包，很滑溜，幾乎拍得住王子飯店的天下第一包。餡料的叉燒粒分明及不肥膩，調味得宜，只略嫌乾身一些。鴿吞鳳梨的鳥籠盛器漂亮，鴿子造型卻粗糙了些，皮是蓮蓉酥的偏曲奇餅質感，個人的大愛，因不像傳統鳳梨酥那麼多牛油，較鬆脆，內藏大粒菠蘿蓉，似新加坡菠蘿曲奇餡，香甜煙糯，不知是否加入麥芽糖才做出此口感？睇住流奶，其實是流沙奶皇包，貌似蛋黄加兩隻鬼馬小眼，若從中開一小口，會像BB嘔奶般，流出奶皇，造型構思有趣，味道則中等，偏甜。另外，也點了小吃併盤，可揀三款小吃:小花青瓜，連着黄色的花，加上紫紅蘿蔔絲，顏色很漂亮，有點吃香蕉花沙律的影子，瓜爽脆，醬汁很有鮮味，但有點過鹹; 雞絲拉皮，片片分明，不會糊糊的全黏在一起，撒上大量脆脆芝麻，雞絲瘦得來又不乾，麻醬則有點杰; 豬手豬腳，可能烹調時間未夠，過硬一些，調味汁則混有大量蒜碎，極之惹味。大馬貴叼，不是一般中式酒

2015既最後晚餐同家姐揀左去「飲茶」講緊係尖沙咀新開既點心餐廳呢到係賣新派中菜同點心最最最吸引人既當然係佢既卡通點心啦未食野之前睇下d裝修先裝修比較現代modern唔單止裝修靚D餐具都好別緻，個碗入面有條金魚仔架話明飲茶又點可以無茶呢到冇得揀香片普洱茶入面有d玄米都幾香落單方面就係寫點心紙既唔講咁多，叫野食先沙姜雞 (小吃拼盤 $109選3款)沙姜雞好夠味，而且d肉好滑係份量細左d，得4件左右橙棍冬瓜 (小吃拼盤 $109選3款)呢個係冷盤黎，一條條既就係冬瓜望落去橙色係因為加左橙汁個配搭係幾新鮮不過我地都唔太鍾意橙汁味太似芬達(好假)所以食落有d奇怪同唔太夾小花青瓜 (小吃拼盤 $109選3款)都係冷盤黎用左d仲連住頂花既bb青瓜青瓜幾爽甜，頂花其實就冇咩味不過個醋太酸，所以扣左少少分睇住流奶 $49/3件跟住就到個個去到都會叫既卡通流沙包喇個樣真係好得意仲可以用唔同既方汰惡攪佢tim 哈哈個包雖然細細個，但都好鬆軟一咬落去d奶皇就會流哂出黎 (真係湧出黎，要小心)而且奶皇好重蛋黃味但又唔肥呢個包真係色香味同創意都有齊一籠八戒 $49/3件另一個必點既卡通點心就係呢個豬仔包入面就係

見到Instagram個個都影個咁得意既豬仔，我都冒名以來。 個名都新潮過既人既，「睇住流奶」，原來得意既外表入面內有乾坤。入面係人見人愛既流沙包。同蛋黃哥一樣，一篤就流出左流沙包啦！ 仲叫左個豬仔包，名為「一籠八戒」。 原來入面係實實在在既叉燒。兩款既面包皮都好鬆化，又唔會癡牙。奶皇唔會偏甜，食多幾件都唔怕。叉燒粒都唔少，啖啖肉，兩者都岩小朋友食。 「叉燒蒸腸」 有驚喜，粉皮簿既腸粉都係第一次見，最特別既係佢勁香麻油味，好食!

那天， 我上去了那晚上都有茶飲的YUM CHA.,我與我的Hipster friends總要去去香港地新奇有趣的地方。那裏是在Attitude Hotel的三樓，剛開張不久。廳面整潔、廚房光猛，看見一群廚師團隊精神奕奕地準備食物。與我的attitude很像，做人要有passion、出品要認真。你見過這麼可愛的名字嗎？鴿吞鳳梨，其實就係鳳梨酥，甜度適中,放在一個鳥籠裡面等我一口咬下去還它自由。點心來了，很可愛的粉紅色豬，菜名叫一籠八戒，好好笑。然後係一籠黃色嘅大眼仔，其實係一籠奶皇包，小朋友一定好鍾意、太橋啦，你睇下我點樣整到佢O嘴。仲有一個糯米飯，見到尖尖嘅，好似頂尖帽，四粒細細舊、唔飽又唔滯。一道麥皮塘蝦，炒得夠脆夠乾身，我特別推薦，好香好有蝦味。這叫花腿娃娃嘅浸菜，新鮮的菜、淡淡的菜香加上香濃既火腿味，我成個湯都飲晒。炒牛柳粒同薄薄嘅蓮藕片，賣相很好，加埋近墨者黑，我都有七成飽啦，唔知我講咩？就係佢蛋白墨魚汁飯啦。甜品好特別啊，係一個楊枝甘露上面有個棉花糖，滿足了。食完飯我想去上一層個Bar度睇下啦，發現佐石屎的森林一片綠洲。bar外面有一個outdoor area,問店員原來有個

一家三口好像很久沒去嘆一盅兩件了。最近偕同太太及小友到訪這一間新派的點心店，收費價位是不便宜但吃後感覺倒是挺一般....儘管已預早一天訂了座，但上到來時還是少不免要等一陣。始終今天是週日，再加上又是屬尖咀區內不太常見有的非酒樓格局的點心店，所以這兒仍然是有市場的....路過門口的開放式廚房，廚師們很努力地搓粉包點心處理食材。想不到小小的一間店子，廚房內也挺多人手啊....甫坐下四圍八卦一下，喵到了面前一只頗精緻的碟子。再睇埋店子的裝潢擺設，可見店主是有花過花思去攪這間店子....餐牌上點心的命名甚為攪鬼有趣 ---- 甚麼"一籠八戒"、"睇住流奶"等等。令人看後會心微笑....不過對於我這個一向最著重食物味道的人來講，若然東西不好吃的話就算甚麼gimmick都是徒然....點了為數不少的大點小點，但先上桌的竟然是通常押尾的炒粉麵以及甜食。東西上桌的次序有點太亂來了，亦由此讓我得了一個不太好的印象....不過話說回來，這幾道打頭陣的甜點及麵品水準是尚不俗的 ---- 松露炆伊麵既不乾又不濕也非油，入口還帶少許煙煙韌韌的另外松露醬亦沒有吝嗇地下芳香撲鼻。材料雖只得菇以及一些青豆仁但說老實光

叫得飲茶，當然不能缺少了點心。最近這間飲茶吸引了很多客人慕名而至，裝潢設計不但清爽簡潔，開放式的廚房更能吸引客人的好奇之心。其實，細心留意之下，設計中用了很多吊飾來裝飾，當中更有不少鳥籠，相信是這間餐廳的特式，而且杯杯碟碟也有獨特之處，有條突起的金魚作裝飾，有趣有趣。由前菜的【橙棍冬瓜】開始，清爽的質感，配上甜美的橙香，入口清新，是可令胃口大增的。再來的【小花青瓜】是我第二次接觸青瓜苗，那種獨有的爽脆感真是一可多得，以酸醋來拌，同樣清新開胃。最後的是【青瓜皮蝦】有著蒜泥白肉的變奏版，不過當然會有著更爽更嫩的感覺。前菜都選了清爽為主，最能勾起食慾。再來就是一系列的點心，這道七彩斑斕的【有色蝦餃】真是做得有聲有色，餃皮尚算適中，蝦餡爽口彈牙，算是不俗的。來了兩款造型可愛的飽點，其中一個是【一籠八戒】，另一個是【睇住流奶】。先是八戒飽，可愛的豬頭內包著的是叉燒餡，吃來味道不錯。而流奶飽則是流心奶黃包，熱辣辣的，奶黃從扯開的裂縫中流出，相當甜美。兩款飽點在賣相上確是勝一籌，取名也頗為有趣。另外有一款點心用上招牌的鳥籠，盛著的正是【鴿吞鳳梨】。將造型可愛的鳳梨鴿子酥放進這個特別的小鳥籠內，給人一

放假當然一定約班閒人去飲茶，尖沙咀又有新派中式餐廳登場！餐廳是以時下西餐廳設計、簡潔。以開放式廚房即叫即蒸點心及新派菜式為主。平日都人頭湧湧，已經有好多慕名而來的本土客。班閒人話要去睇下，食下啦！ 未到午飯時間，已經好多人了。點心係特色點心，賣相特別。點了幾款點心及小吃。麻辣燒賣，睇住流奶，鮮蝦蒸腸粉，鴿呑鳯梨，玫瑰白糖。 麻辣燒賣小小辣，餡料是以傳統燒賣注入了麻辣油，味道不過不失。 睇住流奶其實係奶王包，奶王味道香又滑、包皮好香軟、賣相好得意。 鴿呑鳯梨，其實是做成白鴿型的鳯梨酥、用上一個特制的雀籠盛載、十分特出。由於是即焗關係，所以酥皮香味突出、入口帶有牛油香味及鬆口，餡料菠蘿味道濃郁、唔甜！ 玫瑰白糖糕、好少食蒸白糖糕，加上玫瑰花去蒸就更加是第一次。蒸白糖糕、糕身鬆軟、玫瑰花味道就使白糖糕的酸味都消失。 鮮蝦蒸腸粉是今日普通之作。腸粉皮還可以、但雪蝦我就不太喜歡！ 餐廳員工、廚師大部份都是年輕人、Happy to help 係佢地使命，希望佢地做得到！