霸嗎拉麵 (德己立街)

營業中

休息中

今日再次光臨霸嗎拉麵，依然抱著期待嘅心態。可能時間尚早，排隊時間係零。唔洗諗咁多，緊係叫個主打拉麵啦！叉燒厚切兼有陣陣煎過嘅香味，咬落軟軟腍腍。個湯底濃而不膩，糖心蛋就正正常常。至於麵質雖然有啲硬但我自己比較喜歡呢種質感，因為好有嚼頭。羽根燒餃子。霸嗎的餃子基本上同一般煎餃子冇咩分別，只係外型上多左一塊薄片。至於個餡都ok但自己略嫌唔夠入味定係欠左一碟醋？總括泥講霸嗎嘅拉麵係好有質素，一定會再泥食。

上個星期同朋友去中環度影下相, shopping一下，不知不覺已經天黑了！大家刀見餓，我就諗反起中環有間　＂霸嗎拉麵店＂幾好食，今次我就帶佢去食下；再睇睇水準有冇變喇！雞义燒味玉雞白湯拉麵：今次另外一款拉麵就系雞义燒味。湯底濃郁。而麵既份量刀足夠，一個人食刀可以飽飽的；麵質爽口彈牙，不會過硬過軟。拉麵仲有隻流心旦，一咬就流出旦黃汁，正！！！雞肉吾鞋身，大家可以試下雞肉既款式啊。羽根燒餃子：個人在拉麵店必食既餃子；依度既餃子上面有一層脆脆既外皮，餃子皮厚薄適中。咬落去餃子仲有吾少肉汁流出黎，肉質入味；十分推介！

情人節，訂枱吃飯是常識。但對於我來說早已習慣即興搵食，在情人節用一個更高的價錢享用餐廳的食物，大家也覺得不值得。今晚就選擇吃拉麵。平日常有人龍的拉麵店，反而今日不用等位直接入座。小小的拉麵店座位不多，但正因為”小”，才更有拉麵店的味道。這裡的拉麵大致分為豚骨湯，雞湯和辣湯，還有期間限定的魚介湯。炙燒豚肉味玉拉麵 $88拉麵都幾豐富，有流心蛋和炙燒豚肉。炙燒豚肉非常吸引，肉和脂肪層次分明，炙燒效果好好，豚肉口感香腍，半點韌的感覺也沒有。拉麵軟硬度適中，拉麵湯沒太重油膩感，麵有不錯的掛湯能力。羽根燒餃子 $35餃子的驚喜程度比拉麵更大，是出乎預料的香口，餃子皮夠薄又完整，內裡餡料豐富，而且不會太油膩，值得推介。情人節吃拉麵雖然從未試過，但就是喜歡在情人節中實而不華的情人拉麵。

話說呢排無咁大食，想食下啲麵類食物好似拉麵果啲咁。咁岩做野經開中環蘭桂坊，一落斜路就睇到間霸嗎拉麵咪去try try 囉！同大部分拉麵店一樣，呢度的拉麵種類不多，但夠精緻。有濃厚豚骨湯醬油拉麵，同埋豚肉叉燒拉麵，仲有其他飯類同小菜果啲。入到黎霸嗎感覺上好似去左日本的居酒屋食野咁！今次我叫的是辣味豚肉拉麵，又叫左個蘋果soda，又加紫菜又加溫泉蛋，仲加左個餃子添！黎到食日本野，當然要一嚐辣味十足的拉麵，同埋充滿油利口感的豚肉啦！呢度既豚肉好岩豚肉控！半肥瘦！正！

今天和阿仔在中環做完活動， 我們經過 蘭桂坊一帶。 星期日的蘭桂坊一帶變得寧靜，遊人稀少幾舒服。 我們找到一間拉麵店準備吃午餐。 門口可以立食應該都係人氣拉麵店。 裏面都唔少人有日本拉麵店的氣氛。今天点期間限定的檸檬豚肉拉麵。 拉麵湯底濃郁得來有陣陣甘香的檸檬味， 豬骨湯變得冇咁膩， 幾聰明特別的設計。 講番件炙燒叉燒， 肥瘦相間， 燒得好香口， 非常厚切差不多厚過塊豬扒! 食落超淋且入味，麵身選了硬度最強的級別， 直身麵更能感到口感煙韌。阿仔叫了兒童餐(豚肉)， 好精美仲有一件玩具送，且分量也不少。 果嚿叉燒同大人果碗size不相伯仲。 仲有個麵其實都是正常份量。 好在店員同阿囝講食完晒先可囉玩具。 留意兒童餐只限12歲以下小朋友， 佢好努力係咁食麵，跟住去揀玩具。嘩開心到即刻拆嚟玩。沙律炸雞也香脆美味! 驟眼睇覺得炸雞表面炸漿很厚， 殊不知炸粉原來很薄，裏面的雞肉都很juicy。 蘸上沙律醬惹美非常。追加了溫泉蛋($12)。 蛋黃部分很流心! 蛋白部分都很香滑有蛋香，沒有過份的鹵水味或煙燻味，很喜歡。煎餃子， 餃子皮煎得香脆， 唔油膩 ，肉餡爆多， 蘸上餃子醋汁， 最愛的小食!三矢

中環蘭桂坊附近間好多人排隊拉麵店難得今日去中環開會，黎試下食個lunch 先！12點正唔洗排隊檸檬豚肉拉麵咁特別， 梗係要試吓啦淡淡嘅檸檬味， 令到拉麵冇咁滯豬骨湯嘅加豚肉，好夾！加左兩隻味玉大愛！沙拉唐楊炸雞炸得好香脆！！！不過已經食到飽飽地, KO唔哂添日本抹茶雪糕紅豆同抹茶真係好夾！抹茶雪糕好濃抹茶味，飯後甜品岩岩好！除左檸檬拉麵外，仲有豚骨濃湯拉麵辛辣炙燒豚肉拉麵，另外有得加不同嘅配料我見好多人都加味玉，因為真係好好食！

作為超級拉麵控，日日都想食到正拉麵，今日男友就陪我去中環食Bari uma larr🍜🍜🍜 今次就嗌個魚介豚肉味玉紫菜拉麵🍜🍥 湯底好濃郁，有淡淡魚介同豬骨香🔥🔥 麵質偏軟，好適合我口味❤️❤️而叉燒又唔會好肥，仲燒得幾惹味💁🏻 男友揀左雞叉燒拉麵⭐️⭐️ 湯底比較淡，但雞味十足，而雞叉燒口感比較特別，食落幾嫩口😛😛。值得一提係個溏心蛋，非常流心！我地仲加左粟米，10蚊一大碗好扺食✨🌟🌟

二月初的氣溫依然維持在7、8度，低溫加上下雨天，必須要吃點熱東西保暖一下。是日提前出外午膳，十二時便來到平日大排長龍的霸嗎拉麵門前。幸好只有二人排在前面，排隊期間店員讓我們先點餐，等候約15分鐘便可入座。我們被安排坐在窗邊，店內開著暖氣，非常暖和。我點了炙燒豚肉味玉拉麵，朋友則點了辛辣炙燒豚肉味玉拉麵（小辣）。店員很快便為我們端上拉麵。拉麵的湯底很重要，往往能定下我對該碗拉麵深刻的第一印象。這次也不例外，先呷一口湯，熱騰騰的豚骨湯底十分濃郁，還嘗到一點炙燒的味道。相對起辛辣湯底，原味更很合我的心意。麵底方面我選了硬麵，但感覺跟朋友的普通硬度沒太大分別，兩款的口感都不錯。至於我最期待的炙燒叉燒也沒令我失望！叉燒相當肥美，本來還有點擔心會過於油膩，但脂肪部分燒得非常香口，而且肉質軟腍滑嫰，雖未至於入口即溶，但已做到口感鬆軟，十分不錯。味玉亦做到流心效果，一整顆配著蔥花及湯底吃，加分。把整碗拉麵連湯帶餸全部吃完後，肚皮也表示滿足！吃飽後充滿力量開工去。

繼上年食完霸嗎之後，其實一直都心思思想再食，奈何午餐時間實在太多人排隊，所以一直無機會再食今日難得又早咗小小放lunch, 我同同事就二話不說狗衝咗過嚟排隊啦今次大約等咗三四個字先入得，好在佢上菜速度都幾快，所以我地都唔洗食得太急由於我實在太掛住佢個又厚切又滑嘅雞肉，今次我都係叫返雞白湯味玉拉麵必食嘅雞肉加埋流心嘅雞蛋，真係好正而同事都係叫咗豚肉拉麵，大家見唔見到塊豚肉嘅厚度呢！佢食落非常入味同juicy,油脂分佈好均勻，正而今次我地叫嘅羽根餃子都值得一讚，個雪花煎得脆卜卜，食落好香口如果下次再早放lunch的話一定會再嚟試其他野

今天和同事去中環公幹，回家時經過德己立街，見霸嗎拉麵門外多人排隊等位，之前我都有來食過，味道的確好，令人回味不已，現在我也想食返碗，那我和同事也排隊入座了！麵店地方不大，但客似雲來，證明食物的質素有保證，就算是天寒地凍，也排隊入去食。有水和各種調味料，餐紙是中英對照，方便不同人仕點餐。炙燒豚肉味玉拉麵：湯底濃郁香甜，义燒厚切林滑又入味，味玉即温泉旦，火喉控制得好好，蛋黃夠紅又流心，拉麵有軟硬度揀，有軟、適中、硬。我選了軟麵，軟軟滑滑的與湯底一起食，十分美味！辛辣炙燒豚肉味玉拉麵(小辛)：材料與炙燒豚肉味玉拉麵一樣，多了辛辣味，辣度有得揀，大、中、小辣，同事這碗是小辣，佢話辣度剛好，十分惹味！羽根燒餃子：皮薄餡多，底部煎到卜卜脆，點些餃子醋，酸酸的很好味。唐揚炸雞：即叫即炸，上枱時還是熱騰騰，外脆內嫩，加些七味粉更惹味！

我見識過霸嗎係尖沙咀既人龍，不過分店多左，就冇等咁耐了放工去中環分店食拉麵叫左雞叉燒味玉雞白湯拉麵，湯底稍為油左少少，不過都鮮甜惹味。雞叉燒其實唔知係雞定叉燒，抑或係雞皮包住叉燒呢？原來係雞肉黎既，卷成肉卷，一D都唔鞋身，仲幾嫩滑，應該係雞脾肉。隻蛋黃比半熟既生少少，但個質地我鍾意羽根燒餃子，一上台果時點解同我想像中既唔同既。原來係我誤會左以為係雞翼餃子。餃子唔會好乾身，裡面都有少少汁，不過點埋餃子汁個味仲會出D。個「羽根」做得唔錯，夠簿又脆口，厚度唔會令佢易斷…巨峰提子果汁清酒，酒味唔重，適合女仔飲，同埋SIZE 細細支都幾好另外仲叫左個芝麻雪糕，芝麻味唔夠，反而係食到牛奶味，配料黎講，紅豆都算多，本身唔係勁多糖水果D黎。整體都算係滿意既一餐

係lkf除左有一堆bar之外，都俾我揾到食拉麵得地方。 地方唔算特別闊落。餐牌除左拉麵之外仲有少部份石鍋飯揀，不過話明係拉麵鋪就梗係食番佢主打的野。 小弟揀左灸燒豚肉海苔味玉拉麵。 望落份量適中，主角豚肉一碗有三塊，燒得幾靚，望落有油光但係食落唔油膩，本人最怕食豬的肥膏之類的野，而呢舊豚肉就完全無。 肉質夠軟腍，配左少少自家醬汁，少少辣，麻同香口，食落惹味。蛋的流心效果唔錯。湯底夠哂入味，雖然叫左少油但係仲為多左d .小弟大鄉里出城，小食果度點左客羽根餃子。同普通餃子有咩唔同？ 餡就都係平時見開的豬肉餡，一連五隻靠塊薄薄的「翼」 - 薄皮連住。 每夾一隻餃子連埋脆脆的薄皮一齊食又幾得意。因為係即煎所以塊皮仲係幾脆下。 整體價錢同係附近d bar比已經算係低下，抵食之選。

星期日都要返工, 真係非常之痛苦, 中午放工, 就要好好哋食返餐好嘅對待自己 , 去到霸嗎拉麵 , 大概等十五分鐘就入得, 入邊非常之暖, 天寒地凍, 食番個拉麵, 係一個不錯嘅選擇有一個新嘅檸檬豚肉拉麵, 都幾特別, 幾有新意, 點咗之後, 大概十分鐘就食得湯底有櫻花蝦, 檸檬三塊, 佢嗰個檸檬汁浸泡湯裏面, 有一種清新的感覺, 可以解豚肉既脂, 冇咁油, 特別開胃豚肉非常厚砌, 外面焦朝香, 咬落去外面脆口, 裏面鬆化, 正!另外佢既沙拉野菜餃子, 真係一個值得一讚嘅食物, 底層鋪滿咗生菜, 上面有 炸到金黃色嘅野菜餃子, 咬落去脆口非常, 裏面嘅野菜非常之JUICY, 夾埋生菜一齊食, 口感非常之豐富

一直都想光顧霸嗎拉麵，但每次經過尖沙咀及銅鑼灣分店時，見到那長長的人龍，實在沒有耐性等待，總是錯過了。今日難得放假，來到中環shopping, 試着碰碰運氣，來到霸嗎拉麵中環分店，希望人流較少，能食到我的至愛 ~ 豚肉拉麵。今晚幸運之神降臨我身上，這個時段剛巧客人不算多，我同老公很快便可入坐。店内既装修，好有日本既感覺，一人一座位，係日本拉麵店既格局。看看餐牌， 拉麵款式不算多，主要係濃厚豚骨湯、雞白湯和辛辣味湯底，也有期間限定，今期係檸檬豚肉拉麵及辛辣檸檬豚肉拉麵，而跟大部分拉麵店一樣，麵質軟硬度、配料添加等都可以自由選擇，另外還有餃子、炸雞、啤酒、日本飲品及甜品等供應， 甚至連石鍋飯也有得吃。只要根據個人喜好， 在餐紙上揀選及遞給非常有效率、服務又好嘅侍應就可以了。我和老公都揀了炙燒豚肉味玉拉麵($88x2)， 身為主角嘅豚骨湯底，的確夠濃香豬骨味， 湯色呈亮麗既淡啡色，口感濃稠， 面層更泛有一層薄薄的油分， 油香適當地增加了湯汁的香醇，不會過油但豐富了湯底的層次味道 ; 而自家製的麵條質感滑身爽口，掛湯能力不錯。 而另一個主角炙燒豚肉， 拉麵店特別註明"秘製叉燒用上等豚肉，低溫慢

依間餐廳主打日本拉麵，我以前都食過尖咀分店架啦印象係唔錯，所以今次見係中環都有分店就再食店舖賣點係濃厚豚骨湯、羽根餃子🥟當然要試下啦！<濃厚豚骨湯系列之炙燒豚肉海苔味玉拉麵🍜>個湯底認真唔野少，質地係濃厚既，但未至於傑同笠住個口，油份唔算好多，拉麵可選軟硬度。隆重介紹係炙燒豚肉，以慢煮方法炮製，每塊都好厚，肥瘦相隔<羽根餃子系列之照燒餃子🥟>名不虛傳！皮薄，煎過既面係薄脆，完全無硬既位，皮既口感係微煙韌，餡料多汁！配照燒汁，好味！最後以<芝麻雪糕>作結芝麻雪糕唔係度度有得食，黑芝麻味濃，唔會好甜，質地似gelato，賣相一流仲配以大大粒紅豆添必食