霸嗎拉麵 (金巴利道)

營業中

休息中

今日收工無飯開，在尖沙咀逛累了，發現這家排著長長人龍的拉麵店，只得一個人吃飯的好處就是…即是長人龍也能很快被安排入座XD 店面其實算是地牢層，掛著日式燈籠裝飾的超高樓底空間感十足。 被店員安排坐在長桌，高高的隔板免去與陌生人拼桌時相對而座的尷尬，獨自一人用餐也可以安靜享受。 食物種類選擇多多，除了店家自製拉麵，還有餃子、飯類、炸雞、甜品、飲品等，拉麵店也可以吃得豐富！ 點了人人推介的炙燒豚肉味玉拉麵，上桌時可見湯底非常濃厚，口味偏重，甚有地道風味！軟硬度適中的拉麵略粗身，掛湯度不錯入口連麵帶湯，濕潤之餘也能嚐到湯底味道。  味玉原隻登場，輕輕一夾已微微破開，可以窺見內裡金黃，入口嫩滑帶淡淡咸香。 炙燒豚肉帶有燒烤香味，半肥瘦肉質偏軟而且厚切啖啖肉，入口全是脂香肉香。特盛版本有3塊豚肉，有點後悔沒點那一款。  始終日本直送的信州萍果疏打酸甜清香又冰涼，正好可以中和拉麵的偏重口味。  吃個拉麵還要點甜品好像有點奢侈，但偶爾一個人吃得豐盛點又何妨？日本抹茶雪糕伴著紅豆，放在小木桶食器中，和風味濃。抹茶雪糕甘中帶奶香，配軟糯的蜜紅豆口感更有層次，賣相味道同樣出色！下次來一定要試另一款口味！

某一天，朋友推介話呢間拉麵館好食仲捉我入去，其實我比較少食拉麵😓，既然佢咁熱情，就試試不過地方都幾特別,，睇得出design上係有花心思，好多木嘅素材，模仿日本當地嘅特色，而且個"bar枱"同牆身都貫徹返成件事個感覺，幾好feel喎叫左個辛辣炙燒豚肉味玉拉麵，開頭食頭一兩啖，唔覺得有咩辣，但慢慢食落就會feel到，又幾惹味，大大一塊豚骨，微微焦香，肉質軟稔拍得住日本嘅水準，麵質感都0k彈牙，成碗味道都好豐富，不論肉或麵都份量十足，幾飽肚照燒餃子，用咗日本傳過嚟嘅方法，底部有一層麵粉水脆皮，首先聞起來幾香，餃子有d小小湯汁，d餡又多又香，燒餃真係幾好吃綠茶可樂似百事甜甜地，唔错我真係幾鍾意呢個新款飲品

週六，與好友到尖沙咀購物， 過了午飯時間，但還未到下午茶時段 ，在這個尷尬的時候，最好就是吃拉麵。一直很想試加拿芬道，那間拉麵店每次經過，都會看到長長的人龍，這次算是上天的安排，不用等位就可以內進，感覺實在太好了。 這裏的拉麵湯底，大致分為濃厚豚骨湯及雞白湯，另外，亦有兒童套餐，而小食方面，有餃子、炸雞及甜品等等。 而我與朋友最後都點了灸燒豚肉海苔味玉拉麵。落單時麵條可選擇軟硬度，少油少蒽或全走。 拉麵送上來時，大大碗的，賣相相當不錯，內裏有流心蛋 、筍、紫菜及豚肉，當然覺得不夠的話，可加錢確外點選。 呷一口湯底，帶有濃濃的豬骨香味，而且口感一點都不油膩，感覺就像用上大量豬骨餚製而成。 而拉麵的口感煙韌而富彈性，呷一口熱湯，再吃一口拉麵，相當滋味。 個人非常喜歡流心蛋的味道，蛋白口感非常輕軟，輕輕咬一口，蛋漿即時從雞白內流出，我先把蛋漿吸啜了一半，再將餘下的混在湯底內一起享用，味道超級甘香。 主角豚肉非常厚生，雖然看起來脂肪層厚厚的，感覺有點肥膩，不過，入口帶點入口即融的感覺，充滿燒烤的香味，惹味指數爆燈，難怪門外經常大排長龍。

我係一名拉麵控，今日中午走到尖沙嘴找朋友陪食麵，遠處見到門囗大大個日本風味木系招牌同紅色布片，相當搶眼，店內裝修更是鮮艷奪目，充滿日本風的彩繪牆配以木色傢俱，入面更有一排排獨有的排座，處處充滿日本風味。首先重口味嘅我叫左個濃囗豚肉味玉拉麵，個湯底望落唔油膩，麵質選了適中，軟中帶爽彈口感不錯，豚肉嘅質地爽口,有少少脂肪,令到咀嚼嘅時候更加有咬口，糖心蛋好有彈性, 而蛋黃係半煮熟嘅狀態, 水汪汪咁, 好正好好食! 另外心思思想食試埋個辛口唐揚炸雞，個炸雞幾好食，日本風味燒汁調校得非常好，酸酸甜甜，雞件外脆內軟，有肉汁滲出，雞皮超脆超香！店員向我推薦呢個靜罔蜜瓜蘇打，傳出陣陣蜜瓜味幾清爽，絕對值得一試！好飲

小妹男友向喜歡食拉麵一向喜歡食拉麵，襯著假期去尖沙咀逛街就決定嚟一嚐呢間長期排隊嘅「霸媽拉麵」。大約13:00到達，排隊時店員比落單紙同餐單我地選擇，我地分別點左「炙燒豚肉味玉拉麵HKD88」同「特盛炙燒豚肉拉麵HKD118」，之後再等左10分鐘好快就可以入座。小妹炙燒湯底確實十分濃厚，但我卻吃不出有豚肉的味道，醬油味相對比較特出。湯底即使少油仍然感到油膩，需要配著另加的粟米吃才可以把一整碗麵吃完。流心蛋很入味，值得加點。但這家的炙燒厚切豚肉確實是貨真實的厚切，入口有充滿炙燒的香味，但亦帶些嚼頭，需要使勁才能吃完。男友這碗比我的多了幾塊炙燒豚肉，少了一隻蛋。他是一向喜愛吃豚肉的，他的評價是”有點韌 ”。但他卻是很欣賞濃濃的醬油味湯底及那層白花花的油! 餃子肉汁飽滿，裡頭是菜肉，味道不錯。總結，可以一試。

做完facial, lunch time在尖沙咀想要揾食好容易，想起這間不錯的日本地道拉麵，今趟便再一次光顧。店內裝璜充斥日本食店風味。在悠閒的日子，最愛到有品味的餐廳享受美食！午餐時段有升級優惠，加$12 可點原價$35的餃子或炸雞。加$8 便可享原價$10-$15 的飲品，都幾抵！炙燒豚肉海苔味玉拉麵拉麵配可樂，冇得輸吧！豬骨湯餚得很濃，拉麵浸著濃湯底好香，麵條食落好滑！厚豚肉肥瘦相間，唔會覺得肥膩，又唔會乾身，厚厚的肉地很有質感，味道香濃！ 又係好入味的糖芯蛋，流出來的甜蛋黃，儘管明知膽固醇高都要整個食洒，哈哈！好特別的羽根餃子，以薄脆做面層，雖然沒有味，但勝在口感特別，反過來就能看見它的"真身". 用這特式木盒盛著芝麻紅豆雪糕，賣相吸引！值得一吃再吃的日式拉麵！

剛走進店裡就有濃濃的日本氣息，店裡的裝潢設計，桌椅的擺放安排，還有播放著日本歌曲，完全又像來到了日本今天被安排在靠窗的單人座位，點了炙燒豚肉味玉拉麵+沙拉野菜炸餃子！！拉麵的湯頭夠濃郁，就像當地的口味沒有因為改變了地方而更改了湯頭的濃淡，但覺得這濃郁度還是適合在冷冷的下雪冬天裏來上一碗！！恰好那天是下著大雨的天氣來碗熱呼呼的拉麵真的好幸福呀！！炸餃子要一上桌就吃個人覺得比較好吃呢！店內的冷氣蠻強的（不知道是不是因為雨天的關係）但餃子咬下去之後冒出煙的感覺好棒呀～～整體來說，蠻推薦的一家拉麵，且位在尖沙咀The ONE步行不到兩分鐘的距離！！

霸嗎拉麵想食好耐咖啦！成日見排長龍都無心機排隊 ...今日終於有時間慢慢排⋯好彩唔算多人我朋友叫左 辛辣灸燒豚肉味玉拉麵仲要（中辣）😱😱睇見咁紅我以為都幾辣但佢唔算食得辣都只係覺得一般食得辣既朋友 可以試下（大辣）我自己就叫左個唔辣既 灸燒豚肉味玉拉麵簡左軟麵,食落都唔會太淋,個叉燒雖然好香燒烤味,但就太多肥膏 😭😭除左肥膏..其實都幾好味 ⋯⋯湯底好好味, 唔會好（杰）⋯右手邊係我既,🤔可能燈光問題⋯其實無咁紅咖都幾值得排隊試下同埋都抵食 每人都係$100到

味道：中上。味道是不錯的，湯底濃濃的，麵的軟硬也有的選擇，感覺也是挺好的。麵會配一隻溫泉蛋，也是很吸引的。環境：中，溫度幾舒服，坐也可以，只是有少少逼。等候時間：比較耐，我平日8點半到，都要等43分鐘，如果沒耐性，就可以不用食了。價錢：中上，以麵計算，連小食，約$120左右，算比較貴，不過這個quality 而言，這價錢是可以接受的，而且對比其他日本餸，價錢也可以接受的。整體而言：不錯！可以再去嘗試。

一直都覺得拉麵來來去去都係個啲味有小小濟😛 too oily 😖😖所以通常食完一次都要隔好耐先可以再食😣今次人地suggest 黎呢間食睇到menu 估唔到有雞湯味 ramen 😍🤤🐔($88 with 玉子)之前係日本食過雞湯味ramen 都覺得好好食架啦！呢個都冇失望！個湯真係好好飲！❤️但係個雞肉就好似一般啲🙈有朋友食返豬骨湯味嘅拉麵🐽（$88 with 玉子）我就試過 覺得都係個啲味囉 haha Oily 左啲 下次都會食返雞味🐔☺️

拉麵店位置近尖沙咀 The One 容易搵到 另外更加有十幾二十人在排隊呢 吃過之後覺得難怪咁多人排隊 的確不錯同朋友兩個一人點一個拉麵 雖然去唔到日本 但亦都喺度食到濃郁嘅豬骨湯底 紫菜豚肉拉麵 湯底不會太鹹有淡淡的牛油香(?) 很滑很細緻 豚肉不會太肥膩 厚厚的一片片呈上 咬下淡淡油份融洽軟林林嘅肉質 入口有溶化感覺 而且亦有淡淡的烤過味道 紫菜脆脆的幾塊 帶有淡淡鹽香 即食像小食 深入湯底會湯添加幾分紫菜的味道辣湯臀肉拉麵 今次選了小辣 因為不想辣味蓋過豬骨嘅湯味 果然不失豬骨嘅濃郁 亦帶有淡淡的辣椒味 但不是雞煲那種嗆喉的辣 厚切的臀肉入口鬆軟 油分比例佳 不會全部是肉或者全部油 小小脂肪令肉質不會太乾 另外流心蛋值得一讚 厚實之餘不會硬如果有額外時間排隊的話 值得一試 可以係香港食到日本風味

有段時間本小姐受身邊朋友影響 會成日去食拉麵 無食一排去試下成日經過都多人排隊嘅霸嗎拉麵 一直鍾情於豬骨湯底 所以一睇menu 必選濃厚豚骨湯炙燒豚肉味玉拉麵上到枱 唔知係咪我走左葱 少左d綠色點綴 好似有點dry 一貫作風食拉麵一定係飲啖渴先啦 一飲十級濃味同邊油同有點過鹹 飲完有點黏口 完全豬骨底嘅感覺 可惜我真係覺得重味左 本身鍾意好軟嘅麵底 揀左最軟都比我預期硬生 而且飲左幾啖已經有好膩嘅感覺 加上塊肥豬肉 多過一半都係肥膏 唔係好淋咁嘅肥膏而係一大舊 真心我麻麻 好所以有d失望 流心全蛋係最抵讚反而朋友的雞叉燒拉麵 湯底清清地反而有驚喜 但始終鍾意豬骨湯底嘅拉麵 所以唔係特別喜歡

香港多拉麵店，很多也是來自日本的人氣排隊店。來自廣島的霸嗎拉麵便是其中一間。 每次午飯同晚餐時間，這間霸嗎拉麵門口必排了長隊一條，所以小妹選擇2點後才去，不用排隊多好喲。即使不用排隊，入面都有不少顧客呢！ 因為個人喜歡有紫菜，有溫泉蛋，所以點了炙燒豚肉海苔味玉拉麵 （還選了適中硬度的麵，少油，走蔥） 可能是因為少油的關係，飲了一口湯真的不是很膩，湯底很濃，很重豬骨味，喜歡豬骨湯的我這點是很得我歡心的。 豚肉超厚同超肥，我只好吃了一點點痩的位置，竟發現痩的位置也不會靭，同埋是超入味的。如果不是這麼肥便好了！ 選了日本直送的50％果汁入的蘋果梳打，酸酸地還加上有氣，吃完拉麵飲下⋯⋯只有一個”爽”字可以形容。 這裡有水供應的，其實不用Order飲品也是可以的喲！

朋友食過這間拉麵，話有日本水準，平日都經常滿座。今日放工經過，黎試下，發現朋友介紹無錯。好彩早到，未洗排隊住。聽講係黎自日本廣島，裝修格調與日本當地既拉麵店一樣。一坐低，店員會即刻比杯凍水。之後就可以自己任添。有兩款拉麵款式，炙燒豚肉配豬骨湯底拉麵，店員話炙燒豚肉會比較肥，湯底就濃味啲。另一款係雞叉燒，配清淡啲既白雞湯底。今日想清淡少少，所以叫左雞叉燒拉麵，里面包左一隻味玉。湯底好有雞味，飮左半碗雞肉係圖形厚身，好滑拉麵軟硬適中味玉好正，夠入味，一咬落口，係爆蛋汁另外再叫左一份羽根燒餃子，有五隻。皮好夠薄。如果下午茶時間，加$12就有。仲抵

炙燒濃肉味玉拉麵$88-霸嗎拉麵🍜拉麵質素真的平平, 麵質選了最硬還未到彈牙煙韌有嚼勁的口感, 最失望一定是叉燒, 肉質較韌難以咬開, 且肥膏偏多帶膩, 大概佔整塊叉燒的一半😂 幸好湯底挽回一點分數, 用上了濃厚豚骨湯, 濃得來不會過鹹!整體不過不失! rating:5/10