霸嗎拉麵 (德己立街)

營業中

休息中

週六到了中環大館上盆景workshop 、心想終於有機會到大館參觀、看一下歷史建築、豈料竟下起傍佗大雨。隨便走了兩圈已經全身濕透、唯有打道回府改天再去。記起蘭桂芳的霸嗎拉麵一直想試、但平日太多人排隊、就趁這個機會去試試吧。我們都點了招牌的濃厚豬骨豚肉玉子拉麵 $88先呷一口湯、豬骨湯味重、口感較平常吃到的濃稠。麵條軟硬適中、足夠掛湯。豚肉微微炙過、有點焦香、肉質算軟稔。吃拉麵最愛還是吃那半熟而又沾滿拉麵濃湯的玉子、軟線滑滑的～羽根燒餃子$35 一客有五隻、煎得香脆、味道不錯。

呢個特濃魚介魚乾䐁肉拉麵係佢新出嘅期間限定，樣子睇落豐富，有半肥瘦叉燒，紫菜，荀絲，仲有魚乾仔同埋魚粉。D 湯其實幾膠下，應該煲左好耐。試一啖湯，味道超濃魚味😯👍🏻。試一啖個叉燒，塊豬肉好靚，肥瘦均勻，入口即化，但係調味唔夠入味，所以差一點，勝在豬味幾濃係新鮮嘅。但呢個麵由第二啖開始就幾鹹下😅如果佢整淡d,咁呢個拉麵應該算係香港食過唔錯嘅一碗

如果你經過尖沙咀會長期見到霸嗎拉麵有條隊香港人真係好鐘意食拉麵吧我見到咁長龍一直都好想試但又唔想排隊今日經過中環分店岩岩過左食飯時間唔算太多人既時候 我終於試到了！佢係用紙自己落單 方便快捷要讚既係拉麵可以選硬麵對我依d鐘意食口感既人真係太正了天氣好熱 要食番d辣野刺激一下辛辣灸燒豚肉味玉拉麵加沙拉唐揚炸雞佢係本身有加葱同荀黎到既蛋係原粒未切既當我用筷子介開佢時入面既流心蛋黃係岩岩好慢慢湧出黎#真係堅好味 #炸雞真係外脆内軟架 

同朋友係老蘭飲完一杯，餓餓地，但三更半夜選擇唔多，咁不妨去霸嗎拉麵食個麵醫肚店內裝修幾似日本拉麵店，叫咗餐牌第一個拉麵：炙燒豚肉味玉拉麵，個湯底好香濃、半肥瘦豚肉煮得啱啱好，咬落去會有少少痴牙、麵條又打得夠彈牙，唯一差在隻味玉（半生熟蛋）太熟，無晒流心另外叫咗個枝豆，一咬落口就有驚喜，因為佢面頭落咗胡椒同椒鹽，好惹味，食完一件會繼續想食第二件，正而個羽根餃子，最好食既竟然係佢層米醬。。。煎得啱啱好，脆得黎煙靱，如果有淨煎米醬，我一定會order! 餐廳整體食物水準優良，又開得夜，係老蘭宵夜一個很好既選擇！

難得今日去蘭桂坊，見到這間著名的拉麵舖不用等位，當然入去試試他它的期間限定拉麵。平時中午的時候最少要排半個鐘才入到去呢。坐低之後，貫徹我一貫的作風，睇睇有冇期間限定的美食。所以我叫咗” 特濃魚介魚乾豚骨拉麵 Niboshi-Ramen”。面的質地我揀咗適中，咁樣會比較容易入口。落完單之後5分鐘之內，美食就送到手中。這個期間限定拉麵的湯底跟平時沒有多大的區別，唯一的是他的魚竿比較彈牙和新鮮，果然沒有令我失望。期待下一次另一個期間限定拉麵！

好想試呢間拉麵好耐，機會終於嚟啦！店舖門口有立食，心諗天氣咁熱，有無人咁好興致呢？！店內有一排位置是high chair ，其余的是普通坐位。點了「炙燒豚肉味玉拉麵」，好期待吖！賣相不錯，但我選了較軟身麵，但一啖咬下去覺得麵仲好硬！豚肉好大件，有些燒焦的香味，好香囗，但太油膩，整件豚肉2/3都是肥膏，對我來說真的受不了吧！湯很濃郁亦非常之油，可能塊豚肉作怪掛！湯的味道有點偏咸，雞蛋是原只上，沒有切開的。當我咬開時，咦！不是流心，雞蛋幾乎是全熟，好失望呢！這店子不是我預期中的出色，可能不是杯茶。

成日經過都因為人多而冇去食。今次因為去PMQ影相，就決定去就近餐廳。近近地試下霸嗎拉麵~舖頭細細間~裝修好特別。紅色極搶眼。價錢同平時拉麵店差不多都要七八十蚊。呢一碗係雞叉燒味玉雞白湯拉麵。雞肉夠軟滑，易咬。湯底夠香。份量夠連粒糖心雞蛋都好好食我除左麵要軟身之外，其他份量都照常，因為想試下原汁原味係點樣。除左油多左啲之外，大致上都好好食。另一碗係炙燒豚肉味玉拉麵好食。只係感覺肉少湯味淡。如果肉份量多番啲就更好。同埋肉可以再軟身少少。整體感覺不錯，下次可以再食。

走過幾次不同時間都在排隊的不同分店，一值都很好奇這間拉麵有什麼特別，終於有機會約了幾個朋友試一試！樓面不大但坐位卻沒有想像的迫，雖然沒有面對面的方枱但還是可以跟朋友邊談邊吃的我們點了一份唐揚炸雞分享，即叫即炸不用說，份量有五件幾個朋友一起吃剛剛好我們一行四人點的都是豚肉味玉拉麵；因為麵的口味、硬度、湯的濃度和配料都可以自由選擇，變成有四碗不同配搭的拉麵上枱朋友點的是辛辣、也有點期間限定的魚干作配料，味道大致相約，大家都很滿意自己搭配的口味！

今日帶咗林小姐去接爸爸文放工，隔離有間霸嗎拉麵，之前食過幾次咖喇， 最深刻一定係佢地限時供應嘅 檸檬拉麵，真係估唔到咁好味～ 今日經過又想去食，雖然冇檸檬，但竟然有兒童餐！ 「以為」自己已經升呢嘅林小姐決定點返個，有相為證，佢自己話食，唔關我事咖！ 專為小朋友而設嘅兒童餐，配有粟米粒和紫菜，仲有一杯橙汁，都幾豐富！ 2款麵包括「子供炙燒豚肉湯拉麵」同埋「子供醬燜雞叉燒拉麵」，前者係豬骨湯底，濃而不膩，豚肉淋而香口；後者係雞湯拉麵，味道淡但香，好啱細個BB 食。 仲有KITKAT送＞＞ 即日至 8 月 12 日食兒童餐，仲有好多優惠＞＞ ［優惠１］ 即日至 8 月 12 日期間食兒童餐， 即可得到蠟筆小新膠文件夾和可愛紙扇 ［優惠２］ 填寫店內的遊戲表格， 有機會獲得《蠟筆小新劇場版:爆盛!功夫小新 拉麵大亂鬥》 電影換票證兩張! *數量有限,送完即止。 驚喜位！次次都淨係食拉麵同餃子，今次我突然好想試雪糕， 有綠茶同黑芝麻2款口味，綠茶醇香有層次， 黑芝麻淡口但不失芝麻香，入口好清新，打破哂我對黑芝麻嘅概念， 仲要2款都配又大又圓，口感極飽滿口嘅紅豆， 你又點估到佢只係賣

收工過到中環lkf，想食得飽又唔想行太遠，好自然選定了斜路行上第一間的霸嗎拉麵🍜肥妹仔點了*炙燒豚肉味玉拉麵*喝了一小口湯底，湯底好濃，但有點油膩。豚肉只有一片，不過是厚切。一咬充滿油香，只可惜有點乾硬，不合格味玉屬正常貨式，不會煮到過熟。食到中段，肥妹仔開始不停飲水，越食越口渴，最後放棄食剩小撮拉麵，浪費左朋友則點了*雞叉燒味玉拉麵*雞叉燒拉麵湯底更為恐怖，雖然標稱雞湯底，但一點雞味都冇，試了兩口湯底都覺得似係普通味精雞湯，同樣越食越口喝不過雞叉燒卻值得一讚！非常厚身，連埋雞皮同吃十分滋味，又不會燒到過乾。味玉同樣屬正常貨色。肥妹仔食食下發現麵店的推廣優惠，下載app並登入，可以用優惠券只需$15即可有一客煎餃子。加$15換購的煎餃，裏面係韮菜肉碎？配上餃子汁同吃好開胃，全晚最好吃第一位係片雞叉燒，佢就係第二位了食飽飽後，肥妹仔就起行準備睇世界盃了

以為中環冇好嘢食，原來是錯的。這間霸嗎拉麵，令我覺得原來中環都有好嘅拉麵。裝修非常日式地道，枱同凳都係木製。牆身貼拉麵漫畫， colourful 又醒神。餐牌整得很精美。點了一個特盛豚肉拉麵，餸很多，湯底濃厚，飲得出是餚出來的。燒肉很厚， 仍然嫩滑有肉汁，慢煮了十小時呢!溫泉蛋只是加$10，在中環旺區地舖非常划算。麵的份量很多，吃完拉麵，已經挺飽。野菜(芽菜)淡淡地，比想像中清淡， 雖然是加了特選鹽但只是小鹹。唐揚炸雞一份有5粒，粒粒很大粒， 很香口， 食起來不是太油。 整嘅時間比耐， 點了有沙律醬額外滋味。

路過中環，才得悉中環蘭桂坊開了霸嗎拉麵，既然想不到吃什麽就這裡吧！雖然已經是下午2:30，店內依然絡繹不絕。 小妹點了雞叉燒白湯拉麵($83)，有別於一般日本拉麵，這個湯底相對較清，雞肉亦相常足料，麵的份量亦不遑多讓，這裡可以點餐時又夠彈性，可要求少油或走葱 / 露筍，正合我意。 老公依舊點了特盛燒豚肉拉麵($118) + Coke Zero ($15)，份量有四大塊叉燒，還要是腩位，很肥美，但老公今次都完成不了，性價比很高，這裡的叉燒為是非一般的日本叉燒，以腩肉烹調，肉質腍身，充滿油甘香，不過湯底則略嫌太油。 希望店能提供冰茶，可幫助解油及鹹味。

今日放工落勁大雨，唔想俾雨淋親，就等雨細啲先走，係公司附近間拉麵店食住麵等雨停有個期間限定，不過我今日想食辛口味下次先再食呢個辛辣炙燒豚肉味玉拉麵麵條係幼身拉麵，我本身都鍾意食呢隻拉麵辛辣味好香濃，但又唔會好膩而最有驚喜的是塊豚肉，好厚身呀，啖啖肉雖然厚肉，但一啲都唔鞋隻蛋係原隻上的，中間仲流心添羽根燒餃子其實餃子種類都有幾款，今次我就食羽根，面頭呢塊薄脆好得意，同餃子一齊食，口感特別豐富同埋呢個餃子中間既豬肉同菜比例好好，唔會過多豬肉我鍾意食

呢間拉麵愈開愈多間，但係到而家仲係間間都要排隊，唯有食個Early Dinner唔駛等咁耐，最後六點去到就唔駛等位就入到，不過都係得番一兩個位。格局就都係一貫拉麵店既樣，吧台位可以望到師傳即席整拉麵既情況，另外就會有一啲位對窗外，望到蘭桂芳既盛況。叫左個《雞叉燒味玉雞白湯拉麵》($88)，最鍾意食個味玉中間流心就超級正，飲啖個湯雞湯味幾出，同都算幾滑溜，不過食左半碗就幾口乾係咁要飲水，雞叉燒好厚身而又煮至好軟稔，麵身係幼身同埋唔算好掛湯。店名：霸嗎拉麵地址：中環德己立街22號地舖餐牌:

拉麵大家應該都成日食㗎啦，唔知大家又搵到一間啱心水嘅拉麵鋪未呢？呢間拉麵對我嚟講真係好吸引😍已經搵咗班friends去試多幾次㗎啦！仲睇？快啲約friends去食返餐勁啦！我就真係太餓啦，order咗碗特盛嘅🤤🤤想減肥嘅女士們都食埋呢餐先減啦！美食當前，唔食飽又點樣有力減肥呀💪🏻碗湯好足料夠哂味，好食到唔知點形容呀！仲要$100就有找，咁抵食去邊到搵呀！再嚟碗水配吓，一個字，滿足呀！大家快啲去試吓啦