響 - Hibiki 日本燒肉 (已結業)

老友聚餐，想吃刺身，燒肉，和食，於是上網找到了一間很高評價的燒肉放題-響位於佐敦站A出口，幾分鐘就到，十分方便！餐廳先會送上一盤刺身、燒肉、海鮮拼盤！海膽甘香，三文魚、油甘魚十分肥美，帆立貝亦很鮮甜！生蠔有淡淡海水味，很容易入口！除了海膽和生蠔外，其他刺身是任點的！雖然是任點，但質素亦很高！提供韓式飲品，還有紅白酒、梅酒、清酒任飲！清酒入口香醇，很高品質！主角和牛燒肉拼盤，和牛肉紋靚，肥瘦適中，重牛味，自己調味，不用加太多調味已很好味！重點推介和牛腔腹，追加了幾次牛肉，一樣高質！少有既喜之次魚和長腳蟹燒！凡立貝加上少少醬油和清酒一起燒，和高級居酒屋吃到的味道一樣😋！雪糕用上movenpick和限量支裝dreyers 雪條。收費四百多元一位，可無限量追加高質和牛、長腳蟹和剌身，飲品，雪糕一樣高質，很不錯了！

香港的日式燒肉店有部分絕不比日本差，今次朋友相約主打CP 值極高的牛肉燒肉放題店，任食日本直送和牛、黑豚肉等，又可以追加海鮮、刺身。佐敦 《響 - Hibiki 日本燒肉》是不錯的選擇。和牛燒肉晚市放題，可以有限時任食和牛、各款海鮮，日本大元貝、生蠔吃到捧着肚子。裝修走日本和式風格，食物款式選擇多。我們喜歡吃牛，這裏有多款不同部位的和牛肉，不同的部位有和牛胸腹、和牛肉眼、美國牛肋骨等，滿足食肉獸的我們。忍不住再 encore 澳洲和牛西冷，入口即溶，脂肪分布平均，美味多肉汁，可以話係我今晚最愛。唔食牛嘅朋友都有矜貴選擇，有日本直送的米澤三元豚西冷及豚腩片，網燒可自行灑上海鹽調味。將肉沾上燒肉醬汁吃，更為惹味。另外有各款時令海鮮和新鮮刺身，刺身拼盤有多款魚生、北海道帶子、日本原隻有頭甜蝦、仲有海膽喔！一般刺身都可以追加任食，很滿足！驚喜到爆炸的是 日本喜之次， 原條咁樣燒真係第一次。仲有菠蘿、蔬菜可以燒，健康的選擇。其他和食料理、天婦羅質素也不錯。到最後我們期待的甜品，Dreyer's 雪糕系列 其實也不錯，但竟然 Mövenpick 雪糕可以任食，十分吸引。下次朋友生日聚會不妨再來！

之前吃過的一間<響>和牛燒肉放題做緊團購優惠，就梗係要約埋一班大胃王試吓啦！位於佐敦既響，餐廳裝修很新，座位亦十分闊落，除咗一般韓式飲品外，還有紅白酒任飲，亦有梅酒，清酒任飲！飲品上餐廳都很重視，落重本！少有👍基本上每樣飲少少都半飽🤣movenpick和限量支裝dreyers 雪糕任食😋。啱晒鍾意食雪糕嘅同事們！頭輪先會送上刺身、燒肉和海鮮拼盤！海膽甘香，油甘魚，三文魚新鮮肥美！生蠔很容易入口！主角和牛燒肉拼盤，和牛不算太肥，但很重牛味，自己落少少岩鹽、黑椒已足夠！自己燒蕉少少會更加惹味，推介和牛腔腹，雖是無限量供應，但質素亦十分高！正價收費四百多元一位，可以無限量任點和牛，長腳蟹等質素高的食物，已相當不錯👍用埋團購優惠真係十分超值！

近排喜歡去油尖旺逛街食飯，日前好友介紹響 - Hibiki 日本燒肉放題，我們都超愛吃牛肉，所以決定入去品嚐多樣化的美食。裝修以和式作主題的燒肉料理，地方寬闊，舒適美觀，讓我們可在舒服的環境下一嚐獨特的日式燒烤風味。2.5 小時晚市和牛放題，選擇多樣化，有任食即開時令生蠔、北海道松葉蟹腳、和牛、刺身、日式串燒、海鮮、沙律、和食、雪糕等，款式實在太吸引啦！我們坐下侍應立刻送上幾款冷盤及海鮮。即開時令生蠔，新鮮嫩滑，甜美多汁，我們共吃了一打，太美味了！長長的北海道松葉蟹腳，非常鮮甜，不用點日式醬油都好好味，原汁原味，啖啖蟹肉，好滿足喔！各款海鮮燒物食材很新鮮，燒得香噴噴，很惹味。幾款不同刺身，三文魚、甜蝦、油甘魚、帶子、八爪魚、赤身，鮮甜肥美，而且一點腥味都沒有，用料非常新鮮，好吃。燒肉及海鮮類包括澳洲和牛西冷、澳洲和牛胸腹、澳洲和牛肉眼、美國牛肋骨、一口牛粒、米澤三元豚西冷、米澤三元豚腩片、香草雞片、七味豚拖羅(豬頸肉)、骨付雞肉腸、牛舌片、手羽(雞翼)、海老、鯖魚。澳洲和牛脂肪分佈平均，肉質鮮嫩，軟腍不油膩，肉汁很豐富，入口溶化，美味可口。椒鹽燒有雞皮串、雞肉串、雞腎串、免治雞肉串、雞

# 響-Hibiki日本燒肉小編聽聞依間燒肉店好出名，就入去幫襯下除左傳統燒肉之外，仲有刺身、生蠔同長腳蟹肉的種類好多，識食緊係食牛為主唔同牛既部位有唔同既口感牛肉眼同一口牛既脂肪分佈比較均勻牛味會相對濃郁，肉質更加稔滑西冷同牛肋骨既肉質較為結實，但都好新鮮好好食👍🏼小編仲燒左雞翼同雞肉腸因為冇乜點醃過，建議落多d 醬料燒大蝦同扇貝都好大粒，鮮甜得黎仲爽口彈牙刺身方面，選擇都幾多回本推介緊係生蠔、長腳蟹同海膽唔會腥而且肉汁飽滿最抵既係有唔同口味既 Dreyer’s 雪條同 Movenpick@雪糕😋評分： 8.4 / 10

有朋友生日月，一行四人為佢祝賀，襯住糧頭食好D , 約埋一齊去佐敦響-Hibiki日本燒肉放題，入坐後、餐廳就送上一盤刺生: 有海水味生蠔、有膏大蝦、肥美三文魚、鲜甜吞拿魚、八爪魚及帶子都很新鮮可口; 還有我們喜愛的海膽，用紫菜伴吃、鮮甜無比。跟住再送上一盤燒烤的海鮮; 有長腳蟹， 帶子，紅魚及大蝦; 再來燒肉盤，食店用美國牛及澳洲和牛西冷、胸腹及肉眼、和牛入口即溶，牛味十足，朋友再要encore幾次，天婦羅都唔錯，炸粉非常鬆脆， 食落唔會太膩，值得一提， 榴槤炸彈好味到不得知了， 一咬落去即流出好香的榴槤味，是我的至愛; 最後緊係食雪糕，餐廳係任食名牌雪糕雪條，比其他餐廳大方得多，而飲品方面、款式特多，除了各式罐裝汔水及果汁外、也有提供熱茶: 玄米茶， 茉莉花茶及煎茶都值得一試，日本清酒、紅白酒都有！雖然每人四百多元，但一分錢一分貨，餐廳用上全部上等材料，真係有超值的感覺！

本人第二次寫食評，見這間openrice食評評價不錯，網上亦有介紹，看上食物很吸引亦有四位或以上其中一位6月生日免費,本人正是6月生日所以亦和家人一行5人去！第一round食物賣相很吸引，海膽新鮮&甜但不能 refill，生蠔味道一般有很多蠔殼碎其他刺身還可以接受, 蟹腳肉梅又少肉🙄🙄🙄燒肉方面牛完全唔得無肉汁無味道又韌，仲聽到隔離枱都話啲牛韌到咬唔到 扇貝尚算可以每人一隻冇得refill！大蝦亦是只有一round 冇得refill！ 五個人只得一個爐 我們喺度呆坐🙄🙄 抽風系統亦非常之差很多油煙😵😵😵另外有熟食需要用紙點所需份量，我們再點刺身及炸物，但等了差不多30分鐘才來要我們吹單,第二round嚟嘅刺身冇冰喺底🙄天婦羅、榴槤炸彈正常質素枝豆好濕無味我只能夠說啤酒任飲、 Dreyer's 、 movenpick雪糕任食感覺無咁蝕！我們5個人， 其中一位6月生日免費,埋單total:$20xx，以呢個價錢可以係其他地方食到質素不錯嘅食物！ 以這一間食物質素最多值每人$300不過如果要我畀每人300蚊嘅話,我寧願去好多其他地方食日式放題,質素更加畀佢好好多、食物選擇亦會多好多！這一間一

朋友離港在即 緊係要食餐好少少嘅同佢farewell啦一行四人 㨂左佐敦嘅響·燒肉放題 除左貪佢任食之外 重可以任飲酒類 高質到爆酒類種類唔少啊 燒酒 白酒 啤酒都有坐底店員就為我地送上魚生同燒肉拼盤呢個魚生拼盤不得了 除左有一般嘅生文魚八爪魚重有勁鮮嘅生蠔同海膽 生蠔重可以無限encore燒肉方面 大部份都係澳牛 入口牛味濃 而且嫩滑同樣可以無限encore 完全大滿足除此之外 重有一個海鮮拼盤 勁大粒嘅帶子·蟹腳·大蝦 同喜之次淨係呢個拼盤已經回本了喜之次好嫩滑 完全係本人心頭女木帶子加入牛油粒一齊燒 勁鮮甜大蝦新鮮 入口彈牙同甜 好正食飽重可以去甜品吧食雪糕

平時都會行開廟街順便係附近一帶搵下地道美食，原來都開左不同特色食肆係度唔怪得有咁人前來朝聖開餐，今日我都唔執輸同朋友去左呢間日式燒肉店品嚐豐富美食，而且仲係任飲任食都只係俾一個價錢，就享受到一餐高水準美食，唔講咁多住係時候品嚐一番，一坐定下來店員已逐一送上各款美食，真係唔駛order就有得食夠細心抵讚，先來食番個刺身拼盤賣相吸精夠晒吸引，而且刺身份量又足料，仲有我嘅至愛海膽食得超滿足，食完美味刺身後就開始享受燒肉時間，每款肉都各有特色，一次過可以食到不同肉嘅味道，尤其食到啖啖香嫩肥美多汁嘅澳洲和牛相當滋味，而且豚肉都有番咁上下質素，用左米澤三元䐁肉食落囗感十足有驚喜，再來除仲有海鮮燒，有帆立貝、蟹腳、大蝦同喜知次夠晒豐富入口啖啖鮮味，食完一輪燒肉同海鮮又可以食下其他美食，食日式燒肉放題梗有埋天婦羅同炸物，入口金黃香脆又內軟，繼續品嚐其他特色美食，再食番個泡菜石狩鍋用料夠足食得滿足，食到最後大家都同我一樣會食番支名牌雪條雪糕咁至完美一餐燒肉放題。

已經很久沒有吃放題，今天決定放縱一下，選擇了位於佐敦的響-hibiki。放題除了提供餐廳主打的日式燒肉和燒烤海鮮外，還有刺身、串燒、炸物、小食、沙律、雪糕等任食，嫌不飽肚的話還有鍋物和烏冬。餐廳上菜速度不算慢，抵讚。雖然是放題，但提供的燒肉款式並不少，而且質素亦不錯，例如有重本的澳洲和牛和米澤三元豚肉。首先會上一碟有齊豬牛雞幾款肉類的可以試試哪款好食再追加。和牛肉眼最嫩身有牛味，口感一流西冷都幾好。雞肉腸味道濃郁多汁。燒海鮮方面有北海道蟹腳和大大隻的海老，另外有一客扇貝贈送。大蝦大大隻好彈牙，蟹腳比較難燒，容易乾身。刺身有油甘魚、甜蝦、帶子、三文魚、八爪魚等選擇，另外有一客海膽贈送，鮮味十足。餐廳更有回本之選的生蠔任食。飲品除了有一般的罐裝飲品外，更有啤酒、餐酒、清酒和梅酒等酒精飲品，送燒肉一流，可以說是落足本。不得不提的是雪糕有M字牌的雪糕杯和D字牌的雪糕批。

✿╮❤╭✿ ✿雜感女生   好味日記✿ ˚*•✰。響．非同凡響食燒肉。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 朋友從加拿大遠道而來 一定帶她去好地方放縱一下 佐敦的響 - hibiki 日本燒肉是必須一吃的好地方食肉質素高，刺身水準靚 仲有無限任食的蟹腳、生蠔、名牌雪糕2.5小時的放縱，食得豪邁，回本又易我中意此店油類選擇多，熱茶都有幾款 果汁、汽水、啤酒任君選擇非常自在先上來的新鮮刺身，最令人期待就是此款巨型海膽 鮮甜，香濃，一滑入口，正呀！日本梅酒超香醇，甜甜的，女生飲多2杯高級肉食上台 小牌子介紹不同肉類 基本上已愛上了澳洲和牛除了新鮮肉味夠，最重要是口感好大蝦蟹腳都是新鮮貨色 可以隨便追加串燒和天婦羅都不是求其的製作味道與口感都很有水準爐子火力猛，燒得極之熱情！雪糕櫃款式很多，但，肚子有限 食2款雪糕+雪條，已飽到飛起了！期待下次再戰！小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★

今日係紀念日❤️，答應過Mary 去食日式燒肉放題，佢講到明唔要頹貨🙄️，好在平時有養成mark 餐廳嘅習慣，朕有成手貨😎，難唔到我。我地最後就揀左呢一間🔥響，價錢就中位㗎，唔係話抵食，但會值回票價。🧐簡單講下佢嘅優點同缺點先。⭐️食物種類多🤤除左燒肉外，佢仲有刺身、天婦羅🍤、串燒、和食、沙律、酒類飲品、雪糕同甜品。🍶🍺🍾🍹酒精飲品都有好多款，除左常見嘅啤酒，仲有紅白酒，😍日本唔同既水果酒。雪糕都有好多味道同種類。⭐️食物質素高肉類海鮮🦞飲品🥰雪糕⭐️環境呢到係幾舒服嘅，坐低傾計岩晒。⭐️一開始就會有例呢個可圈可點，如果嗰樣嘢根本唔啱食，但係佢就已經上咗嚟，咁就會好浪費。🙈但亦都有人會覺得可以一開始就試晒邊啲好味。❤️以下係我哋覺得好味嘅：

我真係好小寫食評但係忍唔住點都要寫除咗第一轉 d肉叫見得下人（其實都係麻麻地）4個人埋單2千幾蚊可以話係高級放題價錢。但係食既野高唔高級就見人見志啦。我就覺得做左水魚 服務麻麻 野食都麻麻和牛唔似和牛最抵死第2轉加單擺到 亂葬崗大佬人頭500有多呀咁樣擺樣衰到相我都費事影簡直係 垃圾 加左2次肉算啦食都唔想食十萬個unlike呀比廣告同評論 呃曬絕對無下次第一次食既和牛係咁2既樣咁既色水可能都係我見識小啫 我仲大力推介朋友去早知食牛角好過食到一肚火都唔明點解會有咁多正評。最多值300蚊

好友生日帶佢食好D知道佢無酒不歡帶佢嚟呢間連酒都有得任飲嘅自助餐等佢飲個飽XD佢分2個時段嘅， 我地BOOK咗8PM早咗5分鐘上去， 要等到8PM就可以準時入席飲品除咗啤酒汽水同綠茶花茶外紅白酒清酒梅酒柚子酒都係任飲超吸正未點菜就有碟肉類，海鮮， 同魚生送上我覺得好好啊， 可以試咗味先， 鍾意嘅再劃紙添食長腳蟹有D乾身， 不過粒扇貝就口感彈滑肉類方面我比較鍾意油脂較多嘅和牛三PARTS肉質鮮嫩好好食， 試食完呢碟仲可以無限REFILL 添刺身拼盤係UNI同生蠔都鮮味十足！想REFILL或者試其他嘢都有勁多選擇天婦羅， 串燒， 烏冬等等乜都有得點最後甜品竟然有Dreyer's雪條同Movenpick雪糕任食好彩第二個胃仲有D位食到兩樣食物同飲品選擇非常多， 8PM SECTION座無虛席記得BOOK位我地2個人都比咗張4人檯我， 所以坐得都舒服最旺嘅時候有少少煙霧迷漫， 不過唔嚴重的同好友都食得非常滿足！

響！我以為去飲響添，朋友請食飯，第一次去食，一坐低以為自己叫啦，點知已有set嘅，但已有齊想食嘅嘢，啲刺身好新鮮，蠔雖然食得出係雪蠔，但都好味，可惜再叫蠔就唔凍有點暖，所以都係第一輪可以，有海膽食，好好味！牛肉都好正值得返啅！