顏府御膳 (已結業)

今日同朋友嚟銅鑼灣食Lunch, 揀咗呢間環境高貴，坐得舒適嘅中菜。午市套餐有唔同款式選擇，有齊頭盆．老火湯．主菜．甜品👍🏻每道菜式都好精緻，吃得出廚師製作好用心。老火湯竟然遇上我最愛嘅粉葛鯪魚湯，真材實料，飲得出沒有添加味精😍「川味手撕雞」辣辣地好惹味「青瓜海蜇頭」海蜇頭比平日吃到嘅海蜇，更好食更爽口。做前菜一流👍🏻「鳳梨咕嚕肉伴炸雲吞」好喜歡呢道菜，皆因酸酸甜甜好醒胃，底層炸雲吞，就算淋上醬汁都無淋，依然好脆好香口😍「荷香鮮沙薑陳皮生煎雞焗飯」用荷葉墊底，米飯都充滿沙薑陳皮嘅味道，配埋鮮嫩雞肉，的確唔錯👍🏻「桂花雪梨燉蘆薈」好滋潤，唔太甜，為今餐畫上完美嘅句號。店員有服務有禮貌，絕對是酒店級質數。下次dinner時段過來，可以開支酒飲下🤤

同事想食中菜，同佢一齊來呢度食～.🌸鎮江肴肉呢款係江蘇傳統名菜，肉紅皮白，光滑晶瑩，瘦肉香酥，肥肉不膩，配上鎮江香醋，另有一番風味～.🌸尖椒皮蛋 涼拌小菜，超級惹味～.🌸海底椰玉米龍俐脷葉煲豬腱老火湯 必飲～.🌸鮮沙姜陳皮生煎斑球 熱辣辣上鍋，斑球外皮微微酥脆，內裏超級嫩滑。.🌸大澳蝦醬唐生菜半顆唐生菜咁放進去燜炒，唔似平時食開嘅一片片，好有特色。蝦醬味道好濃郁，鹹淡適中。.環境幽雅高級，西式擺設 中式料理。

阿姨生日，找了一家大家都未去過的中菜館，相約去到銅鑼灣開平道的Cubus！餐廳裝潢有格調，微微昏暗的燈光，座位寬敞！每枱都有小食芝麻合桃，外層裹住焦糖，咬下去非常鬆脆，驚喜！菜單有前菜，湯羹，麵飯，小菜等等。前菜點了麻辣土豆絲和青瓜海蜇頭。香辣惹味的土豆絲，每條土豆絲都非常爽口，切得好幼細好均勻，刀工一流！這道菜用到乾辣椒、花椒炒，椒麻味和酸辣味令人垂涎和更開胃！涼拌菜青瓜海蜇頭也非常適合春夏天吃，爽脆的海蜇頭加青瓜，還有雲耳，滿滿麻油香味，清爽好吃！花膠瑤柱羹點了兩碗，大讚！花膠，木耳和肉絲都切到好幼細，飲到湯羮有清甜的雞湯味，還有很多瑤柱絲，好足料的湯羹！推薦！鳳梨咕嚕肉拼炸雲吞這道菜彷彿為我而設XD因為我好鐘意食咕嚕肉同炸雲吞，沒有想過一道菜可以滿足我兩個心願！首先，要讚一讚咕嚕肉，用了肥瘦均勻的豬肉，口感又不失彈牙，肉汁豐富，炸粉不厚，外脆內嫩！咕嚕汁酸甜適中！新鮮菠蘿也很讚！炸雲吞好脆，已經好耐沒吃過高質素的炸雲吞了！蒜子濃湯魚肚浸大芥菜砂煲上，熱辣辣，非常濃厚的湯，每口都有豐富膠質，好甜！魚肚大塊又爽口，吸了滿滿湯汁，大芥菜好新鮮，不老沒有渣！整體令人非常滿意的一餐！

好耐冇試過同媽媽食中菜，前幾日咁啱佢去開銅鑼灣，我就陪佢去銅鑼灣呢間顏府御膳，坐得舒舒服服咁食餐中菜。首先一開始會有碟合桃同埋XO醬，合桃外面好甜好食，XO醬都好足料好香，有好多蝦同瑤柱。🍤金沙脆豆腐 $88豆腐炸皮薄，外脆內軟。同埋即炸熱辣辣好食。雖然豆腐係炸出嚟嘅，但豆腐味依然好濃郁，可以感受到豆腐好滑。如果覺得豆腐唔夠味，可以加埋餐廳嘅XO醬一齊食，餐廳嘅XO醬蝦味好重好香，同埋佢唔會太辣，好適合用嚟調味。🥔酸辣土豆絲 $98我自己都算食得幾辣，但呢個土豆絲對普通人來講可能會有啲辣，不過唔緊要，因為土豆絲佢哋醃得好香，我就覺得點都要試吓啦。🍲海皇酸辣湯 $148酸辣湯用料好足，啖啖都好濃味，飲完每啖都想繼續飲落去，個湯真係會越飲越上癮，好開胃。🐷農家乳香黑豚肉 $168黑豚肉好淋好正，豚肉味好香。同蓮藕炒埋之後，個香味更加突出，廚師將個味道炒出來控制得唔會太鹹又唔會太淡，好食。🥬羊肚耳珍菌濃湯浸時蔬 $148蔬菜係用濃湯浸煮出嚟，濃湯嘅味道就好似牛乳咁，非常之鮮甜，又好似有啲鹹蛋黃味咁。蔬菜將濃湯嘅味道吸收晒，食菜嘅同時就好似將湯都飲埋。雖然呢間中菜唔算平，但佢嘅環境真係好舒適，

話咁快又到weekend，辛苦左成個禮拜今日晏晝食好啲。去咗銅鑼灣CUBUS 搵好嘢食，今日就揀呢間 顏府御膳，呢一棟大廈每間餐廳嘅裝修唔使講都一定係靚。坐低咗見到佢哋有個午餐菜譜，都有好多選擇，簡單啲就食 set lunch啦，今天揀咗頭豬展海底椰粟米龍利葉煲豬展，紅椒汁蘆筍蝦餃，脆皮麻辣燒賣，伴水芹菜，涼瓜豉蒜炆頭腩，白飯一碗。南北杏雪耳燉萬壽果。個湯好足料好清甜，個麻辣燒賣好特別。個頭腩，都非常新鮮不過就係鹹咗少少.最喜歡就係個甜品.

早排朋友話想食中菜，今次就帶佢嚟咗位於銅鑼灣嘅呢一間主打精緻中菜嘅中菜餐廳食晚飯，環境闊落非常舒適，值得一讚店員的服務非常貼心，整餐用餐體驗良好🤩_前菜：琥珀合桃合桃香脆可口，另外店員仲有送上足料XO醬俾我哋試吓，味道帶鮮味_鮑汁鳳爪 $88鮑汁味道濃郁，鳳爪份量充足亦夠入味，旁邊亦有花生粒，鍾意食鳳爪嘅朋友仔一定要試吓_籐椒木耳 $88木耳爽脆有咬口，配上籐椒食落去帶麻香，非常開胃_蟹肉蛋白魚肚羹$128 (每位）呢個魚肚羹飲落有驚喜，蟹肉分量比想像中多，配上爽口魚肚同蛋白入口順滑，有暖胃效果😍_尖椒豉椒炒和牛$198牛肉食落去夠軟稔，整道菜式夠鑊氣，同朋友都覺得幾好食😋_顏府酸辣粉 $68今次同愛好辣嘅朋友叫咗呢碗酸辣粉，食落去酸辣湯非常惹味，配上花生粒、肉碎、木耳能夠增加口感，為整餐畫上完美句號💜

#顏府御膳 已經不是第一次來這裡品嚐中式 fine dining , 每一次都非常滿意及保持高水準，晚餐試過了，今次試下中午菜單先🧡🧡 真係有驚喜，餐廳會在傳統菜式加以創新， 真的很會了解食客們的需要😍😍🔹午餐set $180 / 位🔹脆皮麻辣燒賣， 這款極好味，麻辣味好出但不會過火，燒賣還是炸的，外脆內麻😋😋😋😋🔹紅椒汁露筍蝦餃，這個蝦餃粉橙紅色外皮，已經很吸引，內裡的蝦肉彈牙爽口，品質一流😉😉😉🔹野菌燒汁和牛，真係識嘆，中式炒和牛加上鮮菌汁，好夾👍🏼👍🏼🔹荷香鮮沙薑陳皮生煎雞焗飯 私心推薦！個飯有雞油香和勁香的陳皮味，不會油膩，沙薑雞更是入味❤️❤️❤️❤️還有湯和甜品顏府御膳地址︰銅鑼灣開平道1號Cubus 5樓

今早姐姐突然約我食晏，自然奉陪到底，因為佢次次都有好介紹，佢話這個年頭習慣了，午餐想吃好，反而晚餐簡單都得，我哋去了顏府御膳，叫得御膳應該唔簡單，菜式該好精緻，但中午來先試午市套餐，都已經覺得好豐富。兩個人先來一人一碗老火湯，紅蘿蔔雞腳瘦肉瘦肉，非常潤。湯的顏色很靚，嗅到香味都知道係好嘢。知道呢度清菜都得，前菜揀兩款辣的，口水雞及紅椒汁蘆筍蝦餃。蝦餃呢，有少少辣汁味原來幾好食，蝦又爽口皮又薄，讚新口味，正呀！口水雞雞肉好滑，口水汁好辣，唔記得留返黎送白飯，下次記得唔好俾佢收咗。主菜揀咗野菌燒汁和牛，跟一碗白飯，就係見到碗白飯先至醒起口水雞早收咗，和牛當然嫩，野菌燒汁好好味，只嫌不夠多，送飯正。荷香鮮沙薑陳皮生煎雞焗飯應該是迷你版，姐姐話食過正常嘅更好食，我覺得已經唔錯，煎的雞幾香，就係雞胸比較多，都唔算嚡，有味飯，好味。南北杏雪耳燉萬壽果糖水真心好，雪耳唔硬，又林又滑，我好少雪耳都讚！

👉放寛限聚令，姊妹又要聚一聚。揀呢度貪佢地點方便，最重要係靜靜哋比我哋傾吓偈😆.呢度望落唔係好大，但樓底高，環境舒適，唔錯。.📌金沙脆豆腐 $88 ～ 小粒一口豆腐外脆內嫩，炸完都仲係咁滑溜，加埋XO醬一齊食 ~ 絕配👍📌藤椒木耳 $78 ～ 冷盤木耳混上麻辣醬油，香麻辣度啱啱好，作為前菜醒醒胃☺️📌海皇酸辣湯 $148/位 ～ 有別一般辣湯，味道較酸正合我意，質感濃厚超足料，特幼豆腐絲突顯大廚功架👏📌蟹肉桂花炒瑤柱 $248 ～ 好多蟹肉、瑤柱走油後伴碟脆卜卜，成碟餸都炒得好乾身，絕冇多餘油份，女士們必點！📌嫩雞煨麵 $78 ～ 手撕雞嫩滑，麵質彈牙，湯底香濃冇味精，飲得出真材實料熬製，輕易做出掛麵效果🤤小棠菜錦上添花，感官、味蕾同時level 🆙👉員工服務好足又到位，唔會太多亦唔會少。我哋食完慢慢傾，員工都冇唔耐煩，茶都幫我哋加咗幾次，超讃👍☝️呢度價位同大集團連鎖中菜差唔多，但服務、菜式、味道、用料都比佢哋精緻。以後吹水聚會又多個選擇😄

One of the best Chinese restaurant set lunches I’ve had in causeway bay with delicious food and excellent environment! Some may think that the set lunch is a bit pricey but considering the quality of the food and the environment, I think it’s quite reasonable 👍👍Apple pear soup 🥣 It was a very nourishing and comforting, like the taste of home 🏡 it was very smooth and warm, a great opener to our meal 😋Shrimp dumplings 🥟 I was afraid it would be spicy but it wasn’t 😆 the shrimp was fat and juicy ju

好耐冇去過銅鑼灣食飯個晚咁岩要去誠品 於是就直接係附近搵食 睇中左呢間中式菜聽個名都覺得好似好勁咁😂我地4個人叫左4道菜同一個煮家湯🤣好飽不得制仲食唔哂啲份量好夠川味涼拌手撕雞其實港女唔太好手撕雞，因為成日出面食既手撕雞都好難咬好彩係呢間既手撕雞滑得黎仲要幾有四川味，食得出有豆瓣醬赤小豆粉煲鯪魚其實淨係睇menu係唔知咩湯，問左先知粉葛湯，諗到可以祛濕就一人一碗呢個湯好有驚喜，飲落無味精但相當夠味道好好飲農家乳香黑豚肉D肉好有豬味，但係友人就覺得好食係好食，但黑豚肉拎黎炒覺得好浪費🥲蟹肉桂花炒瑤柱朋友超鍾意呢款，必食撞介，成碟都係脆卜卜，炒得好香口，送飯一流桂花有畫龍點睛感覺兩面黃出面食開兩面黃係兩邊脆，中間軟，但呢間成塊都係脆，應該係炸，而且上碟時好好咁切開四舊☺️十分過癮，一舊拎起點左汁都唔會脆淋淋食過返尋味指數： 8/10 餐廳: 顏府御膳地址: 銅鑼灣開平道1號Cubus 5樓

大江南北菜式，偏愛粵菜着重食物原本的味道及川菜的麻辣鮮香，於銅鑼灣食廈Cubus新開的顏府御膳，主打新派粵川菜。餐廳裝修帶點夜上海的風韻，璀璨的紅色巨型燈飾，配上高雅米黃色的傢俱，新派傳統混合一身。看完裝修一定會以為菜式價目應該偏高，想不到價錢與一般酒樓相距不大。琥珀合桃自家製琥珀合桃，上了一層糖漿及芝麻，啡褐色的富有光澤，猶如琥珀一樣，合桃鬆化少甜。鮑汁鳳爪鳳爪炆得軟而不爛，鮑汁濃郁槳口，膠質豐富，可以多多補充骨膠原，好好美顏一番。金沙脆豆腐炸豆腐做得外脆內軟，一口一顆，外層薄脆，豆腐豆味清香，十分嫩滑。野葛菜煲生魚野葛菜煲生魚湯色融而不濁，油份不多，入口濃郁鮮甜，是不可多得的正宗廣東家常老火湯。喝一口鮮甜清香的老火湯，清熱去骨火，在濕重的春天喝下去確是窩心舒服。鳳梨咕嚕肉伴炸雲吞台灣金鑽鳳梨是近期大熱水果，自己亦買了一兩個一試，不過與外面餐廳相比，自己買的鳳梨好像不太甜。是夜的鳳梨咕嚕肉伴炸雲吞，鳳梨非常清甜，咕嚕肉炸得十分鬆脆，肉排略肥，入口有肉地亦有油香，炸漿不太厚。炸雲吞鬆化不硬，配上甜酸醬，十分可口。薑米瑤柱蛋白炒飯瑤柱蛋白菜粒炒飯炒得粒粒分明，瑤柱拆絲，味道甜美，配上自家

今日經開銅鑼灣就帶媽咪順道到這間顏府御膳食中菜，喜歡這裏食物精緻，環境不錯👍餐牌上有午市套餐，頭盤、主菜、甜品等😋粉葛豬骨湯湯底香濃煲得很入味，調味適中。口水雞/紅燒汁蘆筍蝦餃 （頭盤）口水雞雞肉肉質嫩滑，味道辣度足夠也刺激味蕾，會感到又麻又辣。蝦餃爽口彈牙，餃皮加入了蘆筍，感覺健康又有益😋野菌燒汁和牛/xo 醬蝦乾肉碎炒芥蘭和牛油花均勻，色澤紅潤，入口帶有油香，肉質鬆軟，肉味香濃，加入燒汁一齊炒更提升牛肉的味道👍XO醬蝦乾本身已經很香口，鹹鹹地香噴噴，加入嫩嫩綠綠芥蘭一齊炒，好惹味！配搭飯一流😋南北杏雪耳燉萬壽果熱辣辣微甜，雪耳爽口加入南北杏一齊燉，養顏有補身😋

銅鑼灣精緻中菜館店內環境高級優雅 紅色吊燈充滿華麗感有幸上司食lunch帶埋我嚟見識原來午市套餐幾經濟 應有盡有 完全食到飽飽*老火湯*🥣海底椰粟米龍利煲豬𦟌好鍾意個湯 清甜滋潤 無味精原汁原味 *頭盤*🥢紅椒汁露荀蝦餃蝦餃皮已經有紅椒味道 蝦肉爽彈鮮味🥢脆皮麻辣燒賣賣相似一道炸丸小食 炸得香脆 少辣開胃*主菜*🥢野菌燒汁和牛和牛好軟嫩 燒汁味濃 非常下飯🥢荷香鮮沙薑陳皮生煎雞焗飯飯粒吸收哂荷葉香味 煎雞外焦內軟 非常美味*甜品*🥣南北杏雪耳燉萬壽菓飯前湯水 飯後糖水 非常之滿足最鍾意有木瓜 好清甜 轉季真係要滋潤一下 套餐$180/位 茶芥$20/位

今日經開銅鑼灣就帶媽咪順道到這間顏府御膳食中菜，喜歡這裏食物精緻，環境不錯👍餐牌上有午市套餐，頭盤、主菜、甜品等😋粉葛豬骨湯湯底香濃煲得很入味，調味適中。口水雞/紅燒汁蘆筍蝦餃 （頭盤）口水雞雞肉肉質嫩滑，味道辣度足夠也刺激味蕾，會感到又麻又辣。蝦餃爽口彈牙，餃皮加入了蘆筍，感覺健康又有益😋野菌燒汁和牛/xo 醬蝦乾肉碎炒芥蘭和牛油花均勻，色澤紅潤，入口帶有油香，肉質鬆軟，肉味香濃，加入燒汁一齊炒更提升牛肉的味道👍XO醬蝦乾本身已經很香口，鹹鹹地香噴噴，加入嫩嫩綠綠芥蘭一齊炒，好惹味！配搭飯一流😋南北杏雪耳燉萬壽果熱辣辣微甜，雪耳爽口加入南北杏一齊燉，養顏有補身😋