雲壽司 (德和大廈)

營業中

休息中

想歎OMAKASE，別以為就一定動軋花逾千元令荷包大出血，其實也有親民選擇，最抵價只需要$380就食到10件壽司+手卷+麵豉湯，就連街坊社區都吃得到！深海池魚入口富彈性，緊實而爽口，充滿油香。金目鯛質感細膩，帶淡淡魚味，味道鮮美。象拔蚌爽脆滑溜，鮮甜有嚼勁。北海道牡丹蝦肉質細滑爽脆，綿軟中帶彈性，鮮味十足。鮫鰈魚肉質細嫩柔軟，上面是魚邊，經灸燒後油脂更香，肥美而爽口。腦天吞拿魚的額頭肉，一條吞拿魚只得兩片，非常罕有矜貴！口感軟滑，魚味濃厚，油脂豐富，入口即化。火炙北寄貝肉質飽滿肥美，爽口甘甜。北海道海膽份量十足，香甜濃郁。拖羅油香味重，豐腴細滑，令人大感滿足。銀鱈魚火炙後逼出魚油脂香，入口油香滿滿，腍身滑溜，魚味香濃。味噌湯濃郁帶香氣，鹹中帶甘不死鹹。吞拿魚蓉手卷圓筒形手卷可以由頭到尾都吃到甘香美味的吞拿魚蓉，每一口都是魚脂濃香的滿足感。

到中環吃飯，時不時會有驚喜的發現。這晚來了德己立街的街店。雲壽司是主打壽司的料理，壽司拼盤有三款，價錢$188 - $ 280 , 而刺身拼盤$198 -$368。時令的"本月推介"，當中的壽司 $38-$60 /件。還有廚師發辦 $380 /$580 /$780 。晚市與午市同價。我選了$188 的壽司拼盤，相當抵食。壽司拼盤$ 188 ~有10款壽司，包括油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝、辣味三文魚，都很新鮮。油甘魚~ 甘甜軟嫩。帆立貝~大隻肉厚夠鮮嫩。真鯛~清甜鮮爽。池魚~ 夠鮮甜，魚皮膠質豐富，加了點薑葱更提鮮。深海池魚~ 因見有辣味三文魚，要求將三文魚換另一款，餐廳十分友善，給了深海池魚，魚香濃郁，很美味。吞拿魚腩~ 嫩滑有油香，入口融化。雲壽司 (德和大廈)中環德己立街17-19號地舖+852 26666646

今晚在中環見完客，天氣好悶熱，好想食D涼浸浸嘅嘢，食壽司真係一個好好嘅選擇。之前在銅鑼灣食過雲壽司，覺得佢嘅刺身頗為新鮮，而且性價比高，估唔到原來中環也有分店，緊係要入去幫襯吓啦。Menu除了有散叫小食，壽司，卷物，刺身，海鮮丼等，還有5款盛盒($188-$360)和3款廚師發板($380-$780)今晚我就揀左一客特上壽司拼盤。特上壽司拼盤$258~共有十件壽司，有油甘魚，赤貝，三文魚子，牡丹蝦，吞拿魚腩，海膽， 蔥吞拿魚溶，深海池魚，火炙左口魚邊 ，魴紼和鯖魚，全部都是我的最愛。牡丹蝦~ 肉質緊實，肥美而富彈性，十分鮮甜美味。深海池魚~ 口感嫩滑，肉質爽口，魚味鮮甜濃郁。魴紼魚~ 肉質爽脆，味道清甜。鯖魚~ 肉質滑嫩細緻, 火炙左口魚邊~魚油豐富，口感滑嫩，滿口油香。赤貝~ 鮮甜爽脆，肉質肥厚，口感極佳。海膽~ 質感細滑， 入口即溶，帶海水味的甘甜。三文魚籽~ 味道甘甜美味，每一粒都飽滿鮮甜，又大粒又脆卜卜。蔥吞拿魚腩壽司~魚味甘甜，入口即溶，加入香葱更加滋味。吞拿魚腩~肥美柔嫩，魚味濃郁，十分鲜甜。

呢間壽司店喺蘭桂坊，如果係中環返工都幾方便，放工時間嚟到都冇乜人，唔使等位食物選擇方面同其他日本壽司餐廳差唔多，但係佢夜晚有提供套餐，價錢比較優惠因為係自己一個人嚟食，所以簡單嗌左個得償壽司拼盤，有10件壽司，所有刺身到算新鮮，而壽司飯都係細究嘅，但係最後都食唔晒，分量對於女仔來講有啲多😋吞拿魚腩壽司：吞拿魚好有油香，入口即溶，啲油香充滿晒成個口腔😋赤貝壽司:赤貝味道好鮮甜，咬落好爽口😋火炙左口魚壽司：左口魚好爽口，又有油香其他嘅壽司味道都幾有水準

話說上個月在一個人在銅鑼灣食過雲壽司，覺得性價比高質素亦不錯，得悉她們在中環有一家分店，當日跟太太來到中環Donki，便前往這家分店一試位置：蘭桂坊附近，附近有英皇戲院，港鐵中環站D2出口前往約3分鐘，附近交通亦算方便環境：餐廳裝修簡約舒適，面積不大，主要是面向師傅的吧台，但空間感仍然可以服務：餐廳在座位底提供藤籃放袋，枱前有綠茶粉、醬油及牙籤自取，更有迴轉壽司式的熱水位供自行加水食物：餐廳提供各式壽司及刺身套餐，較有特色是自選10或12件壽司套餐及三款Omakase的套餐，價格相當實惠由於和太太第一次來，便決定點每人一份套餐，下次才試Omakase特上壽司拼盤 $258拼盤共有以下十款壽司各一件：吞拿魚腩～非常厚身，油脂豐富嫩滑，咬下去帶點融化的感覺，令人滿足😘深海池魚～深海魚就是鮮味，魚油甘香細膩☺️牡丹蝦～大大隻，口感鮮甜，爽口彈牙😋赤貝～肉質爽厚，色澤亮麗，鮮甜味美🤩海膽～海膽香濃甜美，充滿海水味😍三文魚籽～粒粒圓潤鮮甜，最愛咀嚼的口感😄火炙左口魚邊～亦即比目魚，炙燒後魚油滲出，甘香鮮甜😆鯖魚～肉質細緻嫩滑，很香油脂味😊魴鮄～肉與紮實，味道清甜😀蔥吞拿魚腩壽司～豐富份量的濃厚吞拿

雲壽司呢間壽司店成日都聽人講，見佢咁出名，一直都好心郁郁想去試，上星期趁住去中環睇戲，估唔到咁啱比我見到原來佢係中環開咗分店，於是就特登入咗去食😌我揀咗佢嘅自選壽司12件，包括有：三文魚腩、火炙三文魚腩、池魚、魴鮄、火炙金線鯛、火炙帆立貝、甜蝦、赤蝦、火炙左口魚邊、辣味吞拿魚、蔥吞拿魚腩、玉子。每件壽司嘅size都啱啱好，一口一件，而我比較鐘意嘅就係佢嘅赤蝦、三文魚腩同埋池魚😙 赤蝦壽司非常鮮甜，蝦身夠大舊夠爽口！三文魚腩都同樣大件，魚身油脂豐富，夠晒肥美🤤 而池魚係我比較少食嘅魚，配上姜蓉食亦都係第一次試，佢肉質較爽，姜蓉亦都做到提鮮嘅效果，令佢食落更鮮味😋 而其他壽司亦都係合格以上，整體質素唔錯，唯獨是有某啲魚壽司有少少筋，比較難咬。總括而言，️呢間壽司店我會再encore，一嚟性價比超高，二嚟壽司嘅質素真係唔錯，全部都幾新鮮下！而師傅見到我係咁分唔清邊舊打邊舊，亦都好細心咁講解咗兩三次，非常友善，加分😚

喺中環Soho區呢邊，呢間雲壽司一直都好多人食，廚師發板來講，佢嘅性價比絕對係比較高，價錢合理。而且食材新鮮👍今日得我同Toby姐姐食晚飯，就帶佢食最愛嘅壽司🍣✨翔 SHO～十件壽司+1件手卷+1麵豉湯廚師會順着次序擺放，教我由上面左至右開始食，話咁樣先至完整食到食材嘅鮮味😍，原來食壽司都有技巧，我哋又學到野了另一盤✨特上壽司拼盤 ，就性價比好高，只係二百幾蚊，就有呢啲食材，吞拿魚腩、深海池魚、牡丹蝦、赤背、海膽、三文魚籽、火炙左口魚、鯖魚、魴鮄、蔥吞拿魚腩壽司，我最愛係個吞拿魚腩壽司，切得夠厚身、粉白分明，入口已經溶溶地，油脂豐富👍下次都要帶埋爸爸過嚟先

中環近著蘭桂坊一帶有高質壽司店，叫雲壽司，它在銅鑼灣的本店叫好叫座，就在中環開了分店～我在銅鑼灣和中環都吃過晚餐，水準差不多的，可以就自己方便的位置去💰人均$200多，自選壽司12件，經濟划算雲壽司還有不同價位的omakase、丼、刺身拼盤壽司的賣相擺盤不馬虎，吃下去也非常可口，特別喜歡火灸帆立貝和蟹柳壽司，入口美味十分滿足😋座位方面提供吧台和卡位，我們今天坐吧台，自助裝茶，廚師就在面前端上壽司，一切都很方便呢❤️

之前成日去銅鑼灣既雲壽司無論omakase定自選壽司都價格親民，今日放假過海見到eatigo有半價優惠就即刻book左食個平靚正下午茶（4點同4:30都有半價優惠）。一開始主打火炙系列，三文魚同三文魚腩都好肥美所以之後追加左。唔知係咪因為半價所以感覺上比平時細件左d刺身，不過大拖羅，赤蝦同甜蝦都一如既往咁出色。試晒佢omakase, 壽司set，自選壽司同丼飯都係覺得佢北海丼最出色，第一次試可以order黎試下先。

之前試過銅鑼灣嘅北海丼，啲刺身真係鮮甜，今次忍唔住再去中環食～北海丼 $198有吞拿魚腩、油甘魚、赤貝、牡丹蝦、海膽、三文魚、三文魚籽，總共7種。擺盤靚，打卡一流～吞拿魚腩油脂靚，食落真係入口即溶；牡丹蝦好好肉地，唔會軟爛，新鮮帶少少甜；海膽味道鮮甜濃郁，口感細膩。三文魚軟嫩又鮮甜😋 三文魚籽每粒都好大粒，爆珠之後嘅魚油味好香🥳 飯好多，大大碗🤰🏻職員隨時係座位後面stand by。下次想試omakase！

朋友係蘭桂坊返工，得知開咗一間高質壽司店「雲壽司」，趁假期前夕搵咗閨蜜一齊去食❤️。我哋叫咗兩個壽司拼盤，特上壽司拼盤和壽司拼盤，望落顏色好靚，心情都開心d😆。比較平嘅壽司拼盤 ($188)，總共有十件壽司。有油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝、辣味三文魚，對我來說份量岩岩好，如果係男任們就未必夠。朋友話呢度食材都是每日由日本空運到港，唔怪得知咁新鮮🥰。稍為貴少少的特上壽司拼盤 ($258)，吞拿魚腩很肥美，魚油分佈均勻，入口即溶🤤。深海池魚又幾特別，唔會有腥味。牡丹蝦、赤貝非常爽口鮮甜。其中火炙左口魚邊燒得好香口，亦不會影響到魚身鮮甜，令我回味無窮🥰。還有我最鍾意食的蔥吞拿魚腩😋😋、海膽、三文魚籽、鯖魚、魴鮄，真係好新鮮好好味呀❤️。原來呢度仲有廚師發辦Omakase，最平$380就食到，下次一定要試😍。

有無諗過係中環食Omakase有平價之選😳仲要係蘭桂坊區域，多謝友人介紹！環境店舖呈長方形，都算典型香港日本餐廳間隔，一邊為師傅bar枱，一邊為卡位，可容納十多人。餐牌除左omakase，仲可以單點，價錢都係由$15起！放心嗌都唔怕。 極上刺身拼盤 $360吞拿魚腩、牡丹蝦、海膽、赤貝及深海池魚。首先上枱嘅係極上刺身拼盤，根據返是日精選可能都會同menu有啲唔同。吞拿魚腩入口無耐已經溶化無筋；牡丹蝦鮮甜；海膽勁新鮮，另一半不嬲唔鍾意食海膽，因為怕腥，但呢一度完全唔會有呢個問題，連另一半都讚；赤貝、深海池魚有咬口。翔 Omakase $380包括10款壽司、1條手卷及麵豉湯。是日omakase師傅揀左大拖羅、鮮鯖魚、赤貝、鮮帶子、北海道牡丹蝦、腦天、梭子魚、鱈魚、鮫鰈魚及海膽比我哋。以$380 omakase食到10件壽司真係好抵，大拖羅質素好，又係入口唔洗咬咁制；鮮鯖魚口感細膩肉質紮實；較少食腦天、梭子魚、鮫鰈魚，腦天係魚頭頂部位嘅肉，多脂肪少筋，魚味濃郁；梭子魚肉油分相對上少，但係魚皮嘅油脂豐富，所以連魚皮炙燒，魚油香更突出；鮫鰈魚肉質細嫩鮮美。總括而言，兩人埋單淨食omakase

行開蘭桂坊，好想食日本菜，就喺串燒店隔離發現到呢一間！👍🏻北海丼三文魚、三文魚籽、吞拿魚、海膽、牡丹蝦、鯛魚、赤貝。每款刺身都好厚切，新鮮！牡丹蝦頭好多好多蝦膏，吞拿魚俾咗偏肥位置，食落都唔會好腥。魚籽份量好多，粒粒都爆汁，米飯好大碗，醋味適宜！👍🏻特上壽司拼盤共10款壽司。蔥吞拿魚腩、深海池魚、牡丹蝦、赤貝、吞拿魚腩、海膽、火炙左口魚邊、鯖魚、魴鱗、三文魚籽。每一件壽司都係一口size ，米飯握得好緊，軍艦壽司尤其出色：海膽新鮮，入口慢慢溶化，蔥吞拿魚腩好有油脂感，堆得好滿，左口魚邊魚油香好重，火炙得好靚！但略嫌鯖魚相對地腥，吞拿魚腩有啲筋位。💡餐廳豉油偏鹹，食嘅時候可以配多幾片薑

之前係銅鑼灣店食過廚師發辦都唔錯，今次到訪中環新分店試下海鮮丼。中環店同銅鑼灣店一樣有吧枱，仲增設二人卡位。🍴三色丼 HK$148 海膽甘甜，帆立貝鮮甜，三文魚子鹹香，兩種甜味撞上鹹味，唔使落豉油都夠晒滋味。飯係日本米，粒粒飽滿，黏得黎唔會爛。🍴北海丼 HK$198油甘魚結實爽口。吞拿魚腩帶幾分油香，又唔會過於肥膩。赤貝幾爽，不過太細塊唔夠喉。牡丹蝦非常甜美。另外仲有海膽、三文魚、三文魚子。📍雲壽司中環德己立街17-19號地舖

光顧過雲壽司位於銅鑼灣分店，對佢食物質素有信心，而且價錢公道。今日到中環消遣前，決定再度光顧雲壽司，不過今次就係中環分店，最後果然無令我失望。餐廳面積比較細小，但依然設有BAR枱同卡位供客人上座。成間餐廳目測只有10-15座位，但當日亦有三位師傅座陣，故此食物好快新鮮上枱。▪️　三色丼三色丼材料包括海膽、帆立貝、三文魚籽。海膽鮮甜濃郁，絕無腥臭味。帆立貝入口軟滑，味道清甜。三文魚籽咸香味濃，唔需要添加醬油都非常夠味。▪️　北海丼北海丼材料包括吞拿魚腩、油甘魚、赤貝、牡丹蝦、三文魚、三文魚籽、海膽。吞拿魚腩油脂分佈均衡，油香美味。油甘魚魚味清鮮，口感柔滑軟身。赤貝爽口有嚼勁，味道濃厚。牡丹蝦極為鮮甜，蝦味入口回腸蕩氣。而三文魚籽、海膽如同三色丼所提到一樣出眾。補上餐牌