韓牛韓式燒烤 (已結業)

阿女請食飯 今次我要求韓燒從前我帶她吃 她長大了換她帶我看著琳瑯滿目的美食區 未吃已流口水這裡食物選擇真多 雖然供燒烤的生食物不算很多 但連熟食 甜品 飲品 加加埋埋好像是我光顧過的平價韓燒放題中最多選擇的一間擺放也十分整潔 令人安心食用前菜也真多 大豆芽微辣十分脆身 我們吃了不少有兩款蛋餅 都攤涼了 味道普通食燒肉最好中場吃點沙律 清腸胃嘩 這個看似好好玩 我們太飽了沒有嚐到汽水 韓國汽水 紙包飲品 啤酒也有 落足本可識無無糖汽水 食太豐富太高卡 比較適 合喝輕怡一點進食時間限時2小時 趕緊燒 都沒拍照了說說食物味道 雞肉一般 牛及豬較出色正如其他食家所說 一口牛粒及牛仔骨好吃是味道帶甜的淹料 燒好後不會乾 肉質軟多汁 亦有牛味 是可以很多也不感膩海鮮類推介大蝦 三文魚 前者幾新鮮 爽口 後者肥美 多肉 有油脂香甜品我喜歡芒果糯米飯 軟糯有椰香 芒果大片香甜價錢每位$188 另需加一 限時2小時性價比高

朋友笑我長情 由十幾年前開始鍾意食任食韓燒到而家都無變縱使呢幾年間開左好多新式韓國燒肉店我依然鍾情舊式任飲任食韓燒店這次吃的是創興一樓韓牛韓燒不過店內沒韓牛食 只係個店名以前呢個位係另一間舊式韓燒店呢度特別在於食物同飲品種類非常多生淹肉 菜類 唔少得壽司 魚生 凍蝦 凍蟹 熟食 炸物 沙律 甜品 糖水 熱湯 雪糕 雪條 生果朱古力噴泉 diy綿花糖機 都有誠意十足熱食我食最多係豬腳薑薑醋味好濃 夠酸夠甜夠辣蛋同肉都入哂味 食多幾件都回本瓜菜類切得薄薄 好快就燒好 鮮甜多汁雞翼最比較差d 唔知係咪師傅錯手落多左胡椒粉胡椒粉味好重牛仔骨最好食 甜甜地又香口 不停添食最後食埋甜品桂花糕清甜 味道剛好 清下味蕾埋單200蚊一個人 咁多食物選擇 又好食價錢相當抵

大年初六車爸爸第二天假期相約了細佬一家和大嫂到韓牛韓式燒烤吃開年飯，佢哋個個都喜歡食牛肉🐂相信這安排他們必定喜歡。一到埗見到門口這兩個可愛的紙牌公仔即時加分呢！正式農曆新年期間大大盤大吉🍊放在門口好搶眼又夠意頭呢。呢度嘅晚市放題星期一至四$198/位，中度價位不知質素如果呢？咁睇下會有啲乜嘢食啦！首先係前菜區足足有12款選擇，泡菜，醃蘿蔔同埋其他醃菜都應有盡有，而旁邊還有一些即炒熱辣辣的新鮮蔬菜㖭。呢個係泡菜煎餅記得上次喺首首食過真係好好味㗎，這兒的質素就可以啦！另外炸物方面有春卷，薯餅及炸薯條等邪惡食物👿。韓國菜當然唔少得韓式炒粉絲，另外仲有韓式炆牛肋骨同埋豬腳薑。而湯方面當然有呢個韓菜必備的人蔘雞湯，另外特別的就有呢個海帶湯喇。這兒都會有凍海鮮供應㗎，例如青口，大蝦以及東風螺和凍蟹等，另外仲會不停推出三文魚刺身呢。仲有小朋友最愛的壽司供應呢。沙律區方面選擇唔算太多，而且冇沙律菜供應，呢樣就爭咗少少喇！喺凍櫃入面放滿各式各樣嘅肉類，蔬菜生料供客人自己選擇喜歡的食物，就可以攞入去為開爐燒來食喇。最後睇下甜品有咩食先，見到有杯裝雪糕🍨，還有韓國雪條。原桶豆腐花車媽媽極度推介，大家要食呀真

年初六約咗細佬一家同大嫂食飯，大家都鍾意食牛就食韓燒啦！揀咗韓牛韓式燒烤旺角區個個都方便。呢日八點先開餐但都座無虛席，都好旺場喎！$198位價錢OK啦~自助區有沙律，壽司。。前菜區好多選擇喎！啱晒老婆大人而生料亦都應有盡有，豬，牛，羊，海鮮及蔬菜通道俱備。凍海鮮有海蝦，花螺，青口，另外仲有三文魚刺身。仲有熱食供應有炸蝦片，春卷，海鮮煎蔥餅及泡菜餅。甜品有嫩滑豆腐花。連朱古力噴泉都有。甜品櫃有多款小甜點，不乏好吃甜品除了紙包，罐裝汽水外仲有水蜜桃汁及豆漿供應。先取碟前菜比老婆大人食先，見泡菜飛快清哂就知質感有番咁上吓啦！節瓜煮蜆味道幾清甜，不過有少少沙。另外仲有椒鹽瀨尿蝦，炸得香口惹味而且好新鮮。到燒烤時間辛苦老婆大人燒嘢比我食。每樣攞啲，有我最鍾意嘅多春魚呀。牛肉味道唔錯醃得剛好唔會蓋過肉味。牛仔骨夠淋同樣醃得好味道。烤小墨魚仔爽口好味正呀。韓燒最佳拍檔梗係罐啤酒，呢隻雪花啤酒味道正常，任飲真係抵爆。最後掃甜品眾多之中最正係豆腐花又香又滑質素超高。

新年mood仲未過，放工後又同朋友出黎大魚大肉，是晚食黎食韓燒。朋友話見到廣告寫住$98up，原來係午餐價，晚市$198加一，價錢ok就試試吧。醬料有燒肉汁，麻油，豉油，麻醬等，基本上燒肉已醃過，不太需要再調味。而飲品方面有汽水啤酒同韓式罐裝等，竟然見到童年至愛的蜜瓜荳奶，有驚喜，即刻飲返盒先。燒緊肉嘅時候攞左啲前菜食下，一般韓式的前菜都有，至愛菠菜，泡菜同大荳芽，勁好味，食完又encore。另外有沙律吧，西生菜，粟米，蕃茄仔等，仲有一盤雜果沙律，味道正常。壽司同三文魚刺身，仲有一個簡單嘅海鮮吧，有蝦，青口，魷魚等，唔係太好海鮮就無試了。熟食方面亦有很多款，煎餅，炸薯餅，雞塊，春卷，炒菜，甚至豬腳薑都有。另一旁有湯品，糖水等，全部都refill得好快。肉！色澤不錯，不停被夾哂又不停refill。燒燒燒，個人覺得牛仔骨最好味，醃得少少甜，燒起上黎有肥肥地有牛味，另外肥牛片，豬腩肉都正，仲有燒三文魚骨都好好味，可能夠肥油，無痴底，我地燒個陣都無額外加油。食夠肉又燒下蔬菜，有菇，翠玉瓜，南瓜，茄子等，翠玉瓜太薄切了，燒完無食落多汁嘅感覺，雜菇還可以。最後就梗係甜品時間啦，個雪櫃都幾多野揀，雪

話說星期六中午要在旺角搵食，突然想吃韓燒，原本想去的店舖不見了，便進到這裡！怎知我的蝦子餅卻不想吃燒烤，兒子只想吃湯年糕。心在想招呼我們的大叔（不知是老細還是經理？！）明明很想我們幫襯燒烤放題，如果搞了一大輪又參觀又考慮之後，這時候轉鈦會否被冷待呢？怎知大叔不單沒有冷待，仍然熱心幫忙落單，當我表示想加$5要豆腐花時，大叔主動表示會送給我們。實在太久也沒有遇過這樣的服務人員了！當然食物質素都中規中矩，所以我決定下一次一定會再來吃韓燒！

過年前出旺角買衫買鞋, 買好晒終於可以食野, 行過下面有人派傳單, 呢間韓牛新張有折, 橫掂未食過又試下啦!位置好方便, 扶手電梯上一層就係, 唔洗好似其他大廈剩係排隊搭電梯都有排等.環境幾寬敞, 大量卡位, 坐得舒服, 一大班人食都無問題, 而且冷氣同抽風都幾強.呢度任食韓燒, 食物就放響出面任拎, 生熟肉類, 蔬菜, 沙律等都有.仲有熟食既海鮮同壽司, 少量熱葷.最利害連朱古力噴泉都有, 仲有雪糕雪條等等, 好多選擇.先每樣拎少少, 雞翼, 鴨胸, 鴨腎, 牛脷, 羊肉等等. 雞翼夠大隻, 醃過味道適中, 肉質夠嫩. 牛脷一片都幾大片, 質感軟嫩. 最正係鴨腎, 燒完都唔韌, 好爽口.羊肉都好濃郁既羊味, 軟腍入味. 茄子同雞脾菇切得較薄, 軟熟又入味, 食得肉類多, 要食下呢D蔬菜, 食落好多水份.肉食仲有豬梅肉片, 五花腩, 都係夠薄易熟, 唔洗等咁耐就熟透. 豬梅肉夠軟腍, 唔會太多脂肪, 富肉鮮味. 五花腩肥瘦夠平均, 唔太油膩.任食左好幾round已經飽晒, 另外呢度服務都唔錯, 侍應勤力收碟換煎pan.

今日諗住食韓燒而係openrice見到呢間店就諗住試下。一上到去好多遊客，入到去坐低左想叫職員幫手開爐，點知佢話張枱係預留左比旅行團，唔怪之咁多遊客，原來做旅行團生意。之後就安排我地去另一邊。食物方面，有一般韓燒會食既野都有，仲有三文魚燒。熟食方面有菜心等等，炸物方面有麥樂雞，薯餅等等，麥樂雞顏色非常瘀黑，所以冇試。薯餅係凍既，唔知放左幾耐?仲要係得個脆既殼，入面冇薯餡。可能我去既時候係晚市岩岩開始，所以選擇亦比較少。另外仲有壽司，刺身，沙律，甜品拎。壽司真係求其左啲....啲飯完全係求其拿起一汁，放舊魚生係上面就當完成，飯完全係散開哂的。刺身就正正常常。沙律冇試，甜品有啲果凍同雪糕揀，仲有朱古力噴泉同棉花糖機，可惜唔識玩後者。最後，公眾假期208/人再加一埋單。值得一讚係員工態度唔錯同雞翼醃得好食，甜品種類多同飲品種類都多。但200幾蚊可有更好選擇。

年三十晚突然想食放題。收工出左旺角行下睇下食咩好！見呢間唔駛等位。$198+10%咁就試試啦！一開始拎啲熟食食下先啲前菜幾好食。最中意酸蘿白。酸又夠脆口！不過泡菜就麻麻！仲有紫薯餅好食！食左4件。好香紫薯味。我仲自整左個韓式撈飯！仲有三款湯。人參雞湯。唔會太重人參味。岩我！蓮藕湯。無味嘅。可以唔駛試！紫菜蜆湯。呢個幾好味！仲有啲沙律同海鮮食完前菜食燒野啦。推薦牛柳粒！記得拎埋生菜配埋啲醃製前菜一齊食。甜品。最好食係椰汁西米糕同啫喱！個桂花糕好難食。口感勁怪！有雪糕同雪條！野飲選擇都算多！總結。可以試下！但我唔會食第二次😂

食物真心唔差 種類繁多 想食咩自助選擇海鮮 魚生刺身好新鮮 味道一流 辣鳳爪、韓國粉絲、泡菜 仲有壽司、炸薯餅、薯條同雞塊等小食多款選擇 多到自己都要諗食邊樣先 飲品多選擇 烏龍茶 可樂 紙包飲品 忌廉溝鮮奶 都不在話下 鐘意飲啤酒嘅仲可以試下隻韓國啤酒 如果覺得熱氣嘅 仲可以揀清淡少少嘅馬蹄水 雪梨水最值得一提嘅係 個到嘅甜品真係冇得頂 仲有朱古力噴泉 食過唔少韓燒都冇呢個 甜品唔止有噴泉 棉花糖 仲有雪條 水果 啫喱 豆腐花 賣相可愛吸引 味道唔會太甜 座位寬敞 圓筒櫈內仲可以放手袋外套 夠哂私隱同方便 交通發達 好快就到 價錢十分合理 完全係大件夾抵食！

款式多抵食@韓牛 早陣子和學生去食飯，後生仔最喜歡大魚大肉的，就到了新開張的韓牛，款式多而且位於旺角彌敦道創興廣場，地點很方便 最近做晚市優惠，新張期間７點前離座或１０點半後入座有８折， 餐廳就在創興廣場1樓， 門口放住的可愛公仔，非常易搵～ 餐廳入面超大，可能新張關係，人不萛很多，冷氣強勁沒有油煙味，空間感十足座得非常舒服 我們安排座在卡位，桌面有足夠的空間放食物， 飲料也是放題的～ 汽水，啤酒一應俱全～ 也有果汁和豆漿，不過味道偏淡～ 沙律吧，放滿新鮮的蔬菜和各式各樣的醬料 海鮮吧～ 很欣賞這裡的熟蝦，每隻完熟看起來紅卜卜的模樣，美味鮮甜，口感扎實，甘甜美味 青口～鮮美肉嫩,再加上檸檬同食味道更突出 自助燒烤區，牛羊雞豬什麼肉都有～ 生料區都有二大個櫃放肉～ 凍蟹～美味凍蟹身新鮮，肉質飽滿鮮甜。冷凍處理，能保留原本鮮度與美味，甜度不流失。完全表現到真正蟹肉的美味~~ 反而前菜有點失望，泡菜不辣不咸，有點伏 拍青瓜不脆 泰式鳳爪不酸又不辣，還是食其他東西好了～ 海鮮餅加熱一下食更美味，外脆內軟～入面真係有海鮮 首選牛肋骨，醃得好入味，牛肋骨連切片的

記得中學時代果陣成日走去食任食韓燒但自從韓風起之後都無試過任食琴晚就同朋友懷舊一下食任食韓燒訂左8點 去到即刻可以入座座位寬敞👍🏻唔似平時果種咁迫•任食韓燒 $188•一出去已經見到好多前菜選擇入座之後 即刻拎野食🤗🤗太餓了拎左大量熟食因爲可以即刻食 選擇都算多有魚生、壽司、薯條、炸雞塊、韓式炒粉絲、泡菜、凍蟹、炒蜆、炒菜 等等等等魚生同壽司尚算新鮮放題前菜黎講算唔錯薯條同雞塊因爲凍左，麻麻地炒粉絲同泡菜味道幾好粉絲味道偏淡 都好適合啖啖肉嘅時候中和下燒肉選擇都唔少 其中以一口牛肉粒最好食 醃味剛好 唔會鹹 牛味濃 好食😁有一轉燒耐咗 以為會好韌 點知仲係好稔另外再推介牛肉同豬梅花肉牛肉個味其實同一口牛差不多 都係好食豬梅花肉雖然冇醃 但係本身肉味好濃 唔會鞋點一點豉油就好好食😌飲品同甜品都好多選擇 可口可樂 忌廉溝鮮奶 烏龍茶 啤酒好多大路野都免費飲甜品有奶凍 棉花糖 啫哩 豆腐花而我就只係食左個朱古力噴泉因爲太飽了生果都幾新鮮 朱古力就偏淡 不過不失啦埋單連加一兩個人$414呢間比較新既韓燒任食比以前選擇多一大班朋友唔知食咩就最好食呢d😂

今晚同朋友去旺角行街，肚餓想食啲野，見到創興有間新開既韓燒，我地都諗住入去試下，係門口，見到有五送一優惠，都幾抵食，入到去，見到有啲店員都幾有禮貌，嘢食都幾多，而嘢飲都有十幾款到，我覺得啲牛肉都幾好食，又香又靚，值得一讚既就係嗰個芒果布丁，希望能保持水準。

前排同朋友聖誕聚會兼交換禮物，本身想去韓舍，奈何太多人。最後選擇左係一樓嘅韓牛。一入到去就有甜品，冷盤同壽司，選擇都算多。野飲方面有柑桔檸檬，巨蜂等等燒野方面牛，羊，豬，雞都應有盡有最一贊係啲野添得好快，無吉盤🙈😘😘

年近歲晚，Wilson哥又出招，請我地食飯當是慰勞兄弟們，就你就佢就我，最後相約旺角，貪放工去方便喎！然而還是要等班大帝，7點先開波，聽輝仔話餐廳係新開的，但當晚入座率都有7成！餐廳裝氛好靚，店員亦招呼周到。餐廳很多野食，主菜留返稍後，我先食配菜。想不到食韓牛都有機會食刺身，三文魚刺身當然不可以放過，是厚厚的，色水也不錯，咬落有魚油味，夠肥！壽司都不hea，我起初以為只有普通卷物，但原來還有其他，三文魚，蟹棒，北寄貝，真的未食韓燒都飽了三成！之後就到主角燒肉啦，我呢個牛精當然先食牛啦，牛肉好香口，醃得好juicy，就算燒左好耐既牛都唔會話乾晒身，仲好多汁鎖住左。我自己除左牛肉之外，比較欣賞牛脷，唔好以為牛脷無乜用料醃過會無味喎，都不知幾好味！牛脷切得唔算太厚，咁樣可以方便燒，但係因為牛脷都算厚肉，所以建議都係燒耐d，牛脷唔會燒到變牛肉乾，一絲絲既肉，仲好嫩。肥牛同一口牛柳粒都不錯，肥牛呈長條型，唔算太肥，但雪花的紋理清晰而見，雖然無打邊爐咁好味，但係都不錯！一口牛柳粒Size岩岩好，牛柳粒好林，唔難咬，燒又喎難燒，的的骰骰，汁都幾好味，帶一點點的咸味。鮮冬菇同青椒紅椒也OK，青椒紅椒甜