霸嗎拉麵 (德己立街)

營業中

休息中

呢間拉麵係我除一蘭以外最喜歡既拉麵店。佢既麵質好好，同一蘭一樣有得揀軟麵硬麵。我真係好怕食硬麵，去譚仔都一定會叫米林D，係呢到都一定會叫軟麵。之前都係係尖沙咀食多，第一次黎中環。果然寸金尺土，座位基本上都係單邊位，適合1～3個人黎食。turnover rate都可以高D！星期六下午黎，難得唔使排隊，平時呢間野排15－30分鐘係基本。今次黎俾我見到個新野！檸檬豚肉拉麵！咁新奇既combination，無理由唔試啦！認真！呢個真係一試難忘！完來檸檬同個辛辣湯底係好夾架！真係好香檸檬味！個種酸味又唔會太過火，但就好醒神開胃。真心正！同埋檸檬都中和左少少個辣味，令個味無咁單調地辣！其中一個鍾意佢既拉麵，除左因爲D麵，仲有就係佢個湯底好濃！今次仲再架左D櫻花蝦點綴！點解D人咁犀利，知道咩同咩係可以好夾架呢？豚肉就一如以往，肥瘦適中，香香油脂味。Extra叫左個菜，無諗過有咁多綠茶可樂係因為個名叫既，味道幾得意。個糖心蛋係無敵！好好味！最後就係我同親fd黎都會叫即餃子。上面呢層薄片真係好香脆！當然餃子都正啦！

去蘭桂芳又唔想食酒吧既bar food，斜路都無咩選擇，又要快又要好，我都會選擇Bari Uma日本拉麵。又要叉燒又要蛋，梗係要招牌拉麵，同男友一你一碗再share個炒野菜。炒野菜就係一大碟芽菜、有小小木耳同蘿蔔絲。加埋落碗麵度豐富好多，多左爽口既感覺！男朋友要招牌原味豚骨湯底。我要左碗辛辣豚骨湯底味。兩碗同樣有一塊大又厚既叉燒、一整個流心蛋、荀乾。呢度拉麵湯底超濃，飲落去有d漿口既感覺，好似骨膠原好重咁，一定係落足料煲左幾日既效果！再加上一隻完美溫泉蛋，好味道！下次去夜蒲，就可以再次造訪醫肚先！

相信響中上環返工嘅朋友仔都知lunchtime 響依度嘅人龍係幾咁長難得今日可以早小小放lunch, 我同同事當然即刻響公司狗衝過黎排隊！我地大約12:25pm到，條龍已經有十幾個人響前面，真係唔敢想像遲多十五分鐘到嘅話要等幾耐我相信條龍咁長都咁多人等嘅食物，應該水準好高掛啲食物果然令我非常有驚喜，尤其係我叫嘅雞白湯拉麵本身以為拉麵店嘅肉多數會係薄身一片，但依度嘅雞居然係又厚身又juicy又嫩，似雞扒多過雞肉！而麵身都非常彈牙，個湯就係清清地嘅雞湯，個溏心蛋煮得恰到好處，真係好正呀同事就叫左signature嘅豚肉拉麵，麵身同樣都係咁正，湯底明顯濃郁好多，啲豚肉半肥瘦，無雞咁厚但係一樣咁正，好滿足我地仲叫左個枝豆，食落好新鮮我個人建議中意食清清地嘅人可以點雞拉麵，中意濃味啲嘅就點豚肉拉麵絕對可以滿足到唔同口味嘅人另外我都好欣賞店員嘅服務態度，雖然好繁忙不過態度禮貌都好好，抵你地咁好生意雖然長龍，不過我諗我好快會再黎食過，高質嘅食物係需要等待嘅

上星期lunch時間專程來到但奈何餐廳休息，今日再次去到終於沒有白行。12時半到達已眼見門外有一小人龍，幸好等了一會便可內進。餐廳具日本風，近門口處掛上了最新出的期間限定檸檬豚肉拉麵，彼新鮮，一於今次試試。《期間限定：檸檬豚肉拉麵 $78》三片檸檬放在湯上，未弄檸檬汁都已經有微微檸檬酸，弄好檸檬汁之後檸酸味更出，中和了湯底的濃膩感，而且更帶出了豚肉的肉香味；湯中有蝦乾令整體更香口，味感和口感增加；豚肉很嫩滑，拉麵彈牙，這個新出品不錯！《豬骨豚肉紫菜玉子拉麵 $98》豬骨湯底是拉麵的基本絕配，想不到食那款拉麵的話點這個最穩陣。玉子半熟狀態有流心效果，蛋香清甜，拉麵掛湯，整體不錯。《羽根燒餃子（5件）$35》餃子底部煎至脆口，入口有嚼感，中間的豬肉多汁有肉香，蘸點餃子汁更不錯。店員有禮貌，繁忙時間多說已不錯。

今日帶住隻小魔怪去中環搵食，感受一下萬聖節氣氛，小朋友通常都鍾意食日本野，見到佢地有小朋友set，仲有玩具送，二話不說就入去開飯。雖然天氣開始涼，不過太乾燥，要飲返d凍野炸炸佢！呢度有蜜瓜梳打，我呢個蜜瓜控最愛！福岡蜜瓜，好香蜜瓜味，冰冰凍凍，好正！我點了份雞叉燒辛辣雞白湯拉麵，選中辣，辣度帶點麻，雞肉亦很嫩滑，拉麵可自選軟硬度，點自己喜歡的口味就可以，我點了適中。麵很爽口，湯底亦很濃，很足料。 食拉麵，流心蛋係絕配，所以+$10 要一隻，一口氣就吃完了！有小朋友set 真係好感恩，仲有公主筷子，小魔怪就乖乖自己食曬碗麵，我可以投入食我自己碗麵！ 跟餐有個橙汁同一塊 kitkat，小魔怪食得好滿足，走嘅時候，哥哥仲有玩具獎勵，真係好貼心！

起初經過這店時，驟眼看下去以為跟其它一般連鎖拉麵店差不多便沒有特別想說要試，直到今天朋友說要吃拉麵才去了店內坐位是與日本的一樣，都是一字排開沒有卡位/對坐什麼的，店員先給我們各自一杯冰水，很有日式食店的傳統~看過餐牌，少有地免收加一服務費，值得一讚但最令我眼前一亮的是拉麵的份量和質量都與日本傳統拉麵店的水準不相伯仲，湯底濃中帶點清，加上有檸檬便更加醒胃豚肉煎得香脆鬆軟，輕易便能夾開，配著拉麵和櫻花蝦吃實在美味！另外，也許多少配合了港人口味，拉麵只有基本配菜，沒有配上竹筍和粟米，要吃也可以自行追加，還有不同配料供選擇，不過價錢就略貴一點了。而我則加配了溏心蛋，配料會另外上，不放在碗內題外話：這裡的拉麵份量都與我在日本吃過的是一模一樣，加上店內一直播著日語歌曲，令我有種還在旅行中的感覺，捨不得離開坐位呢

萬聖節就緊係一家人出動去中環蘭桂坊開吓眼介睇吓啲人點扮鬼啦，之不過有小朋友嘅關係兩邊嘅酒吧餐廳又唔去得，咁啱又見到間叫"霸嗎拉麵"即刻就撞入去!咁次正呀! 呢間餐廳絕對適合一家大細入嚟因為佢有小朋友最鍾意嘅兒童餐!我就嗌咗一個"炙燒豚肉味玉拉麵" 個舊豚肉真係一啲都唔簡單肥膏同肉都係梅花間竹咁一層肥膏一層豬肉食落仲要一啲都唔覺有肥膩嘅感覺肉都炆得非常之林，拉麵硬度我揀咗適中，入口都有彈牙嘅感覺唔錯!舊味玉蛋黃味重!有流心嘅效果! 而湯底濃郁唔會太咸呢間餐廳細心到會將兒童餐分開男女去圈， 如果你叫嘅係男仔兒童餐佢會用男仔嘅餐具去招呼呢個小朋友~食完仲有朱古叻做甜品!之後仲有小禮物tim

霸嗎我來也！之前成日經過尖沙咀間分店都勁多人排隊，因為唔想排唯有放棄，所以一直都未食過呢間。今日行開中環，見到原來呢度都開左間分店，因為星期六又係午餐時間，所以唔洗排隊就有位！當然唔放過呢個機會啦！餐廳內全部座位係bar枱形式，唔算好大，牆上既塗鴉幾靚，好有特色！見到餐牌上有個期間限定，就叫黎試下啦！真係第一次係拉麵上見到檸檬既配搭！真實中既櫻花蝦有好多，相比圖片上既多！好開心！檸檬有三大片，寫住唔夠既可再追加不過個人覺得三片已經好足夠。個湯本身係豬骨湯，奶白，好濃，好香。加埋檸檬汁好似將個湯提升左！有微微既檸檬酸，好清新，好開胃。豚肉好大件好厚！肥瘦分佈得唔錯，食落好淋，入晒味，個面煎過較香口。拉麵方面，較平時食開既幼同無梘水味。軟硬度剛好，食到 樹樹 聲呀！追加溏心蛋流心，正！味荀唔係講笑，都幾多下，好入味，夠淋。羽根餃子 $35剛煎起，好香好脆口！皮薄，餡料味道剛好！好滿足的一餐！正！唔怪得甘多人排隊

「霸嗎」拉麵，由尖沙咀店食到依家，已經開咗好幾間分店，嚟到中環蘭桂坊附近，好開心係呢區都食到😊鍾意呢度麵可以揀熟度，適中係偏硬，最愛。仲可以少油、少蔥、走蔥...雞叉燒辛辣雞白湯拉麵(小辣)本身唔太食辣，但見朋友平時食辣食到好滋味，今次一反常態，試下小辣如何🤤見到紅噹噹嘅湯底， 試咗啖，唔。。。辣味唔算重，有少少嗆鼻，可接受！雞叉燒，正！用整豬叉燒嘅方式，將雞肉捲起嚟，醃味，食之前再煎一煎，食到雞已入哂味，帶點酒香；煎過面頭少少燶香，但入面仲好滑，而且成熟度控制得好，唔會過熟而un👍🏻👍🏻👍🏻😋食到半碗，d辣味愈來愈勁......用上日本大size蛋，大大嘅橙色蛋黃，已醃好，必食！太好味😋😋😋😋😋辛辣燒餃子又係未試過嘅辣餃子😬😬見到淋係面頭果d辣油嗎😏😏其實相對辣麵，呢個辣餃子唔算辣，最正係餃子皮，帶點煙un，好日本嘅味道🤗令到呢個餃子加哂分！必食！日本🇯🇵芝麻雪糕芝麻雪糕，唔重奶味，啱哂我口味✌🏻而且芝麻粒整到好幼細，見到點點芝麻但食唔到粒粒，隻芝麻味好清香，好味道。檸檬姜汁酒因為食辣麵，叫定支檸檬姜酒，酒精濃度得3%，完全唔覺係酒😏呢支好飲，唔太甜嘅汽酒咁，檸檬味重，幾特別。

難得今日去開中環工作，又咁岩撞正午飯時間，聽聞蘭桂坊附近前陣子開了一間拉麵店都幾出名而且越開越多分店，所以特登去享受一下豐富嘅午餐，一入到去雖然人好多但好在唔需要等位，一陣日式嘅拉麵味已經令到我非常之肚餓一睇個咁colorful嘅餐牌就已經比佢吸引住雖然對我來講選擇款式不多但總有一款啱你口味唔使5分鐘拉麵就放到你嘅枱前味道其實唔錯如果大家有時間都可以試吓特別係個湯底非常之美味

之前已經食過bari uma, 記得我果時係俾佢地既肉深深吸引，最近係中環行街經過見到開左新既舖頭，即刻要試下！環境格局同其他分店有少少分別，係一排排的。因為我真係好鐘意食肉，所以今次叫左特盛豚肉拉麵。湯底好濃厚，有筍同蔥花做配料，麵條係比較幼身果種。每一塊豚肉都好厚身，但好容易咬開好嫩，肥瘦比例岩岩好，超正面頭有少少辛味辣醬，好好味。整體感覺個水準同我之前食既一樣，保持得好好。今次我叫左一份煎餃試下，煎餃外層好香脆，個皮唔會太厚，咬落去仲有汁，唔錯呢個抹茶紅豆雪糕我上一次已經試過，抹茶雪糕好香濃軟滑，必試！

今晚難得我揸莊，緊係食我最愛拉麵啦，肥妹女友無say,無謂成日問我食咩，跟住又band我，佢未問我第一句就講。今晚食拉麵，換黎一句。哦！搞掂！即刻揾下附近有咩食，原來中環呢度開左間霸嗎，梗係嗱嗱聲過黎霸位啦！呢度舖仔細細，睇落都坐到二三十人肥妹女友揀左辛辣炙燒豚肉味玉拉麵食落唔太辣，但好香，豚肉一如既往稔滑，油脂入口即溶，而且豚肉較厚，對比有啲拉麵店嘅薄切，呢個真係吸引好多，玉子都夠晒溏心，整體唔錯我就叫左雞叉燒味肉雞拉麵，同豚肉相比，雞肉份量再多啲，又入味，湯底無豚肉咁濃同黏口，呢個拉麵配菜係木耳絲，夠咬口食拉麵唔小得食煎餃子，沙律野菜炸餃子，呢個充滿大量沙律醬嘅煎餃又係一口一餃，感覺涵料就唔算多，不過對於一口一餃份量都岩比例，個菜放底吸晒油都食唔到，整體唔算太突出，不過小食算係咁啦

吃過尖沙咀的霸嗎拉麵覺得不錯，這天在到中環店，極速吃碗拉麵做午餐。上次吃過豚骨湯，正好有個期間限定出品，可以試試新的。枝豆喜歡它不會煮得太腍，粒粒豆都很爽。以粗粒黑椒調味，少少粗糙，不平均並非粒粒都有調味，但枝豆本來的味道已經足夠。雞叉燒雞白湯拉麵上次單點了雞叉燒，覺得很好吃，於是再點，順道試試雞白湯。雞叉燒繼續沒有叫我失望。雞肉嫩滑，有薄薄一條沒有油脂的皮，有煎過的油香。雞白湯都幾香濃。檸檬豚肉拉麵加了三片檸檬的拉麵，有份額外的清新，正適合夏天。不過湯底偏稀偏淡，欠香欠濃，掛麵效果亦一般。櫻花蝦沒甚味道，可能被湯浸過。炙燒豚肉是本店招牌，半肥瘦，肉不會腍至入口即融但富油香，有咬口而不嚡不韌。星期日的午飯時間都全場滿座，證明拉麵有其吸引力。

講真，其實食物味道唔錯，拉麵都似日本既味道，餃子亦都好食既；但好似貼錢買難受，啲侍應長期西面，好似欠左佢地幾千萬咁：1）凌晨12點幾，佢封左半邊鋪，淨係俾客人集中坐一邊枱，明白既，方便清潔打掃，但個4眼肥叔好似喝狗咁喝人，4眼肥叔全程用藍牙handfree 講電話，叫佢又10問9唔應；2）有個白面女侍應（我唔知佢係日本人/韓國人/強國人）總之佢就唔識聽廣東話，咁我就用英文問佢，佢落完單後就「掉」左單落我枱度，係掉落黎呀，有無搞錯；跟住佢全程膠下膠下企喺度玩電話加不停反白眼，做咩啫，見到佢認真唔開胃；真係唔會再去食，嬲都震

今晚約左個朋友食飯，佢本身係中環番工，佢知道有間拉麵唔錯，帶左我去試下，點知一d都冇令我失望，反而仲有驚喜添。間拉麵(Bari-uma)係德己立街，一出地鐵站行兩分鐘就到。唸住9點幾，應該冇咩人，點知仲要等左一陣先有得入去食。入到去感受到濃濃既日本風格，我同朋友被安排坐係高枱。由於我有選擇困難症，睇完個menu之後樣樣都想食，個侍應就推介我食期間限定既檸檬豚肉拉麵兼追加多左個味玉(即溫泉蛋)，而我個朋友就叫左雞叉燒味玉雞白湯拉麵。檸檬拉麵係有辛辣同唔辣，但我唔太食得辣，所以選左個冇辣既。先黎既係我個碗檸檬豚肉拉麵，賣相一流，配料十足，有蝦米仔，西蘭花，豚肉同檸檬。飲左一啖湯底，有着濃味豬骨既香甜味，但亦有淡淡既檸檬味平衡番，而且唔會酸澀。一個字正。而且仲有西蘭花，令到個拉麵非常健康。豚肉經佢地既秘制處理過，肉質鮮嫩，入口即溶，個溫泉蛋都整得唔錯。如果大家覺得檸檬味唔夠，可以免費再追加3塊，但我本人覺得啱啱好。 真係要俾好多個likes至得。我覺得整體感覺特別清新，有別於一般既傳統拉麵。而我朋友既拉面，塊雞扒勁大又好味，叉燒都係一樣咁溶化。雖然冇檸檬味，但個濃濃既雞白湯底都非常好甜。 順