顏府御膳 (已結業)

高級食府。色香味俱全。火候十足疫情期間想食得安全啲，專登要揀啲靜啲嘅餐廳，又要空間感夠，今晚我哋決定試吓樓上嘅「顏府御膳」。餐廳環境佈置如高級食府，可以靜靜地食餐飯。我哋揀咗幾樣餸，幾款都唔錯。尖椒皮蛋 $98尖椒佈滿整碟皮蛋，又辣又刺激🤩其實我覺得好好食，可惜本身唔係太食得辣所以食咗半碟左右就食唔到啦😅蟹肉蛋白魚肚羹 $138（位）啖啖蟹肉嘅魚肚羹，好鮮甜😍砂鍋和味粉絲海中蝦煲 $298上枱嘅時候，職員會在你面前炒兩下，立即香味撲鼻，引起食慾大增。大大隻海中蝦，鮮甜又彈牙，不能錯過吸滿精華嘅粉絲😍忍不住叫了兩碗白飯🤩鐵板陳皮沙薑生煎雞 $238鐵板上嘅生煎雞，熱辣辣香噴噴，砂薑味中帶有陳皮香味，色香味俱全。砂鍋XO醬蝦乾肉碎炒芥蘭 $148同樣砂鍋上嘅炒芥蘭，保持熱辣辣上枱，滋味嘅XO醬伴隨鮮味蝦乾炒嘅芥蘭，既香既鮮，爽、甜、鮮。每碟餸都火候十足，餸飯一流👍🏻👍🏻顏府御膳地址: 銅鑼灣開平道1號Cubus 5樓電話: 28990055

長大了就要帶家人吃好點😚顏府的精緻中菜及氣派裝橫都令爸爸讚不絕口🥰佢食得開心，我都開心😄$20餐前小吃🥜琥珀核桃以麥芽糖同芝麻炒製而成，甜甜地又夠脆口🤤令人不斷一粒一粒放入口😋$78尖椒皮蛋🥚皮蛋精瑩，非常香口🤤但略嫌尖椒太多，我作為嗜辣者都覺得太辣😖$88保健老火湯🍲原盅野葛菜煲生魚滿佈精華但又不會油膩👍🏻湯味濃郁😋$198鳳梨咕嚕肉伴炸雲吞🐷咕嚕肉外皮酥脆，外脆內軟！豬肉超稔👍🏻放耐咗都仲好脆口👍🏻炸雲吞一樣熱辣辣超酥脆，碟中間菠蘿好甜好甜🤤🤤🤤第一次見加士多啤梨炒菜🍓覺得幾特別☺️芡汁調得好，唔會太酸或太甜👍🏻$138砂鍋XO醬蝦乾肉碎芥蘭🥬原鑊上菜好有鑊氣，炸炸聲🤤有多隻大蝦乾😋肉碎唔係乾柴瘦肉碎，反而用豬肉砌粒，有少少肥肉😋仲有絲絲金華火腿👍🏻芥蘭超嫩，嫩到以為食緊露荀👏🏻$168肉絲煎兩面黃🧇爸爸最欣賞雙面黃這道耗功夫的潮州菜👍🏻幼麵炸至十分乾身，連內裡都炸到脆卜卜😋香脆又可口👍🏻冇油抑味👍🏻👍🏻淋上肉絲和芽菜絲澆頭，兩者非常之夾👍🏻總括而言，餐廳可以尋回複雜菜式的滋味，上菜亦視乎食客進食進度，不慌不忙，員工亦細心添茶水、講解每道菜式👍🏻高質菜式🤤高級享受💯

><朋友逆市升職加薪 趁仲有晚市於是賀一賀搵咗間食精緻中菜嘅餐廳環境舒適 氣氛優雅 又有間開嘅房幾啱business meeting琥珀核桃 香脆甜甜可口作為餐前小食係唔錯嘅選擇青瓜海蜇頭平時都係食到海蜇條咁有厚度嘅海蜇頭少見仲有爽脆青瓜同木耳可配合xo醬增添香辣鹽燒茄子大小均一嘅金黃長方形條堆砌先嚐到酥脆香口 後係茄子融化於舌上有孜然粉?!加以調味 一嚿接一嚿食唔停口海皇酸辣羹份量慷慨 每啖都好足料面頭澆上一層辣油再提升咗個辣度 成個人暖晒鐵板鮮沙薑陳皮生煎雞上枱時咋咋聲 香氣滿溢店員不斷翻炒 令雞件添上焦香雞肉鮮嫩彈牙 果然係招牌菜嫩雞煨麵湯頭濃稠有黏口 最後成碗飲清光麵條幾容易就掛湯 雞絲雞皮小棠菜切成已入口size可以一箸享受晒唔同款><><><><><><><><><><顏府御膳銅鑼灣開平道1號Cubus 5樓

最喜歡到公司附近這間顏府御膳食午市套餐，今天就相約同事到這裏食返個美味午餐🥣裝修優雅有氣派🥰餐牌上的午餐菜譜食物非常豐富，價錢合理👍今天的精選老火湯是粉葛煲豬骨，湯的味道清甜而且唔油膩，粉葛的味道都幾突出，容易入口😋涼伴窩筍絲/脆皮麻辣燒賣萵筍絲切得好又細，容易入口，酸酸地很開胃。脆皮麻辣燒賣都係第一次食，外皮炸得香脆可口，微嫩，蝦肉新鮮爽口彈牙👍農家乳香黑豬肉/涼瓜豉蒜炆頭腩農家乳香黑豬肉配料有蓮藕、黑木耳、豬肉和秋葵，每種蔬菜都健康有益，豬肉切得好薄又嫩滑，肥瘦適中😋涼瓜豉蒜炆頭腩，苦瓜和魚都很好食，苦瓜清熱解毒味道甘甜，配上豉蒜很好佐飯，魚肉新鮮幼滑👍南北杏雪耳燉萬壽菓這個甜品非常清甜，木耳煮軟淋，木瓜綿密鮮香，很滋潤😋

呢間餐廳係位於銅鑼灣Cubus既高級中菜館，之前同朋友黎食過午餐，覺得唔錯。餐廳以中國風為主調裝潢，到了晚上格外有氣氛，華麗又不失優雅。鮑汁鳳爪 $88鮑汁濃郁，鳳爪軟淋，可謂是入口即融。金沙脆豆腐 $88金沙脆豆腐看上去挺誘人，令人直流口水，金沙豆腐的「金沙」，其實就是炒香的鹹蛋黃😍，令人愛不釋手。竹笙花菇燉菜膽（每位）$128竹笙花菇燉菜膽，鮮美無比，娃娃菜燉到綿軟，入口即化。尖椒豉蒜炒和牛 $198和牛肉質軟硬適中，牛肉味濃，炒得非常有鑊氣和入味，連配料都忍不住全部ko。😂醬油安格斯牛菘炒飯 $188炒飯色澤均勻，粒粒分明，鑊氣飄香，牛肉剁極細，再配上切碎的洋蔥蒜頭及香蔥，口感十足，令人食指大動。

對自己好啲，不如食精緻中菜啦！不過晚市食精緻中菜通常都比較貴，所以我哋選擇午市嚟到銅鑼灣嘅顏府御膳。呢度嘅午市套餐有齊前菜、湯、主菜同糖水，價錢唔貴又見得人，真係嚟個lunch business meeting都得。老火湯今日嘅湯係雪梨紅蘿蔔煲豬骨湯，勁足料好鮮甜，完全無味精，係屋企嘅原味道。口水雞呢度嘅口水雞係預先起骨，製成雞絲，食得夠晒方便之餘，仲好入味；記住加埋青瓜一齊食，咁就更加有口感。味道方面唔算太辣，少少麻，味道好有層次。紅椒汁蘆筍蝦餃另一個前菜選擇咗紅椒汁露筍蝦餃，由於外皮用紅椒汁製作，賣相呈橙紅色，非常吸引，而食落仲有少少嘅紅椒鮮甜味道。蝦仁同蘆筍帶嚟double爽脆感，非常彈牙。野菌燒汁和牛主菜方面就揀咗和牛，估唔到和牛份量都唔少，牛肉味超香濃，加上燒汁就更加惹味。涼瓜豉蒜炆頭腩頭腩啖啖肉，魚肉嫩滑，蒜頭豆豉勁入味，用嚟送飯真係一流！南北杏雪耳燉萬壽果糖水方面，萬壽果非常清甜，加入冰糖、南北杏同雪耳，夠晒潤肺潤喉，啱晒轉天氣嘅時間享用。（記住Like同Share畀朋友）By A姐M佬 玩樂日記

好耐無出去食晚飯，揀左食中菜，呢間係銅鑼灣區嘅高級中菜廳，食精緻中菜，設計帶點d西式，但價錢又唔算太昂貴，得禮之選。環境入到去燈光同設計都較西式，望到枱面更有紅酒，望真啲舖左枱布，樣貌較西式嘅茶具餐具其實都係中菜之用，設計有心思。餐牌除左傳統中菜款式，當然唔少得一啲crossover菜式，例如有慢煮牛肋排、黑豚肉等等。 鮑汁鳳爪 $88份量好多，鮑汁醃至入味不至過鹹，煮到好焾，唔洗點咬已經骨肉分離，做前菜啱哂。 花膠瑤柱羹 $158/位非常足料，啖啖真材實料，清甜，飲完其實都真係飽左一半。 鳳梨咕嚕肉伴炸雲吞 $198上枱已經聞到酸甜味，估唔到又係大大份！色彩鮮艷光澤，咕嚕肉炸至外層脆香，粉層不厚，肉裡肉質正常，而炸雲吞夠哂大舊！美中不足係酸度較高，少食多滋味，否則喉糖會頂唔順。 羊肚耳珍菌濃湯浸時蔬 $148以雞湯烹調，味道清甜，羊肚耳珍菌十分爽口，又可索湯汁，菠菜翠綠新鮮，安排係咕嚕肉後上可解酸甜之刺激。 顏府酸辣粉 $68每人一碗，酸度足夠，辣度就可更高，食完唔會口渴。總括而言，同朋友/另一半想食中菜但又唔想去傳統酒樓，又想嘆到西餐廳格調，呢到就係好好嘅地方。

之前上網見到有間位於銅鑼灣嘅中菜餐廳，室內設計別緻，今日lunch time見有充裕時間，所以一於去試下。黎到見到餐廳嘅設計果然冇令我失望，用上多盞紅色水晶吊燈，餐廳光猛之餘又夠晒高貴優雅。顏府嚐味午餐菜譜 （每位 $180 ）+ 香片茶 （每位 $20）🥣顏府精選老火湯：應該係西洋菜紅蘿蔔湯，清清地夠晒下火。🧆頭盤：脆皮麻辣燒賣 & 紅椒汁蘆筍蝦餃 燒賣外皮香脆，辣辣地幾惹味。外皮橙黃色蝦餃幾特別，一啲都唔辣，加埋爽脆蘆筍和蝦一齊食份外有口感。🍲主菜： 野菌燒汁和牛 & XO醬蝦乾肉碎炒芥蘭牛肉片肉質鮮美，一啲渣都無，炒野菌醃得好入味。蝦乾都幾大隻，肉碎炒芥蘭切得大小適中，非常易入口。🧁甜品：南北杏雪耳燉萬壽菓呢個好飲，好滋潤，甜甜地好暖胃。🫖佢地嘅香片茶幾好飲，真係不停咁樣斟不停咁樣飲😜。另外，餐前小食係四貴豆都幾開胃，唔錯。

個套餐包括有頭盤(7選1)、老火湯、主菜(6選1)同甜品($180)😙而餐廳環境好雅緻, 掛滿紅色別緻吊燈, 坐得舒服, 服務態度都不錯👍🥢sɴᴀᴄᴋ·脆皮麻辣炸燒賣🥢sɴᴀᴄᴋ·陳皮上湯牛肉球﹟頭盤有一啲小食或者點心選擇, 我就簡左點心食😋個燒賣幾特別, 外層炸到脆得黎入面咬落足料又真係有麻辣既調味, 幾過癮😂而個牛肉球夠滑身, 淋埋個上湯, 食落有淡淡陳皮味😜🍴ᴍᴀɪɴ· 蘋果雪梨南北杏煲豬展湯﹟飲落係真材實料既老火湯, 清甜清甜, 欣賞佢唔會話係湯面層有一層油☺️🍴ᴍᴀɪɴ·荷香鮮沙薑陳皮生煎雞焗飯﹟‍啲雞有經過醃製再煎香, 食落都唔會鞋颯颯, 無雞腥味😛個飯唔係普通白飯, 入面仲夾雜左啲蛋白, 而飯既軟硬度都控制得不錯😎🍴ᴍᴀɪɴ· 農家乳香黑豚肉 配白飯﹟個南乳整得都幾好, 唔會過份鹹, 岩岩好入味, 啲食材剛好都沾上醬😉豚肉份量比我想像中多, 有成6-7舊🤣而啲配料就有爽口軟身木耳, 爽脆蓮藕片, 仲有秋葵😯個配搭幾特別😝🍰ᴅᴇssᴇʀᴛ· 南北杏雪耳燉萬壽巢﹟食完個主菜都已經夠飽😂仲有埋中式糖水作完結😍一打開蓋聞到陣陣木瓜香, 材料仲有紅棗, 南北杏, 雪耳😋飲落都係清甜,

上次同客人食過一次高質中菜，坐得舒服又好味，所以襯住放半日假約左亞媽行街買嘢，順便帶亞媽食好D，呢間中菜同平時酒樓唔一樣，型格嘅中國風嘅裝修，環境寧靜，點心即叫即蒸。午餐每位$180 ，包括有老火湯 ，一款頭盤小菜，一款主菜及甜品🍮 啱哂鐘意食中菜又想食點心嘅我同媽咪～ #同亞媽飲茶系列 ，又出爐啦！ 🥟頭盤 ： 紅椒汁露筍蝦餃 – 薄薄嘅蝦餃皮，包住滿滿嘅超爽彈牙蝦仁同微辣嘅露筍，絕頂好味！ 🌶️🍗頭盤： 口水雞 – 醬汁夠麻夠辣味道香濃惹味，同凍凍地嘅雞絲同青瓜絲一齊食，辣得好過癮好好味！🐟主菜：涼瓜豆蒜炆頭腩 – 脆炸過嘅炆頭腩，外層小小脆，魚肉新鮮好juicy，豆蒜汁香口夠入味！炒完成碟都唔油！大師級水準。 🥩主菜： 野菌燒汁和牛- 和牛好滑肉味香而且好淋，燒汁咸甜適中，加埋野菌帶出鮮味！又係唔多油好香口嘅一味主菜，牛肉份量足！性價比好高！ 甜品： 南北杏雪耳燉萬壽菓  - 清甜足料好味！ 亞媽大讚食好得happy! 

顏府御膳，位於銅鑼灣開平道Cubus 之上，此幢大廈高級食店林立，顏府御膳亦是其中一間。顏府御膳以精緻中菜為主打，與一般中式酒樓大大不別，座位非常寬闊，而且餐廳格調一流，佈置特別，情侶拍拖亦相當合適。晚餐小食前菜 - 蜜餞合桃/鎮江肴肉，單看餐廳前菜就知道水準非凡，鎮江肴肉配以黑醋，滋味不同。竹笙火菇燉菜胆湯，湯底清澈，但味道濃郁。尖椒豉蒜炒和牛，有別於其他中菜，餐廳以尖椒配和牛，辣得過癮亦同時品嘗到豐富牛肉味，和牛級數極高。大澳蝦醬唐生菜，以沙鍋上菜，此菜式可見到廚師功力，沙鍋溫度極高，而唐生菜亦不會過熟，值得一讚。最後，大力推介嫩雞煨雞，雞湯超級濃郁，雞肉嫩滑，而且麵身亦配合得非常好，好食推介。

銅鑼灣食廈Cubus內有唔少高級餐廳，今日就嚟到5樓嘅顏府御膳，屬高級精緻中菜，環境佈置優雅有氣派。午市套餐每位180元，先開壺茶，選了清幽撲鼻既菊花🌼🌻。頭盤7選1， 選了紅椒汁蘆筍蝦餃，同遠年陳皮上湯浸牛肉球。蝦餃皮係橙色，幾特別，蝦肉爽彈，餃皮煙煙靭靭。牛肉球帶有陳皮嘅香味，為菜色加分不少。主菜6選1，涼瓜豉蒜炆頭腩，班腩炒得好香， 涼瓜吸收咗豆豉嘅香味，唔太苦👍野菌燒汁和牛甜甜地好餸飯，和牛食得出係高質材料，肉質嫩滑❤️甜品係南北杏雪耳燉萬壽果， 即係雪耳燉木瓜，清甜滋潤。

難得平日放假，來高級食廈Cubus 吃個高級午餐，好好放鬆一下。位於5樓的中菜館顏府御膳，裝潢優雅，近入口位置的屏風富有中國古典韻味，紅色水晶吊燈奢華又別緻。午市套餐每位$180 ，包括精選老火湯、頭盤、主菜和甜品。頭盤和主菜都各有六至七款選擇，每款都各有特色。老火湯是日湯品為西洋菜紅蘿蔔煲豬骨湯，原汁原味，非常足料鮮甜。西洋菜湯有清熱生津的功效，超合我需要。頭盤口水雞製成雞絲的口水雞，方便入口。味道辣得夠惹味，爽脆的青瓜絲口味清新，剛好可平衡一下辛辣感。紅椒汁蘆筍蝦餃一打開蒸籠蓋，便傳來了一陣紅椒的香氣。蝦餃的外皮使用了紅椒汁來製作，不僅有紅椒的甜甜辣辣的味道，還帶上鮮艷的橙紅色， 十分吸晴。蝦仁十分爽脆，蘆筍更帶來了雙重的爽脆感，不能是視覺上還是味覺上都是上佳之作。主菜農家乳香黑豚肉乳香，意指腐乳。菜式調味使用了腐乳和辣醬，帶來濃濃的雙重味道享受，誰也不蓋過誰的風頭。蓮藕爽脆，木耳跟爽脆，雙重爽脆配搭嫩嫩的黑豚肉，菜式剛柔並重，配搭得宜。荷香鮮沙薑陳皮生煎雞焗飯荷香滿滿的竹籠飯，上面是煎得金黃超香的雞腿肉，但是賣相已經奪得不少分數。雞腿肉相當滑溜，外皮煎得甘香，雞油香加上荷香滲透進

趁住38婦女節 揀間靚餐廳同媽咪好好慶祝下咁啱見到呢間新開嘅精緻中菜做緊晚市8折就揀呢間試下啦一放工就過嚟 時間尚早享受左半個鐘嘅包場時間🥰一嚟到 媽咪就話呢度好靚好有氣派會唔會好貴㗎 佢咁講完 我都驚一驚因為我訂位時都未有研究過單點餐牌😂淨係睇過下午餐價錢合理就訂喇好彩 完全係諗多左價錢非常ok喎餐前小食係琥珀合桃香甜得嚟脆脆地 食到停唔到落嚟海蜇頭拼青瓜 $108揀個清爽嘅開胃前菜好香嘅麻油味 海蜇頭食落索索聲海皇酸辣湯 每位$148好多蝦肉 酸辣味好平衡冇諗過會咁足料 鳳梨咕嚕肉拼炸雲吞 $198咕嚕肉炸皮酥脆得嚟又唔會太厚醬汁酸酸甜甜炸雲吞唔多地方有得食呢個配搭都幾驚奇中間嘅鳳梨好香好清甜食完炸野正好清清味蕾再食下一道菜野菌燒汁牛柳粒 $198好有鑊氣 好香口牛柳好juicy 配上野菌同甜豆真係好夾連伴碟嘅士多啤梨都有design 勁精緻最後食番少少澱粉質川辣擔擔麵 $88因為擔心太辣 落單時問可唔可以少辣侍應話可以呀 走辣都ok所以我地就叫左走辣版湯底好香好濃嘅花生味麵條勁彈牙 好出色媽咪都勁滿意今餐嘅安排仲叫爹哋下次早啲收鋪一齊嚟食可以食多幾款野折完人均都係4百左右無

是日到銅鑼灣工作，便找附近的朋友一同用膳，她便推介顏府的午餐套餐。原來挺抵食，一個價錢有前菜、湯、主菜和甜品。前菜選了紅椒汁蘆筍蝦餃和口水雞。蝦餃皮薄餡靚，蝦餃彈牙，還有陣陣紅椒辣味，更加惹味！而口水雞份量也挺多。啖啖肉又夠辣，所以很下飯，加上雞肉都起肉，所以食起來很方便！而是日老火湯都挺足料，夠暖胃，有家的味道！接著主菜選了野菌燒汁和牛配絲苗白飯。和牛很高質，十分嫩滑有牛味，而且燒汁野菌炒得有穫氣，很有香氣！ 另一款選了農家乳香黑豚肉。黑豚肉不算太多，但南乳味道很惹味，豚肉也有嚼勁，也還有薄切爽脆的蓮藕片，很好吃！最後還有南北杏萬壽果雪耳糖水作結，很滋潤，又不會太甜！