更多
2018-09-11
1712 瀏覽
呢間燒肉放題之前係面書見有傳媒介紹過已經想去食, 難得今晚約到友人食生日飯, 生日飯食得盡情乃是常識吧, 一於 go..go.....go.........!呢間燒肉放題店分兩個時段, 八點前結賬就每位$408, 我地呢D要返工嘅就無緣食咁早, 所以訂左八點後入座, 每位$458! 任飲任食2.5小時, 時間都幾充裕!有紅酒/白酒/梅酒/柚子酒/啤酒供應, 飲酒人士黎到呢度應該好開心唔飲酒嘅就去隔離雪柜拎汽水/烏龍茶/果汁飲訂好位都要等之前果段時間清場先可入座, 好彩唔駛等好耐, 我地二人都可以有得坐卡位, 寬敞舒適, 抽氣系統做得唔錯, 食完都唔太覺一身燒肉味!首一輪先會主動送上刺身拼盤/肉拼盤/海鮮拼盤先黎一身"仙氣"嘅刺身拼盤, 除左海膽外其餘可以任食,大路種類, 甜蝦超大隻, 食起黎有口感之餘又鮮甜海膽用紫菜包住食, 又幾甜口喎!火爐已經夠熱度啦, 開始燒肉時間.................肉拼盤包括牛肉幾個部份, 豚肉, 鷄肉腸, 鷄翼等, 每款肉都有張紙牌寫上名字, 知道自己食緊咩部位, 岩食嘅就可以再加單啦, 細心喎!牛肉食落肉汁四射, 備有幾款醬汁/胡椒/鹽等為肉
呢間燒肉放題店分兩個時段, 八點前結賬就每位$408, 我地呢D要返工嘅就無緣食咁早, 所以訂左八點後入座, 每位$458! 任飲任食2.5小時, 時間都幾充裕!
有紅酒/白酒/梅酒/柚子酒/啤酒供應, 飲酒人士黎到呢度應該好開心
唔飲酒嘅就去隔離雪柜拎汽水/烏龍茶/果汁飲
訂好位都要等之前果段時間清場先可入座, 好彩唔駛等好耐, 我地二人都可以有得坐卡位, 寬敞舒適, 抽氣系統做得唔錯, 食完都唔太覺一身燒肉味!
首一輪先會主動送上刺身拼盤/肉拼盤/海鮮拼盤
先黎一身"仙氣"嘅刺身拼盤, 除左海膽外其餘可以任食,大路種類, 甜蝦超大隻, 食起黎有口感之餘又鮮甜
海膽用紫菜包住食, 又幾甜口喎!
火爐已經夠熱度啦, 開始燒肉時間.................肉拼盤包括牛肉幾個部份, 豚肉, 鷄肉腸, 鷄翼等, 每款肉都有張紙牌寫上名字, 知道自己食緊咩部位, 岩食嘅就可以再加單啦, 細心喎!
牛肉食落肉汁四射, 備有幾款醬汁/胡椒/鹽等為肉加味道, 一啖一舊夠爽快
豚肉帶少少脂肪, 食起黎又唔算肥膩, 帶點甘香, 唔錯!
叫D沙律及泡菜作間場, 為之後食更多舖路..........哈..哈..........
跟著就到海鮮拼盤, 有大蝦(可以任食), 鮑魚, 螺, 蠔及一夜干
蝦真係幾大隻, 燒完蝦殼及蝦頭散發香味, 蝦肉幾彈牙, 不禁要再加單
鮑魚口感爽脆但欠缺鮑魚味
真係唔係度度都有一夜干, 仲要係出現係放題店, 簡真驚喜, 燒得肉食起黎帶點煙韌, 單食會覺得帶點咸味, 其實呢度有白飯點, 喜歡可以用黎送飯!
食到咁上下, 又轉下口味, 點左D天婦羅, 有大蝦, 蕃著, 南瓜, 冬菇, 仲有芝士年糕, 每款都新鮮熱辣, 炸漿超薄唔會食到一口粉漿, 正呀!
之後又再黎多轉肉, 今次主打牛肉及牛舌
牛舌算厚切, 食起黎相當嫩滑又爽脆, 加點青檸汁調下味又係推介物之一!
仲有燒菠蘿又係唔可以錯過, 燒完咬落超多汁, 味道唔太甜, 太甜就會食得唔多啦, 作為消化肉仔之用都唔錯!
等入座時見到呢個Movenpick雪糕柜已經雙眼發光, 除左雪糕, 仲有其他甜品, 如一口蛋糕及鮮果啫喱
唔食返盒都對唔住自己啦..................
開初睇價位成四百幾蚊位燒肉放題好似幾貴咁, 但食完發覺食物質數係值嘅, 侍應服務又細心有禮, 由落單到送上食物都準確無誤, 呢餐生日飯, 食得友人笑住同捧住個肚離開囉!
張貼