霸嗎拉麵 (德己立街)

營業中

休息中

今日帶咗林小姐去接爸爸文放工，隔離有間霸嗎拉麵，之前食過幾次咖喇， 最深刻一定係佢地限時供應嘅 檸檬拉麵，真係估唔到咁好味～ 今日經過又想去食，雖然冇檸檬，但竟然有兒童餐！ 「以為」自己已經升呢嘅林小姐決定點返個，有相為證，佢自己話食，唔關我事咖！ 專為小朋友而設嘅兒童餐，配有粟米粒和紫菜，仲有一杯橙汁，都幾豐富！ 2款麵包括「子供炙燒豚肉湯拉麵」同埋「子供醬燜雞叉燒拉麵」，前者係豬骨湯底，濃而不膩，豚肉淋而香口；後者係雞湯拉麵，味道淡但香，好啱細個BB 食。 仲有KITKAT送＞＞ 即日至 8 月 12 日食兒童餐，仲有好多優惠＞＞ ［優惠１］ 即日至 8 月 12 日期間食兒童餐， 即可得到蠟筆小新膠文件夾和可愛紙扇 ［優惠２］ 填寫店內的遊戲表格， 有機會獲得《蠟筆小新劇場版:爆盛!功夫小新 拉麵大亂鬥》 電影換票證兩張! *數量有限,送完即止。 驚喜位！次次都淨係食拉麵同餃子，今次我突然好想試雪糕， 有綠茶同黑芝麻2款口味，綠茶醇香有層次， 黑芝麻淡口但不失芝麻香，入口好清新，打破哂我對黑芝麻嘅概念， 仲要2款都配又大又圓，口感極飽滿口嘅紅豆， 你又點估到佢只係賣

收工過到中環lkf，想食得飽又唔想行太遠，好自然選定了斜路行上第一間的霸嗎拉麵🍜肥妹仔點了*炙燒豚肉味玉拉麵*喝了一小口湯底，湯底好濃，但有點油膩。豚肉只有一片，不過是厚切。一咬充滿油香，只可惜有點乾硬，不合格味玉屬正常貨式，不會煮到過熟。食到中段，肥妹仔開始不停飲水，越食越口渴，最後放棄食剩小撮拉麵，浪費左朋友則點了*雞叉燒味玉拉麵*雞叉燒拉麵湯底更為恐怖，雖然標稱雞湯底，但一點雞味都冇，試了兩口湯底都覺得似係普通味精雞湯，同樣越食越口喝不過雞叉燒卻值得一讚！非常厚身，連埋雞皮同吃十分滋味，又不會燒到過乾。味玉同樣屬正常貨色。肥妹仔食食下發現麵店的推廣優惠，下載app並登入，可以用優惠券只需$15即可有一客煎餃子。加$15換購的煎餃，裏面係韮菜肉碎？配上餃子汁同吃好開胃，全晚最好吃第一位係片雞叉燒，佢就係第二位了食飽飽後，肥妹仔就起行準備睇世界盃了

以為中環冇好嘢食，原來是錯的。這間霸嗎拉麵，令我覺得原來中環都有好嘅拉麵。裝修非常日式地道，枱同凳都係木製。牆身貼拉麵漫畫， colourful 又醒神。餐牌整得很精美。點了一個特盛豚肉拉麵，餸很多，湯底濃厚，飲得出是餚出來的。燒肉很厚， 仍然嫩滑有肉汁，慢煮了十小時呢!溫泉蛋只是加$10，在中環旺區地舖非常划算。麵的份量很多，吃完拉麵，已經挺飽。野菜(芽菜)淡淡地，比想像中清淡， 雖然是加了特選鹽但只是小鹹。唐揚炸雞一份有5粒，粒粒很大粒， 很香口， 食起來不是太油。 整嘅時間比耐， 點了有沙律醬額外滋味。

路過中環，才得悉中環蘭桂坊開了霸嗎拉麵，既然想不到吃什麽就這裡吧！雖然已經是下午2:30，店內依然絡繹不絕。 小妹點了雞叉燒白湯拉麵($83)，有別於一般日本拉麵，這個湯底相對較清，雞肉亦相常足料，麵的份量亦不遑多讓，這裡可以點餐時又夠彈性，可要求少油或走葱 / 露筍，正合我意。 老公依舊點了特盛燒豚肉拉麵($118) + Coke Zero ($15)，份量有四大塊叉燒，還要是腩位，很肥美，但老公今次都完成不了，性價比很高，這裡的叉燒為是非一般的日本叉燒，以腩肉烹調，肉質腍身，充滿油甘香，不過湯底則略嫌太油。 希望店能提供冰茶，可幫助解油及鹹味。

今日放工落勁大雨，唔想俾雨淋親，就等雨細啲先走，係公司附近間拉麵店食住麵等雨停有個期間限定，不過我今日想食辛口味下次先再食呢個辛辣炙燒豚肉味玉拉麵麵條係幼身拉麵，我本身都鍾意食呢隻拉麵辛辣味好香濃，但又唔會好膩而最有驚喜的是塊豚肉，好厚身呀，啖啖肉雖然厚肉，但一啲都唔鞋隻蛋係原隻上的，中間仲流心添羽根燒餃子其實餃子種類都有幾款，今次我就食羽根，面頭呢塊薄脆好得意，同餃子一齊食，口感特別豐富同埋呢個餃子中間既豬肉同菜比例好好，唔會過多豬肉我鍾意食

呢間拉麵愈開愈多間，但係到而家仲係間間都要排隊，唯有食個Early Dinner唔駛等咁耐，最後六點去到就唔駛等位就入到，不過都係得番一兩個位。格局就都係一貫拉麵店既樣，吧台位可以望到師傳即席整拉麵既情況，另外就會有一啲位對窗外，望到蘭桂芳既盛況。叫左個《雞叉燒味玉雞白湯拉麵》($88)，最鍾意食個味玉中間流心就超級正，飲啖個湯雞湯味幾出，同都算幾滑溜，不過食左半碗就幾口乾係咁要飲水，雞叉燒好厚身而又煮至好軟稔，麵身係幼身同埋唔算好掛湯。店名：霸嗎拉麵地址：中環德己立街22號地舖餐牌:

拉麵大家應該都成日食㗎啦，唔知大家又搵到一間啱心水嘅拉麵鋪未呢？呢間拉麵對我嚟講真係好吸引😍已經搵咗班friends去試多幾次㗎啦！仲睇？快啲約friends去食返餐勁啦！我就真係太餓啦，order咗碗特盛嘅🤤🤤想減肥嘅女士們都食埋呢餐先減啦！美食當前，唔食飽又點樣有力減肥呀💪🏻碗湯好足料夠哂味，好食到唔知點形容呀！仲要$100就有找，咁抵食去邊到搵呀！再嚟碗水配吓，一個字，滿足呀！大家快啲去試吓啦

之前仲話飲high左唔可以食麵 結果今日就黎左食麵 事實證明 飲完酒係可以食麵既 仲會食得好開心添！ 空肚hh飲左幾個鐘 12點幾真係好肚餓 所以叫大家一齊去食嘢 行行下見到平時好似要排隊既拉麵唔駛排隊 又幾想食流流地質既嘢 所以即刻入去 因為我唔係好鍾意食肉 所以嗌左個雞湯既雜菜拉麵 唔知係因為肚餓定真係幾好食 竟然無餸都可以食曬成碗麵 個湯底其實唔錯 好香好好送麵 伴住啲芽菜黎食 香得黎又有啲爽脆 唔知道有無得揀 但係個麵底送上黎唔會煮到好稔或好硬 啱啱好 係我鍾意既軟硬度 湯底唔會好濃好有味精味 真係好好彩 飲完嘢食重味精我應該會即刻嘔 見到呢間好似開到好晏 大家夜晚可以黎食麵 唔錯㗎 可以補充下能量 nice好似唔係好清晰 體諒下 謝謝

話說約左朋友食晚飯，研究想食乜嘅時候，朋友比左2樣選擇：1，上海野 (咁2丁友好難叫菜嘅，好似酒樓食野咁) 2，拉麵反正之前已經聽過霸嗎拉麵呢間店，今次就一於試試得知朋友7點半收工，咁我預番時間去到餐廳附近等，等下等下，8點，whatsapp問問原來先知道未收得工，最後等到8點半先入去餐牌封面，一睇就見係指主打菜吧二話不說攞張點餐紙填填，同一般拉麵店一樣都係自己填，可以揀食咩之外，仲可以揀麵質軟硬度，使唔使走蔥，另加其他配料等原來味玉 = 流心蛋，咁一定揀要味玉啦，一碗拉麵冇左隻流心蛋就硬係覺得欠缺一點野咁，最後點左2碗炙燒豚肉味玉拉麵，不過1碗要軟麵，1碗就要適中等待途中，見到個紙巾盒寫左段野，個公仔幾得意咁，原來係指出餐廳嘅豚肉，係以慢火煮十小時相信一定好正上枱啦，一望就見到果然係濃厚嘅豬骨湯底塊豚肉都幾大塊同厚身，點知一咬隻蛋，流心效果唔太好，做得比較遜色，但麵同豚肉都好味 下次再幫襯會轉試下雞白湯拉麵，仲可以用埋個入會優惠：15蚊換領羽根燒餃子一客 (download Storellet個apps搵番間餐廳就可以入會)

星期五晚上在蘭桂芳歡樂時光後，我和兩位朋友都有點餓，便順路走進這拉麵店填肚。這店的裝修很有東京新宿夜宵拉麵店的特色，店內的廚師、待應和氣氛亦非常有日式風格；我們看到季節限定的特濃魚湯炙燒豚肉拉麵，便急不及待地點了它，看看有何特別之處。大概十分鐘後特濃魚湯拉麵到枱，喝第一口湯便喝得出這魚湯應是混了豚骨湯，湯底稠稠，魚味尚濃，湯內亦加入不少魚乾粒來提升湯的魚鮮味，但始終湯的整體味道不怎特出；另一敗筆是拉麵即使點了硬，但仍是煮得過腍；可取的是炙燒豚肉肥瘦分明，燒得微焦，非常香口。我想這店還是豚骨湯底的拉麵比較出色！

霸嗎拉麵喺香港而家已經有好多間分店，本人就食過銅鑼灣嘅分店，味道亦都算係中上。今次就試下中環既分店，一去到已經大排長龍等左差不多10分鐘先入到去食。炙燒豚肉味玉拉麵 88湯底幾濃味，豬骨味重拉麵嘅麵質呢好似一蘭，比較幼身有咬口 不過個人唔太鍾意呢個麵質豚肉可以燒多一陣，再香口一點，同埋可以簡d有翻小小肥膏既位置糖心蛋還可以啦，未至於係一咬就流出黎。總給，無乜太大驚喜，中間水平既拉麵。位置好方便 不過要排隊的話都係食第二間。

以前係銅鑼灣食過，覺得好好，所以帶朋友來食，但誰知水準下降，質素麻麻。【雞叉燒味玉雞白湯拉麵】雞湯底較少見，所以之前食過好，就念念不忘，但今次實在太差，不想再食。先講主角雞白湯，湯底沒冇雞味，味道也不濃，反而是太油太膩，還要十分咸，咸得超恐佈，好像飲味精湯，食完口乾，要飲三杯水都仲覺好咸。拉麵反而較好，幼身順滑帶微微咬勁，掛湯度一般但剛好就是湯太咸，所以食落味道剛好。雞叉燒反而保持水準，濕潤嫩滑雞肉，口感好有彈性，加上厚厚地食到啖啖肉滋味，連雞皮食也不膩。味玉醃得不夠入味，蛋黃半熟度剛好，但朋友個隻就太熟，所以有點參差。【沙拉唐揚炸雞】炸衣夠脆身，而且鬆脆口感，雞肉多肉汁，同樣夠嫩滑有彈性，加上沙拉醬食好滋味，即叫即炸夠新鮮熱辣，做得幾好。【炙燒豚肉味玉拉麵】友人的拉麵冇試到，但以前食過，湯底濃而不膩，反而豚肉雖厚身加上是五花肉，但仍太乾硬，口感麻麻。

之前幫襯過銅鑼灣分店之時，已經覺得很一般。而今天光顧的中環店更大失所望，所謂的2017得獎熱店實在讓人疑惑。先說一下服務。一進店店員大媽就大聲嚷嚷，要求客人坐指定位置，即便有很多更寬敞的選擇，我和朋友順從大媽的意思坐下。之後有其他客人要求坐別的位置時，大媽滿臉不滿，態度極為差，不說還以為這拉麵店是她主場她是老闆娘，離譜。再說下食物。點了兩個雞叉燒玉子拉麵、一份餃子和原味炸雞。和店員強調了要少油，結果並沒有少油，那下單紙就不如不要這項了吧？反正勾了口頭說了還是油厚到飛起。雞叉燒幹巴巴，比起在銅鑼灣吃的有差，銅鑼灣店的還過得去。餃子餡料有苦味，懷疑是內裏蔬菜不新鮮，炸雞硬綁綁，有1/2是粉，除了姜味就沒有別的味道了。最後結帳時，這個之前提及的大媽二話不說，用手指螢光幕的總金額，示意讓我們付款。這種素質的拉麵店大家可以直接pass了。謝謝。

公司OT一個人走到 "霸嗎拉麵", 入座後被安排坐近距離廚師烹煮的位置。餐牌拉麵款式唔算太多， 對我來說 不錯，因為每次都是點選經典穩陣款式。炙燒豚肉海苔味玉拉麵 $98幾種主打配菜都有紫菜，溏心蛋。湯底味道很濃郁 ，仲有些膠質，幾黏口。 選擇了硬身面，口感極佳，又吸湯。 那隻"味玉"即係糖心蛋， 超正好入味， 日本拉麵冇咗依樣嘢絕對唔得。 炙燒叉燒燒得香口，肥瘦適中， 入口即溶而且厚度驚人， 比平常兩三塊薄叉燒更有份量的!靜岡哈密瓜梳打蜜瓜味好出, 唔算太甜， 夠曬氣既梳打和拉麵真是絕配!羽根燒餃子餃子煎得香脆， 唔油膩，皮不會過厚，肉餡適中， 一排的煎蓮著哪些 薄脆皮， 香脆可口。

一次不愉快的進餐經驗和朋友半夜到蘭桂芳。由於本身想食既餐廳當日冇開，而且又已夜深。所以唯有逼於無奈地到這間餐廳進食。男職員的態度不太好，甚至惡語話客人。食物方面，湯太油，沒有意欲再吃。另外，第一隻蛋有殼並太熟，即使換另一隻，亦是有殻。另外，我地亦有點到炸雞，份量合適且夠熱及味道好吃，都很滿意！唯獨是職員的服務態度令人感到不舒服。如無必要，都不會再吃這間餐廳。價錢亦不太值得，寧可選擇其他更佳的餐廳。