雲南小鍋米線

營業中

休息中

位於梨木道山腳的雲南小鍋米線，看店面完全不起眼，破舊的裝潢應該嚇退不少食客如我，縱然偶爾會到附近工作，亦未考慮過進食。男友素來知道我喜歡吃米線，在機緣巧合下他在網上看見不少人都大力推介這間米線小店，遂拉我一同品嚐。午膳時間前來，小店門外已經人頭湧湧，等候的人多為學生和在附近工作的人，有部份等候堂食，亦有叫外賣的。我們若等了15分鐘，便獲安排在近門口的位置坐下。畢竟是peak hour，膊頭貼膊頭的情況亦在所難免。米線的配料跟一般米線店大同小異，但有一道叫螺旋藻的配料頗特別。看店裡的介紹說是對身體好云云，不知是否真的呢？最後我選擇了最多食家推介的雞絲和腩肉。雞絲腩肉米線（小辣）吃慣譚仔中辣的我，本想叫中辣，卻被伙記姨姨制止了，說："中辣好辣架！" 只好打退堂鼓，先吃小辣。果然姨姨沒說錯，小辣已經很夠辣和夠味了先說配料，這兒的雞絲真的是一絲絲的，像吃肉鬆那樣，吸湯一流，暫時在同類型店找不著。看其他食家留言說，雞絲是員工每天在店營業之前一手一手撕的，單是這份心思，已經值滿分！至於腩肉，肉的部份並沒有伴隨一大片脂肪，入口卻軟綿無比，肥瘦均勻，而且醃得非常入味，有點像日本拉麵的叉燒，甚至比其更為

中學畢左業 都好少翻黎呢一頭了 但難得黎到 當然食下呢間米線店出名好味 出名人情味 出名要等位 同埋出名細 但要食好野 多多人都等我今次一個人去 所以好快就搭枱搵到位當然叫翻平時叫開既雞絲小辣 因為呢到得米線  所以叫雞絲小辣就係人都明了老闆娘係四川人 成日都會同客傾計 充滿住人情味 另外既係味道 啲辣好香好正宗 雞絲都已經好難再見 因為真係絲黎既 吸埋啲湯 正😳😳。除左環境同等位外 真係冇幾多野可以挑剔既

好久之前第一次吃過這家{雲南小鍋米線}, 自此以後久不久便會專程乘車到這裡來光顧它。 市面上充斥著大大小小的米線舖, 可是這裡的米線味道和用心卻是獨一無二的。點了我最愛的「炸醬雞絲小鍋米線」(小辣)。首先說說「炸醬」, 市面上的米線舖, 炸醬都是比較濕軟的, 質感呈"醬"狀, 有些米線舖為避免炸醬未上枱已溶混於湯中, 所以會把炸醬另外用碗盛載, 與米線分開。可是這裡的炸醬, 是經"炸"過的, 所以每顆小肉粒都比較硬身比較香口, 當配上湯汁吃時不會溶於湯中, 亦能清楚感覺到炸醬的味道和口感。至於雞絲, 不但雞味濃郁, 而且是店家每天清晨時份親自用手逐條逐條撕開, 有時候更可以看見雞絲被撕得非常幼細, 一口吃下, 口感味道特別好。米線方面粗幼適中, 質感爽滑, 份量也充足,與芽菜一起吃也有助增加米線的爽口感。湯底偏酸的很開胃, 辣度可自行選擇, 酸辣混合得很惹味。雖然{雲南小鍋米線}店舖面積狹小, 人多的時侯不免覺得擠迫, 不過從它每天客似雲來回頭率又高, 就知道它的米線有多好吃!推薦大家前來一試!

隱世得黎好囂張嘅米線！唔係人地話我知佢好食真係唔會行入去，環境真係好麻麻，舊裝修睇落無咩吸引力。不過佢陣香味未行到過去舖頭就聞到。腩肉又香又辣，薄切但好咬口，肥肉唔多但都有（唔肥唔只叫腩肉啦，哈）。雞絲都不得了，好fine，個日見住老闆娘親手撕，手功都係返到。日日開十一唔到六點就收舖，逢大時大節就早收（六點咁早都仲早收...）甚至唔開，好囂張嘅開放時間。忙起上黎唔俾加底！佢囂得起，因為佢真係好好食。不過都有d嘢食我覺得麻麻地，雞翼有d老，丸嘅數量少。不過黎得都係叫腩肉，哈哈！好想食呀依家...

由中學食到而家都重係咁正，雖然店仔細細，次次都要大排長龍，但如果唔洗趕時間既我都會等，有時候ＬＵＮＣＨ　ＴＩＭＥ只得一小時，排都排左１５分鐘，但好彩一邊排，阿姐一邊會落單先，一入到去坐就有麵食，湯底味道可選不同辣，少辣有肉碎，野味香濃，加少少酸菜更加好味，我最喜歡配腐竹同埋腩肉～堆單三十多元，阿姐重會叮囑Ｄ學生哥唔好浪費食物，從小時候陪養唔好吃剩野既習慣真好！

難得平日放到假，下午起身孤身一個去咗石蔭嘅米線舖開餐！係附近讀過書同番過工嘅朋友仔，應該都知道呢間舖嘅魔力去到已經下午三點，無記錯嘅話，呢度應該係下午五點幾就準備關門，要嚟覓食嘅，就要調啱時間喇！等咗二十分鐘先有位，入到去即order，要快手先得，因為啲料好快售罄嫁！要咗個木耳雞絲腩肉中辣米線！第一次食呢間嘅中辣，之前都係食小辣！今日嘅我好lucky我聽到我叫完之後，雞絲同腩肉都停買喇！驚無得食嘅，真喺要再早啲嚟先得！上檯喇！呢度嘅好，就係你叫幾多款料，都會俾足你，唔似其他舖，愈多款就每款愈少！抵食！先講番雞絲，同出面唔同，真係幼到絲噤人手真係唔同啲！搞「雲」完個米線之後，雞絲完全索哂啲湯，超正，亦都超辣！差啲唔記得講番個湯底，辣得好正，湯都係一啖一啖嘅飲落去，有少少唔好就係，木耳用得太鹹喇，令到成碗湯好鹹，影響成個湯，下次叫另上好過！木耳除咗偏鹹之外，食落係爽口嘅腩肉就好入味，唔單只令個湯更甜，食落都係肥瘦剛好，不過超怕肥嘅女仔可以就會怕怕喇！建議大家怕肥就試吓叫肉醬喇，都好ok嫁！米線大大碗同我幾年前食到嘅水準差唔多，無退步

今日同gf 特登去石蔭呢間米線回憶下中學時味道，好耐冇食過，返工之後就冇乜機會再經過呢頭。一去到之後，發覺中學時差不多，內裡和外裡也沒有什麼大變，依然是只有十多個坐位的小店，但人流比以前更多! 很多人等位和等外賣，見到那麼多人，我們就決定買返屋企食算，雖然是外賣，但由於太多人，也等了二十分鐘，我叫了腩肉雞絲火腿米線，而我gf就叫了腩肉雞絲腐皮米線，每碗41 ，比以前貴左d..但冇計。。通脹ma返到屋企，開始食lu! 料既份量依然好多，尤其係腩肉同雞絲，腩肉依然係成個酸辣米線既靈魂，因為腩肉本身整得好入味同有小小辣，所以令到成碗米線的湯不是只有酸辣的味道，而且更帶入陣陣的腩肉味，因為坊間很多所謂的酸辣米線根本只是清湯加辣醬同辣油，但這間的酸辣米線你吃不出很油膩，但卻有濃濃的味道，而雞絲最特別是很碎及很幼，索一索湯再連米線一齊食，簡直美味十足，因為怕外賣回家需時，會沉到好辣，所以只叫了小辣。 整體來說，依然超級好味，分量也很夠，依然係我心目中的頂級米線!!

一間細細既米線店隱藏住美味,吾係甘啱經過開係吾會知道近葵涌工廈區會有隠世美味店鋪好細坐吾夠15人,我求其搵位搭台坐,叫左個酸辣米線,加冬菇,炸菜,豬腩肉,雞絲,木耳個酸辣湯底好香,雖然望落去比較濃深色,但飲落去個密度比較低但又好開胃冬菇大得黎JUICY正.豬腩肉肥味爽口, 雞絲切得好細有心機,令咬落去有質感, 木耳夠爽口, 而米線亦都十分爽口總括黎講味道十分好, 價錢算平,老板娘店員都親切有善!值得再食!

有一日上網見到有人介紹呢間雲南米線我記得有人提及呢間係佢食過最好食既正宗雲南米線！而我就上網查下呢間鋪既地址點個原來係石蔭 因為男朋友住係附近 不過唔係石蔭 所以唔知有呢間鋪～有日見得閒就決定去試下。佢都有好多唔多款式既餸簡～佢既推薦有黑木耳，腩肉等等⋯食完第一次我簡直愛上左！因為真係好好味～之後我就變左成日黎食～每次去食都有唔小人等外賣同排隊等位！不過都唔算等好耐～可以接受佢地既黑木耳真係同個米線好夾 好好味～米線我鐘意食小小辣 店主好好～餐牌上除左唔辣 小辣 大辣 仲可以揀小小辣 好岩我呢d怕辣又唔想無辣嘅人飲品方便雖然佢選擇唔多 但有好好味嘅豆漿豆漿同酸辣米線又係好夾～佢價錢又平又好味 真係好值得推介大家不防一試！！

好彩既係，我今次唔駛等……每次我路過，都會見到好多人等位，好多都係返工一族。(我屋企附近係工廠區)到食下午茶時間都好多人等，係附近咁多間係下午茶時間既少數，可以話係未見過。今次我終於都入到去la，舖頭細細，但係唔會迫，望望菜單，價錢唔太貴，叫咗小鍋米線，螺旋藻、菜肉雲吞、腩肉，再加支豆漿(原本以為6蚊杯，點知佢俾咗一支我，正)。自我入去開始，我見個個都會叫腩肉，所以試下。等食期間，我見好多外賣，下午茶都有咁多外賣，心諗真係好想試一試。終於都上菜la，佢嗰種酸辣似雲南桂林米線既酸辣，同譚仔好唔同，佢既辣到對於我嚟講啱啱好，(我本身唔食得太辣)，佢其實有得揀幾多辣，我叫嗰陣一時忘記。唔錯！唔錯！

Lunch 時間一定要等位，4-5點就關門得幾張大圓枱，好多時都迫滿人因為實在太太太好味啦！！腩肉雞絲腐竹中辣係平時叫開既米線彈牙，腩肉香辣，腐竹成張枱布咁大！我真係可以曰曰食都唔嫌，可惜唔係附近住！之前有大腸（勁好食）...但係而家無左...被豬肚取代左....

幫襯左呢間野好多年，所以第一篇食評就想寫佢，但我都唔係成日幫襯，只係久唔久都食下，因為佢6點就收工（不過另一方面，我覺得佢地咁都幾好，放工仲有自己時間，咁先係生活）所以星期1至5都無得食，只有間中星期六／日先食到。食呢間野，酸辣米線／小窩米線就一定要辣先好食，本人就唔係咁食到辣，所以次次都要求少少少辣，點解一定叫辣而唔走辣呢？hahaha~~~因為無辣就無肉碎（佢呢間既肉碎係混埋辣係埋面架！！係成碗野既精華，令個湯好濃郁，野味）所以連唔食辣既家姐，食呢間野都唔會走辣，我食呢間野都只會叫一／兩款餸，因為佢本身好大碗，我個人鍾意食呢間既腩肉，腐竹，菇，因為呢的都可以吸個湯底既味，而佢本身有好多配料，正！不過可能快煮既關係，我覺得米線唔夠淋，所以我每次都會浸一陣先食，令米線吸收多的湯味，好食好多～～～不過呢間舖個個lunch都排長龍，裏面座位好少，得幾張枱想食就要早的到，或者叫外賣啦！我有朋友會專登坐車入黎呢度食佢米線，但佢都唔係次次咁好食，試過唔係廚師煮，馬上大失水準！不過近排都好少見唔係廚師掛帥既。

在梨木道返工不經不覺有三年了，平常都是帶飯盒的，偶然會與同事外出吃午餐，而外出午膳多數都會選擇來吃米線。一來是因為這店的米線真的很出色，其次是因為我每逢星期一、五吃素。對於吃素的人，其實吃米線是個不錯的選擇，米線中的肉碎可以走，只要點素菜類便可。這店米線很蠻出名的，每逢午飯時間，總是圍滿了人，有時可以半小時都未必能入座，就算想外賣，都試過有同事要等上二、三十分鐘。今天天氣轉微涼，想吃點辣的暖暖腸胃，於是來吃米線。這店的米線聲稱很辣，辣的程度分大、中、小辣。配料方面，腩肉、炸醬都是微辣的。通常在門口就會取號碼，同時會落單。每一次我落單時要求中辣，這店的姐姐就會說「好辣架喎」，我就會回應說是食開的。試過一次膽粗粗去試大辣，姐姐提醒了三次，在我堅持下才讓我吃大辣，哈哈。雖然大辣我是可以吃到，但覺得吃大辣味道太勁太搶，所以後來還是中辣。近幾次再去吃，中辣的程度好像降低了，沒以前這麼辣。小鍋米線本身的配料有芽菜、韮菜、酸菜、肉碎，如果是吃素走肉碎的話，亦會無咁辣的。這次我點了碗中辣少米線的，走芽菜，加配冬菇、腩肉、菜肉雲吞。當這碗紅噹噹米線端上來，姐姐加了句「呢碗好辣呀」。另一個原因我不會吃大辣

點解一間地點差加零裝修零宣傳嘅鋪頭星期六未到lunch time都已經咁多人?除左好食/抵食外, 我都諗唔到其他原因。果日去完Yes-Storage個迷你倉攞野又去食多次見到果一層紅油，就知碗野重口味。但一碗咁重口味嘅湯飲晒都唔口渴，應該冇味精! 仲有比較特別的炸醬，又係超重口味。肉碎炸過好香口完全唔似慘仔果pat屎菜肉雲吞， 雖然皮厚，但餡多balance 到

唔係住附近都會專登去食!!!平時我多數都係12點幾1點去食 會勁多人等位.因為入面好細 得10幾個位.我次次都會叫腩肉 有小小辣 又唔會太辣 岩我呢d想食辣 又唔係好食得辣既人而家基本上個個星期都要食不過次次都完都飲勁多水 因為有太多味精.