雲南小鍋米線

營業中

休息中

上期facebook有篇傳聞, 內容大約講述葵涌呢間米線是全宇宙最強，因流傳得如此厲害，今天便專程和朋友揸車過來試試星期日下午3時多來到，又話要排隊既？人呢？餐牌以簡潔為主，餸菜算多選擇。落單時朋友點了中辣，店員姐姐立即提醒這裡的湯底是偏辣的，夠細心點了招牌的酸辣米線，加雞絲和羅白。吃米線湯底一定是最重要，其次是餸料。甫上枱先呷一口湯，味道淡口且偏辣，沒有咸中帶甜的滋味，稍為遜息。雞絲不太"鞋'口，份量多，合格。另外羅白也很清甜，不過不失。其實只要試試羅白便知道餐廳是否有用心經營。如此價錢和質素，在屋村來說是非常ok的，但是要數到宇宙最強，還差一段距離吧若果你還是覺得呢間系宇宙最強米線，只可以講sorry你太年輕了，繼我話你一定未食過荃灣既肥仔米線

講到香港人既湯粉麵飯的選擇，「米線」一定是粉麵的不二之選，而依間係石蔭的雲南小鍋米線最近更被譽為「全宇宙最好食的米線」，身係荃灣人咁近又豈能不去朝一朝聖不知是不是經過報導，到達時已有少少人龍，等了一會才能進去店內地方不,大約容納20多人，算是老區的舊式小店，我一坐下就快速叫這裏的「招牌小鍋米」走青$23+豬肚$7+腩肉$7 總共$37 🙆好期待湯底是全個米線的精華所在，食米線前一定要飲啖湯先，酸菜的酸味十足引得口水急速分泌💦芽菜肉碎等配料分量不少，令湯的味道更濃郁，米線煮得恰到好處，不會過腍，我心目中米線的質感就是這樣豬肚都不錯好爽，而好多人推介的「腩肉」好有驚喜，大大片好入味，腩肉肥瘦均勻，甜得黎有點辣好惹味整體黎講，依間打正「雲南小鍋米」作招牌的米線店鋪確是有信心保證，而且大大碗分量十足， 湯底令人回味很想衝去解一解對米線之苦，下次會選擇早點來朝聖避開人潮

趁今日放假，帶左屈小姐去葵涌食雲南米線! 去左之前被封為10大雲南米線之首既雲南小鍋米線(hahaha…屈小姐陪賴先生食辣野…陰公豬)我地2個人分別叫左1) 雞絲，蘿蔔，螺旋藻小鍋米線(超小辣)2) 腩肉，生菜，冬菇酸辣米線 (多酸小辣)*注意，呢間野既辣比出面市面較辣，所以要叫低一點點，而店員貼心提醒賴先生腩肉係有辣的，所以賴先生叫左小辣首先講講湯底…一般雲南米線湯底都比較油，而呢間係較清既! 小鍋米線湯底不錯，好濃既肉味，配上超小辣食岩晒屈小姐胃口! 而賴先生個多酸版酸辣湯底，佢真係比左多酸，食得出酸味! 爆like!再講講餸先…所有餸7蚊款! 當中我地推介下列幾樣 (PS第1次食)1) 雞絲 - 佢用微微醃咸左既雞肉，撕成一絲絲(堅·雞絲)…口感好得意，唔錯唔錯! 單獨食一種風味…連湯底又可以吸到湯既味道，超好!2) 螺旋藻 - 健康既海草類食品，冇海帶咁厚咁硬，佢有既係薄而煙韌爽口既質感!! 推介!3) 腩肉 - 佢用既腩肉比較瘦，而且佢切得薄! 好入味，而且唔覺有罪惡感! 連屈小姐都好放心食所以，呢間野勁多人排隊，勁多人叫外賣…初頭我地都諗緊d人點解唔堂食…其實坐入面就真係有

今日再次勇闖呢間米線之前見到好多人排隊所以放棄今次唔洗等好耐👏🏼叫了小鍋米線加黑木耳小辣（$30）好多黑木耳☺️米線量好足夠湯好好味，內含酸菜有畫龍點睛作用，酸酸辣辣好滋味但酸味又不會太搶連我平時唔飲湯既都飲多幾啖小鍋米線本身含肉碎唯肥肉比例過多男友叫了酸辣米線加紫菜炸醬小辣（$37）炸醬量好多湯底雖然叫酸辣但酸味不太覺但加了紫菜的味道成件事又好夾好味道湯底真係好好味雖然叫小辣但辣度十足😋連我平時吃得辣都覺得ok另外辣椒油都好香好夠味本身想試出名既腩肉但2點已經賣曬😯如果想食就要早啲去喇

面書流傳既宇宙最強米線，原來就係新居附近，真係好近，所以日日都會見到佢門外大排長龍，呢日就係無咁多人既下午茶時間去食下一入去店員就話腩肉賣完，咁我就揀左炸醬同豬紅，小辣。一個餸要7蚊，少貴。一黎到，飲啖湯先，都唔錯呀，夠酸夠辣夠香，唔經唔覺一路食一路飲左好多，愈飲愈覺咸開始口喝，加左罐汽水，$6又唔貴喎豬紅好滑無過熟無黏牙，好食炸醬味道係好味，香又惹味，而且份量超級多呀，不過呢肉質較硬同好多骨，真係要好小心食總結一下，比起好多間米線都好味，但就真心唔會係宇宙最強咁誇

自從係Facebook上面有個米線排行榜出咗之後，呢間排行第一，開始越來越多人慕名而來，搞到排晒長隆！好難得今日派到，仲有腩肉未賣晒！佢哋嘅腩肉甜甜地、有少少辣，肥瘦均勻，加上肉碎湯底，絕對係全香港最好味嘅米線。芽菜依然好爽口，不過＄7一個餸就貴左少少。

前陣子,網上瘋傳這是一家全宇宙最好吃的雲南米線小店. 對於我這個愛吃米線的人來說,簡直就是充滿了我的好奇心.由於我在午飯時間前到達所以不用排隊便有位子了. 店舖面積比較細少而門面也比較殘舊店內也沒有什麼裝修可言. 不過這也不是重點,我來的目的是要品嚐一下傳說中全宇宙最好吃的米線.點了一碗雞絲腩肉酸辣米缐(小小辣), 由於這店舖的特制辣椒偏辣所以其辣椒程度有別於其它米缐店. 等了大約十分鐘,熱騰騰的米缐終於呈現眼前.湯底看上去不算濃郁也不油膩. 先飲一囗湯,味道帶點甜,辣味比較出但酸味不夠重. 米線軟硬程度剛好.我最欣賞的是它們的雞絲,絲得很幼細像肉鬆般,浸在湯底令雞絲更入味. 另外的腩肉看上去是淡淡的,但味道比相像中入味. 整體來說,這家米缐的味道是還可以的但個人認為不是最好吃的那一家. 對不起我心目中的第一位還是荃灣德華公園附近的唯一雲貴川風味 

中學食到現家，最近有網上有文章介紹話係第一好味米線，就寫下d間。聽聞介紹後多佐好多人去食，排哂隊：（其實以前不嬲都多人排隊食架啦，特別係放lunch時候。我同朋友都鐘意叫小辣多酸！最好味係腩肉！！一定要叫！不過腩肉好快賣哂，雞絲都係！唔食得太辣既朋友如果叫佐本身係辣既配菜就唔好再叫小辣中辣個d，，唔係既話真係好好好辣。好好味！！！

早一排係facebook 睇到一個post，列出左「香港十大最好味米線鋪」，入面講到：－　如果未食過呢間嘅米線，就唔好同人講自己食過最好味嘅米線！－　呢間米線原來唔只係「全港最好食」，更加係「全宇宙最好食」就我黎講，post 入面有提過既另外 9 間我都有食過，唯獨是第 1 名既呢個，所謂「全宇宙最好食」既，我反而就未試過，於是就搵左對上個星期六去試下。由於我係衝著「全宇宙最好食」呢個朵而黎，所以係我講食評之前我要澄清返一樣野，當然，就係「全宇宙最好食」呢個名既「由來」，呢個名只係由文章作者"聲稱"係由網民一齊選出，換言之即係由作者 / 第三者們所導出，並不是由「店家」自己話自己係，所以以下我俾既評價係唔會有任何情感上既分數。Openrice 呢個食評制度我覺得幾無謂，佢分做「味道」「環境」「服務」「衛生」「抵食」，在於我本人黎講，我只會著重「味道」，在此之外，一切都係冇意思。我唔介意「用天價係大排檔俾班伙記插住咁食一餐正到無倫既美味」，但我不能接受「用超抵價係服務極好既五星級餐廳食一餐垃圾」，所以以下，甚至將來，我所寫既所有食評都只會評價其「味道」，咁樣對所有唔同級數、pricing

石蔭村這個地方是我以前讀書的地方，長大後因為搬屋已經好少再反去了，人大了自然會懷緬過去一番，其實米線四圍都有得食，但要排隊排一個鐘都咁多人食，我諗只有這裡才會可能發生！ 米線千篇一律只有清湯，麻辣，酸辣為何值得排隊都要食，乾坤在於雞絲系用手撕，腩肉炆得非常入味，有少少辣，木耳爽口，米線爽囗彈牙，精髓在於湯底，我要的是中辣，辣度破辣但沒有破壞原味，因為食的時候不淨只有辣而失去豬骨濃湯味道雞絲吸湯力一流，口感特別好有點似肉鬆口感，食好嘢系要付出時間，所以排隊也是值得難怪只有好評

呢間石蔭小窩米我自從中學食咗一次之後就番唔到轉頭！佢間鋪好細，一眼睇晒，但日日都好多人去排隊等位。佢地係一家人黎，老闆請親戚幫手，連個仔既女朋友都系度幫手其實佢地有好多款唔同嘅配料可以選擇，但腩肉係一定要叫（要食得辣），因為會有少少辣但係又有dd甜！因為我好中意食芽菜所以就叫左一份！其他果兩碗係我既朋友既！佢地既湯底唔知點解就係好好味！不過我覺得唔辣無咁好食總之就絕對值得一試！

呢個唔介紹唔得！！// 照舊～雞絲腩肉米線 // 這碗米線絕對會上癮的！！如果唔係朋友自細食到大，我都應該唔識去到個到搵食。順便提下大家，要留意下～1730後只限外賣，太遲去仲會無晒最正的腩肉😍隔一排就要黎過下口癮！！如非葵芳地鐵站仲要轉程巴士 (31M/ 235M 梨木道落)，應該會成日都走過黎，小店應該會多人到爆炸...店面很小，只有六張圓枱，主要捧場客都係呢頭街坊，這個價錢這個份量抵食不用說，雞絲同腩肉係每次必點，雞絲丫～這種才算真正雞絲～索晒酸辣汁之後真的食到反白眼！P.S 姐姐們都是雲南人，都好有性格，又會同你開玩笑/串下湯底個辣是摸不透的所以最好叫個小辣試下先，老闆親自煮個個會辣啲濃啲，平常姐姐煮有時又會清啲，不過都無減我喜愛～米線質地好彈牙，加上配料十足，可以揀的菜都好多，仲有啲出面完全搵唔到既，例如我係雲南食過既螺旋草，香港第二到都無見過了。所以，中意米線既朋友一定要試下！

如果唔係女朋友中意食米線，根本唔會知呢度有間如此受歡迎既鋪頭。為左食呢間米線捐左黎葵涌,時間唔多又唔熟地頭，好彩有揸車。去到門口真係完全唔起眼，只見鋪頭細細但不乏有心人冒雨等待。店員都好友善，街坊生意，環境麻麻，但食物搭救。 小弟唔食辣，女友食小辣。我叫左走辣走肉碎（小小辣），要雲吞加墨魚丸。酸菜味煲晒入個湯度，超級好飲，係我飲過最好味既米線湯底，麵同配菜份量都夠，唯獨是雲吞同丸真係少得可憐，味道都普通。麵唔會淋到一pad,都係上品。餐牌上推薦配菜堅係推薦，因為份量會多好多。女友叫左腩肉，螺旋藻同雞絲，堆到成碗滿晒。腩肉經過七七四十九小時既清湯淨化之後我都試左啲,真係幾好食。

聽聞梨木樹有間隱世米線，趁星期日得閒特登渣車過黎試下下午兩點仍然坐無虛席喎！好在等左十分鐘就有位喇店內只有五張檯所以大家要坐得親密的 配菜除左螺旋藻其他都係大路野。老闆娘話呢到既辣比出面更勁，所以辣度要調整一下 我就叫左雞絲腩肉螺旋藻小鍋米線小辣睇落好似幾大碗！飲一啖湯，又酸又辣正呀佢既酸度比出面更酸，辣度似乎係正常雞絲拆得好鬆，唔會太鞋但吸湯一流！腩肉唔會好多肥肉，較薄身又香又稔。螺旋藻就係出面麵豉湯入面的海帶，又係好吸湯幾好味！米線煮得岩岩好，唔會太淋但又夠滑再加左支凍豆漿，唔太甜幾香豆味，好解辣！另外友人點了墨丸菜肉餃清湯米線。墨丸同餃得兩隻，味道普通但就唔抵食了！整體黎講米線幾好食！如果開係屋企附就好了！哈哈

最近迷上吃米線，尤其特別喜歡那些可以自行選擇不同辣度的小鍋米線，之前經常因為葵涌太遠的關係，一直都未有在那邊用膳過，近日找了比較空閒的日子，不惜坐了個多小時的車程就是為了一碗－雲南小鍋米線。＊＊＊＊＊＊＊＊＊＊＊＊＊＊＊＊＊＊＊＊門面不太顯眼，入內也只是放了兩三張圓枱，下午茶時間人流不旺，可以不用吃得太趕急，是一件樂事！牆身簡單的貼上餐牌和一些特色招牌菜小鍋米線（炸醬｀雞絲｀腩肉｀冬菇）小辣配菜還有芽菜，腐皮，小量辣肉碎 等－大大一碗份量可算是相當十足先試一口米線，軟硬適中，亦夠彈牙很多雞絲，混在一起吃，便會沾上湯底的酸辣，每一口都非常好吃冬菇較為失色一點，味道比較淡和入口有點硬身反而腩肉醃得十分入味，少少辣又不失本身的口感但是小妹則認為炸醬更勝一籌，炸得不太油之餘更是爽脆很香口整碗米線沒有可彈之處，滿足。＊＊＊＊＊＊＊＊＊＊＊＊＊＊＊＊＊＊＊＊下次又不知道是那年那月才能再來吃上一碗如此出色的米線，很期待下次再光顧。＊＊＊＊＊＊＊＊＊＊＊＊＊＊＊＊＊＊＊＊Miss F