韓牛韓式燒烤 (已結業)

尋晚同班fd去到韓牛食飯REU,D 原來野食都幾ok下喔, 最主要夠新鮮,D 茄子唔會黑色一點點咁,一分錢一分貨,甘上下嘅價錢就有咁上下嘅食物,所以我都覺得幾抵食。不過最impressive就系果度有檸檬汁，可以幫魚類癖腥，吊下魚味，識食一定燒魚點檸檬汁啦~可能比較少食韓燒，不過見到其他韓燒鋪都好少有好多種類嘅汁，呢間鋪俾我嘅感覺比較fresh，所以目前為止呢間係我暫時最滿意嘅一間韓燒，而且都幾近地鐵站，下次再約幫fd來食

香港人一直以來都係超級鐘意食自助餐的人...或者因為可以用最小的錢食最多種類的野吧..由好多好多年前的PIZZX HXX自助沙律吧到自助韓燒到後來五花百門的任食....睇下個市場就知...旺區而家好多都係任食餐廳....但我一路以為大家都只會追最新潮的黎食...一間開一間拾粒....點知今日竟然發現..原來仲有舊式的韓燒仲生存緊!!以前去舊式韓燒...一定會有幾樣野....冬陰功湯，人參雞湯，豬腳薑等等..呢間鋪頭都絕對可以幫到你...入到去就好似返返去十年前的自助餐一樣....人事物都係冇變過咁....當然味道都係....細細個好鐘意食佢醃到好入味的肉...當然大個左知道佢地唔係咁好...但久唔久食返一餐...其實真係幾好食的!或者食的唔係味道..係回憶吧...入面的種類唔算十分多~但應該要有的一定齊曬...豬牛羊雞海鮮...為左以時并進...佢仲有魚生添..不過本宅就真係怕怕....但好多人拿嫁...同埋佢而家有雪糕...仲係韓國蜜瓜雪條...當然你可以話價錢都唔平...點解要食佢...講真..以而家黎講..佢真係唔算平...但永遠唔駛等位加都叫有的野食..算喇...

尋日去左旺角食韓燒 大家都知旺角好多韓燒店舖 而我就最後揀咗喺 創興廣場1號嘅韓牛 一到去員工服務態度好 好有禮貌 而且食物質素都唔差 我自己本身就好鍾意食海鮮 好彩嘅係海鮮類型都好多例如賴尿蝦青囗 去食韓燒 最緊要係都係肉 啲肉都好新鮮感覺唔似放左好耐 而且肉嘅種類都好多 都有羊牛雞等等 食到有啲飽 就可以去隔離食下甜品 生果都有好多唔同種類 而且仲有朱古力瀑布棉花糖機等等 啱晒小朋友一齊去 嘢飲方面都好多種類 有三個滿滿嘅飲食櫃 有可樂有茶 適合返好多唔同口味嘅人總括而言 呢間鋪係我食過入邊好抵食嘅一間鋪頭，價錢200出頭，亦都鼓勵其他人可以去試吓👍🏼

標題已說明預左198呢個價食唔到好野，但差到呢個地步真心接受唔到，肉類味同嚼蠟，蔬菜類全部似係擺左成日冇郁過咁款。。。惟一算係比較好少少就係魷魚，用左大量油爆炒下先叫有少少街邊燒魷魚既味道。。。刺身壽司呢d真係講黎都多餘，熟食都係純粹擺設，d薯餅薯條麥樂雞之類更加係超市水準，當然，都係凍既。飲品方面有啤酒汽水，意想不到既係有陽光蜜瓜奶同椰子奶，配上燒烤個種唔夾係非筆墨所能形容。我諗惟一令我比較欣賞既係呢度播左好多少時同twice既mv。。。

去左兩次都覺得幾好，例如有多款韓式餸菜，甜品等，環境衞生，最令我滿意地方係可趕早入內進食，即使未到預約時間，時間夠亦無趕客離開，唯獨覺得雪糕款式小，午巿時段不是所有飲品任飲，反正氣水不是貴價款式

今天到旺角12元廣場購物，由於逛街太疲倦，在廣場下一層發現這間韓式餐廳有午市放題和套餐，但因為不想費力氣去選取食物，就放棄吃放題的念頭，改吃午市套餐好了。套餐選擇很多，價錢相宜，包括配菜、主食和飲品。韓式炒粉絲材料只見雲耳、葱、紅蘿蔔炒韓式薯粉條，猪肉在努力找尋下，只找到四粒，味道還可以，只是材料太少了。泡菜只有辣味，不甚吸引。鐵板牛肉餐牛肉很多，頗大件，味道不錯。柚子茶淡淡的，咖啡太苦，我只喝兩口就放棄了。此餐廳的食物本來不錯，但最大缺點是冷氣太强勁，而且風速大和直接吹下桌面，令食物温度下降得太快，熱騰騰的飯菜一下子冷卻，食物也變得不好吃，而且，强勁的冷風也令人感覺不舒服，想儘快離開。

見食評咁多人滿意, 以為都比前身的餐龐唔同, 點知.....有3款湯, 但都似加了水, 完全啖而無味。全場7成滿, 但有五成都是國內旅行團。飲品全免只限於晚餐, 午餐只限第一個櫃。食物唔新鮮, 似存放咗好耐, 同埋超咸.水果因為存放時壓住,你會見到西瓜係彎晒, 火龍果底係霉晒, 雪糕好冰味, 似雪芭多過雪糕。棉花糖,牛奶布甸都還可以。如果可以, 最好唔好咁樣播韓劇, 聲音大到人人都聽到, 但個畫面只有門口部電視,仲要部電視各住收銀, (其他電視係冇開既), 得個嘈字。可能係旅行團, 佢又唔會安排一齊坐, 佢地分散咗仲要D團友行黎行去。

韓牛是不錯嘅韓燒餐廳。食物種類多，又齊全。更重要的是每樣食物都很新鮮，海鮮有炒蟹，三文魚，青口等，應有盡有，生熟都有，味道一流。選擇多變，加上不同配搭，令味蕾上有更大衝突。如果不愛海鮮，也有各種燒肉滿足不同客戶的口味，豬肉，牛肉，雞肉，羊肉各有特色，放在爐上，經歷熊熊烈火，百度高溫，令燒肉更有口感。當然少不了飯後甜品，有健康鮮甜嘅生果，小朋友至愛的棉花糖機，加上朱古力機。口渴也不用怕，店內擺放3個放滿飲品的飲品櫃，與三五知己一邊享受美食，一邊飲飲品，人生幾何。而且店內服務員十分友善，敬業，令你彷佛在五星級飯店。韓牛適合一家大細，老少咸宜，下次必定再來光顧！

有一日，同男朋友👫行下行下街見肚餓佢話想食韓燒，本來我唔係幾想，因為好似冇咩選擇。點知，佢帶咗我去創興廣場一樓間韓牛，發現都幾好。嗰日都幾多人，本來等到有啲唔想等，但入面嘅員工態度都十分之好，令我覺得個環境都幾舒服。 講下啲食物先，都幾高質。有賴尿蝦、炒蟹、三文魚、青口、東風螺❤等等。燒肉方面都幾豐富。價錢亦十分親民，好抵食👍🏻！值得一提嘅係，當中嘅甜品、生果多種，好似就有棉花糖機、朱古力瀑布等等，全部都係我嘅最愛😍。除此之外，三個飲品櫃充滿滿滿既飲食，任君選擇，多到可以試到各款唔同嘅飲料。🍻🍻總括來講，韓牛係值得一試嘅韓燒鋪頭👍🏻

而家夏天，日日都30幾度，燒烤嘅話更加係熱死人！燒完身水身汗，都食得吾舒服la！而家就有一間韓燒簡紹比你！依間韓燒就在旺角創興廣場1樓，佢叫做~韓牛！依簡韓燒同出面嘅韓燒絕對吾一樣！首先，佢地嘅員工個個都好用心錦招呼每一位客人，客人有咩需要都會第一時間滿足！而且店舖都好整淨！另外，韓牛嘅食物都特別新鮮同種類都好多！雖然叫做韓牛，但係佢哋吾淨係食牛，裏面仲有豬肉，雞肉同羊肉食！淨係得依啲食？當然吾只la！你仲可以食到壽司，三文魚，青口，賴尿蝦，炒蟹等！食到口乾，你可以選擇去飲佢地嘅湯或者飲飲品，佢地有3個飲品櫃，3個櫃都係滿滿嘅飲品！係咪聽到都漏口水先？但係仲未止依啲！最後，就係甜品方面la！出面買棉花糖20幾蚊好貴？吾緊要，係韓牛到，你可以自製棉花糖，因為佢哋有一部棉花糖機，你想食幾多就有幾多，係咪好正先？除咗棉花糖，仲有朱古力瀑布，布丁等甜品同生果！吾講錦多，自己去試下就知有幾正！記住，係創與廣場1樓~韓牛~！

呢間既鋪頭地理位置方便，易揾。食物又多選擇，有吾同既海鮮，肉類，甜品。啲賴尿蝦有好多卵，好大隻。蟹全部都係肉蟹，清甜多汁，啲配材炒到入哂啲蟹既甜味，超正。三文魚又吾油膩，新鮮。青口好爽甜，有豐厚既肉。東風螺肉汁清甜。燒肉又有其他鋪頭稀有既羊肉。朱古力瀑布吾太甜。員工既態度有善，有耐性，臉帶笑容。呢間鋪頭真係值得一試，價錢又合理。

懷住試下新野既心情,已經諗住中硬伏架啦,行左入去,估唔到呢間野比到驚喜我。未坐到落去就已經比海鮮吸引住,我見到一大份三文魚,青口同埋蟹,而佢地都冇令我失望。唔可以話係頂級,但中上上一定走唔甩。2百蚊以下就可以食到同係美國LA KOREAN TOWN 果D貴價韓燒一樣既質素。牛肉都唔錯,佢最大盤果隻照燒牛我就食得最多,,因為實在係太嫩口了,平時食其他韓燒果D牛 , 一係就係成塊橡膠咁, 一係就係D調味好怪。但呢間D牛肉又嫩又野味,真係掂! 野飲果度你諗到既基本都有架啦,汽水啤酒果D,任拎既,但我就冇飲咁多汽水,因為要留肚食野 haha. 最後我想話既係呢間野居然有棉花糖機,岩曬小朋友同埋青春少女們,佢地係度食完又食.特別D係小朋友.呢間野值我比8.5分/10分

韓牛是不錯嘅韓燒餐廳。食物種類多，又齊全。更重要的是每樣食物都很新鮮，海鮮有炒蟹，三文魚，青口等，應有盡有，生熟都有，味道一流。選擇多變，加上不同配搭，令味蕾上有更大衝突。如果不愛海鮮，也有各種燒肉滿足不同客戶的口味，豬肉，牛肉，雞肉，羊肉各有特色，放在爐上，經歷熊熊烈火，百度高溫，令燒肉更有口感。當然少不了飯後甜品，有健康鮮甜嘅生果，小朋友至愛的棉花糖機，加上朱古力機。口渴也不用怕，店內擺放3個放滿飲品的飲品櫃，與三五知己一邊享受美食，一邊飲飲品，人生幾何。而且店內服務員十分友善，敬業，令你彷佛在五星級飯店。韓牛適合一家大細，老少咸宜，下次必定再來光顧！

近年韓燒店愈開愈多，但品質同服務並非每一間都稱心如意，其中有一間位於創興廣場一樓的「韓牛」，可謂眾多韓燒店中較好的一批。韓牛除了有普遍既雞豬牛羊選擇，還有賴尿、炒蟹、三文魚、青口、東風螺等少見的食材，選擇新鮮，食材也新鮮。飲飽食醉，少不免來個甜品，店內除了常見的各式甜品，還提供棉花糖機和朱古力瀑布，更有各式生果選擇。最後值得一讚的是員工的態度，即使在滿座的繁忙時段仍提供友善的服務，絕對值得一試再試。

尋日去左旺角食韓燒 大家都知旺角好多韓燒店舖 而我就最後揀咗喺 創興廣場1號嘅韓牛 一到去員工服務態度好 好有禮貌 而且食物質素都唔差 海鮮又有基本韓牛 我自己本身就好鍾意食海鮮 好彩嘅係海鮮類型都好多例如賴尿蝦青囗 去食韓燒 最緊要係都係肉 啲肉都好新鮮感覺唔似放左好耐 而且肉嘅種類都好多 都有羊牛雞等等 食到有啲飽 就可以去隔離叫下甜品 生果都有好多唔同種類 而且仲有朱古力瀑布棉花糖機等等 啱晒小朋友一齊去 嘢飲方面都好多種類 有三個滿滿嘅飲食櫃 有可樂有茶 適合返好多唔同口味嘅人總括而言 呢間鋪係我食過入邊好抵食嘅一間鋪頭 亦都鼓勵其他人可以去試吓👍🏼