雲南小鍋米線

營業中

休息中

雲南小鍋米線小小一間, 大約5-6張圓桌很小, 門面也很窄如果認為坐得入較佳那就大錯特錯因為本來已經夠熱加上米線又熱又辣, 坐門口那桌又通風又是冷氣位, 方能避免汗流浹背話說回來米線, 之前的食評說份量很多本人未覺特別多, 只談米線的話, 肯定不夠譚仔多, 硬度也沒有特別, 是普普通通的軟硬度而已腩肉挺香, 半肥瘦那樣, 也有不少片炸醬也挺特別, 的確是炸過的, 炸得有點像油渣, 乾而香、硬而爽而沒有太多醬, 真是一粒粒的又是另一款炸醬食畢整碗米線後, 炉看米線像是仍然很「實心」尋尋碗底, 發現原來很多肉碎炸醬沉歸底, 連湯一起吃, 相當香口

今日Lunch time忽然想吃米缐，首選當然係簡葵涌雲南米線！今次簡咗蘿蔔（好甜，明知自己唔應該食都一定要點！），木耳（預先處理過，有少少鹽味，加湯吃，正！），少少辣（曾經叫錯少辣結果食唔到）每碗米線都有芽菜、䓤、肉碎（肉碎已加辣，所以我碗米缐要少少辣就perfect！整體而言，大碗夾抵食，希望呢啲咁好味既食店可以繼續存在！

上次食呢間米線已經係5/6年前的事 (當時係買外賣)一直念念不忘的味道, 今日終於有時間去到等左5分鐘就有位, 好好彩呢!我叫左個腩肉生菜木耳酸辣米線, 本來要小辣, 但落單的姐姐好好咁話腩肉已經辣, 食小小辣好嗱~男友就叫左炸醬腩肉蘿蔔米線, 本來要小辣, 但姐姐提話叫唔辣好嗱, 佢話炸醬腩肉都辣嫁!兩碗米線熱辣辣送上, 真係好香啊!個酸辣湯底好濃, 好喜歡果浸酸而不嗆口的味, 辣道配埋腩肉剛好D 腩肉入哂味, 無肥膏!!! 好香啊! 每一啖都有少少油份滲出黎~木耳切絲, 入口爽脆, 配埋米線我個人覺得係絕配!男友的炸醬都好香辣, 佢地的炸醬真係炸過黎, 是比較乾身, 香脆, 同譚仔的炸醬是完全不同~蘿蔔就非常大舊, 幾甜, 但有渣喔~令人很滿足的地道米線!!!

好耐無黎到石蔭食雲南米線~好掛住呢度d腩肉雞絲食過好多間米線,都係呢間最好食依家轉左個仔煮,味道都無咩點變~~good但係叫小辣都已經好辣!!食唔到辣既朋友要小心啦!!食物水準都無咩要彈~~最唔好既係等位要等好耐~~尢其係食lunch時間

無可否認，加價前後(以前$19/送@$4；而家$20/送@$5)佢都keep到水準，而且無愧在下心目中的米線之王，但服務之差，真係令人不禁概嘆。1. 首先講自己，食緊米線個陣，拎部手機出黎睇.野，個阿姐竟然走黎同我講(語氣係威脅)「唔好睇啦！出面好多人等緊！」。好啦，的確食飯個陣睇野係無乜家教，所以我都乖乖收起電話。跟住我望一望錶，嘩，離我起筷只係得20分鐘！姑勿論食店有無權趕走食得慢既客，我食得20分鐘就要俾人趕係咩道理？因為同檯另一檯客差唔多食完，好明顯鋪頭係想一次過收番一張檯俾人，唔使叫其他客搬位咁麻煩。但咁鬼惡趕人走，根本完全無基本既服務水平。結果呢一餐只係用左27分鐘就食完。2. 呢個係我眼見另一檯既事。話說個檯有2個人點菜，阿姐幫佢地落緊既時候，同佢地一齊既第三個人黎到，岩岩坐低，阿姐就話：「要食咩，講啦。」第三個人就拎起張菜單望，咦咦哦哦左幾秒之後，阿姐就大大聲咁「嘖」左一聲，然後細細聲咁講「嘻，真麻煩。」跟住就行入廚房搞外賣。我同個檯客對望，佢地對住我苦笑。我個陣真係下巴都跌左出黎，因為我終於搵到比某知名茶餐廳更惡既侍應啦！本來諗住第一個俾喊臉，但諗深一層，都係我地呢種

大約在一年前開始吃, 第一次吃簡直驚為天人, 因為無EXPECT係呢D街坊鋪可以食到咁好味, 之前覺得佢有少少似尖沙咀星林居的湯底, 不過最近湯底好像沒有以前好吃了....希望佢地可以KEEP住水準有次想夜晚去吃, 點知原來佢收好早.....真係唔憂做....無食過的可以一試, 腩肉好味

vinega spicy noodlessoup base is ok, just like 當地風味....but if vinega and spice can be more strong then better!well there's some pork, 芽菜, 九菜 inside,,,,but not muchnoodles portion is ok, well is Al detal, so not too soft and not too hard....quite smooth...soya milka bit too sweet and not much bean taste,,,,quite dilutewell $19 is not quite worth as not much 配料

下午1時許，店門已經排了一條龍……幸好等了一會就可以擠進去了。酸辣米線好辣啊……雖然我已經叫了小小辣，但一邊吃一邊流淚是怎麼回事OTZ不過很喜歡～酸菜不太鹹，微有甜味，不錯芽菜很爽口肉燥（？）也是炒香了的米線不會太“林”，彈牙的～湯底也很香，只是油多了點。要批評的話……就是（1）午餐時間要排隊，有機會被插隊……（2）店子的員工都不太會廣東話……（3）店鋪鋪面較小，建議外賣。

外賣等0分鐘是因為我地小息打電話去落單佢lunch送到黎佢生意超好,d單好難落架,多幾碗佢都唔送,所以d同學成日都會鬥快打電話去落單...言歸正傳,我中一二開始食佢,果陣佢d面都好好味架,日個星期最多試過幫襯佢3次.唔知係唔係愈黎愈多人ge關係,d湯底煮唔切,佢愈落愈多味精...食完佢成個下午都係咁飲水佢d野食煮得好重手,味道好濃,唔係咁健康...但係食一次半次都唔錯ge.如果你中意食濃味ge食物呢間真係唔錯,但係如果係中意淡味ge呢間就唔好係o岩了.唔建議外賣黎食,D面"諗"晒會冇咁好食.佢真係好多味精......如果少D會好食好多

搬入呢區已9年, 晚晚都經過這店, 但就從未試過(因這小店朝11晚6, 星期日休息), 上星期日見到佢開門營業, 原來依家改咗假期都開。11點20分去到, order 腩肉, 大腸, 小辣酸辣米線。切晒絲既腩肉和大腸, 好入味。小辣湯底適中。11點35分已全店坐滿(22個位), 果然名不虛傳。

心裡經常想幫襯, 可惜時間撞唔岩(晚上唔開,星期日又唔開).....一個月都係食到,一二次咋,真巴閉 , 哈哈.最鍾意點:豬腸, 因為冇肥膏係裡面螺旋藻,黑木耳

食第3次!!本身唔係住附近..所以覺得有d唔就腳!!不過好好食..都值得特登去叫左雞絲腩肉腐皮米線個人認為腩肉係必食!!另外佢d雞絲好特別..吸左d湯好正$31食到飽好味好味推介!!!!!

由於住得近 所以 一到周末 就會心思思想黎食而我鍾意係2點鐘之後黎食 少人D我唔係好食得辣所以 次次都係叫小鍋湯底($19)湯底本身都有少少料 不過 通常都係食到底先至會發現我大多數會叫三餸($4 / 餸) 其實對我黎講已經好full不過 就係想試多d一直以黎 最支持是腩肉+雞絲腩肉 睇落似豬頸肉(薄片版) 但食落又唔似總之就好食啦 本身腩肉有少少辣浸係湯度 啱啱係我能接受到既辣(去食米線一定要帶紙巾 一定會食到流鼻水)雞絲 佢呢度既雞絲好唔同本身 係冇調味的 (我覺得啦)但係 佢既賣相 係整到好似肉鬆咁真係一絲絲 所以 浸係湯到索左d味 就好正!最近新寵 木耳係過左年先開始賣既餸我本身鍾意食木耳 所以必點最後 提醒鐘意食蔥既人你唔同佢講要加蔥 佢係唔會主動加或者問你要唔要但 食雲南米線 就係要加蔥至好食丫

我中一開始食呢間,開頭小小辣都覺得好辣,食好耐都唔完但依家中五,小辣已經完全無難道,哈叫外賣番學校,小辣,一如以往的好,沒失望米線軟硬適中,芽菜唔多唔少食落去唔係淨係辣,仲有小小麻,正正正唯獨湯底酸左d?可能師傅咁岩重手左...

葵涌的小店(雲南小鍋米線)，門面很殘舊，雖然經常在附近出沒，也未曾考慮在此開飯，某次無意中看到開飯啦食評中共有21評，得3.8分高分，一個喊面都無。今天與太太剛好在附近，便一起同往午餐，她吃的我沒試吃過不作評論，我吃的如下。豆漿是(正遠牌)豆漿樽庄，味道ok，{70分}腩肉小窩米線，腩肉似是豬頸肉，跟南記貨色差不多，味道不比南記差，很好吃。{80分}這裡環境較擠迫，午飯時間要輪隊，雖然環境差些，腩肉米線味道唔錯喎，比多個笑面啦！