霸嗎拉麵 (德己立街)

營業中

休息中

今日因工作關係，早上來到中環。辦完事後差不多十二點，看見差不多午膳時間，便相約在中環上班的朋友一起吃午飯，順便聚一聚舊！朋友推介吃日本拉麵，於是我們便來到德己立街這家霸嗎拉麵。我們十二點十五分辨到達，但門口已排了四五人…但店員服務十分周到排隊時已給了我們餐牌和點菜紙下單，省卻等候食物的時間。店內裝修十分有日本特色，而且值得一讚時他有很多單人的位置。讓一個人也可以享受日本美食！桌上放了調味品、筷子和水壺，好讓我們自己招呼自己serve ourselves，既方便又快捷！我們一行二人，下點了兩款拉麵。1) 炙燒豚肉海苔味玉拉麵 (⭐⭐⭐⭐💢)：半肥瘦叉燒是炙燒過的， 肉質嫩滑。叉燒吸收了醬油的精華，令人停不了口。拉麵的質素也挺高，軟硬適中而有咬口。而份量方面比較少，男生一般不會太飽。2) 雞叉燒味肉雞白湯拉麵(⭐⭐⭐⭐💢)：朋友比較怕肥，所以選擇了雞叉燒雞。叉燒是由雞扒捲起來製作，吃來來十分有層次。再加上雞肉十分嫩滑，絕對比得上炙燒豚肉。雞白湯底也是值得一讚，它的味道比起豬骨湯較為清淡，但是雞味十足！總括而言，這間拉麵店地點尚算方便，而且食物質素高。絕對比得上中環其他出名拉麵店！

經常見尖沙咀分店大排長龍，一直好想試，這天下午路經中環分店見有少量位，即時把握機會！餐廳設計充滿日本風，有置身日本🇯🇵的感覺。貴為人氣日本過江龍拉麵店，價錢相當親民。拉麵可按個人口味加選配料，另可選擇拉麵的軟硬度，亦可選少油/少葱/走葱/走筍。除了拉麵外，也有餃子、炸雞、石燒飯、丼物、甜品等食物。而飲品選擇也頗多，包括汽水、啤酒、日本酒，還有日本直送的特色飲品。桌上還有一壺壺加有檸檬的凍水供我們自行飲用。炙燒豚肉味玉拉麵不消一會便送上，未食已聞到濃郁的香味，其濃厚豚骨湯底確實非常出色，味濃而不會過咸，湯質夠”傑”卻不會好油膩。拉麵的軟硬度也是恰到好處，麵質容易掛湯入味。原來這款招牌拉麵的賣點是它的秘製叉燒是用上等豚肉以低溫慢火浸煮超過十小時，最後以明火炙燒。難怪豚肉如此驚為天人的美味！！肉質嫩滑之餘更是入口即溶，而且脂香十足，也十分大塊。另外，不得不讚的是連旁邊的筍也超好吃！未吃過咁好味的筍！味玉即是雞蛋也是超級高水準，絕對是優質溏心蛋，一咬開內裡蛋黃汁即時流出，而且好澎湃，蛋黃甜甜的，加上滑溜的蛋白，每吃一口都是大滿足。由於味玉太美味，不禁要追加多一隻，另外也加配了粟米粒，想不到是滿

在香港，不難找到日本拉麵店，要吃到正宗日本風味的話，應該要到霸嗎拉麵一試!　原來霸嗎拉麵有很多分店，難得在西式餐廳林立的中環可以在路邊找到不同，沒有藉口不吃一碗囉～單看Menu拉麵的賣相已經很豐富了簡單的飲品、含酒精飲料都有供應與一般拉麵店無異，食客自行點餐，由麵的軟硬度到配料都可以按自己需要加減眼闊肚窄，因為MENU的圖片太吸引，點了特盛炙燒豚肉拉麵秘製的叉燒是用上等豚肉低溫慢火浸煮超過十小時，叉燒變得腍軟後，師傅再以明火炙燒增添脂香，叉燒肥瘦層次分明，炙燒過的叉燒味道更香更入味，豚肉入口後慢慢軟化溶解，滋味在心頭! 以豬骨、雞肉、野菜等食材慢慢熬製的豬骨湯底把肉汁和蔬菜的鮮味合二為一，濃郁惹味辛口燒餃子皮薄餡料足的菜肉餃子，煎香後加上辛辣醬汁，超惹火，幸好叫店員把醬汁和餃子分上!!沙拉唐揚炸雞香口炸雞熱騰騰奉上，帶甜味的沙拉醬中和了炸雞的熱氣感

每逢到lunchtime，人龍都會多人到不得了。今日特意比平常早少少離開office, 大概12點20到達，就不用等位了第一次食，所以點了招牌的炙燒豚肉味玉拉麵，及一客餃子。餃子先來，好大塊餃子皮，脆卜卜，正一客有5隻，皮薄餡靚，好味好juicy, 一定要點埋佢既醋，咁先食到最鮮味既餃子拉麵一聞就聞到都幾勁既炙燒味，個人認為湯底較淡，好似被豚肉既燒味都蓋過了。但豚肉真係好好味，其實佢似豬腩肉多啲，雖然望落去好肥，但因為經過炙燒已經無乜油，咬落去都唔會覺得油膩

不要說我標題黨 ，但有一刻其實我真的覺得 ，一個好的名稱，對任何東西包括一間餐廳來說，都是很重要的。霸嗎拉麵。。。就正正是這樣的一個名字。讀起來很有霸氣、並且很容易記。 記得看過一篇文章 ，說正常人類第一個懂得叫的字詞，就是爸爸跟媽媽。爸媽跟 霸嗎 (拉麵)， 雖然只差一粒音， 但是很易入腦， 而且很容易唸出來。其實 ，那天是首先在銅鑼灣景隆街看到霸嗎拉麵 的店。 看到窗口的小伙子，在我面前 十萬分認真地 製作麵條 ，配合門口長長的人龍， 真的令人很有試吃的衝動。 可是 當店長 說大約要排一小時隊才可以有位子入座，就打消了入去歷險的念頭。今天 去藝穗會看展覽 ，從蘭桂坊下來時， 剛巧 經過 霸嗎拉麵 的中環店 。星期六早上 11時的中環 ，人不多， 拉麵店也是剛剛開門， 很多位子啊！ 於是二話不說 ，立刻進去，誓要一嘗 近排名聞遐邇的 霸嗎招牌拉麵。裏面的裝修 ，果然很日本廣島 。牆上的粉筆畫、 日本屋台一般的排凳 、還有 開放式廚房， 大廚在煮什麼都一目了然。今天吃了它三樣招牌菜。1. 霸嗎招牌 炙燒豚肉味玉拉麵由於 早上人不多 ，我很幸運地的 看到小師父製作整碗拉麵 的過程， 亦全

中環返工D人食飯嘅時間真係好彈性，中午12:00成條街已係出動食晏嘅人群，「被逼」行快兩步向斜坡上，近蘭桂坊嗰頭見格局好似向日本食嘅拉麵舖，即入唔駛諗天寒地凍叫左個石鍋燒豚肉飯，貪佢慢慢食都唔會咁快凍，嚟到D飯仲熱到炸炸聲，料好足，除左豚肉仲有切碎左嘅㷛蛋，白黃分明，加入好碎嘅甘筍，更有口感，由頭食到尾都熱辣辣、香噴噴、啖啖都有料，食到咁上下追加海苔（$12），包住飯食更令啖飯推進另一高峰，最後係我期待有嘅飯焦，脆口得嚟又唔硬，超正！食到暖粒粒，叫返杯雪糕平衡下，芝麻味唔係好濃，但紅豆就又大粒又夠淋，甜度啱啱好。出去埋單時見到一籃扭蛋玩具，色彩繽紛，一問之下原來係兒童餐嘅玩具，只供12歲以下兒童，😢等我下次搵位兒童同我一齊再食過先至得，I’ll be back~~~~~

喺中環食晏好多選擇，經過呢間拉麵店聽到啲日本歌，望下啲裝修又真係好日本feel, 所以入去叫左個限時限量都只係$78嘅檸檬豚肉拉麵，(另外再加十蚊要多碗青葱花，加十二蚊要紫菜)，先飲左啖湯底，好夠味，之後先至將三塊檸檬片撈落啲湯底度，再飲一啖，嘩，仲正過頭先，好好飲呀，跟住食個拉麵，有少少彈牙嘅感覺，夠口感，碗拉麵嗰一塊大大嘅半肥瘦豚肉好入味，好食，跟著我就將我食拉麵一定要有嘅大量嘅葱加入碗麵度，超正，再用脆卜卜嘅紫菜伴食，就成為我簡單得嚟好滿足嘅晏就了。

今日係中環收工，一個人，七點都未夠，又想食拉面。見到呢個拉面店唔洗等位，就諗住入去試下。係中環黎講，價錢都算可以接受。點餐紙幾細心既，可以選小油、面既軟硬等。唔係公式化既拉面比你食，呢點其實我係幾欣賞。最後點左小辛炙燒豚肉味玉拉面，同埋一枝信州蘋果梳打。「正正得正」等左大約十分鐘，拉面就黎了，都唔算等左好耐。一黎到就覺得好香！個湯係好濃既豬骨味，而且滲透著淡淡既辣味。食面前，先飲一口湯。係有小小辣既好彩只係點左小辛，而佢個豬骨味比聞起上黎更濃郁，重油脂味，厚厚咁滑入食道。豚肉係油脂、肉分佈得好平均，上半部分係油膏，本以為入口會好膩，但又冇，只覺係好濃厚既油香。肉部分好軟，唔粗糙，連埋個湯一齊食個好感係會更豐富。先有辛，後再有豬肉香味，整體係幾唔錯。「五味紛陳」我比較少飲標榜日本出產既野飲，今次呢枝蘋果梳打係第一次飲，入口唔係死甜果類而係有淡淡既蘋果味，又好似有少少酒味咁，幾複雜，似似緊汽酒。叻一個餐廳細心既位係，佢每張枱都放左壺檸檬水，比客人自己斟，唔係死迫你叫野飲，呢點都可以讚下。

今日去中環做嘢 點知比我見到霸嗎拉麵唔使講即刻入去食仲唔需要等位今次試吓新野 雞叉燒拉麵湯底的確比較淡 相對豚肉湯底冇咁鹹啱晒偏淡口味人士至於個雞肉叉燒一碗有兩件望落同一般雞件分別唔大值得一讚食落冇雪藏味 而且啖啖肉啱晒我心水 麵條我推介軟麵 麵條吸收晒雞湯精華 味道一流至於朋友仔今次試咗個特盛豚肉拉麵豚肉份量比一般拉麵多一倍 一共有四件最鍾意佢一層比一層瘦嘅配搭 口感一流豚肉湯底相對質感杰身 味道較濃重口味人士一定中意我覺得兩款拉麵各有各好所以最好就係每樣叫一碗大家一齊交換食咁就可以每樣試晒

昨天晚上因為個胃有啲唔舒服😷所以只係食咗白粥做晚餐非常可憐😢所以今日成個上晝，已經覺得非常空虛因為要去中環做facial，所以就去中環搵食😬見到德己立街見到一條長龍在"霸嗎拉麵" 排隊 🍜咁一定要去試吓啦！餐廳環境雖然唔係太大，但係都非常整潔，仲有凍嘅檸檬水🍋紙巾供應添，調味瓶都係非常乾淨👍抵讚！特盛炙燒豚肉拉麵🍜＄118豚肉🍗肥瘦均勻，有四件厚切，經過炙燒油甘味十足🤤湯底非常濃厚，麵條自家製🍜非常有咬口👍羽根燒餃子＄351客有五件，外皮炸🉐酥脆非常，餡料豐富！唐揚炸雞🍗＄35去骨啖啖肉，炸得非常香脆而且保留肉汁，有五個雞球🍗仲有奉上檸檬🍋

來到中環酒吧街有間 BARIUMA ，呢度是消閒好地區，見到食客好多都笑嘻嘻，有外國人食日本拉麵，入去享受晚餐呢，而坐室外食野可一面食野一面看街中熱鬧得人群。雞叉燒辛辣雞白湯拉麵，雞叉燒食落香滑軟熟，食拉麵時飲左好多雞白湯。叫了野菜雞白湯拉麵是有各式蔬菜的麵，當中芽菜配料是好味道的配合，麵湯有雞汁味。 羽根燒餃子煎到底面都感受到熱力，食到餃子餡汁料都流出來，食子肉是夠鮮嫩滑滑的，快速完成今餐美點。 燒汁唐揚炸雞，炸雞好鬆軟口感很有日式感覺。食日本雪糕。

最近期間限定出左新系湯底口味，系檸檬湯底仲有辛辣檸檬湯底，仲免費追加檸檬片，真系有幾塊浸系d湯度，不過最後都無試到😂叫左個枝豆做前菜咬下，枝豆出面灑左d鹽同黑椒做調味，食起上黎就吾會無味，不過d枝豆系黐住條枝，所以食嗰時要一條一條mon出黎，有d麻煩。抹茶紅豆雪糕，抹茶加紅豆真系絕配，抹茶味幾香，但吾算好濃，同埋雪糕入面有d冰粒。系日本版既波子汽水，專登叫黎試下同香港既有咩吾同，其實味道系差吾多，好似無香港既咁甜。

嗰日同男朋友行開中環嘅時候, 突然發現原來霸嗎拉麵呢度有分店, 同事之前食過話質素唔錯. 個門面好起眼, 門口嘅紅白燈籠同埋陣香味都好吸引我拉住男友入去. 雖然間拉麵店很唔算好大大概得十多個位左右, 但咁樣真係好似置身於日本街頭的拉麵小店咁!因爲我自己鍾意食豬骨湯底, 就叫左個炙燒豚肉海苔味玉拉麵 . 碗麵黎到先試一啖湯, 嘩! 好濃郁! 佢塊叉燒又煮得剛剛好, 入味得黎仲好有燒肉嘅香味. 至於麵底我揀咗硬麵, 完全啱晒我嘅口感, 食起上嚟冇難度. 男朋友揀嘅係特盛炙燒豚肉拉麵, 分量來講男仔一定夠食, 佢都話佢果碗好惹味好正. 同事又推薦要叫呢度唐揚炸雞, 未上枱前expect佢係細細舊既炸雞, 點知上到枱係都好抵食下, 雞本身個炸粉無咩味, 雞肉亦偏淡, 點左沙律醬就會岩岩去. 雞炸得都脆既. 除了炸雞, 男友又搶住叫了羽根燒餃子, 個餃子皮薄餡多, 味道亦是很棒, 很多地方的拉麵店都把餃子燒得很乾呢, 呢度就保留了餃子的水份, 熱騰騰, 滑嫩嫩的, 是份出色的餃子然後食得有些濟, 男友就幫手 order 一支靜岡蜜瓜梳打. 喜愛蜜瓜的朋友真的要試一試, 蜜瓜味好濃, 超級好飲!

今晚同女朋友去左中環食霸嗎拉麵, 其實女友想食呢間好耐架喇, 不過之前一係就太多人唔想等, 一係就時候唔岩. 今次諗住食完之後順邊去附近行下街, 所以就一齊黎左食霸嗎拉面. 去到還是比較人多, 但等了一陣還是終於到我地.由於天氣凍個人好易肚餓的關係, 一坐下我們就立刻睇 menu, 我們都很喜歡吃豚肉的, 所以這裡的招牌炙燒豚肉拉麵便是我們的不二之選. 女友點了炙燒豚肉海苔味玉拉麵, 而我就 order 了特盛炙燒豚肉拉麵.落 order 的點菜單也很有心思, 例如麵身可以選軟硬, 油蔥旬這些配料也可以選擇多寡的. 很是體貼. 隔左一陣侍應把兩碗麵都端上, 首先我認為自己果碗特盛炙燒豚肉拉麵真係分量好大! 而且豚肉塊真是很香, 喜歡食豚的朋友一定好 ok, 同埋湯底真係好飲到我把整個湯底都飲乾. 另外, 豚肉係燒完之後邊位有少少脆口, 然後肉感鬆軟, 又大塊, 好好味!! 另外, 我地又叫了一碟雞叉燒, 雞肉好嫩好好食, 有輕微甜味, 肉質又厚又嫩滑. 我絕對會再為呢個雞叉燒而再黎食過返尋味.最後, 雖然天寒地凍, 不過都係比個日本芝麻雪糕引倒我, 個雪糕有好濃既芝麻味道, 絕對唔係果

成日都有好多人系出面排隊，其實今次系第二次食haha，因為香港咁多間拉麵店黎講，佢既湯底都算做得吾錯，非常之濃郁。加20蚊有芽菜，個芽菜好爽口好fresh,撈埋落d拉麵度，可以中和番湯底同肥豬肉既油脂。梅酒梳打水，得3個percent既酒，所以酒味一d都吾濃，啱晒吾飲得酒既人。不過同行朋友試飲完之後，就話似細個睇醫生飲咳藥水既味道。食啖雪糕再飲啖汽水，條脷好刺激，好正。芝麻味幾重，撈埋d紅豆就會甜d。