霸嗎拉麵 (金巴利道)

營業中

休息中

This restaurant mainly serves japanese food, especially ramen. The soup here is very good. I really like it. The staff here is very nice. The decoration here is very japnese. The food is not expensive also. I would recommend my friend to eat here.

【濃厚豬骨豚肉玉子拉麵】 ：HKD88 霸嗎拉麵嘅濃湯相信每個人食完都好難忘。呢到嘅拉麵 拉麵可選軟硬度，少葱少油等，拉麵硬度適中。湯底清得黎夠成碗拉麵味道昇華。最厲害之處在於佢可以令每口拉麵做到掛湯效果， 加埋一塊厚切豚肉， 豚肉肥瘦適中，令到口感多層次， 肥方面夠甘香； 瘦方面又夠腍滑。另外，聽聞呢到嘅豚肉係以低溫慢火煮超過十個鐘，真係食得出佢有落足時間心機； 糖心蛋生熟程度好正好味，流心令到入口好軟滑。

Mira Mall 對開條斜路成日有條人龍，好令人好奇。有晚咁岩經過見到少咁啲人，就去襯下熱鬧😆 就到食飯時間，好快我後面就多咗好多人~ 好期待啊🤤 等咗十幾分鐘，就有店員出嚟問幾多位，俾咗order紙我哋。拉麵口味唔多，唔知豚肉係咪佢哋招牌拉麵？🍜睇到食評好多人推薦「炙燒豚肉味玉拉麵」，我都照樣叫咗個！ 湯底好！濃！好！正！本身唔多睇到有熱煙，以為碗拉麵唔夠熱，但一夾起啲麵，啲煙就飄返出嚟，仲有啲燙口。可能係d油隔住咗啲熱力😂? 隻溏心蛋仲係流心的😋 但我浸耐咗，搞到「蛋黃外圍」熟咗少少💔 蛋白部分好滑好滑。有日本拉麵店嘅水準！至於豚肉，一層肥一層瘦，口感鬆軟。而且又厚又大塊，亦好入味😋 正常食量一碗拉麵剛剛好。本來諗住食到一半加一份餃子，但此時胃容量已經所剩無幾。飲恨！💔附送一張照片，睇睇餐廳環境！

唔知點解最近一直好想食拉麵，之後每次經過銅鑼灣都好想試下呢間霸嗎拉麵，而且好似都有d人排隊等位，所以一直冇試！今次去尖沙咀金馬倫道果頭買d野又比我經過佢，當然要試試啦！我仲捉埋係附近翻工嘅朋友一齊試試，好彩嘅係冇咩人等位，而且入到去幾驚訝，都幾多外國人黎食，仲有日本人添！叫咗個野飲，都幾好飲！而且枝裝好靚一個煎餃子（辣）其實都幾辣架，食唔到辣真心唔好叫，可以叫其他口味架煎餃子🥟覺得佢煎得幾脆口！唔錯我嘅拉麵到了，好厚嘅一塊肉，而且個湯好濃拉麵口感幾好！個蛋都幾溏心！幾欣賞個蛋我試咗我朋友嘅雞叉燒拉麵，個名幾得意！本來以為係雞湯底，而肉係叉燒，不來係雞肉！個湯明顯冇咁濃，清清地，而d雞都好入味同質地唔會好粗糙！而且有炸蒜，我朋友都幾鐘意！覺得大家都值得黎試一試！

每次去The one睇戲，都見到對面有間拉麵店排哂隊，佢就係叫做 【霸媽拉麵】終於有一日中午，我見唔洗排隊入去試一下先可能果日天氣熱，入到去，覺得佢個冰檸檬水幾好飲，飲左2杯先打開menu慢慢望拉麵有好幾種，當然試一下招牌拉麵~炙燒豚肉味玉拉麵啦~🤩🤩🤩🤩嘩 ~拉麵黎到，望個樣就知 湯好濃郁，飲返啖湯先~😋湯真係絕對正!可以撈飯食~麵條幼細，配上濃郁既湯，好滿足個豚肉好肥，又燒得好好，好想叫多塊食呀!!!!!早知叫2塊啦!叫左個餃子食，煎到好脆好似鍋貼咁~絕對唔係出面普通餃子，可以一試。總括來說 :拉麵算是不錯，唔怪得咁多人排隊啦，餃子就比出面其他拉麵店好食，附近朋友可以試一下。

今日自己一個係尖沙咀買完野，有點時間所以就入左霸嗎食返碗拉麵有時一個人又唔知食咩好，食拉麵又方便又快呢間霸嗎好多時都會見到長長人龍，由於今日我得一人食，所以好快都可以安排入座入到黎緊係快快手點菜，有平時既餐單同一張期間限定既拉麵，之前兩款皇牌拉麵都試過，所以今次我點了一碗檸檬豚肉拉麵好豐盛點了一碗檸檬豚肉拉麵，加了一隻味玉，即係溏心蛋仲點了一份餃子呢碗拉麵冇皇牌豚肉麵咁濃味，加入了檸檬，味道清新好多，吃的麵條都會帶有少少微酸，味覺都幾特別湯底都是豬骨湯，仲有清新檸檬香，做到油而不膩麵既份量都不少，好像食極都仲有咁麵質彈牙，而且滲入了湯汁，每一啖都好滋味清新呢隻溏心蛋名不虛傳好正架咬開一半蛋黃流心甜甜的又有點膠質咁呢塊厚切豚肉跟皇牌豚肉拉麵既豚肉都是一樣我一向好鍾意食呢塊豚肉豚肉厚切而且做到入口即融一層又一層的不同肉質，半透明的肥肉，好正肉雖好大片，但完全不會令人覺得好油膩、好肥真心讚另一款招牌菜式餃子煎得好靚，個底有薄薄的脆脆，令食起來有餃子皮的腍身juicy，底部香脆卜卜脆沾上餃子汁來吃，味道恰到好處點了杯熱綠茶來飲味道清清的，散發出啖啖清香綠茶，襯返個拉麵，麵都不錯架今次仲試埋雪糕

每一次經過都見到好多人排隊，今日趁下午茶時間冇咁多人，決定排一陣試一試碗神級拉麵！貫徹貼心嘅服務精神，排隊嘅時候會斟茶比你飲。鍾意佢個Menu清一色拉麵就係主角，見到有期間限定 檸檬豚肉拉麵，口味夠晒特別！但係我都係鍾意食招牌辛辣灸燒豚肉味玉拉麵 $93，好味到垂涎三尺！師傅用火焰灸過豚肉，將油香迫左出嚟。一層一層肥瘦交加的肉豚真係好惹味！濃濃的湯頭好味嘅程度就係令我見碗底。食拉麵又點少得餃子呢！今次特別啲揀照焼，醬汁果然另有一番風味！再配元祖彈珠汽水 $20，爽！跟好友share 了 日本芝麻雪糕 $28。完美的句號！

又一間拉麵推介🍜🥢🎊霸嗎係全港暫有五間分店，而小編覺得佢性價比好高，因為有溏心蛋，豚肉又超級厚‼️店舖裝修又好有日式風格，環境闊落，感覺舒服👍🏻.湯底就無得簡濃度，但已經配得剛剛好了，唔會一味鹹，而係好香既豬骨濃湯😋麵條則可以簡軟硬度！重點在於豚肉，🐷豚肉肥瘦比例適中，唔會太肥膩同時又唔會太硬，因為咁厚切既肉最忌就係硬到好難咬！同埋而家好少拉麵店會有咁大舊既肉啦😨所以好欣賞霸嗎👍🏻仲有原隻溏心蛋實在太感動😹呢間絕對係encore之選🤤😋

由於晚上12：00去，一入到去桌上已經有兩杯一早預備好的水，眼見當時大概有一半空桌，全部都放了水。我擔心杯水唔知放左幾奈，就問侍應可唔可以俾個新杯我。點知佢回應：喱兩杯已經係新架啦，然後不肯給我們換以當時的顧客人數，我估計起碼也放了30分鐘拉麵和小食的味道唔錯，但服務態度很差，不會再有下次

平時放工行過超多人排隊，今日星期六中午行過冇平時咁多人，就係咁排了一陣就可以入去，座位由店員安排，今次座係吧枱位置，抬高個頭就見到師傅努力煮麵，係排隊時店員已經給了點麵紙比我選擇，今期有個期間限定，檸檬口味嘅拉麵，但個人始終喜歡濃湯口味，所以選了個炙燒豚肉味玉拉麵$88，點菜紙上亦有其他小食，當然要食埋份燒汁唐掦炸雞$38，一個人吃當然夠吃，如果怕唔夠佢還有特盛選擇！師傅真係好快，燒汁唐掦炸雞就上枱，大大件香脆炸雞，上面淋了燒汁，入口香脆之餘配埋個燒汁味道更濃郁！最緊要係啖啖肉入口！而個炙燒豚肉味玉拉麵，真係夠晒大碗，個湯差不多去到碗邊，上面有塊炙燒過嘅豚肉，塊炙燒豚肉真係堅肥美軟熟，一入口個陣肥腩在口中容化嘅感覺真係夠晒濃郁！而另外隻味玉真係好正，一咬開裡面嘅流心蛋黃就流出來，而個麵就要軟麵，麵條軟滑煙韌，浸在湯中吸收了濃湯味道，最後加了枝信州蘋果梳打，消一消肥豚肉嘅油脂，清新蘋果味道加埋有氣嘅梳打，真係一個愉快嘅午餐選擇！

平時經過都好多人排隊，今日下午行過，竟然無乜人，即刻入去試一試佢，張紙有得揀軟硬度同少油 ，我揀左軟，點知黎到都係有啲硬，但湯底好濃好好味，海苔都好好食，整體上唔錯，值得一試服務上黎講係無服務嘅，所以無收加一都好合理

Really love it. This is a very popular ramen restaurant in Hong Kong and usually needa queue for a long time especially during dinner time. The pork is soft and tasty, the soup is delicious and not too salty, the egg is also worth trying. To avoid the long queue, a tip is to try the delicious ramen here at late night!the staff here are very nice. I would recommend it to my friends and family.

久不久就嚟食拉麵...上次試咗新產品“特濃魚介魚乾豚骨拉麵”,今次又出咗新款“檸檬豚肉拉麵”初頭覺得咁搞笑拉麵入面放檸檬但點知食落又幾清新，酸酸哋夏天食就至啱喇另外同事就叫咗“灸燒豚肉味玉拉麵”用火焰燒過嘅豚肉濃濃哋一層肥肉一層豚肉幾嘢味兩款拉麵都好好味，上次食完送咗張coupon比我哋下次用...優惠係三選一波子汽水、揚唐炸雞同餃子，餃子上次食過幾好味所以今次都揀餃子，不過得三只比較少哈哈！期待下次佢又出咩新口味啦？！

晚餐吃得不夠飽， 找找餐廳再來第二輪吧， 經過霸嗎拉麵見到有人正在排隊，立刻令我想吃一碗暖胃的拉麵， 雖然當時約9時， 已屬夜宵時段， 但依然不乏捧場客， 食物有一定水準才讓食客甘願花時間排隊。 排隊時店員派發了落單紙，好讓食客預先下單， 餐廳更細心提供茶水給排隊的食客， 等到約15分鐘便有位了。濃厚豬骨豚肉玉子拉麵 $88 - 最愛霸嗎拉麵的濃湯， 可以令每口拉麵做到掛湯效果， 配一塊厚切豚肉， 豚肉一層肥肉一層瘦肉帶來不同口感， 肥的甘香， 瘦的腍滑，因為這裡的豚肉是以低慢火浸煮超過十小時，所以才這麼美味， 糖心蛋生熟度剛好，蛋黃流心， 入口軟滑， 這碗麵還有一些荀片作為配料。 個人喜歡添加辛辣粉及香蒜粒調味。辛辣燒餃子五件 $38 - 餃子底部帶薄脆， 很香口， 這次點了辛辣口味， 更刺激惹味。麒麟生啤 $24 - 啤酒透心涼， 吃完一口熱騰騰的拉麵， 再喝一口冰涼啤酒， 一冷一熱的衝擊， 人生樂事也。抹茶雪糕 $28 – 最後點了抹茶雪糕作為結尾。， 抹茶味濃充滿奶香， 入口細緻滑溜，甜中帶微澀， 再配一些甜紅豆， 兩者平衡恰好。

因為係美麗華番parttime job，只有一個鐘lunch hour，本身諗住求其食一間就算，點知一落樓就見到好出名嘅霸嗎拉麵，又竟然冇人排隊！甘就二話不說入左去食啦。講真，呢間餐廳又唔算平，一個拉麵已經係我個半鐘嘅人工，但係我相信以佢嘅人氣絕對唔會令我失望！我叫嘅係招牌嘅豚肉拉麵，睇圖都知個拉麵湯底有幾濃，而佢嘅豚肉雖然好多肥肉，但係咬落去反而同個拉麵嘅味道好夾xd！總體黎講，食一兩次都係抵嘅，不過呢個價錢就絕對唔算cp值好高嘅拉麵店。😛