顏府御膳 (已結業)

今日同一位舊同學嚟到銅鑼灣Cubus食飯，Cubus成棟嘢都係中高價菜/Fine Dining餐廳，所以未入嚟前對呢間餐廳期望都幾高。裝修優雅，樓底高，喺到食飯的確夠晒氣氛。琥珀合桃一道新年時期嘅傳統小食，外表塗上麥芽糖，灑上白芝麻，非常吸引嘅餐前小食！藤椒木耳呢碟前菜雖然簡單但絕不馬虎，木耳撈上川式辣油，相當開胃。我作為嗜辣之人當然食得好過癮，朋友雖然唔算好食得辣，但都可以輕鬆食到，可見師傅對於辣度掌握得幾好。鹽燒茄子以往未食過茄子用呢個整法，椒鹽嘅做法令口感外脆內軟，咬開薄薄嘅外皮，就可以食到茄子肉，口感幾有趣。赤小豆粉葛煲鯪魚經典老火湯，好足料好滿足，事後返到屋企問返阿媽先知係具有健脾袪濕功效。脆皮黃油鹽香雞雞皮炸得好脆好香口， 雞肉肉質嫩滑，份量亦唔少。大澳蝦醬唐生菜呢碟絕對係功夫菜，生菜唔會一開始炒熟，而係用鍋中嘅熱力逼熟佢，每條生菜都食到蝦醬嘅鹹香味。

第一次來「顏府御膳」吃飯，比我想像中更高質，而且菜式創新，如酸菜魚湯鮮竹卷、藥膳小籠包、麻辣炸脆皮燒賣等等，說到我的至愛，就一定是濃湯魚肚大芥菜，雞湯濃郁，芥菜腍甜，魚肚全吸收雞湯，好好味，前後共飲了三碗，聽說也是藝人李施嬅的至愛。吃到我舔舔脷，原來餐廳主廚來頭不小，先後在「逸東軒」及「富豪坊」等酒店掌廚，點心師傅則來自「大公館」，難怪每道菜都那麼考究，稱為「御膳」當之無愧。據說餐廳老闆尤其愛吃中菜，而且熱情好客，喜歡宴請親朋，故此他特別重金禮聘各大名廚過檔，並不時提供建議，加入菜單。餐廳內有一幅茅台酒牆，放滿了限量及特別版茅台。讓我考考大家，一支普通茅台賣幾千元，那一支牛年收藏紀念版茅台又賣幾錢呢？答案是未定價，我好驚呀，拍照時要雙手托實這茅台，否則打爛了就要賣身了。如大家喜歡的話，可以將茅台買走，又或一嘗私房菜的茅台Wine Pairing，至於我呢，合照完還是物歸原處好了。酸菜魚湯鮮竹卷 $72平日去飲茶，我久不久都會點鮮竹卷來吃，怎樣才可以將這道平平無奇的點心變得有新意？答案是配上了酸菜魚湯，吃起來酸酸辣辣，果然不同凡響。鮮竹卷裡面有大大粒的鮮蝦，爽口彈牙，酸菜爽口酸甜，Ver

一入到去個裝修已經好靚好豪華，然後安排咗個角落頭卡位俾我哋，個私隱度都幾高。可能閒日唔係太多人，都好空曠坐得好舒服。侍應態度好好，一埋位就放低咗一碟小食同埋一碟XO醬。小息仲要係本人最鍾意嘅糖炒合桃，好好食如果係熱嘅話就更加正啦。因為太肚餓啦，叫下叫下叫咗五樣嘢不過三個人就啱啱好夠食。聽朋友講呢度嘅包汁雞腳好林好入味，食落真係唔錯夾果陣都知隻腳好林，啲鮑汁鎖哂係啲雞腳同花生到。但係又唔會煮到爛哂核核突突咁，十分滿意。個青瓜海哲都出色既 但係同呢個神級鳳爪比真係有點比下去。差唔多食完果陣侍應就上左我地叫果碗黑豆西施骨雞腳湯，覺得佢地好細心留意到我地差唔多食完先上。個老火湯好正好夠熱，熱到會辣咀果隻 但係佢真係老火湯唔會飲完好口渴 不得了主食叫左個咕嚕肉配炸雲吞同一個肉絲炸麵黃。自己本身好鐘意食咕嚕肉加上Openrice好多推介所以就叫左。平時街邊果啲好厚粉同埋無乜肉味用汁蓋過就算，但係呢到咕嚕肉好薄粉同香口既，仲要好有豬肉味，抵讚！但係我都係比較鐘意佢既炸雲吞 佢並唔係有蝦果種 係錦鹵雲吞果隻 佢炸得好脆唔油仲要啲甜酸汁好似硬係同咕嚕果隻汁唔同 覺得好有誠意，又唔會太酸好好食好開胃（食得

今日同屋企人嚟到銅鑼灣行街經過這個商廈發現有唔少特色餐廳。餐廳裝修古色古香，大紅色吊燈，旁邊有用左不同中式酒程嘅裝飾。餐廳午飯時間提供唔少精緻中菜嘅套餐。我哋揀咗以下2個套餐。前菜：青瓜海蜇頭&川味手撕雞青瓜海蜇頭，味道都好清新，海蜇食落爽口👍🏻😌川味手撕雞，味道辣辣地，手撕雞肉質唔會太老😋燉湯：粉葛赤小豆煲鯪魚味道好香粉葛味，飲完覺得好滋潤😋仲feel到落左好多豬骨去燉🤤主食：鳳梨咕嚕肉伴炸雲吞配白飯咕嚕肉炸得好鬆脆，唔會太多炸粉，炸雲吞味道加埋汁酸酸甜甜👍🏻主食：鮮淮山炒和牛配白飯鮮淮山好入味，和牛好嫩😍配飯食一流🥰甜品：桂花雪梨燉蘆薈飲落好滋潤，粒粒蘆薈帶啖啖桂花香味😋

吾知係咪開始年紀大愈黎愈中意食中菜😂得知銅鑼灣呢間「顏府御膳」主打精緻中菜款款菜式無論係味道，擺盤定係服務水準都講求精細一到放假，便帶埋女友上黎品嘗一番😋.𝗟𝘂𝗻𝗰𝗵 𝗺𝗲𝗺𝘂除左可以散叫另有超值午市套餐由頭盤至甜品都逐樣品嘗都只係每位$180呢😍.【老火湯】是日精選老火湯係合掌瓜馬蹄紅蘿蔔湯入口清甜，味道濃郁～.【頭盤。三款選一】。胡麻茄子茄子去皮只剩茄肉遠睇好似嫩豆腐咁白雪雪🥳淋上大量胡麻醬，柔嫩香甜！.。川味手撕雞條條嫩滑雞絲都沾上豆豉辣醬，辛辣惹味仲有粒粒花生，添加口感呢😘.【主菜。四款選一】。菠蘿咕嚕肉伴炸雲吞每塊咕嚕肉都沾滿甜酸汁外層酥香，內裡嫩滑仲有脆口炸雲吞，蘸上醬汁酸酸甜甜又薄脆！.。荷香鮮沙薑陳皮生煎雞焗飯即叫即蒸等候時間雖然會耐少少但見到香噴噴嘅荷葉飯，真係等都值呀🙈吸收左荷葉同陳皮嘅精華，啖啖米飯都好香口！雞扒兩面煎至金黃色雞皮薄而脆，雞肉嫩而滑😘.【桂花雪梨燉蘆薈】飲落香甜暖笠笠陣陣嘅桂花香帶上煮得軟腍嘅雪梨加上蘆薈粒，口感豐富😋

🍽顏府嚐味午餐菜譜（4/5）💰180午餐有前菜、湯、主菜同甜品首先上枱既係顏府精選老火湯店員擺到你面前會為你開蓋，今日係青紅蘿蔔螺頭煲雞腳飲落口滿滿雞精華，帶啲蘿蔔甜同螺頭鮮味亦都唔油膩，面頭都冇咩油，飲得好舒服前菜我地兩個人點咗兩款，胡麻茄子同川味手撕雞胡麻茄子切成長方型，食落好清爽唔會過於濕潤手撕雞真係好辣，但醬汁好惹味，會令你又辣又會想食落去，而且雞絲嫩滑份量多主菜會配白飯，點咗XO醬法邊豆炒帶子同鮮淮山炒和牛法邊豆爽脆鮮甜，配上XO醬好撈得飯帶子雖然唔算多，但煎得好嫩，調味適中鮮淮山炒和牛，炒得幾乾身，食落爽脆味道清新和牛份量好足，帶啲肥膏真係會引唔住一啖飯一啖飲咁食甜品係我好期待既桂花雪梨燉蘆薈淡淡既桂花香加上爽甜既雪梨真係夠滋潤再加埋滿滿既蘆薈就真係補上加補哈哈開平道Cubus入面有好多餐廳，顏府御膳裝修幾有氣派，服務態度非常好，絕對適合同家人輕輕鬆鬆食個飯添

位於銅鑼灣Cubus有唔少食肆，今次就去到主打精緻中菜既顏府御膳試下☺職員十分有禮，一開始就會先上琥珀合桃作為飯前小食😝今次就點左兩款前菜、湯品同兩款主菜😁⭐鹽燒茄子 $78一開始見到仲以為係椒鹽豆腐黎🤣原來係以椒鹽製法做成既茄子條🤗外脆內軟既口感，咬開薄脆外皮，茄子肉好柔軟，比以豆腐製作食落層次再豐富啲😋⭐藤椒木耳 $78呢款木耳好爽口，而啲醬汁係勁入味😝麻辣味道好突出，辣度幾高，所以大家要視乎自己食唔食得辣再點喔😄⭐青紅蘿蔔螺頭煲雞腳(老火湯) $98/位老火湯係青紅蘿蔔螺頭煲雞腳，以燉盅上枱，飲落濃郁鮮甜，幾好味😋⭐菠蘿咕嚕肉拼炸雲吞 $198菠蘿咕嚕肉擺盤都好精緻😝咕嚕肉炸到外皮脆卜卜，入面既豬肉肥瘦勻稱，所以食落有齊爽口同柔軟既口感～加埋啲酸甜醬好開胃，加埋個白飯仲正🤣炸雲吞係錦滷雲吞黎，好香口⭐肉絲兩面黃 $188估唔到呢度都有兩面黃🤣麵餅炸到乾身香脆，再淋上加入香菇、芽菜同肉絲一齊煮既醬汁一齊食😊即使淋上醬汁都仍然保持到脆卜卜既口感。佢地既肉絲味道比較淡，加埋紅醋提味會更好😆

上次嚟過顏府御膳之後念念不忘，今晚又再嚟幫襯。要試吓餐牌上其他嘢食。今晚早嚟無咁多人，有單邊梳化，真係好舒服。配埋暗暗嘅燈光好，真係唔會覺得係中菜食肆，好有氣氛前菜琥珀合桃依舊香脆可口。今晚咗金沙豆腐，我特別鍾意呢種炸豆腐，唔係大排檔嗰啲椒鹽炸豆腐鮑汁雞腳都幾大份，有成 6-7 隻。鮑汁濃度剛好，下面有勁多花生。合掌瓜馬蹄無花果煲豬腱湯，濃得嚟好足料，係啲湯料令到好濃味，唔係味精。鮮沙姜陳皮生煎雞，鐵板煎到滋滋聲。為免過熟侍應好貼心咁換為普通碟。啲皮香脆得嚟啲雞仲好滑。瑤柱蛋白炒飯粒粒分明，啲菜粒好新鮮，食完一碗又一碗。非常滿足的一餐，已經諗定下個月再嚟食咩

星期六放工，通常都是覓食的時候。疫情期間，不想等位，不要人多，衛生兼好吃的食肆。於Openrice 搜尋，找到這間。食評也不錯，便訂了這間。但奇怪，網上訂枱，只有下午2時後的訂枱，幸好早餐還算豐富，不作他想，就訂2點。約1:45pm，上到食肆，人不算多，只有4枱客人，不用等便入座了。點了紅椒汁露筍蝦餃，不要被嚇倒，只是微辣，不會嗆喉，蝦肉爽脆，皮薄但略嫌不夠咬口。姬松茸小籠包，皮薄多汁，濃香的菌味，肉餡只要加多小小肥肉，應更滑溜。肉絲剪兩面黃，麵每條都脆口，不油膩，不會吃到滿口油，獻汁另上，吃時自己淋在麵上，，真的吃到“發聲”最後還點了2個甜品，二鍋頭疍散及疍白杏仁茶，說實話，疍散脆口但未做到鬆化，吃不到酒味，但糖酱則非常好味，甜中帶微鹹。杏仁茶是生磨的，如能隔去杏仁渣，口感更好。

位於銅鑼灣Cubus5樓嘅中菜館，簡約高雅嘅裝修及擺設中西合壁🫖呢度可以叫紅酒咖～店員會詢問飲咩茶同先附上自家炒製的XO醬及蜜糖核桃作小食🥒青瓜海蜇頭海蜇頭超級彈牙爽口，配上🥔酸辣土豆絲麻辣味道較濃，落咗勁多花椒同辣椒一齊炒，食到身體有點發熱🙈🙈土豆絲勁爽口，食到條脷麻哂🤣🍵蘋果雪梨南北杏煲豬腱🍎飲一啖就已經有家的感覺🧑🏻味道清甜，飲落去喉嚨舒服，夜晚返到去都仲感覺涼好！🍗鐵板鮮沙薑陳皮生煎雞鐵板上時，大家都望住哂，聲音同香氣好搶眼！店員話一定要襯熱食！果然熱食時候雞肉較嫩滑同Juicy ，放涼咗嘅話肉質會Chewy啲🍜川辣擔擔麵第一次食到個擔擔麵喺咁好味！個湯底花生醬味道超級香～食落更加有濃郁花生味🤩花生味同肉碎幼麵質彈牙，食完個喉嚨一啲唔舒服都無！食到最後差啲飲哂啲湯，辣度方面喺微微辣。呢個擔擔麵絕對喺Encorable⭐⭐⭐⭐⭐

朋友喺銅鑼灣返工，帶我食高級精緻中式午餐，餐廳面績唔大，但裝修好靚，有啲似高級私房菜嘅感覺，lunch $180已有齊（頭盤、老火湯、主菜及甜品）。頭盤七選一，我哋兩個人，所以叫咗兩款唔同嘅頭盤：（1）紅椒集蘆筍蝦餃：。即叫即蒸，皮薄蝦大隻，小小紅椒汁味，顏色賣相靚。（2）遠年陳皮上湯浸牛肉球：牛肉球上有陳皮絲，所以蒸出來有淡淡陳皮味，好香，唔錯。。主菜六揀一：（3）農家乳香黑豚肉：好香嘅南乳炒黑豚肉，加埋非常之入味嘅蓮藕，送飯超正。（4）野菌燒汁和牛：個燒汁好味，將日式食材，中式做法，和牛鮮嫰，非常之高質。甜品：（5）南北杏雪耳燉萬壽果：萬壽果即係木瓜，木瓜燉到好焾好入味，成個午餐包埋糖水，非常之滿足。P.S. 以上主菜全配白飯及老火湯。 老火湯全部真材實料，燉木瓜糖水好足料，唔太甜，好滋潤。

好耐冇見一位舊同事，佢推介左呢間坐得舒服、環境清靜既粵菜館食飯慢慢聚舊傾計。.金沙脆豆腐外皮好薄好香脆、中間豆腐好滑，細細粒bite size 食唔停！.尖椒皮蛋最鍾意既小食之一，尖椒切成薄片，加埋皮蛋同秘製辣汁一齊食。.老火湯：野葛菜煲生魚呢款老火湯真係好耐冇飲過，野葛菜加埋生魚煲湯清甜又清熱。.菠蘿咕嚕肉拼炸雲吞 好鍾意食咕嚕肉架我！呢間粵菜館做得好出色！炸粉薄而香脆、咕嚕肉肉質有咬口；配埋炸到脆卜卜既炸雲吞，好香口既一個菜式。.姜汁瑤柱蛋白炒飯 呢個炒飯唔好以為好簡單，但真係食得出功架！炒飯炒到乾身而且粒粒分明，加埋蛋白絲、菜心粒同埋炸左既瑤柱絲，最重要係食落口時食到飯面有好香既姜味，掂。

去了銅鑼灣開平道嘆了一下中菜💗這間中菜館主打精緻中式料理～裝潢高雅有情調，喜歡一盞盞紅色水晶燈💗帶點中西合璧的古典風格，又有氣派。我們中午到訪有午市套餐「顏府嚐味午餐菜譜」（＄180）🥳包含了顏府精選老火湯，另可選一款頭盤和一款主菜，另外會有白飯和甜品。◾️頭盤我們選了「川味手撕雞」💗入口充滿麻辣香，雞味很濃，辣辣的非常醒胃。還有選了「青瓜海蜇頭」，海蜇頭十分爽脆鮮香。◾️老火湯是日老火湯是「野葛菜煲生魚」，感覺很足料！入口好鮮甜滋味，清熱降火最啱我👍🏼◾️主菜我們選了「鳳梨咕嚕肉伴炸雲吞」，咕嚕肉肉質好嫩滑，真係外脆內嫩💗甜度酸度弄得很恰好，再配以脆卜卜的炸雲吞皮～蘸著甜酸汁～好滋味👍🏼另外選了「鮮淮山炒和牛」，炒得火喉剛好，和牛肉質非常嫩口，入口帶有油脂甘香💗◾️甜品最後以十分清潤的「桂花雪梨燉蘆薈」作結，充滿淡淡桂花香，清甜不膩。*茶水每位$20*另加一服務費

呢間係銅鑼灣嘅中餐廳之前有聽朋友講話幾唔錯，所以今次經開就去試一試。最鍾意飲湯其實我真係覺得佢哋當日個湯—— 「海底椰粟米龍利葉煲豬展湯」好好飲！我飲完覺得唔夠喉仲飲埋朋友嗰碗🤣 佢哋每個Lunch Set都會包一款點心/小菜同白飯再加埋飲品。咁我就揀咗紅燒汁蘆筍蝦餃 + 脆皮麻辣燒賣做前菜，主菜就有涼瓜鼓汁蒜茸炆頭腩 + 伴水芹菜。佢哋每款菜個半碟都整得好靚有心思，我都係第一次食燒賣整成脆皮同麻辣嘅口感感覺好新鮮！另外覺得個水芹菜炒得好香有鑊氣，但係我涼瓜豉汁蒜蓉炆頭腩個人覺得就略偏咸，不過如果同白飯一齊食就啱啱好～整體感覺覺得佢哋環境同食物都唔錯，同朋友介紹講嘅都符合^_^

就黎又大一歲🎂，發覺人越大越識得欣賞中菜🤣，所以就同frd去左CWB cubus嘅高級中菜廳食生日飯，餐廳裝修雅緻，樓底又高，整體感覺極具氣派，餸菜精緻又高質素，價錢合理❤️.🥒青瓜海蜇頭海蜇頭又厚身又大塊，比一般的海蜇條更爽口彈牙；青瓜同小雲耳都好清甜爽脆，用了麻油和醋去調味，整體感覺清新又健康，作為前菜真係好開胃好合適👍🏼.🍲粉葛赤小豆煲鯪魚湯超入味老火湯，啖啖都味道濃厚，完全無味精添加，飲完一啲都唔口喝💯.🍆鹽燒茄子茄子以長方立體形狀程現，6邊外皮都燒得好香脆，咬落裡面口感細軟😍，用了孜然粉和椒鹽粉去調味，食落香口又惹，超有特色嘅一道小菜👍🏼.🐷鳳梨咕嚕肉配炸雲吞咕嚕肉新鮮熱辣炸起，肥瘦又適中，外皮脆卜卜😍，淋上甜酸汁都仍然脆口，真係好高質素👍🏼；凰梨清甜多汁又無渣😋；炸雲吞薄脆得來又有口感，配上甜酸汁食好撘配。份量仲比預期大份好多🤩.🍝肉絲兩面黄人生中暫時食過最好食嘅兩面黃😍❣️整個麵餅都煎到好脆好乾身，完全無油膩嘅感覺(食過其他餐廳煎得唔夠好，最入面係淋架🤨) ，肉絲份量都唔少，食完真係超飽🤰🏻