韓牛韓式燒烤 (已結業)

成班朋友仔出黎食飯又唔知食咩好，最後就揀左呢間係創興既韓燒，其實之前行過都見到幾次，不過一直都無入黎，今次終於約夠人黎試下喇~野食選擇都幾多，牛、雞、豬、鴨、魚、蝦等都有哂，食肉獸一定會滿意，而且一食完會即刻有人過黎refill，呢樣值得一讚。海鮮之類都唔差，有我最中意食既瀨尿蝦，雖然都有少少難剝殼，但係燒完黎食又好好味，所以都忍唔到手食左幾轉。有好多熟食類小菜可以揀，好多都係菜，最啱食大量燒肉之前打打底，食少少菜先。有金菇、南瓜、青紅椒、鮮冬菇、茄子、洋蔥等。仲有少少炸物都唔錯，朋友居然食左10件麥樂雞先開始食燒肉，真係好癲。估佢唔到有朱古力噴泉同埋棉花糖機，試玩左都幾得意，不過玩完都有一齊食左去，無浪費食物。其實平時都成日食韓燒，而今次呢間平得黎又唔差，啱哂同幾個朋友一齊黎食，D野食選擇夠多夠齊，而且味道都唔錯，特別係肉類都好入味同新鮮，唔會覺得放到啞色咁，海鮮都係好好味，來來回回encore左好多轉。重點係服務好好，主動咁問我地使唔使換盤，見我地唔知野飲係邊，仲帶埋我地過去搵，有咁好既店員其實都為餐廳加好多分。有得任飲任食，食物同服務質素都好好，下次會再黎食。

去到旺角唔知食咩好，見到呢間有人派宣傳單張，價錢都好吸引，＄200到價錢合理，加上我哋都好鍾意任飲任食嘅韓燒，今次就試吓呢間。餐廳入面嘅環境都好舒服，又光猛，座位區 出面有張枱放滿食物，自己出去夾就可以，有肉類、有丸、海鮮同埋熟食飲品，選擇方面都好多，我就鍾意食牛肉所以就夾左好多，朋友就鍾意食雞，大家都食到自己鍾意嘅嘢最開心！雖然係放題，佢嘅質素都冇求其，肉類我覺得好多選擇，而且都是新鮮。我哋食咗大約一個鐘45分鐘，大家都食飽飽離開，好開心！

出糧就緊係刷番返餐勁，今日帶大家嚟到旺角區創興中心，試呢間韓國放題！兩百蚊價錢兩小時任食，夠你食到飽呀！呢度嘅食物款式非常多，海鮮肉類刺身甜品任你揀，另外飲品都係以自助形式，所以想飲幾多都無問題！最近特別缺鈣，所以夾左幾款肉泥試下，個人覺得牛柳粒嘅水準都唔錯！因為鐵板燒容易燒得太熟，所以揀牛柳就唔怕肉質太韌。除此之外，我都幾鐘意食下刺身嘅，呢到又幾好喎，刺身不停fill，就算幾多人都唔怕食唔到呀！不過刺身款我就只食過三文魚，如果有埋甜蝦刺身就好喇！因為最近身體都比較差，食太多燒嘢又太熱氣，所以食返啲沙律中和下。沙律裏面除咗有椰果，仲有薯仔同蘋果等等，個人立刻freash番哂。愛好甜品嘅你，就真係一定要出去揀下甜品啦。因為呢度除咗有朱古力噴泉，仲有好多唔同種類嘅中西甜品！而我呢就普通啲，食返舊西瓜作結今日喇！總結一下，覺得呢到都幾好嘅原因就腳啦，旺角等。有無限嘅罐裝飲品添飲，另外食物款式夠多，可以供人選擇。想舒舒服服搵個地方坐下，食嘢飲嘢嘅放題，可以一試！

創興廣場呢一棟大廈隱藏不少食店，打邊爐、雞煲、日式放題都有，今次就上黎食個韓式燒烤過一過火辣辣的肉食癮依家食咩餐廳，只係一提到任食就好多時間會有提供埋冷盆系列這裡正正就是提供蝦、田螺、青口、三文魚、另湯匙上有八爪魚、螺肉，並且生菜包肉的生菜都在這三文魚向來就是兵家必爭之地，所以見到剩返4塊，解夠凍變得食落無咁大雪味，加下有無限醬汁醮上，幾滿足青口更是有辣辣醬點，一點都不會苦，尤其食到中間內臟位個陣，掩蓋左個味冷蝦都一樣的出色，新鮮又大隻大人小朋友都可以一起共樂的位置-----就是棉花糖機、朱古力噴泉。朱古力噴泉有生果、棉花糖作配料，朱古力噴泉延綿不斷的流出，雖然覺得甜得可惡，但還是忍不住誘惑自己自製棉花糖都係很難得的體驗，輕輕鬆鬆地將甜粒放入中間的口位就可以拉出棉花糖。真係岩曬家庭樂食得肉太多，仲有個菜沙律、薯仔沙律，等你平衡一下個胃口。同埋，提供埋韓式飯卷、紫菜飯卷、三文魚壽司，等你起度烤緊肉個陣都有野落左肚先熟食的菜類、伴菜小食(青瓜、泡菜)，有為數不少的青青小菜園類，都滿足一班食得不多肉、想食菜類既朋友當中的小炒令我非常滿意的就是炒蜆。蜆無沙，又用左避風塘醬料咁炒法，真係超惹味，

朋友相約我到旺角區食任食韓燒~韓牛韓式燒烤。 店舖裝潢洋溢韓式,空間感充足,座位寬闊舒適, 並播著好Hit 韓歌 MTV 。 這韓燒店食物包罹萬有, 當然有已醃好燒食物如肉類, 海解類 , 蔬菜類等等, 並有已熟食物, 前菜, 冷盤, 甜品 ,魚生,壽司及 飲品都是自助出坐位外取食物。 首先, 取了已醃得蔬菜, 味道及口感不錯,好新鮮, 而爽脆泡菜及無骨鳳爪有軟彈的口感, 帶酸辣味道,十分開胃。已熟蝦就一般, 反而蟹就多肉鮮甜。牛尾吸收好甜紅及白蘿蔔秘汁非常好入味 , 好諗得來,有入口化的感覺,不自覺食多幾口。 蓮藕湯不錯好飲足料,好有家的味道。 炸物略為厚粉,而豬手好夠味略不夠諗。燒燒~~~ 肉類(牛、豬、羊、雞肉)燒烤食物都醃得不錯, 沒有太咸感覺,醃得剛剛好, 又夠味道, 所以燒後食物好夠味, 而蔬菜十分新鮮。 飯後甜品選了新鮮水果,細細份甜品可以食多幾份, 尤其貴花糕清甜好味, 想不到有韓國雪條食呢! 這餐飯非常飽飽滿足呢!

韓燒，彷彿在我的食物字典中消失似的，朋友的飯局中，亦無人提及過，突然間，一個朋友話去食韓燒，腦中突然“叮”一聲，口中就問，乜宜家仲有韓燒咩。哈哈，真係成六、七年冇食過韓燒喇…………醬汁區，有不少的選擇，可惜，我還是選擇了最普通的醬油就算。之後都有打算試其他的，但所有燒的食物，也被調味得不錯，所以都係冇試到。冷盤區，選擇也不少，又蝦、又螺、又青口，仲有三文魚刺身，都係200蚊，仲有咩要求。熱盤區的選擇，都有十款左右，其中我呢個牛尾愛好者，全程不停咁食韓式炆牛尾，又真係唔錯，炆得好入味、頗腍。燒烤區都有三十款，絕對足夠令你的肚皮脹爆，而且啲肉類調味得不錯，推介牛肉、牛仔骨、羊肉同雞翼。

嘩嘩嘩！小弟有朋友喺旺角發掘咗一間新開嘅韓式燒烤店，叫做韓牛韓式燒烤，佢位處於創興廣場1樓。一入到去，餐廳面積都算幾大，餐廳播放住韓國K-Pop，都有d氣氛。一坐低，我哋放低哂啲袋，之後即刻出去拎野食。一出到去就見到有好多款前菜，有韓式鹹魚仔同醃酸青瓜等等。另外，仲有多款韓式手卷同紫菜飯卷等等。呢度仲有日本壽司食，日韓食物任均選擇。至於肉類選擇方面，有魚肉、牛肉、雞肉，啱哂食肉獸；海鮮類就有青口、瀨尿蝦等等，大家有興趣可以試下。蔬菜類有菠蘿、蕃薯、紅蘿蔔等等，你諗到嘅都有！到我最鍾意嘅甜品區同自助飲品區，甜品種類幾多，有桂花糕、芒果布丁、香滑奶凍、香檳青提、香檳紅提同椰汁西米糕。飲品有凍綠茶、提子汁、可樂、七喜、紅茶、番石榴汁、柑桔汁、熱情果汁、烏龍茶、荔枝汁、荳奶、蘋果汁、橙汁、啤酒、芒果汁等等，包你滿意！呢度勝在一個字：平！

一年一度的小學同學聚會，一大班人最適合就是放題！我地今次選了在新開不久的韓牛韓式燒烤gathering！位置是人流很旺的創興廣場，上一層扶手電梯就找到了，餐廳十分大，不會有壓迫感，gathering就是要坐得舒適嘛！出去open area看看有什麼吃，原來食物種類真的不少！冷盤區有蝦、青口、三文魚刺身、壽司等，另外還有沙律、泡菜等。熟食區還有很多韓國特色小食，有炸雞、泡菜煎餅、春卷、薯條等等。竟然還有椒鹽瀨尿蝦！來吃韓燒當然要看看肉類吧，各種的肉都有，豬、牛、雞、魚等，我個人推薦牛柳粒，很稔又惹味，醃得不錯！牛扒也不錯啊！當然也有各種的飲品。吃完燒肉雖然已經好飽，但也要吃甜品呢！有甜品櫃和雪糕櫃，桂花糕很好吃喔！還有水果，另一邊霜還有豆腐花，我吃了兩碗！班大食積盡興而歸！

韓式燒烤最適合咩人去？喜歡食肉？喜歡自己慢慢燒的人？其實係什麼人都啱去食！坐低一陣，店員就幫你加上醬汁行幾步出到去，仲有好多醬油選擇，蕃茄汁、韓式麵豉醬、韓式辣粉、韓式甜辣醬、蜜糖芥苿醬、韓式燒汁、麻油、蒜片等等，一切俱備！到外邊走一走，發現食物的種類都頗多，肉都有很多款，包括：羊、牛、雞、豬、鴨、魚、蝦等，不同部位的肉類都很齊備牛：肥牛、一口牛肉粒、牛脷、牛仔骨、牛肉豬：豬梅花肉、豬扒、五花腩、鮮醃豬梅肉魚：魚柳、三文魚、多春魚、魷魚雞：雞肉、雞翼羊：羊肉鴨：鴨腎蝦：鮮蝦其中的牛肉、一口牛肉粒、牛仔骨，都係我地的至愛，味道調得適中，腌得很入味，我地 encore了無限次！豉椒炒蜆 – 蜆肉彈牙椒鹽瀨尿蝦 – 最受客人歡迎蔬菜類：金菇、南瓜、青紅椒、鮮冬菇、茄子、洋蔥等等冷盤類：三文魚刺身、海螺、青口、凍蝦朱古力噴泉，小朋友至愛！飲品類：選擇極奇多，有汽飲品、茶類、果汁類也有芒果汁– 香甜，味道不會太假蜜瓜椰汁露 – My favorite，濃濃的椰汁加蜜瓜，無得頂！綠茶 – 香醇的綠茶，最適合吃飽後，消消油膩感！水果類：西瓜、火龍果、橙甜品類：椰汁西米糕、奶凍、香檳紅提、香檳青提、桂

今日好朋友生日所以同佢食韓燒，黎都依度門口未入去已經見到好多人食，本身以為無位，點知原來都有位，到去先知原來呢度座位都幾多。首先係熟食有豬腳薑,炆牛肋骨,泰式炒蜆,好似個亞洲菜式都會集於一身同埋炸物。首先係熟悉有豬腳薑同埋炸物有炸薯餅,春卷,仲有炸賴尿蝦,蟹餅。而配搭韓式燒烤餐廳當然唔少得泡菜啦，除咗普通沙律仲可以食泡菜當前菜。呢度仲有好多款醬比自己調製，韓式醬,蜜糖芥茉醬,韓式甜醬，有差唔多8種醬比自己調味。餐廳仲好細心每張枱上面都擺放着一個把較剪方便大家share同埋剪肉。我同朋友食既熟食唔多，食咗泰式炒蜆韓式炒粉絲炒蜆非常入味，唔會話蜆肉太老，可以見到佢地唔會翻煮。蜆好惹味，都好有泰式風味。唔可以點到佢中式泰式韓式都有，連熟食都唔馬虎。同埋佢有飯同埋刺身壽司，都fill得幾密，三文魚都幾新鮮。飲品，有三個櫃嘅嘢飲選擇，除咗個三個飲品櫃仲有豆漿，三個飲品櫃都寫得好清楚，有1 個係晚市先有，唔似有d餐廳就咁搵塊黑布遮住。淨係紙包嘢飲都有八款，罐裝汽水有韓式嘅忌廉牛奶普通汽水芒果汁都有。另外，餐廳有一個位置可以自己不湯有紫菜湯仲可以自己配搭配搭雪耳蘿蔔嘅份量去食燒物，當然唔少得普通嘅豬

韓牛韓式燒烤grad左之後，就好耐無見班同學仔，因為我地成班仔既關係，我地好大食，所以就搵左間放題既餐廳，一齊聚下，傾下計，食下野。上網搵搵下，就搵到呢間叫韓牛韓式燒烤既餐廳，有好多唔同種類既野食，有中日韓野食，好多唔同既選擇，所以就黎試下啦。餐廳既環境唔錯呀，好大空間，唔會座得迫。張台好大，唔洗擔心d食物唔夠位放。台中間有個鍋，我地可以自己烤肉，好好玩。而且周圍都有好多韓式既裝飾，好有韓國氣氛呀，仲有個電視開住kpop，一路聽kpop，一路食，好有feel。前菜都有好多唔同嘅選擇，例如，最具韓國特色嘅泡菜、菠菜、 泰式鳳爪、青瓜、韓式魚仔、牙菜等等。壽司方面有好多選擇，例如有:三文魚壽司、八爪魚壽司、蝦壽司、鰻魚壽司及各種飯卷。壽司吧隔離有一個沙律吧、有名種唔同嘅沙律選擇，例如:羅馬生菜、紅豆、雜果、粟米粒、菠蘿、蕃茄仔、青瓜等等。仲有唔同嘅醬料，例如:千島海鮮醬、蛋黃沙律醬同埋香甜嘅芝麻醬同埋和風醬等等。冷盤好有正呀: 有各種唔同嘅食物，例如:有青口,凍蝦,凍蟹,田螺,三文魚等等。十分豐富。仲有唔同嘅糖水飲添，仲有豆腐花添。飲品方面，餐廳提供新鮮嘅水蜜桃汁同埋豆漿。如果想試下韓國嘅

韓牛是眾多韓燒放題中比較便宜的，所以特地約友人來吃。來到餐廳，發現這裡比我想像中大，位置寬敞，每枱之間不會排得很擠迫。更驚喜的是，這裡實在太多食物了！除了供韓燒的生食外，有更多的是熟食，真正滿足了我既想韓燒又想吃放題的欲望！等待食物煮熟的時候先來一頓前菜和小食。除了沙律吧可以自己配搭沙律和醬汁，也有多款小食，如炸雞、麥樂雞、春卷、泡菜餅等。雖說是韓式放題，這裡也兼顧日式食品。現場有不少刺身、壽司、青口、熟蝦、田螺等，刺身不算很肥美但也尚算新鮮，當然也有韓式的飯卷。這裡亦有不少熟食，這裡有多款蔬菜，平時吃飯都習慣吃菜，正合我口味。另外還有熱湯和一些如炆牛尾等餸菜。熟食之外，烤物亦同樣多款式，單是烤肉已有十多款了。除了烤肉常見的肥牛、牛仔骨、牛柳粒等，亦有些較少見的如鴨胸肉、牛脷，烤過後味道也不錯！大部分肉類調味不會太重但入味，肉質也算新鮮，。另有供烤的蔬菜，燒肉之餘也可烤點菜，吃得健康一點。放題即使吃得多飽也總會想吃點甜品才叫完滿。這裡算是我到過的韓燒放題餐廳中最多甜品款式的。（其實不止是甜品，熟食、烤物和飲料也是。）除了一整櫃的芒果布甸、啫喱、水果、雪糕等，旁邊竟然有朱古力噴泉和棉花糖

可能。。。。係我唔識煮野食。。。或者3人一齊咁啱都食錯其他野。。。總之，3人去，3個都中伏。。。我嘔到要打999。。。醫生話可能有細菌。。。仲要食抗生素。。。唉。。。。。。。。。。。。。。。。。。。。。。。我好想俾劣評。。。。。。。。。。但openrice要我打200字先可以俾劣評。。。。。。。。。。。。。。。。。。。有無攪錯。。。。。。。。。係咪要一個講野都無氣的中伏者打。。。。打咁多字呀!!!

跟朋友同事飯聚，其實是一件開心事~ 可惜，每次也要為找個環境不錯﹑食物水準高﹑既可合乎所有人的口味，而且價錢又相宜的地方，實在是傷透兔小妹的腦筋，所以，吃放題就成了首推的選擇~!但坊間的放題餐廳水準參差，食物選擇普普通通，沒什麼驚喜。剛巧有天經過旺角，看到一間韓燒餐廳 - 韓牛韓式燒烤 ，正宣傳放題，價錢竟然 $200有找~! 不禁令兔小妹眼前一亮，立即相約一眾好友前來試試~~一行四人被安排坐在舒適的卡位~ 餐廳地方頗大，裝潢簡約，燈光明亮。雖然捧場客也甚多，但沒有壓迫感。安頓好後，急不及待的衝去取食物~! 嘩~ 餐廳提供的食物種類和款式的確很多~冷盤的有三文魚刺身、青口、大蝦、東風螺﹑壽司、沙律，還有三點蟹呢~!亦有不同款式的韓國泡菜~還有煎炸小食和小菜，更意外地發現有椒鹽瀨尿蝦！ 看得兔小妹和友人們口水直流呢~!至於燒烤方面，巨型雪櫃放滿不同肉類，有牛、豬、雞、羊、魚、八爪魚等等，應有盡有，完全滿足 “食肉獸” 的慾望~!另外，亦有不少蔬菜提供，如南瓜﹑粟米﹑茄子﹑青椒﹑蘑菇等，最適合喜歡吃菜的朋友~兔小妹最愛燒牛肉粒和五花腩，再用新鮮生菜包著吃，很有韓國的地道風味呢~!吃放題，又