霸嗎拉麵 (金巴利道)

營業中

休息中

中午去食，呢碗野加多五隻餃子冇啱啱一舊水，個餃子呢，就都OK，跟埋麵都係加十幾蚊，抵加，講翻個拉麵，湯底濃郁，麵夠彈牙，隻蛋成隻上食落口感幾好，塊叉燒就真係堅秋，切到勁厚，仲要燒過，有少少焦香，咬落好肥美。基本上成餐拉麵都算得上水準以上，行過路過唔使排隊可以一試。

見成日都甘多人排隊 就試下呢間有咩甘吸引啦叫左個辣既拉麵 個麵身都幾硬身 唔錯 多蔥 但太多油係湯面 呢個個肉味清d 豬骨湯底幾好 無甘油 清清地 但唔算豬骨味濃個炸雞塊有d乾身 但醬料平衡返 甜甜的芥末蜜糖醬 唔錯呢碟餃子味道一般 但賣相吸引在佢塊脆卜卜煎底味道無乜 但幾得意 個餃無煎燶 應該係蒸左先煎一煎既

霸嗎拉麵門外總是有一條人龍，不得不令我放棄。今天打完壁球已近兩點，加上下著雨，猜想應該不用等位吧。怎料去到兩點半，仍有一條短短的人龍，人氣依舊。店內樓很高，感覺很開揚。拉麵主要分為豚肉及雞叉燒；亦有飯類、小食、飲品。炙燒豚肉味玉拉麵主打人氣炙燒豚肉拉麵，有一件很厚的炙燒豚肉，帶有一層脂肪，油脂很香，質地帶軟。豬骨湯底亦足料，香濃美味。溏心蛋控制一般，兩碗拉麵，一隻不錯，一隻有點過熟。羽根燒餃子一碟餃子有五隻，餃子底部煎得脆身香口。有別於一般煎餃，餃子的餃皮很薄，仍然保持嫩滑；一咬下去，仍然有不肉汁，皮薄餡靚。

下雨天肚子特別容易餓，路過見到平時多人排隊的拉麵店，難得人較少，立刻入店內試一試店內裝潢不錯，有日本街頭風格檸檬拉麵大大吸引我的眼球，創意分爆表，不知味道如何呢先上菜的是餃子，店員特意提醒我們加入會員，可以以$15換購，當然立刻下載！ 餃子表面很脆，味道一般雞叉燒 很好味 不油膩 很少見！湯頭是豬骨湯，味道濃郁期待以久的檸檬豚肉拉麵，真的和照片一樣，三片檸檬放在一邊，篤篤檸檬，微微的酸味，開胃醒神，但檸檬浸耐了 會有苦澀味，記得拎起喎！

一直好想食的拉麵，終於吃到了！今次早了一點到，不用排隊。餐廳內環境光鮮，有日本拉麵店的風味。吃了店員推介的期間限定：🍜特濃魚介魚乾豚骨拉麵+味玉 $93+10 ⋯拉麵可選軟硬度，少葱少油等，拉麵硬度適中，每條麵條都沾滿湯。今次特濃魚介湯頭味道剛好，濃厚且不會太濃稠，算是清新而很出色的。真材實料，炙燒過的豚肉肥瘦參半，入口肥美而不膩。🍜炙燒豚肉海苔味玉拉麵 $98 •這款有三塊海苔還有原隻溏心蛋，十分足料。豚肉上有少許豆瓣醬，微辣。炙燒過的豚肉焦香，肉質嫩滑，店員說用低溫慢煮超過十小時，再以明火炙燒增添脂香！湯內的配料也不遜色，做得很好，平時較不愛吃味筍，這𥚃的味筍，嫩口且沒有渣。不用加一，又好吃😋終於明白為何長期有人龍在店外。

前幾日同朋友行過尖沙咀諗住飲杯野前食餐飲 作為拉麵/沾面狂既我緊係提議食拉麵！同一條街有間食左好多次既拉麵 又有霸嗎 諗住食返次新野 就入左霸嗎啦果時係平日既夜晚 雖然係平日但都等左10分鐘先入到去喎作為一個務實派 每次食新既餐廳我都一定會叫原味 但我見格離枱果碗紅當當既面就叫左辛辣味！不過都叫係叫左小辣啫 個麵我叫左正常硬度 我就覺得個辣果始終都係cum左個湯底既香味 建議大家第一次食都係叫返原味好啲 個蛋就有少少煮過左啦我自己覺得溏心蛋最緊要係夠流心 蛋黃最切忌就係太實 所以個蛋真係麻麻地 不過！ ！塊肉真係唔讚唔得 燒得岩岩好 又大塊大厚 食落去個口感真係不得了 用筷子都可以輕易整開 半肥瘦最抵讚 諗起都流口水！除左拉麵我地仲叫左照燒餃子同沙拉炸雞 我個人覺得炸雞就不過不失啦！不過個照燒餃子就煎得好脆岩岩好！如果下次再黎食一定再叫個照燒餃

唔知做乜呢排好想食拉麵, 但食咗幾次都失望而回, 有次個fd 話呢間 "霸嗎拉麵" 話我試過一定話正.之前經過好多次, 都唔明點解咁多人排隊, 不同時間及天氣都多人, 今天Ｎ好勇敢咁冒雨都要排隊入去食.裝飾走日本式, 有2人枱及單行枱面.全開放式的廚房, 清楚見到師傅落力煮麵N一眼就睇中  *期間限定*  特濃魚介魚乾豚骨拉麵 ($93)同日本某些拉麵店一樣, 可以隨意選麵的硬度, 配料多少, 及少油都可以揀, 好鬼貼心嘅啫拉麵一上枱, 濃香的魚湯香味撲鼻而來, 首先試一口魚湯, 濃稠而不肥膩.表面再加一小簇朝銀魚仔, 加了口感之餘, 還令魚湯味道提升了不少.霸嗎招牌嘅豬腩肉, 用慢煮方法保持肉質嫰口, 脂肪跟肉的比例接近1:1麵屬幼身, 中硬度最合適朋友要的是 "濃厚豬骨豚肉玉子拉麵", 有整隻流心蛋, 蛋心有點點過熟, 因為時間上真的不好拿捏.小食之中, 我倆選了"羽根燒餃子" (5隻, $35)底部造成網紋, 脆脆的很不錯.還有 "唐揚炸雞" (5件, $35)即叫即炸, 仲保持了大部份的肉汁, 真的要俾5個

這間拉麵每次經過都見大長龍，一直心思思想試試究竟有什麼魅力。長龍是一輪輪的，終於等到沒有長龍的時候就入去了。裝修非常有日本風格，令人置身於日本的拉麵店一樣。我一向喜歡較清淡些少的湯底，所以選了雞叉燒辛辣雞白湯拉麵。結果真的很有驚喜，雖然看上去油很多，但吃下去不然，是有很香的辣油味，湯非常清甜，麵條是幼直的那種，雞肉嫩滑到不得了，只能說配合得很完美，而且份量絕對不少，一定吃得飽飽。男朋友最喜歡豬骨湯，選了特盛灸燒豚肉拉麵。一端上來是有點嚇到，想不到豚肉和圖片一樣有厚厚的四塊，其實自認不是大胃王的人都是吃其他會比較好，這個真的會有點膩，但其實是好好食的，䐁肉半肥瘦，有彈性之餘又有鬆化，湯會比雞湯更甜但膩感會重一點，兩碗都好食，看覺個人口味。再來叫多份羽根燒餃子和燒汁唐揚炸雞。餃子煎得好正，底脆內軟，鎖住肉汁，一下子被我們清光。炸雞炸得不是非常熱氣，有少少像韓式炸雞，雞肉都好食，不會炸得太乾身。綠茶可樂，清清的綠茶味加上可樂完全中和了可樂的甜味，頗清新又解渴，不錯。埋單都是350元，又豐富又好食，難怪如此多人排隊，真心好食！拉麵癮一發作一定會再來！

霸嗎拉麵真係好誇張，未見過一刻條龍係冇人排。。😂 當然有時想食拉麵我都會去排下~環境好正，一入到去好似去咗日本食拉麵咁，到處都係日本既裝飾。炙燒豚肉味玉拉麵 ($88) 呢度既豬骨湯好正，好濃好重豬骨味。叉燒好冧，入口既溶，燒得好香。直麵食落冇曲麵咁飽肚同吸汁，所以係同呢度既湯底係十分之夾。雞叉燒辛辣雞白湯拉麵 ($88) 呢個叉燒好特別，係用雞肉夾成一塊叉燒形狀既肉，食落好香，肉質都好嫩。辣味愈食愈惹味😆

成日經過隔離2個大型商場都見佢門口有條長長既人龍，今日都係咁唔同既係，我終於的起心肝去排黎食！排左大約半個鐘左右就到我同朋友，一入黎就比佢日系既裝潢吸引左，吧台居酒屋既風格令到自己好似到左日本而唔係tst咁。我叫左個雞叉燒味玉拉麵而朋友就叫左個豚肉玉子拉麵諗住大家可以share食，點單上面可以簡麵既軟硬程度亦都可以簡少油走蔥之類，幾貼心既設計。另外我地仲比左38蚊加左支巨峰葡萄果酒，佢比我想像中size細左少少，但都夠2個人開心share🍻🍻講返碗麵先，平時啲人話食拉麵之前要飲啖湯，講真我就好怕飲呢啲湯既覺得佢實會好鹹又油所以我就叫左我朋友試，佢既feedback係呢到既湯底唔係有啲餐廳既濃郁口感而係屬於比較清既湯頭，不過佢清得黎又夠cover成碗日式拉麵既味道👍🏻我嗌既雞叉燒係將雞件卷起一舊舊再切成厚塊，口感十足加埋蒜粒好好咬口，而我都食左少少朋友既叉燒亦都一咬即開，不過相比之下我都係鍾意食雞多啲

同朋友睇完電影想食拉麵, 猶豫左陣就入左霸啦, 味道唔錯!食左佢個灸燒豚肉味玉拉麵, 落單紙同其他拉麵店一樣有得揀麵質少油走蔥。我自己偏好適中麵質, 咁先食得出間店有幾多斤兩我朋友就叫左個雞肉拉麵, 等一陣可以交換食lol上菜後賣相不錯, 湯不是很濃那種, 唔會好似某d拉麵食一淡要飲一淡水咁。麵質岩岩好, 舊豬好大塊好厚, 未到入口即融但煮到好林好入味。而舊雞都好大件, 又係煮到又林又入味, 好正總結而言, 幾適合唔愛濃湯拉麵既人黎食，如果愛好傳統勁濃湯應該就唔太岩食。

約左朋友係尖沙咀食飯，佢想食日本野，就上openrice 睇下，見到呢間被評為最優秀日本菜餐廳，就決定試下。個晚六點幾到餐廳，唔算多人，好快可以入去。我同朋友口味一致，都點左灸燒豚肉味玉拉麵，麵質選左一般，無走其他野。灸燒豚肉味玉拉麵算大碗，灸燒豚肉肥瘦適中，脂肪同肉比例唔錯，咬落去口感幾好，唔會覺得好肥膩。雞蛋亦整得出色，煮嘅時間啱啱好，蛋白滑而蛋黃色澤金黃。再試拉麵，面質軟硬適中，湯底唔會太油，但有香濃肉味。總括來說，拉麵水準中上，價錢唔貴，可以一試。

The one 睇完戲唔知食乜好，醒起曾經有朋友介紹過話呢間拉面幾好一於試下.因為成9點幾十點，得十個人排隊，所以等左一陣就入得.辛辣炙燒豚肉味玉拉面（小辛）炙燒豚肉味玉拉面湯底竭但唔濃，以為辣味蓋過左，點知正常湯底都係飲唔出咩味道.面幼但唔彈牙，蛋過熟唔夠流心.筍就唔係我杯茶，不矛置評.唯一覺得要讚既係塊豚肉，厚切五花腩，肥瘦適中，入口即溶重食到陣陣火燒過既味道.羽根燒餃子底唔脆，皮唔薄，餡料淡而無味，食完都唔知放左咩入口由於叫左辛辣面，即送雪米糯. 咬一啖即吐，個皮硬到似膠

今日約左媽媽去尖沙咀食野行街，點知搭巴士在彌敦塞左勁耐，出到尖沙咀都已經3點了，好肚餓，立即去找東西吃。來到位於金巴利道的霸嗎拉麵，門口有數人等位，都係遊客居多，但流量好快，等左一陣就入得啦。枱上已放有一壺冰凍的檸檬水，非常好的安排。店員為我們推介店內最新推出的限定品特濃魚介魚乾豚骨拉麵，所以媽媽就揀左依個，媽媽話一碗有十多隻日本魚乾，份量算多，而魚乾都非常香脆可口，亦能帶出濃香的鮮魚介湯味，再配合入味竹笋，香葱花，媽媽表示好特別，還不錯。而我就揀左最普通的炙燒豚肉拉麵，對我黎講，最好係可以自行選擇麵質硬度，湯底油份，加減配料，所以我可以揀「走蔥」~ 豚肉非常厚，炙燒過後有濃香燒烤味，感覺不是太肥膩，而是肉質軟，易咬，有少少入口就溶的感覺，配合濃郁的湯底，難怪吸引咁多遊客來試。

聽朋友講呢間霸嗎拉麵好好味，成日排長龍，所以今日就去試下。我覺得排隊都唔算排得耐，大約10至15分鐘左右，未入去之前就已經可以寫定食咩，但座位就無咁舒服。食物黎講，拉麵我覺得都ok中中等等嘅，最值得一提係個碟燒豚肉，very good