雲南小鍋米線

營業中

休息中

隱世得黎好囂張嘅米線！唔係人地話我知佢好食真係唔會行入去，環境真係好麻麻，舊裝修睇落無咩吸引力。不過佢陣香味未行到過去舖頭就聞到。腩肉又香又辣，薄切但好咬口，肥肉唔多但都有（唔肥唔只叫腩肉啦，哈）。雞絲都不得了，好fine，個日見住老闆娘親手撕，手功都係返到。日日開十一唔到六點就收舖，逢大時大節就早收（六點咁早都仲早收...）甚至唔開，好囂張嘅開放時間。忙起上黎唔俾加底！佢囂得起，因為佢真係好好食。不過都有d嘢食我覺得麻麻地，雞翼有d老，丸嘅數量少。不過黎得都係叫腩肉，哈哈！好想食呀依家...