霸嗎拉麵 (德己立街)

營業中

休息中

想試呢間位於中環蘭桂坊附近嘅拉麵店好耐喇！平日lunch time會排晒長龍，所以趁有假期就同朋友一齊試試😋店舖面積唔算好大，但係座位都寬闊，而且每張櫈嘅底下都預留空間比人放袋，好貼心😍去試食當日咁岩落雨，由店內近窗口嘅位置望出去，別有一番風味。嗜辣嘅我叫左「辛辣炙燒豚肉味玉拉麵」，辣度要再中辣🔥一來到就急不及待試再個湯底先😝個湯好濃郁，而且飲得出豬骨味。雖然叫左辛辣，但都無比辣味搶去風頭，呢點做得好好。湯汁杰嘅程度都適中，能夠令拉麵掛上。再來就係拉麵喇，我比較喜歡適中嘅硬度，而店家呢方面處理得好好！拉麵咬落有質感，即使食到後期浸左一陣都無過分發漲，仲好索湯汁，非常好👍🏼豚肉好鬆化，一咬落去就輕易分開。肉質軟腍，而且脂肪同肉嘅比例都算適中，食完都唔會成口油。至於調味方面，味噌味較重，配上辛辣湯底有少許過咸，唔太鍾意重口味嘅人就建議配上拉麵一齊食😜我最最最滿意嘅就係個味玉😍即係雞蛋🥚一咬開就有濃濃蛋黃流出來，睇到流晒口水🤤食落個蛋味好出，唔會比湯底蓋過，十分滿意🤣🤣唯一美中不足嘅係中辣仍未能滿足愛辣嘅我😂不過以日式拉麵嘅角度出發，店家已經配合番香港人嘅口味😝建議愛辣嘅人挑戰大辣🤤

廣島最強最濃厚湯底拉麵進駐香港已好一陣子。往往都是人流不絕。今日專登過了最繁忙時間去試一下。濃厚豬骨豚肉玉子拉麵湯底色澤深沉，質感濃稠，入口香氣四溢。好奇心地詢問店員，原來湯頭主要採用大量豬脛骨、豬背骨，雞骨和多種天然蔬菜餚製，長達10小時以上而成，再加入大豆天然釀製的「溜醬油」提味，另整體味道提升，難怪那濃濃漿口的味道久未不散。豚肉炙過後油份迫出更加惹味。麵條是幼身的，爽口有彈性，掛湯力不弱。蛋隻那流心效果另人垂涎，滑溜香甜。羽根餃子餃子煎得可愛，好似有一層薄紗。日本人煎餃先煎後蒸的方法我好欣賞。另餃子少了一份油膩感。餃皮好薄餡料豐富，充滿質感。果然人氣拉麵店，沒有另我失望。

成日經過尖沙咀The One都會見到對面嘅霸嗎拉麵條隊好長，呢日約咗同學晏晝返學校傾project，就早啲去到霸嗎拉麵嘅中環分店食咗lunch先～果然我哋冇決定錯，早啲去到冇乜人，而且侍應們都冇咁忙，服務好周到！但去到12點左右，office啲人開始放lunch，客人就巴巴聲咁嚟喇！而家先知道霸嗎拉麵 同 風雲丸 係姊妹店！一入到嚟已經覺得裝修同上個禮拜食嘅風雲丸好似哈哈 叉燒嘅製法亦都一樣，用上等豚肉慢煮超過十小時，再以明火炙燒增添脂香。好厚、好大舊、好淋、好入味！炙燒豚肉味玉拉麵（$88）豬骨湯底好濃味，拉麵份量好足～辛辣炙燒豚肉味玉拉麵（$93）朋友嗌咗中辛，話唔錯！味玉好impressive，流心效果💯雞叉燒味玉雞白湯拉麵（$88）呢個幾特別，係雞肉叉燒～ 好入味，唔肥；雞皮好薄，可以一齊食，燒得好香～雞白湯比豬骨湯淡味好多，鍾意食淡口啲嘅朋友不妨試下呢個～羽根燒餃子（$35）同上次風雲丸嘅一樣，羽根薄薄嘅一層，非常脆口😛靜岡蜜瓜梳打；信州蘋果梳打（$28）呢隻梳打一向都鍾意，試過蘋果、白提子、白桃，蜜瓜都係第一次見！而家仲要做緊優惠，$25一支，點可以唔嗌呀！蜜瓜味又幾好飲！

虽然点了中辣，但还是基本没有辣味（可能也是因为我太能吃辣XD）玉子的味道很好，里面是溏心的，好吃😋叉烧很劲道很厚的一大块，不腻不腻不腻（重要事说三遍）面的分量也OK的可以吃饱（我食量超大）～刚好店面就在返工的位置旁边，也不用等位太久，环境也不错，会经常来吃der😘

今天午餐同朋友，嚟到呢一間拉麵，我哋大約一點之前開始排隊，所需等嘅時間都唔算太耐，大概10分鐘到就可以入座。之前有試過喺尖沙咀嗰間，但係尖沙咀嗰間人龍就較為長，所等嘅時間都比較來耐。試咗個炙燒豚肉味玉拉麵，佢哋嘅招牌菜。個豚肉係厚切，都幾香口，但係我嫌佢肥咗少少，聞落去個味有啲怪。 至於麵質方面，我個人口味比較鍾意食較為幼嘅麵質，所以我認為呢一個麵就較為粗身。雖然我所點嘅係硬身嘅麵，但上菜時都浸到好軟身。湯底好濃郁。

特盛炙燒豚肉拉麵 ($118)評分：8.5/10.好耐好耐之前食過佢哋嘅雞白湯拉麵，徹底著迷 😍 霸嗎拉麵係我心目中頭五一定有份嘅拉麵店 🤤 見到 @pak_lai 嘅相睇到我流晒口水～今次機緣巧合終於搵到友人 K 同我去食。本來想去新嘅保育主題餐廳 Cafe Animojo 但佢哋個日夜晚有關門拍攝 😅 唔緊要食🍲拉麵一樣滿足呢個拉麵嘅豚肉叉燒 😍😍😍 令人感動～之前個雞白湯拉麵將雞湯嘅鮮甜發揮得淋漓盡致，而呢個豚骨湯嘅濃度會令你覺得每一啖都蘊含住肉嘅精華 😙 吞咗之後會有輕微灼熱嘅感覺，但唔辣 😚 冬天飲成個身暖晒。幾鍾意佢哋嘅麵條吸收湯嘅能力好高 👍 係真係連麵都食得出豚肉味塊叉燒......塊叉燒 🙀🙀🙀 宜家睇番都覺得激動，每塊攤出嚟都唔只1cm厚，放棄面頭極度壯觀 😎 其實肥瘦相間都幾分明，肥瘦比例大概係7：3，😙 冇東坡肉個啲咁邪惡，有一兩塊瘦嘅部分有啲韌，如果唔系我諗我會打更高分數

期間限定🇯🇵原隻加拿大配龍蝦🦞櫻花🌸蝦豬骨龍蝦湯😋見到期間限定再加上咁大隻龍蝦張相又影得的確幾吸引所以都忍唔住叫咗碗😍一上枱隻龍蝦都幾大隻，有震撼嘅感覺！即刻要影相😆肉質有咬勁！不錯喔😁蟹鉗都好大隻！湯底味道濃郁有海鮮味😋不會咸，食完唔會口渴！呢個價錢嚟講食得過👍🏻💰震撼價$128另外叫咗碗特盛灸燒豚肉拉麵 💰$118好肚餓嘅時候食呢碗真係非常飽肚，不過略嫌肉質比較硬😂不過食咗咁多次都係一樣📍霸嗎拉麵 (中環)中環德己立街22號地舖

兩個人過海行吓街，經過中環便去醫肚，一於找間店食碗拉麵吧。在斜路上看到這霸嗎拉麵便入去試試。裝修格局有啲似日式拉麵店，氣氛一流。點餐方法同其他拉麵店類同，都係在點餐紙剔好，就交畀侍應。見到期間限定嘅極上原隻龍蝦味玉拉麵，好吸引，於是叫咗一碗。拉麵上面有原隻拿大龍蝦，一開為二，方便進食得嚟又保持龍蝦賣相，最適合打卡呃Like呀。蝦肉嘅鮮甜係非一般嘅，夠出色，來貨係揀過正嘢，煮起出嚟自然好味。侍應提供埋小碗同蟹鉗，方便拆開隻龍蝦嚟食。湯底係櫻花蝦豬骨濃湯，顏色睇落有啲紅紅哋，但其實唔辣嘅，櫻花蝦同豬骨煮埋嘅湯底更香更有層次。麵底硬度按廚師建議，有咬口得嚟唔會太硬，相當唔錯。濃厚豬骨豚肉拉麵有大大塊嘅叉燒厚切夠口感，上面仲放咗啲調味，覺得唔夠的話，仲可以加啲蒜粉同一味粉。湯底用豬骨餚製，味道都幾好，加上軟硬恰到好處嘅拉麵，整體都係具水準之作。飲品揀咗熱嘅綠茶，比較可惜嘅係熱飲選擇唔多。埋單231蚊，唔使加一。

happy friday, 心情唔錯就排下隊食拉麵啦， 點知有限量版既加拿大龍蝦拉麵，128個大洋係值既，一上檯就嘩左聲，好大隻呀，湯底濃而不咸，好味呀。 服務一流， 有提供濕紙巾同埋夾蟹殼器，係食得論盡d.

So far I’ve ordered the pork ramen and the pot stickers (no picture)Ramen - broth is good, not too salty, and I like that it’s milky. The noodles itself was also thumbs up The only down side is the amount of fat in the meat. In other ramen establishments I’ve been, both Hk and Japan, the meat usually comes with small amount of fat and that’s alright. This ramen shop rather serve a big portion of pork but I ended up removing more fat from the meat than the lean meat itself. The fat is also quite

中環蘭桂芳好出名，無論本地人定遊客都會到此一遊！起飲酒玩樂之前，一定要食飽先有氣有力！不過，起蘭桂芳食野都幾貴！今次食既霸嗎拉麵起正蘭桂芳，價錢又合理，食碗麵再繼續下場！點菜紙一人一個拉麵！濃厚豬骨豚肉玉子拉麵$88湯底質地厚身，豬骨味尚算濃厚，豚肉燒到好香口，幾大塊！如果豚肉淋少少，會更好！拉麵有咬口，每條麵都有濃厚既豬骨湯包住！雖然好邪惡，不過好惹味！玉子是流心的，正！醬燜雞叉燒味玉拉麵$88呢個雞叉燒好特別！其實佢係雞，只不過卷到好似叉燒咁！真係好少見到有雞叉燒！雞叉燒好嫩滑，好大舊！有驚喜！沙拉唐揚炸雞(5件)$38每件都好大件，比預期既份量大好多！咬落去啖啖肉，雞肉嫩既，炸粉都算薄！除左沙拉醬，我再加左少少辣粉，更加香口！每人$107

期間限定極上原隻龍蝦味玉拉麵🍜「原隻加拿大龍蝦」 ＋「櫻花蝦豬骨濃蝦湯」再配上流心蛋。龍蝦好多膏！好香！肉質彈牙鮮甜但龍蝦放了黑胡椒，感覺味道被破壞了，胡椒味道太強。但湯頭非常濃郁，好似飲緊出面嘅龍蝦湯（以我所知龍蝦湯係用蝦頭同蝦殼煮）麵條選擇了硬身但來到嘅時候麵係淋嘅，有少少失望，如果煮麵師傅可以多加留意就更加好。總括嚟講呢碗麵係十分超值同埋好食，$128有龍蝦、蝦湯、流心蛋同拉麵！非常之飽肚，男仕食都一定夠，而且地理位置方便，一定會再來

去過很多其他分店，一直都覺得不錯，間唔中都會幫襯。 唯獨蘭桂坊這家的服務態度有所失望，員工態度不良......下次都係諗過先來，附近的日本拉麵店也有很多選擇......🥶

最近很少過來中環附近，這天是為了參加活動而來。得知附近有霸嗎拉麵的分店，為了那碗限量受好評的檸檬豚肉拉麵便過來了。也許是太耐沒有來了，原來那是二月時期的限量版，限量版早已轉成另一款麵。限量版早已轉成極上原隻龍蝦味玉拉麵($128)。原隻加拿大龍蝦，加入櫻花蝦豬骨濃蝦湯，蝦味突出。平時吃櫻花蝦多，喝櫻花蝦湯還是第一次。雖看不到櫻花蝦，但從湯底嚐到濃郁的櫻花蝦味道，而豬骨味則與其它霸嗎系列的豬骨湯味道一樣。加拿大龍蝦肉質結實，一對螯龍蝦鉗肥大多肉，非常有嚼勁。點了一杯粒粒橙汁($20)，以解拉麵的飽滯感。酸酸甜甜的橙汁令人胃口大開。最近一直乾咳，盡量不喝有氣汽水，以免刺激喉嚨。但拉麵總與凍飲搭配最好，冰冷的凍飲才能襯托出拉麵的爽滑。店舖提供檸檬冰水，但我還是喜歡更酸的飲品，不計各式有氣汽水，只有橙汁可選。又點了一個味玉($10)。看餐牌時被大大的龍蝦圖片吸引，竟看不到味玉。拉麵上桌時才知道本身有味玉的。味玉做得不錯，如果是熱的更好，這個是凍的。味荀($10)幾乎是每次必點，不是有甚麼特別好吃之處，只是個人喜歡吃荀，加入拉麵換些爽脆口感而已。以這個份量來說，這個價錢可以接受。最後不少得日本抹

去開港島區做野，午餐時間同埋同事落去蘭貴坊嗰邊既霸皇拉麵，食過快拉麵，再返去做野！2點幾去到剛剛好仲有有位坐，拉麵店裝修同格局都好日式風味，位置大約有20多個，適合獨食快閃同3,2知食下野！餐廳好似日本在地拉麵店一樣，提供凍水任裝，唔駛叫待應幫忙加水，檯上既調味料都一應俱全！落單以點心紙型式，食物選擇都算多，可根據自己喜好選擇配料多寡，麵既軟硬度，非常貼心落單無耐羽根燒餃子首先嚟到，賣相唔錯，外皮煎得香脆，唔會過左火，入面既餡料都一樣仲有少少肉汁唔會太乾我覺得本身肉汁都夠，唔駛點餃子汁都幾好食！拉麵都好快送到！先嚟既係招牌濃厚豬骨豚肉玉子拉麵，由於呢碗麵係我同事叫，我只係輕輕飲左啖好濃味既豬骨湯同食左少少肥而不膩既！而我就食醬燜雞叉燒味玉拉麵，因為俾佢個雞叉燒吸引左，平時食日式豚肉叉燒就食得多，雞叉燒都係第一次見，就叫嚟食，另外好驚喜既係佢跟足日本拉麵鋪咁有得加飯，我都叫左碗準備食晒d麵先加埋落去食！雞叉燒原來係用雞肉壓成圓型，再切片，雞叉燒肉汁豐富，外皮應該經過烤焗，肉質幾有咬口！而個麵底就幾煙韌，雞湯味幾突出，唔太油膩！跟麵既流心蛋真係幾爆，一咬落去蛋汁出晒嚟！如果可以再暖少少就一