霸嗎拉麵 (已搬遷) 新店位置

附近的几間拉麵店都食過，唯獨這間未食過，試下啦！叫左雞拉麵，點知中伏，成$90一碗拉麵，雞脾得2件，只有1隻手指長度，非常震驚，麵既份量都係少，唔抵食，味道一般，要另加其他小食先包，以為新店服務好，點知服務態度極差，比其他知名店仲差 ! 為免再受氣，不會再食了呢！

睇飲×男女見到宜家有套餐 送雪糕 尋晚就去食~~係門口等左幾分鐘就有位了 之前食過辣雞腿麵 今次食辣豚肉麵 叫左中辣 個人認為不太辣 舊肉雖然話係燒 但一到都吾硬 十分之咁*林* 好好味!!! 個湯都好飲**辛辣餃子 好味!!綠茶雪糕麻麻地 紅豆大粒又好食!!好好好細杯的!!

登龍街真係日本拉麵店的縮影, 又一間以豬骨湯底的拉麵店進駐。賣點叉燒係用了灸燒, 我先發製人點了碗灸燒豚肉海苔拉麵。豬骨湯好濃會張住個口, 浮住層油脂,飲一口好深的回甘味。一粒完整的唐心蛋, 食入口蛋白彈牙而且仲有流質狀態,蛋黃味甘香,一咬就流出蛋黃汁啦, 幸好用匙盛住食沒有流失一滴蛋黃汁。塊灸燒叉燒大大片, 邊位比較肥不過入口即溶,更有灸燒後微弱的焦香, 一片過切得厚身同重, 並非薄薄一塊, 食落有"肉地"同滿足。拉麵雖然是自家製就唔算好特別, 是直身幼麵來的,不過濃湯都可以掛在麵身, 每口都有豬骨湯鹹甘味一起送入口。有替玉即加麵, 萬一真的不夠飽, 比$20 加麵。張海苔也是大大張, 免沉腍身我是最先食。加份餃子一客5隻, 個底是加了粉漿煎到薄脆, 夾開時卡一聲。皮薄又香脆, 餡包了豬肉碎及菜, 建議要加點, 煎完食入口不油膩, 記得蘸個餃子汁仲好食呀, 酸酸地有D酒香炸雞香脆可口又不油膩。仲有飯、小食、甜品、兒童餐同雞湯麵食, 很多選擇呢! 貪得意點了個飯, 形式似韓國石鍋飯，有雞蛋塊，肉塊同蝦，撈好後保持溫度。碗可以比女生食, 或者好胃口食完拉麵加多碗都得日本雪糕有抹茶同黑芝麻

在銅鑼灣的登龍街裏，有很多不同種類的食店，而且在地舖位置佔了幾間已經是拉麵店了。一條短短的食街存在那麼多的競爭對手，質素當然要 保持最佳狀態，有幾間拉麵小店早前都經已嘗試過了！味道都不錯！今次嘗試這間舖位面積大一點的拉麵店：「BARI-UMA廣島霸拉麵」。整間食店都充滿日式氣氛，店舖面積大，座位寬敞，有大量卡位…枱上有多款調味料選擇。走進舖內發現拉麵條是由店內自家制的，屬幼身麵條。我較喜歡這種麵質，幼麵條易入口之餘又容易吸收湯的味道。現時大部份的日式拉麵都可以選擇拉麵的質感，軟、中、硬度。此店都不例外喔…我們就選了適中，這樣吃就最合適！我們三個人分別點了不同款式的拉麵，大家一齊分享。豚肉、雞鎚、野菜。濃厚豚骨湯(辛辣灸燒豚肉拉麵)$88(大/中/小辛)橙紅的湯底配上紅色的碗，愛辣的只需看到賣相都會深深被吸引住！火辣辣的感覺，我們大膽選了中辣，我試了一口，嘩！確實辣味都很高，下次點小辣就可以了。最欣賞的是灸燒豚肉，份量十足，又厚又大的，豚肉令人回味無窮，入口軟身質感彈牙，而且沒有黏住牙齒。味道恰好，又夠香！雞白湯(醬燘雞鎚味玉拉麵)$90濃滑雞白湯湯底非常鮮甜，慢慢散發出雞油香味。醬燘的

早前約了好友K小姐去了CWB聚餐，好友想去新開拉麵店 ,之前有來過1次,只是個次給我的感覺只是一般 ，既然好友想試這間拉麵店,就同她去這間拉麵店,相隔2個月再來看下有冇進步，這間初初開時排曬人龍,熱潮已經過了，已經見不到人龍,相對容易搵座位，2個人点了2個拉麵/2個小食/1個氣水,我點叉燒拉麵，今次叫拉麵好豐富，有糖心蛋 ,我切開蛋時候有流心效果，味道亦都好好味,叉燒好肥美呀，叉燒味道一般 。拉麵今次比上次有進步啦,拉麵的口感亦好軟身,我愛吃軟身拉麵口感，今次可以揀湯濃度,湯底味道好濃郁，餃子亦都煎得好味,皮薄多汁,我同好友各吃3隻,粟米亦都幾好吃,今次是第二次來這裡，我覺得比起第一次真是好吃咗 ，服務亦都OK,，地方亦好適中,座位之間坐得舒適，價錢稍為貴咗些小，可以一試

銅鑼灣登龍街真的很多美食，今晚和朋友在眾多拉麵店之中選擇了這家，細看餐牌其實拉麵的選擇不是很多，但就有炸雞之類，餃子都有數種口味。 和朋友叫的拉麵一樣，分別只是一個有味玉(即是溫泉蛋)一個沒有，選擇好拉麵就可以選擇拉麵的軟硬度及其他要求。 炙燒豚肉海苔玉味拉麵: 3塊大大塊的紫菜及一塊炙燒豚肉賣相很美而溫泉蛋原粒上沒有切開，差點忽略了它。豬骨湯底比較"杰"，味濃但不會太咸，控制得幾好炙燒豚肉半肥瘦相當吸引，炙燒味不重，清楚食到豚肉的味道。 餃子煎到香脆再左底部加上辣椒醬，雖然有辣椒醬但餃子味道仍算突出，但辣椒醬比較一般而且都偏辣如不能食辣的朋友建議試羽根翅燒餃子和照燒餃子。 用上雪凍了的玻璃杯送啤酒，沒有加冰都非常夠凍而且不會溝淡啤酒味，非常讚!札幌啤酒不會太苦，算容易入喉。 埋單食了$288左右。

天氣凍、食返碗熱騰騰既拉麵就最好不過餐廳好有日本風鮮明既色彩好醒神灸燒豚肉海苔玉子拉麵灸燒豚肉玉子拉麵因為佢地既分別只係有海苔同無海苔，所以我就一齊講拉溏心蛋用筷子輕輕一督己經知佢內裡有幾流心湯底偏稠，濃厚叫左少油所以唔算油膩因為湯汁偏稠所以掛面情況良好灸燒豚肉同出面既略有不同只有一塊，但就比較厚同大灸燒味重、呢個不得不讚、香口+12蚊就可以多款小食我又點會汁輸唐揚炸雞望落好乾身本以為伏己中點知食落入面好JUICY，有肉汁雞肉亦入味真係估佢唔到羽根燒餃子煎得岩岩好內裡仲有肉汁，調味都唔差皮薄額外叫左栗米粒不過太凍，食唔到栗米既甜味野菜OK主要係有銀芽同紅蘿蔔絲汁咸咸的兩個人叫左咁多野，埋單都係250蚊超值

銅鑼灣登龍街美食居多，最近假日的下午與朋友去吃日本拉麵。店內牆上印有「最強的濃厚」，大意應該是廣島霸嗎拉麵的湯底香濃，是吧？正播放日文歌，環境和座位舒服。枱上有齊調味料和紙巾。在餐紙可自選麵的粗幼度，任君選擇。灸燒豚肉海苔拉麵 $88　　內有幾根味筍，鋪上三片紫菜海苔。豚骨湯濃厚香，香噴噴半肥瘦的豚肉燒得色澤均勻。味玉+$10流心蛋色澤均勻，蛋味濃郁。味筍+$10大大碟，無渣爽口，泡左湯底內再吃，味道一流～醬燘雞鎚海苔醬油拉麵 $90 雞白湯拉麵，感覺上，湯底似是花了不少時間熬製而成。拉麵口感軟又有嚼勁。雞鎚的味道濃，都不錯～（羽根餃子 5件）照燒餃子 $38鋪面有層脆卜卜的燒汁薄脆，餃子煎到好香口，皮薄多汁。饀料有蔥花和韭菜，還可蘸上餃子汁增加味道，味道一流！甜品很特別－充滿日式的感覺，以小木筒盛載住雪球。抹茶雪糕$28曬上抹茶粉真係好好味，採用大紅豆粒，但部分紅豆未熟，有點硬身。芝麻雪糕$28近看見到有芝麻微粒，吃落好滋味。這店不收加一，但服務生服務殷勤，不斷加凍水，值得一讚！

係銅鑼灣番工,有時諗食咩會諗到幾煩惱,就算諗到又驚多人排隊,通常都會特登過左lunch時間先去食飯,食過既咁多間拉麵店,都係比較鐘意一蘭,直至遇到佢既出現...........男友黎一齊食lunch,係銅鑼灣行下行下去到登龍街,見佢d食物都幾特別,一於試一試,左上角塊布寫係自家製麵,玻璃窗會見到入面有幾個男仔整緊麵拉麵既湯底就係成碗野既核心!好味麵用人手自製,中上豬好好食,有少少肥肉夾係肉與肉中間,咬落去層次分明,絕不痴牙,必食流心蛋合格,雞鎚肉質幾滑衣個炸雞有d估佢唔到,因為我對拉麵店既炸雞其實冇乜期望,諗住醫下肚,但佢既水準好似比專門炸雞店既更好食!皮炸得夠脆,個醬汁好正,有種好香既辣味,肉好嫩滑,食既時侯配埋d蔥口感幾好餃子其實都好難會唔好食,煎得ok,足料,皮夠薄綠茶雪糕食得出係用北海道牛奶造,表面會加d紅豆,正正常常

這夜約了媽媽在銅鑼灣打算買聖誕禮物~逛完時代已經覺得有點肚餓了所以決定去登龍街~那邊好像開了不少的拉麵店嘛像Bari-Uma這家的門面就很大又吸睛 ('ω´)坐下後~店員就隨即給了Menu我們看~還推介說2人餐很抵吃反正也覺得頗豐富，兩款的拉麵湯底也值得一試就直接決定點了這個餐二人前 秋之拉麵祭 ($233)發現有兒童餐供應~很可愛的樣子 (♡∀♡)另外下單紙除了中文版本外~另一邊是英文版本來的喔套餐有飲品~是汽水和茶二選一 !! 都沒興趣的話飲水也可以喇還未有拉麵前~先吃 枝豆 清清地也不錯如果我自己的話還是比較喜歡吃溫熱的那種 >___<炙燒豚肉玉子濃厚豚骨湯拉麵這湯底還未試~單單放在桌上已經感受得到那香氣逼人試了一口，濃而不膩~再加上下單時選了少油更是恰到好處 (・ω・) 麵的軟硬度也可選厚切的豚肉很肥美~口感一流，加上灸燒後更有微微焦香可自行加紫菜浸湯來吃，吸收了湯精華才吃更讓人喜愛（ ÒㅅÓ) 還有很入味且滑溜的糖心蛋~如果蛋黃再流心一點就更好了醬燘雞鎚雞白湯拉麵媽媽選了這個~雞白湯湯底相對來說比較清一點，但不會因此變得淡味~雞味濃郁！如果怕吃比較濃厚的湯底～

男人係拉面怪，對拉面有一種獨有情意結，適逢黎到登龍街，咁多間拉面店就揀左霸嗎拉面其實咁多間拉面，點解要揀呢間？男人霸氣咁講：拉面嘅野，你識咩丫~小妹的確唔識入到去好快就有位坐其實種類唔多，不過勝在貴精不貴多可惜menu未update,跟住呢張格仔紙剔男人要試灸燒豚肉海苔玉子拉面嘩！大大碗，唔打得都睇得男人話湯底濃厚，唔算油膩，面軟硬適中，湯汁掛面岩岩好，豬肉個灸燒味略為唔夠，不過肉質夠稔，唔會chi牙，而且溏心蛋係一絕之作，蛋白岩岩熟，而蛋黃係超流心，唔怪得之同圖片有咁大出入，因為如果切開左，相信啲蛋黄會唔知流晒去邊到小妹嘅辛辣灸燒豚肉拉面，男人講到咁勁，等小妹又試下先小妹嘅拉面不含玉子，加左$10要玉子，先黎會一會個湯底，嗯~濃厚嘅豬骨湯配上淡淡嘅辛辣非常惹味，反而小妹嘅豚肉都會有小小嘅灸燒味，當然一定要試個溏心蛋！果然好溏心配合照燒餃子，皮薄涵多yummy!不得不提呢度貼心嘅服務，上至枱上嘅小碟第一隻會包上保鮮紙，提你拎下一隻用，下至叫枝啤酒會提供冰杯，嘩，咁貼心邊度揾啊！抵讚！果然，男人嘅選擇係無錯嘅！

星期六的關係，BARI-MUA 廣島霸嗎拉麵外面已聚集了人群，午市人流不算多，不用久等位子，待了5-10分鐘侍應生安排了單邊二人位子給我們坐下，整間餐廳的裝潢有點像日本著名搵食景點屋台的設計，擁有日式拉麵館的風味，椅子以木質為主。先看餐牌，再取出桌上的點餐紙點菜。除了拉麵，更設有石頭鍋飯，還有一些小食供應，那小妹就不客氣了。先來一碗濃厚豬骨豚肉叉燒拉麵(HK$108)，單看賣相十分吸引，特別在餐紙上選了少油及麵條硬度適中，再加了味玉一份，把味玉撈入拉麵內一起吃，半熟雞蛋內的蛋黃醬流出來溶化在湯底之中，令湯底口感略有黏性，肉眼所見豬骨豚肉表皮有被燒過的痕跡，咬一口香脆特別醒胃，而且豚肉切件比較厚身，咀嚼時啖啖肉份外惹味，可能是早已點了少油的關係，我就連湯底都喝光，卻完全不覺得有口乾的不適感覺，麵質煙韌，屬餐廳自家制麵來，我想喜歡吃拉麵的朋友仔又豈能錯過呢~再來一碗石鍋燒豚肉飯(HK$68)，中式有煲仔飯，日式有石鍋飯，冬天吃著暖笠笠好爽呀~送來時的石鍋燒豚肉飯需要謹慎，小心觸及器皿以免引起燙傷，但看見石鍋內的燒豚肉飯發出”炸炸”聲，看見都流口水呀~把豚肉切成正方形粒狀，吃前伴混整個鍋，飯

一心想試新拉面湯底，見登龍街拉面戰場有新拉面店，已雀躍欲試，但卻極之失望。叉燒拉面心想應該香囗爽囗，因表面燒過，But，一吃，軟淋淋像一口肥油，湯底冇味，面冇蛋味，口感一般。雞仲大镬，好似湯渣一般的雞肉，味道我都唔知點形容。總之全條街最差拉面非佢莫屬。

假日黎到拉麵界既銅人巷登龍街，對面間"三田製藥"食沾麵食到街知巷聞，今次就試下新野啦，霸王麵。呢到拉麵款式都比較多，不過飯類就唔多吸引。好既係有多款小食，同埋雪糕除左芝麻粒仲有辣椒同蒜比你落，啱曬我呢啲鐘意多蒜既人，要知道唔係度度都有多蒜呢!黎到呢間餐廳既招牌菜--炙燒豚肉海苔玉子拉麵，有大大塊既紫菜。面頭有辣醬，唔食辣既朋友記住挑走佢。湯比較濃，豚肉燒得好香，亦好厚肉，更唔會老至"鞋"口。蛋係糖心蛋，蛋白咬口彈牙，不過記住盡快食，因為熱湯好易令蛋黃變熟。炙燒豚肉玉子拉麵，同招牌差在無左紫菜，所以平啲。醬燘雞腿淡香既醬油味，但比較乾身，同想像唔同，因為佢個名講明係燘，應該濕身可能放耐左再加熱，評價一般。羽根燒餃子好特別既一款餃子。個底有一大片蛋紙，香口薄脆，好似食緊蛋卷。煎到岩岩好，唔會太燶同乾餃子保持到肉汁，肉汁亦野味。值得推介!

見銅鑼灣開左新拉麵店個名都好有霸氣所以lunch time黎試下比較早黎到，所以唔洗排隊就有得食店內有好多座位睇下menu點餐紙好貼心，可以揀少油少蔥同埋麵既軟硬我自己就揀左適中，冇特別走油服務員好熱心介紹拉麵款式比我地總括黎講有3個湯底可以揀一個係豚骨湯，一個係雞湯，一係就揀辣味總共叫左2款拉麵:炙燒豚肉海苔玉子拉麵醬燒雞鎚味玉拉麵一望已經流哂口水海苔拉麵有3塊好大既紫菜食落去好脆好新鮮湯底好濃郁，聞到香香既豬骨味一d都唔咸，麵度軟硬適中，彈牙最正係隻流心蛋，外面熱入面微暖做到流心既效果，蛋味好香甜而豚肉就好大塊，好肥美，入口即溶而雞湯都係好濃雞既味道不過我個人覺得豚骨湯好味d而雞鎚好好食，因為雞好嫩整得好入味Lunch好抵食，因為加$12就有得加餃子或炸雞我當然2樣都加左餃子好多肉，炸得啱啱好，唔會好熱氣皮薄又夠哂脆炸雞好香好脆，$12竟然有咁多舊食落好juicy..好惹味因為要揀原價既雞先有沙律醬所以我拎左餃子醋黎點感覺冇咁熱氣抹茶雪糕紅豆大大粒，比較硬身雪糕抹茶味不算好濃，奶味重一點質感軟滑我仲揀左波子汽水飲已經好耐冇飲過，細個成日飲見有得叫順便試下拉麵湯底好濃好正建議必選豚骨