雲家小鍋米線 (328廣場)

營業中

休息中

終於一試呢間都幾出名嘅米線！好開心拉咗朋友嚟陪我食，因為食完覺得好幸福🥰螺旋草小鍋米線 $37叫咗中辣，個湯底好濃好好味！嗰種辣唔係用辣油堆砌出嚟嘅單薄死辣，而家同個湯嘅酸味融合咗，加埋入面啲肉碎，係濃厚又有層次嘅味道！！螺旋草其實似海帶，正正常常；面頭有蔥、芫荽、同埋超多芽菜，覺得芽菜起碼佔碗嘢三分一😂芽菜索哂啲湯，大啖大啖咁啪，好爽脆，食到好爽🤤

米線控又出動，荃灣嘅雲家小鍋米線，之前睇過啲網上介紹已經好想試，今日經過食到啦。酸辣豬頸肉小鍋米線加生菜呢度有多款配料選擇，湯底有大量肉碎、芽菜同酸菜，同有啲莞茜，仲可掛上米線。我揀左小辣，唔太辣岩岩好。米線偏軟，唔太硬。豬頸肉份量都好多，差唔多有成10舊，豬頸肉好入味，好香口。蒜泥白肉 39薄薄嘅豬腩肉片，上面鋪滿蒜蓉，蒜蓉香噴噴。涼拌墨魚頭 43第一次食墨魚頭，口感爽口彈牙，有嚼口，配個汁，好味。麻辣豬耳 38豬耳爽口，重麻香，味道濃郁，非常入味。

估佢唔到多人到要排隊～凍冰冰就最啱食啲熱辣辣嘅湯米線。有男人都自己一個人排隊排半個鐘，而我就係排佢前面嘅一個人，我係咪應該要認識下佢，咁啱佢又真係同我同一張枱🤣 真係多謝晒xx。二人一枱，搞到有枱冇得入😢魚肉春卷米線🍜 叫呢個嘅原因係諗起南記，啲人成日都話南記一定要食春卷🤣佢呢度嘅份量都幾大條，叫咗酸辣。我食米線必叫炸醬，再嗌咗豬脷同埋豬頸肉。豬頸肉係見到好多人都推介，本身自己都好鍾意食，而且佢仲要勁大片，真心覺得要食豬頸肉。碗米線超大碗，重點係配料嘅份量都多涼拌墨魚頭 $43又係見到好多人介紹，好大份，仲要勁入味👍👍醬拌皮蛋 $23食米線要食皮蛋，呢度嘅用嘅皮蛋唔係黑色皮蛋，又係好多蒜蓉，超級香，好好食😋排隊排咗半個鐘先有得食，我覺得係值得嘅👍👍👍👍豆漿加辣米線我最愛

是日要去荃灣買野好掛住呢度個米線四點前黎到終於可以直入呀點左~通菜墨魚頭小辣米線湯底依然覺得幾濃郁小辣又幾惹味唔會太辣食唔到墨魚頭好爽又比幾多下菜又幾嫰呀今次係第二次黎都仲係覺得幾好下次會再黎呀

【直迫老闆娘🍜濃湯底川味酸辣米+涼拌墨魚頭】荃灣呢間酸辣米線店一直在香港米線關注組被熱烈討論。👀睇番openrice，佢熱門item有：小鍋米線、涼拌墨魚頭、蒜泥白肉、口水雞、秘製豬頸肉今次叫左最好評既兩個item：小鍋米線、涼拌墨魚頭。外賣回家途中，外賣盒已經傳來陣陣香濃酸辣香，番到屋企一打開湯底好濃，食落果然不負眾望，濃濃湯底好滋味！Overall兩款食物，口感一流，好濃味朋友一定會中意食。食左就食唔番淡淡酸辣米！✏✏✏✏✏✏✏👅味道：9/10🌌環境：7/10👍🏻推薦：9/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作酸辣米線 (💝9.5/10)$38+10+10+10- 酸辣米湯底係成碗麵嘅靈魂❤❤好正，香濃酸辣湯配上足料芽菜酸菜- 米線20分鐘後依家keep到唔會發脹- 腩肉+炸醬+豬軟骨，三者之中，腩肉跟炸醬更勝豬軟骨。腩肉都算厚切入

Was in Tsuen Wan and suddenly want to have some spicy noodles. Saw quite good review so I visited this restaurant for my first time. Order mild spicy noodles with pig intestine. And the famous dish Octopus with Garlic. The taste of the soup is great. But the pig intestine is quite tough. Octopus is alright. I have better. The meal is alright. But I will probably try another rice noodles in the sane area next time.

呢間米線店喺米線關注組嗰度好出名，我之前都係咁樣慕名去食。呢間係一間小店得幾個人做野，平時已經成日漏單或者等好耐先有，不過因為真係幾好食，所以即使服務同環境比較差啲，但我都依然幫襯過好多次。但今日食外賣，返到屋企食到一半，竟然發現有隻曱甴係湯底度😭🤢🤮真係需要上嚟比個劣評😡😡😡事緣係我喺OpenRice度叫咗碗米線外賣自取，我喺備注度寫咗要走青走芽菜，但當然店舖有佢一貫嘅作風，就係唔理你寫乜，所以冇幫我走芽菜，咁我唯有自己撩出嚟啦。亦都因為我好小心咁樣逐條芽菜撩出嚟，就竟然比我撩到成隻曱甴😭😭😭隻曱甴有成隻手指尾指甲咁大，隻腳仲有毛呀大佬🤮🤮🤮 當下真係呆咗，求心理陰影面積😭 平時呢間野服務差少少，或者睇落衛生麻麻都算，諗住小店通常都會要求低啲，但今次成隻曱甴喺碗湯度，都唔到我隻眼開隻眼閉，大家自己再考慮食唔食啦，講真係真係幾好食嘅，但衛生差到咁我真係再幫襯唔落😒😒😞

荃灣米線店一向多，入開荃灣去試咗雲家米線🥢心大心細唔知叫咩餸好，又有好多料都想試吓？叫「雲家米線」$58 就啱晒！除咗米線，仲可以轉紅薯粉。一上枱就知貪心得濟啦🤫內有腐竹、冬菇、雞絲、雞翼、魚春卷、螺旋草、腸仔、芽菜、韮菜、蔥、芫茜。樣樣餸都試勻，每款都打孖上，食餸都飽🙈所以一碗兩個人分都無問題。冬菇彈牙、魚春卷雖然唔係炸嘅，但啖啖肉。咁多款餸嚟講，我覺得比較特別係螺旋草，就好似飲味噌湯食到嘅海帶。

已經兩點20分先黎到都仲係一條人龍店子座位唔算多大家真係有心埋準備排下可能今日新年假期後第一日好多餸都無呀好彩我地點既都仲有~生菜墨魚頭豬紅BB辣湯底係正既好濃郁墨魚頭份量都唔吝嗇好爽口豬紅生菜正常呀好鍾意佢個米線偏幼偏淋~生菜魚肉春卷蟹柳小辣朋友點既佢話唔夠辣呀可能當日實在太忙水準未發揮到最好呀春卷都OK既唔會浸到淋晒呀

-{荃灣小鍋米線🍜}又黎到荃灣覓食🥰今次食米線先😆🤤小鍋米線🤤 ($37)個湯要左酸bb辣湯嘅濃度適中 可以話係bbbb辣！係濃味嘅榨菜同多韮芽😋麵質就偏腍嘅👀以下順序排最推薦嘅餸😛炸醬: 勁多肉碎😍🤩食落重香料味好惹味🤩豬軟骨: 有6嚿 唔係超腍嗰種但肉質正常 份量好多☺️腩肉: 同埋份量都多 但肥瘦唔太均衡😂😂食得出有咸香味有醃過🥰雞翼: 大大隻有兩隻😚豉油夠入味👻魚肉春卷: 偏實 冇左魚蛋爽彈嘅質感👀冇咁推介依款喇👖褲評: 7.8/10🤤燒豬頸肉🤤 ($45)係一整塊嘅豬頸肉😜仲食倒嘅焦香味 而且卜卜脆🤓配埋個泰式辣醬😋👖褲評: 8/10🤤蒜泥白肉🤤 ($39)重口味人士之選😍蒜泥係蓋滿左個腩肉片😆仲要有好多片😙食完之後成口都係臭味😂😂😂👖褲評: 8.3/10友人同我都覺得配料同小食比米線湯出色😚去荃灣食米線可以食依間👻性價比: 8.5/10服務: 7.5/10環境: 7.5/10🚩雲家小鍋米線🚩地址: 荃灣沙咀道328號328廣場地下G01舖#fuudjai #fuudjai荃灣 #fuudjai港式

天氣涼涼地最岩就係食返碗熱辣辣既米線朋友都幾大食，雲家小鍋米線就真係岩哂佢因為真係好大碗好抵食，除左米線之外仲有好多款唔同既小食朋友叫左個清湯米線，配料揀左牛腩、蘿蔔同埋豬朳清湯既湯底都好夠味，牛腩煮得好腍，蘿蔔一樣入哂味不過最出色既都係豬朳，大大塊又即叫即炸，而且醃得幾好味我自己就緊係要食酸辣米線，我幾鍾意佢地個酸辣湯底酸度岩岩好，配料我就揀左腩肉，腩肉辣辣地都幾好味我地另外仲叫左個炸雞翼，同樣係即叫即炸仲好Juicy添！所以真係經常坐滿人呀

荃灣有好多間米線鋪，今次又黎試我最愛嘅米線舖之一，雲家。咁我就叫咗一個三餸嘅米線，嗌左蘿蔔腩肉同埋豬大腸，咁我唔係食得好辣所以叫咗個少少辣姐。呢間舖頭啲米線嘅湯底都幾濃，但係辣度就唔係好重手，最出名嘅餸係腩肉同埋豬頸肉，今次就試吓佢嗰個豬腩肉啦，腩肉好入味，而且份量好多，如果你係食肉獸，就一定要嗌佢。豬大腸都幾好，少少肥皮夠爽內裏又有少少肥，蘿蔔都處理得幾好一啲渣都冇又夠甜。我哋仲嗌左幾個小食，最出名就係墨角嘴，佢啲調味唔錯，而墨魚嘴都好爽口，係值得一試嘅小食。蒜泥白肉都唔錯，鍾意食蒜嘅朋友一定要試下，佢啲蒜既份量一啲都唔吝嗇，成盤都係算，配合埋半肥瘦既腩肉，正呀。

朋友係米線控，經常捐窿捐罅試唔同米線店，今日佢就帶左我黎荃灣食呢間雲家小鍋米線。即使過左繁忙時間，依舊要排隊等位，真係人氣高企👀🌟小鍋米線（麻辣）小鍋米線配料有芽菜、酸菜、韭菜、蔥、芫荽、辣肉碎，朋友叫左兩個餸，炸醬、腩肉，米線大碗到瀕臨滿瀉邊緣😛，炸醬同腩肉份量都超多，好抵食😝🌟小鍋米線（酸辣）我叫左腩肉、魚腐，腩肉煮得入味，魚腐有3塊，口感彈牙，湯底酸酸辣辣，味道濃郁，非常開胃，食唔停口😚🌟炸雞中翼有4隻，雞翼炸到好香脆，肉質嫰滑，點埋甜酸醬更加惹味🤤🌟涼拌雲耳份量超多，$20咁大碟好抵食🤩，雲耳爽口，食落微辣，仲有蒜香味😋🌟蒜泥白肉大量蒜蓉鋪滿白肉，蒜香味濃，白肉薄切，容易掛汁，值得推介👍🏻📍雲家小鍋米線 (荃灣)荃灣沙咀道328號328廣場地下G01舖

荃灣出名多米線，米線控朋友是日帶我去雲家，要等一會才能安排入座，頗具人氣。雞絲螺旋草米線 (酸辣-小辣) - 餸多到成座山，雞絲撕得夠幼細，更易吸收湯底更入味。螺旋草爽口，另加了介蘭，附上大量配料如芽菜、酸菜、韮菜、蔥、芫茜等，十分豐富。魚肉春卷米線 (麻辣-小辣) - 同樣落足料，魚肉春卷美味，另加腍身惹味金錢肚及菜心。涼拌墨魚頭 - 墨魚頭煙韌彈牙有鮮味，拌大量蒜蓉加少許辣椒，很惹味，份量多十分抵食。手拍青瓜 - 拍了的青瓜更能吸收醬汁，入口爽脆清新。吃了重口味的米線，飲下豆味濃郁的豆漿中和一下，清涼解渴。大碗足料，食畢大滿足。

位於荃灣沙咀道的雲家，每次經過都見到有人龍喺出邊排隊，今日就決定一試。餐廳環境唔算好大，但係可能因為價錢比較平嘅關係，客人一走又有人入黎，名副其實長期爆滿。今次點左豬頸肉小鍋米線同魚肉春卷小窩米線，湯底都比較有特色，味道十分濃郁，米線的軟硬岩岩好，炸醬同配料都好足料！湯底味道濃厚再配酸菜，食入口唔會太辣呀。豬頸肉食得出係有炭燒，豬頸肉唔會太咸，見好多人都有單獨叫豬頸肉。魚肉春卷有三條，爽口彈牙！蒜泥白肉的白肉切得好薄，睇圖都見到成碟鋪滿粒粒蒜茸，店員上菜前都會提食客小心熱，因為上之前焗過，蒜味加焦香嘅醬汁同大型連鎖店嘅孫儷白肉味道唔同，食入口沒有那麼油膩，但更有蒜香味道。墨魚咀係餐廳嘅必點小食，我見好多枱都有點這款小食，墨魚爽口彈牙，份量又多，而且出奇地與蒜蓉十分配搭。特別值得一提的是炸春卷， $23有五條，外層十分香脆。整體而言，人均消費$100有找，抵食、性價比高，味道濃郁，有特色！