韓牛韓式燒烤 (已結業)

這次寫的餐廳是位於旺角創興廣場一間叫「韓牛」的食肆。正如其名，這是一間以韓式燒烤作賣點的餐廳，店内提供各種肉類，包括：豬、牛、羊和雞，令一些對牛肉和海鮮敏感的朋友也可以一嚐燒肉的滋味，十分貼心。提到海鮮，店内亦有多種海産提供，令自助餐更具特色，例如：青口和三文魚，我最愛的則是炒蟹，鑊氣十足，再加上一罐可口冰凍的可樂，真是人生一大樂事。當然，飲品和甜品該店亦有提供，其中，朱古力瀑布是一個別出心裁的特色，令我們這些食客能寄娛樂於飮食，有趣。此外，該店的服務員的態度値得一讚，在我入座後，身後正好有一位坐輪椅的老婆婆，一位年青的男服務員見狀馬上以體貼的語氣帶婆婆入座並向我們一眾食客造成不便道歉，値得加許。總括黎講，如果你是喜歡燒肉，海鮮和美食的朋友，不妨可以一嚐這間坐落在旺角彌敦道創興廣場1樓的「韓牛」。

今日朋友請我食生日飯 帶了我去創興間韓燒。座位都舒適 坐低仲發現一直播緊我最中意聽既k pop。播既都係hit歌。可以邊食邊聽悅耳既歌 正！另外 侍應都友善。nice nice👍🏻👍🏻跟住睇下有乜食啦。嘩。有三文魚。青口。椒鹽瀨尿蝦。。。仲有我最愛既炒蟹同東風螺呀！肉方面都好多野揀。豬。牛。羊。雞。咩都有。飲野方面。飲品櫃到係擺滿哂好多野飲既。唔怕唔夠飲。到我地女仔最中意既甜品啦。有多種生果啦。朱古力瀑布😍仲有棉花糖😍😍😍😍😍唔。好多謝朋友帶我去呢間韓燒。實在值得一去再去。

今次同班friend去旺角創興一樓食韓牛鋪頭都算乾淨企理 裝修都幾好 入面d staff都好好人都會好肯幫你手 又幾有禮貌而野食方面海鮮幾多幾齊 都算新鮮 有賴尿蝦、炒蟹、三文魚、青口、東風螺,特別要讚下佢個炒蟹，炒到幾有水凖而基本豬、牛、羊、雞都有齊 醃得幾入味 都燒左好多碟鋪頭入面有棉花糖機、朱古力瀑布 生果款式都有好多 飲品款式裝滿矖3個雪櫃，入面都有好唔同既野飲 想飲乜都得，啤酒汽水樣樣有，同friend一路燒一路飲酒最perfect鍾意食韓燒又行開旺角既值得去試下

韓牛 滿意度:👍🏻👍🏻👍🏻👍🏻意見:地方就腳，食材新鮮，最好食嘅東風螺，海鮮街嘅貨，平民嘅價錢，不單食得岀鮮味，不用任何調味都夠味！再講肉類，所有肉類都"頁"得恰好😋，牛、牛、雞、羊樣樣有，唔會太重味又唔會淡味，個牛肉個口感唔會太油，牛仔骨亦好好食！甜品方面，生果嘅總類可算應有盡有，當中更可以用棉花糖染上朱古力噴泉，美味陪增，啱哂中意甜野既我😍一間鋪滿足幾個願望去邊度搵呀，韓牛就幫到您啦不得不讚就係員工嘅服務，有位員工仲教我地點燒先啱，真係貼心同窩心下次會同屋企人再黎燒過😝韓牛真係唔錯👍🏻

呢間好好食 有興趣去試下☺️之前我同我啲朋友係呢到食過幾次 覺得價錢公道 食物多完化 擁有好多唔同種類既食品 佢最令我深刻既都唔係食物 而係湯 到左我地呢個年紀既仲有幾多人 會番屋企飲湯 所以好值得年輕人去試下 當然佢仲有..好多種唔同類型既甜品 有糕點、糖水、棉花糖、雪糕應該好適合我地女仔去嘗試吓 甜品有芒果布丁丶椰絲啫哩丶香檳紅提丶香檳青提丶桂花糕丶椰汁西米露等等。仲有水果 例如:火籠果丶香橙..另外仲有三文魚刺身丶壽司丶唔同類型嘅熟食。主食 當然係牛肉。仲有 大人小朋友都岩食既雪糕。

前幾日同成班同學係旺角行到攰，係創興廣場見到有韓燒食，就打算去試下，點知原來又幾好喎👍🏻！入到去，d姐姐又非常之好人，見我地人多，特別安排咗張大枱俾我地，等我地又可以坐得舒服d,服務態度非常之好！另外，係食物質素方面我同啲同學都覺得物超所值！俾唔洗2百蚊，就可以食到三文魚、東風螺、青口、椒鹽賴尿蝦、炒蟹等等既海鮮😍，非常值得一試！而係燒肉方面亦都有十分之多種類既選擇，豬、牛、雞、羊、應有盡有❤。另外係野飲方面，亦非常扺讚！3個雪櫃裝滿曬唔同種類既野飲！啤酒、汽水樣樣有齊👍🏻🍻，同成班同學食住燒肉，飲住啤酒，真係好爽！😍到甜品方面啦，雖然我地男仔唔係好鐘意食甜品，但都俾呢到眾多既甜品款式吸引住！杯裝、枝裝雪糕呢d基本野當然唔少得，另外最令我地surprise既係有得整棉花糖😂😍，真係好正！其他仲有朱古力瀑布同芒果布甸等，非常之好食！總括而言，下次一定會再同同學黎幫襯！

琴日，成班同事出去食嘢，起旺角行咗陣，見到創興廣場一樓，有間新開嘅韓式燒烤，成班人都想入去試吓，一入到去，見到款式都幾多。見到入邊啲牛肉幾多款式，廚房前面，有部棉花糖機同埋朱古力噴泉，入面啲歌都update 得幾快,有唔少Kpop新歌，啲肉仲可以夾埋生菜來食，冇咁油膩，飲品款式都幾多，唔少常見嘅飲品都有。肉入面嘅肉汁好多。甜品方面，除咗有常見嘅雪糕之外，仲有老闆自己整嘅布甸，都值得一試，價格相宜，服務都好好，大家都可以去試一試。

原本係想食x舍,見一樓個傳單妹妹不停話試下啦,好好食咁, 又入左去食,環境衝生都正常, (同上手一模一樣)食物除左牛之外,其他都中下, 值得一讚嘅係個一口牛,認真好食.  有個調味區.醬料比較新穎,種類唔多原本食得好地地,個職員無啦啦走黎講,埋單一共$xxx. 心諗咩事? 門口;空傳單張;座位都無寫明限時食, 我入座到埋單都無70分鐘!!!!!! 係70分鐘都無!!連甜品都未食! !!已經叫我埋單,ok!  咁我照埋單, 埋完我就去拎雪糕;甜點咁, 食到一半個職員又走埋黎講, 我都好客氣講,佢望左我幾秒無回應就走左, 真係未試過食得咁無奈! 好心咁大間鋪,又印晒單張,連個都唔注明!!當我準備走出間鋪前,又聽到有客不滿無啦啦比人話夠鐘要離座!!!!!! 總結:野食得牛ok, 其他不值一試, 服務尚可,但有限時又唔講,真係扣晒分,唔會再有下次光顧!!!!

之前去創興廣場上面嘅12蚊店， 經過1樓見到有間韓燒餐廳，於是今日約埋班同事一齊去食 lunch。雖然午市都有韓燒放題，但我哋食飯時間得一個鐘，所以唔可以慢慢燒，唯有試下佢地既 Set Lunch。1:15 到達，但餐廳食客唔算多。唔食韓燒放題，都可以考慮選擇 Set Lunch ， Set Lunch 款式都算多，都有20款選擇。鐵板牛肉餐 + 柚子茶 $40套餐有兩款前菜同一碗滿滿嘅白飯。牛肉佈滿成塊鐵板，好慷慨。 但烤牛肉味道普通，唔算太出色。

前身漢陽宛 只係改名 改裝修 員工態度唔友善問佢拿杯唔多願意答你 去整綿花糖d人覺得你阻止佢做野 熟食方面 比人拿哂等超級耐都唔加囉 不論熟食 沙律 拿哂都唔會添加 炸物凍既 果d煎餅超級難食 甜品仲大鑊 啫喱得個色完全冇味道 好老實唔會再去 唔值得推介

今次嚟咗旺角食任食韓牛燒。肉類都幾多款式，擺放亦都好整齊，醃製嘅味道都唔錯。飲品日有好幾款選擇，自助式。熟嘅小食都有好多唔同款式。除咗燒嘅野食外, 亦有一D魚生、生蝦、螺同青口等等...隔離又有一啲壽司，同埋日式小食前菜。燒肉嘅質素，同埋味道都唔錯。韓式熟食前菜，個樣都唔錯。有炸雞腿，同埋螺肉小食。火力適中，燒出嚟都幾均勻，唔怕燒燶曬。食燒肉配生菜，一齊食冇咁熱氣。較為特別嘅係有一部自助棉花糖機，食飽又可以玩下，試下自己嘅技術都幾好。

平日曾光顧此間韓燒兩次,任飲任食不限時間,昨天星期六一心一意帶朋友任食,在任食不到一句鍾,經理已放下單部稱要埋單,但坐下時並沒有說明只食一個半小時,埋單後出門再看也沒有標明,真的食到一肚子氣.

今晚約咗食韓燒，去到門口已見到兩個韓國公仔歡迎我地價錢幾相宜店外還有些牛牛裝飾入座後即刻去逛一圈睇下有咩食 食物自選區範圍頗大，一眼望去食物選擇很多，七彩繽紛好豐富 !沙律區醬料區燒物區款式勁多，乾淨整齊燒肉區，梗有一款啱前菜區，款式勁多壽司區冷盤區湯品糖水區甜品區自製綿花糖，有三隻色既糖，哈哈，難得有得自己整，食完正餐一定要玩下仲有朱古力噴泉添先拎D即食既前菜醫醫肚還有炸雞小腿開動燒啦 !一次過攞咗好多款燒肉當然要配埋生菜，即時無咁熱氣  !仲有源源不絕既海蝦添除了肉類和海鮮，還有不少蔬果可以用來燒呀!最後玩埋綿花糖，平時睇人整好易，原來自已動手整又是另一回事

創興廣場1樓一直都有間韓國燒烤放題，不過之前嗰間係漢陽苑，亦都因為我有食物敏感關係，嗰間食過一次之後就俾大少列為無可能進食餐店，直至……我知佢無咗，轉咗另一間新韓燒，所以決定同大少去食肉類花款都好多，亦都有邊爐材料，但係我見到啲牛就已經發晒青光，一嚟就已經即夾咗一碟牛加一碟魚柳返去慢慢燒冷盤都唔少選擇，有我最愛食嘅中華沙律，同埋當然唔少得就係韓式醃菜，我最鍾意大荳芽、菠菜超好味熱食都有好多選擇，另外重有甜品部魚生壽司部，但係今日我主要想食燒牛……所以就無拎魚生壽司食甜品部除左有豆腐花之外，非常誇張地有個朱古力噴泉，重有棉花糖、車厘茄、西瓜、提子可以去沾朱古力，非常吸引行前多少少有個甜品櫃，櫃入面有好多係布甸、啫哩，我好鍾意，亦都食咗好多，尤其非常鍾意香檳提子啫哩最特別係，佢竟然有一個調味料櫃，有6款可以選擇，其中有韓式辣醬、豆醬、紅椒絲、蒜蓉、茄醬、韓式辣粉呢支嘢識飲就會知大約幾錢一支，呢度竟然任你飲……超正，我同大少飲咗4、5支呢啲甜品雖然好平凡，但係好好味，唔會過甜

難得放工尚早，就揾友人同我開心食飯，食放題就最好。隨心各自各取自己喜愛既食物飲品勁多選擇，仲有啤酒食物總類蠻多，牛肉，雞翼等等，而且十分乾淨企理冷盤有青口，凍蝦也十分鮮味壽司雖不是我杯茶，但也有很多款式甜品類也不少除了肉類又怎少得蔬菜類，拿了一些菇類烤肉十分原汁原味，沒太多過份的調味汁，味道不會過鹹正餐過後，當然到了甜品時間，水果也鮮甜可下下火，正！抽風系統不錯，食完韓燒也沒有太大韓燒味道，而職員服務也十分迅速，可隨時更換鐵板