韓舍 (已結業)

17：00-19：00時段最為低食，因小朋友對燒烤肉類不大興趣， 他們最喜歡都是壽司、刺身、冷麵、小丸子、炒年糕、雪糕、心太軟等等甜品類，甜品都算多款，希望他們能保持食物新鮮，優質的服務態度。

HKD436/2人再次大駕韓舍啦～今次一坐底就留意到多左D生菜FOR你包肉用，完整一大片冇爛感覺好正。韓舍既肉得5係第一次講啦～今次燒個個鐵盆5同左啊！多左4個兜，2個放湯既什麼瓜什麼菇都可以放落去10下10下另外2格分別係芝士粟米同泡菜雞蛋，坦白講芝士粟米好正飲品變化不大，但特別在多左個檸檬青酒，入口會變得容易同清新，仲有好多好玩既例如叮叮蛋糕，炒雪糕等等但我太飽玩5起啦～我大愛既3文魚分別2個男師傅切但短頭髮d同染左紫色髮個個切既3文魚口感會好d5會難咬，亦相對厚身少少，但怕人食剩既原因，每次有限數量同場加映：服務員5怕煩，耐心解釋，同反應好快，仲會主動泥換紙，超讚讚（有靚仔幾時都係一大賣點）放題廁所乾淨，大同舒服好少有，真心覺得抵讚，有顧客人感受值得改善既地方：焗蠔：蠔肉小（可能季節5岩）但第一次食用飯同芝士包泥焗，似食芝士焗飯，同埋蠔同另一個小扇貝偏腥另外可每檯比一把交剪泥分食物總結：烤肉絕對一流，服務水準高，加1冇比得不爽

估唔到係一個大人細路都勁開心的放題!放題最緊要俾到他們多選擇, 今次真的食的,玩的,好奇的都滿足了!大人已經好滿足, 有韓燒, 刺食, 壽司, 燒物, 而且還有很多甜品已經勁開心, 小朋友更滿足, 第一次去食放題會有夾餅機、 棉花糖機、爆谷機、炒雪糕、自製章魚小丸子機、 自己炒年糕、忙得我呢每張枱均設置燒烤爐, 很特別, 抽風口很近, 很好不會成頭油煙味。先食了沙律, 菜很新鮮, 而且有很多種沙律醬可以選,前菜都唔少，而且仲有冷盤，蝦和青口。之後當然開始燒啦, 肉類種類多不用說, 有原味雞翼、香辣雞翼、牛仔骨、羊扒雞腎、豬肚，魷魚，餃子、豬腩片、羊扒等等…我覺得牛舌, 叉燒和韓式辣雞最好食=]我知媽一定喜歡這裡的, 因真的有很多蔬菜可選, 有南瓜、脆肉瓜雞脾菇、豆、青椒、洋蔥、粟米、菠蘿不止, 另外真的超特別, 居然有白果和秋葵串, 媽媽不停說這裡很有特色呢。壽司選擇夠多，熱食也有很多選擇，而且還有刺身，可惜我的胃不夠大到甜品真的不得了,款式多到真的令人花多眼亂, 芝士蛋糕、布甸、朱古力蛋糕、綠茶糯米糍、豆腐花…真的很多, 我最喜歡都是雞蛋布丁和綠茶糯米糍, 正!飲品都有很多種類！有茶

我鐘意食韓燒，但唔代表你既另一半都鐘意，好多時候都會被REGECT，女仔好多時都鐘意食壽司和好多唔同既食物，最好既方法係餐廳同時有其他選擇但又唔洗加錢，咁一定係自助餐。唔想食太貴，呢間真係好唔錯，有齊中日韓既選擇。真係好超多唔同既嘢食，好似去左BBQ 咁，但更加乾淨同整齊。韓燒既選擇都唔少，有好多唔同既肉類。呢度既爐好夠熱，肉熟很都幾快，而且抽氣足夠，唔會好大氣味，最怕件衫一陣味。食到咁上下，試下唔同既食物，海膽包，好精緻。仲有雞蛋布甸，都真係好多款式，當然仲有好多熟食，不過真係試唔曬食到咁上下，轉戰日本菜，選擇都唔少，仲有刺身TIM, 通常要咁食係酒店先有，而家就咁都有。仲有沙律可以食，有時食韓燒食到好油，食番D沙律會好好多，可以平衡下，跟住再食。N咁多樣甜品，都真係唔知食邊樣好，好彩有兩個人，可以每樣食少少。雪糕呢D基本嘢係唔會無既，如果係哈根大師就更好，不過都可以接受。估唔到仲有棉花糖機,好有趣, 未試過自己整，真係要咩有咩，唔怪得有好多一家大細黎食總結來說，呢間係好適合大胃王既餐廳

風暴前夕，朋友約食飯，但兩條女想搵個地點方便既地方，驚佢無啦啦落起傾盆大雨落的士返屋企都方便啲，所以就約咗朋友去我上次食過覺得唔錯嘅韓舍食一食韓燒，慢慢傾點知一上到去，已經見到開始爆場。原來咁多人都一樣不愄風球，都要出來食飯，香港人真係好勇敢韓舍既韓燒同我上次食有點分別，上次食剩係得韓燒，呢次佢嗰個爐轉左，除咗韓燒之外，仲有泡菜卷蛋，芝士粟米忌廉汁可以點燒肉食，仲有泡菜湯湯同人蔘雞湯可以打邊爐。多左幾種食法，真心唔錯。 甜品選擇一樣多DIY除咗章魚小丸子，格仔餅炒雪糕機之外，仲有爆谷機等等等等，見到因為暑假啲關係，好多都係一家人嚟食，小朋友都玩得好開心。刺身同壽司水準仍然維持到燒肉都係好新鮮，而我最愛嘅豬梅頭仍然係咁好食，另外仲發現佢嘅牛柳粒配佢嘅粟米芝士忌廉汁，真係好夾呀！我食咗勁多最後仲去咗畢佢嘅雪糕，食埋真係大滿足呀！

今日又食了，今次係旺角食韓燒。大家都知旺角區有好多不同韓燒餐廳。但朋友之前食過呢間韓燒大讚好多嘢食，而且甜點超多超吸引，一定啱我呢個甜品控。餐廳係創興廣場9樓全層，門一開，哇！好多人等位。好彩朋友預先book位。所以好快就入咗去。任飲任食連加一$218。抵食。不過有樣嘢要講吓，就係冷氣唔夠，一路食一路要撥涼，一路流汗。希望呢點餐廳有改善啦！因為餐廳食物真的唔錯。選擇又多。我真係好想再去，但如果冷氣都係唔夠就免了。講返食物。熱食有生炒排骨，豬腳薑，韓式年糕炒肥牛……好多好多燒烤物有牛肉，牛仔粒，多春魚，秋刀魚，雞翼，雞翼尖，各款腸，魷魚，雞柳……同樣好好多好多飲品雪糕其實真係多到未能盡錄，最好自己親身去試試就知道了

自從中學畢業後，就很少再去吃這種港式的自助韓燒。今天和朋友在旺角相約，突然心血來潮想再試試這種久違的韓燒。韓舍大門口這彬彬有禮的雕像真令人覺得很可愛。燒烤的材料款式應有盡有，而且吃下味道也新鮮。最適合年輕的學生們，可以盡情吃自己愛吃的食物！除了燒烤，還有其他熟食，像點心、炸物等。不過味道和滋味始終是燒烤更令人喜愛！壽司吧比較冷清，只有玉子壽司和和風卷物。這算是比較沒有誠意啊，起碼也要一點刺身吧。朋友就很喜歡這中華沙律和螺肉。燒烤爐設計很有意思，底下有牛油紙，燒完一輪就可以輕鬆地換張新的牛油紙。這對餐廳來說也比較容易清洗。再戰第二輪。我認為燒烤比熟食好吃多了。烤物都挺新鮮，腌得亦入味。但熟食就平平無奇。餐廳有很多特別的甜品，例如上圖這爆谷。還有其他如自製棉花糖、自製雪條、自製cupcake等，非常有趣！而我當然不會錯過這雪糕筒啦！有綠茶、香芋、芒果味呢！都是我愛吃的味道。整體而言，燒烤和甜點出色，但熟食一般。但已算是性價比挺高的餐廳了。亦讓我美美地回味了一下中學吃韓燒的時光。

未食過食評，呢間令我忍唔住第一次寫!今晚實在行到太攰，見呢間好似oj就諗住試吓。再上openrice睇睇，見咁多笑笑，應該唔會死得人啦…點知....見198一位，咁如果佢真係好食嘅當然無所謂。入到去，待應無乜點介紹，淨係喺度傾偈。是但啦，都係自己出去拎嘢食啫。出到去，見啲食物種類少，燒嘅肉類得幾款，啲熱食又凍嘅，刺身雪味重，甜品好似好多但唔好食。燒肉加張紙上去係聰明嘅做法，可惜燒咗一轉就已經燶晒，啲燶痴晒喺啲燒肉度!我已經睇住嚟燒，但都勁快燶。總之，如果唔係我已經攰到唔想再行，一定唔會食呢間，完全唔值198一位!亦唔會有下次!

日式放題聽得多，估唔到韓式燒烤放題都唔錯，與其說是放題，更像是buffet的琳琅滿目～不但抵食，而且環境雅緻，卡位舒適，幾驚喜！身為食肉獸，喜歡「香辣雞翼」和「黑椒牛肉粒」，因為剛剛好一口一個，非常可口，不知不覺吃了很多～在熟食方面，還有「壽司」、「薯角」等的選擇，個人十分喜歡，因為，對於口痕想吃其他小食的我，琳琅滿目的美食，每樣小食都非常不錯！至於飯後甜品方面，都意外相當不錯呀！竟然有美味的雪糕，還有三種口味可選呢！芝麻糊非常受歡迎，很快就清光了！飲品方面，同樣是任斟任飲，有汽水類、咖啡、酸汁等，真的是應有盡有！個人喜歡清甜的汽水配爽口燒烤，簡直一絕呀！整體上，對於喜歡韓燒的朋友應該不會失望，絕對會食到滿載而歸呀！

去到旺角食韓式自助燒烤，老實講呢個價錢算係性價比高，嘢食嘅種類都非常之豐富。肉類方面， 豬牛羊雞通通都有，而且每一個肉類都有大約兩種嘅部位或醃料可以揀，雖然品質未去到好好，但食到咁豐富嘅種類都算係咁呢個價錢。而素食類嘅都好多，茄子、南瓜等等都有。 除咗依啲普通韓燒都見到嘅嘢之外，仲可以食下刺身，又或者可以好似自助餐咁食下啲凍蝦或者熱盤，啱晒啲唔想燒就想即刻食嘅朋友。 甜品嘅種類都非常之多，就咁講cake仔都有成10種左右。最特別嘅當然係可以自己炒雪糕，出邊食炒雪糕都見得多但自己炒嘅就真係未試過，同埋可以自製夾餅。

9點入坐，坐左成個鐘先同我講個爐冇開，一黎到落完湯同蛋就趕住走，叫人黎換紙，睇到扮睇唔到，以上咁多野都係同一個人，係一個帶眼鏡又肥又矮既男仔，都唔知係咪黎返工，淨係掛住自己拎野食，野食仲差，炸野凍既，簡直不知所謂囉

前兩日同我家大人行過旺角創興，在樓下水牌研究食邊間，見到一間好似未食過既放題就上去睇下，一出電梯見到很多人在等位心諗唔洗食啦，原來我大人知我喜歡吃一早訂了位！一進餐廳我的眼不停地看看吃什麼好，因為種類太多了，一坐下即時準備起身出去拎野食，見工作人員倒醬汁在鐵板上另我很好奇，原來鐵板上有特別設計，我覺得佢個名要叫四加一,因爲鐵板四邊有坑位，第一邊有芝士忌廉粟米（點肉食好正）第二邊人蔘雞湯，第三邊泡菜湯（菇菌瓜類必試）第四邊雞蛋（烤好後吃好味），出去第一時間拎肉給大人燒，肉的種類也不小，牛有4、5種，雞又4、5種，仲要係有單骨雞翼好方便燒，豬又有4、5種，包生菜蒜頭韓式醬一流！我每樣取一點另外取了魚肉、魷魚、菇菌類、翠玉瓜、車厘茄、鮮冬菇！還有很多熟食類，芝士蠔、牛腩、炒年糕、蟹粥、自製章魚小丸子等等....飲品有汽水、咖啡及清酒！食到咁上下再拎魚生刺身、凍蝦、青口、壽司（太多野食了）食唔晒咁多種！真的很飽了，但甜品類別又真係好吸引，忍唔住又再食了豆腐花、爆谷、焦糖燉蛋、好玩又好食既自家制格仔餅、自製棉花糖和親手整炒雪糕！飽到真的放不下食物了，埋單後覺得真係超級抵食啊，以為普通韓燒點知係豪

之前曾去過一次，當時感覺唔錯，雖然韓燒部分及食物非常一般，但有各種diy既機係幾吸引既，不過diy既機冇人清潔清理，要玩就自己「搞搞‖佢啦。早幾日見到韓舍有個優惠，晚上十點後惠顧就二送一，於是帶小朋友再去一次。我心諗餐廳營業到凌晨一點，又搞得呢個優惠，斷估唔會十點後唔refill野食掛！點知比我估中左，全部食物都係十室九空！當時除左我地仲有幾檯都係十點入座，唔係只得我地三個！唔單只所有野唔refill, 碟又儲埋一大棟先收，我地想玩棉花糖機，冇棍冇砂糖；想玩炒雪糕，冇雪糕漿；想玩窩夫機，冇蛋漿；章魚小丸子機比人玩到一大堆食物在上面冇人清；連唧雪糕機都在十點幾洗埋！根本冇打算比你玩呢堆野！韓燒既食物，受歡迎既都吉哂，連金菇都冇條，你唔好打算有人serve你，因為個個忙緊收檔！連經理都推住架垃圾車左右亂撞，究竟咩事先？如果你地係十點左右就要收檔，咁點解要搞個咁既優惠呢？好似我地入黎係阻住你地收檔咁，乜都冇得食都唔知入黎做乜！當初book位時只話只有刺身部十一點收檔！但其實所有野根本十點後就冇refill過！對我黎講呢間野永無下次，但我都要寫出黎警醒下大家，如果打算用十點後買二送一既優惠既你

喺旺角行完街，book左7:45去到創興食韓舍～成日聽人話好多選擇好似好正咁今日就去試吓！8:45前入座$198, 環境好寬敞，兩個人都有卡位坐。一坐低就有人幫你整泡菜鍋邊蛋同粟米芝士！講真我哋覺得佢同酒店自助餐冇分別，有超級多選擇！食物類型方面，有多款韓式燒肉，中、西、韓式熟食，刺身，海鮮等等，介紹下先！呢個韓式飯焗蠔超好味有厚切三文魚刺身多款肉類（牛小排，羊扒，牛柳粒，香辣雞翼）大口勁食牛！因為我係牛魔王！咁食咗咁多肉都要食下啲蔬菜平衡下嘅重點係啦佢有好多DIY小食架！章魚小丸子，芝士韓式炒年糕，炒雪糕，棉花糖，格仔餅，爆谷～小朋友嘅最愛！我都忍唔住整咗個棉花糖！但當然仲有多款口味嘅雪糕同甜品啦！呢個係綠茶同埋曲奇雪糕焦糖燉蛋同葡撻都唔錯居然有水玄餅！好surprise! 酒品方面，韓式更設有清酒自隊區，啱晒一大班friend嘅聚會啊! 不過唔飲酒都有好多其他飲品選擇，有酸梅湯，乳酸，汽水，蘋果綠等等總括嚟講二百幾蚊咁多選擇真係好抵!

去完旅行返嚟，第一時間約朋友出街派手信，午餐決定喺韓舍食韓燒，貪佢地點方便就腳，而且食物選擇種類多，能夠符合唔同人口味。環境非常寬敞，座位闊落舒適，第一印象非常良好。一齊睇吓有咩食？燒肉類有十幾廿款，即使係同一款肉都有原味同其他味揀，例如黑椒、咖哩或辣味，非常欣賞！另有熟食，如中式點心、咖哩角、荷葉飯、蟹粥等等。午市只有壽司，沒有刺身，有點美中不足。甜品種類之多，絕不會令你失望！有自製綿花糖機、雪糕、自製雪條機、frozen yogurt等，連我呢個甜品達人都食唔晒呀！ 限時兩小時，成人每位$118（星期六、日及公眾假期），非常抵食，正！