雲南小鍋米線

營業中

休息中

最近時間真的好像永遠都不夠用，趁著放假，在床上盡情頹廢之餘，打一打食評顯得自己沒那麼廢吧親愛的小男友住在葵涌，恰巧最近小妹最近在葵涌上班所以就算休假，有時候都會在葵涌附近游泳、閒逛，拍拍拖第一次去雲南小鍋米線是在附近游泳池游完早水所以去補充一下剛剛所減的卡路里(這才是吃貨生活)店面小小，12點前可以避開排隊時間 眼看餐牌好像不太便宜，但是上枱時就知道相當足料 暫時吃過的餸，小妹認為必點的是，乍醬、腩肉、豬肚螺旋藻亦不錯 但注意的是，本身辣度比較辣，假如餸選擇乍醬會再辣一點。大約比平常辣度減一度便可以個人認為，酸辣的話，選小辣便可以嚐到當中的酸，太辣的話會蓋過酸味。腩肉則煮得非常入味，乍醬則真的是炸過螺旋藻就好像海帶一樣，而豬肚則相對上比較清清微鹹計小妹話拉個男朋友嚟，點5~6款不同的餸，再交換吃就最perfect份量女生應該可以吃不完所以把吃剩的留給男朋友就最好

聽聞呢間野自己開咗好多年，頭嗰幾年完全唔出名所以冇乜人來食，但呢兩三年期間忽然間有人幫佢買下廣告又或者係人搭人介紹囉，所以就非常之多人，又開舖到收鋪都係需要排隊先至可以食，繁忙嘅時間排隊差唔多都要35分鐘左右認真辛苦(我都試過幾次。。)仲要和提提大家呢度嘅外賣都係要等好耐先至有嘅，而且同大家講呢都係收六點左右，一般來講早半個鐘頭就唔比客人入去食，只做外賣。間嘢有無特別？甘多人食？我覺得係睇當日水準，試過幾次個味道都有d唔同。湯底應該係偏淡的湯，食落去味道可以話係剛好。但拒嘅酸味重，中意食酸嘅人必選。送嘅選擇唔算多十二三款左右，但係佢呢啲款式可以講話係比較懷舊嘅款式，唔似而家出面有咁多新野，但係佢呢啲懷舊嘅嘢食，有時候又做得幾好食。例如佢個炆冬菇咁樣懷舊得來又真係有用心去炆舊東菇，又真係好食。推薦的食品仲有，雞絲同埋螺旋藻，佢個雞同出邊唔同感覺，就真係用手去撕啲雞絲出嚟，比較有口感。同埋佢d雞絲係比較乾身少少嘅，食落去好有雞嘅味道。螺旋藻就係一種健康嘅食品，唔知大家有冇食過，食落去嗰種味道有少少似濕咗嘅紫菜，配埋落個米線度食都幾好，又健康。呢度個份量都ok，但係佢送就真係比出面多少少嘅，

平日返屋企經過附近，常常見到好多人排隊，因為怕等位，最後都冇去，今天難得放假，一個人單拖去試試，坐低左環境較迫同小，叫左個酸辣乍醬雞亦米缐，叫左一陣就到，個米缐份量都不少，唯獨欠一點裝飾，但個湯底都真係吾錯，酸酸甜甜，好開胃，仲有乍醬，炒得好香好野味！最後雞亦，只是普普通通吧。但係個湯底我真係好鐘意，下次會多D來食。

呢間米線 係經過身邊鍾意食辣既人介紹個時第一次食小學四年班 一試愛上 食左8年每次放假都會食 ，後來識左班朋友都係食辣嗜好者 ，就每日放學都去試一試～最鍾意就係佢個腩肉 而家太搶手多數3點已經無曬 湯底好夠辣 d肉碎好食到次次都想食曬成碗佢 令人上引既辣味 米線軟硬度岩岩好 值得試下架！

自問係一個米線痴，聽到呢度話係全港最好食，成日心思思想黎，無奈真係好遠又唔識路，今日去開葵芳做嘢，搭的士過來只要20幾蚊，就試下你先餐牌寫住推介，咁就食推介嗰啲啦腩肉炸醬冬菇米線中辣。(order時侍應提我話係比較辣嫁，我平時食星林居中大，譚仔大辣的)好啦~~麵到了試啖湯先>>唔覺得辣，都幾鮮甜，好彩啲酸菜吊返個味，救左佢腩肉~偏甜好入味，正炸醬~係炒過，不過太乾唔夠香，正宗要有番少少肥先好味冬菇~香甜厚肉，如果抆下入味啲會更好米線~彈牙不錯湯底~好濃郁酸菜~好好味，正宗雲南米線酸菜整體來講-吸引唔到我再專登黎食，只可以俾70分#星xx好食啲

好食過譚x,雲x香，雲貴x既米線，勁鐘意食米線既我終於去咗食第二次，間鋪好偏僻下，人好多要排長龍的，第一次食時咩招牌送都冇得番餃子同炸醬，勁香勁好味，餃子係人手包勁好食好新鮮，第二次就食腩肉走芽菜，少咗芽菜就會俾勁多米線，腩肉係醃既好正好入味，好正正子，湯底好濃小小辣，好正，食完會好想再食多幾次😍😍😍😍

呢間就係系Facebook全港米線排名第一！難得放假梗係要黎試下！叫咗一碗小窩米線加腩肉（辣）、金菇菜、芽菜同埋要左小辣，第一眼見到有點失望，因為睇落去好似冇咩味。之後我將佢撈勻，試一試佢嘅湯底好好味呀！！佢嘅湯非常濃郁，腩肉辣得黎甜甜地，芽菜仲保持到爽脆，唯一美中不足嘅係金菇嘅份量太少。金菇菜同芽菜浸左一陣湯底之後，索左湯底嘅味，一樣好正！朋友就叫左金菇菜、生菜小辣，其實佢哋嘅小辣已經夠辣。不過湯底味道偏酸，如果酸味淡番啲會更加好！同埋佢哋嘅環境好迫，環境衛生唔係好理想。

因為好食 ～ 等位等得有 D 耐 ^_^" 食米線都要等半個鐘 ～～ haha 我暫時食過全香港最好食嘅米線！簡直無得輸... 我唔算好食得辣，叫個小小辣 惹味得來味道剛好 ～ 湯底濃郁但飲完唔會好渴 ～ 米線 好有咬口，加埋 d 湯係好完美嘅配搭 ^_^ 腩肉入味，好香，好味。雲吞都唔錯。炸醬我就覺得好一般，太乾。整體而言 米線，湯 同餸都非常岩我口味 ～ 

呢間米線十分唔就腳，但已經幫襯左成十年，好多時都係突登去食！叫左腩肉小辣米線！腩肉極淋極入味！湯底同出面嘅唔同，飲完唔會口渴，但同樣有飲完想再飲嘅感覺！辣度偏辣，比平時嗌小一個辣度就夠。湯底夠酸，味好濃郁，加埋米線食其實湯先係主角！

係石蔭附近番工 我諗都冇咩人唔識呢間雲南米線 細細間唔起眼既門面 但長期有條人龍係出面 呢間可以話係我食過最好食既雲南米線 米線湯底一定係最重要 佢個秘裝辣湯底 好香好濃 真係好香濃 酸辣味調配得好prefect 一試難忘 酸菜好好食 爽得黎酸味好醒胃 芽菜好新鮮好爽脆 米線都好滑 份量又多 都係$3x幾一碗真係冇野好講 唯一可以彈既係d配餸一般 之前試過d丸 d餃都普普通通 所以今次都係叫個芝士腸算 穩穩陣陣 但餸真係配角 主角米線同個湯底真係冇得輸 每次諗起都會想再食唔係誇張

今日午餐食咗傳說中嘅麻辣米線，佢哋嘅精粹唔係餸菜度，而係喺湯底，米線，同埋酸菜肉碎度。雞翼小窩米線。坦白講雞翼唔算好食，但係佢嘅湯底配料同埋米線足以彌補一切。佢哋可以選擇嘅餸菜唔算多，相信大部份人黎食都係為咗佢嘅湯底同埋米線。佢嘅湯底味道恰到好處，酸菜好香，酸味適中，肉碎麻麻辣辣，同埋米線一齊食好好味，至於米線非常爽滑彈牙，湯底香濃好飲。所以好多人都話佢係香港no.1嘅米線。

今天有機會來試試較早前報導說的全港最好味米線。雞絲很特別，撕得很幼細，嚼落有味。雲呑相對便普通了一點。螺旋藻看似紫菜，但又不像紫菜般脆，吃落有咬口，味淡淡的。因為是一碗碗的煮，廚房也不大，落單後等了十五分鐘才有得吃。而且十一時多已差不多坐滿人了，去到十二點半更有放飯人潮，要尋味便要有等候的耐性了。

吃過一次外賣後念念不忘的友人，說帶我去吃被譽為「宇宙最強」的米線。烈日當空的正午，三十幾度，太陽曬得如火燒。然而，毫不起眼的舊式小店，門外竟有大概十人的人龍。只有兩個可能，一是平到你唔信，二是好食到飛到。躲到太陽傘下，加入大隊。原來，大部份人都是買外賣，等兩張枱就到我們了。猜四五十歲、身型略胖的女店員，忙個不停，熱得大汗淋漓，頸上掛著毛巾，方便隨時抹汗。經驗告訴我，長話短說，不要問，只要等。沒想到，這個嬸嬸極親切，等位時先為我們落單。「要幾辣？」小辣啦。「你平時食咩辣嫁？」我食開小辣。「咁不如你試下小小辣先。食到既話，下次先食小辣啦。」或者你會想，擺明是宣傳技倆，想你再來。你可以覺得我天真，但我由衷相信嬸嬸是真心的。等了不到十分鐘，便有位了。走進內時，嬸嬸還加了一句「阿妹，小心慢慢行。」不消一會，米線來了。友人的雞絲、豬紅、腩肉小鍋米線，份量很大，尤其是雞絲，多得像韓式拉麵上瘋狂的芝士。湯底酸酸辣辣，惹味又開胃。他的小辣，比我的小小辣刺激。吞下後，在口裡維持至少5秒。不過，小小辣是我覺得惹味，又不致於吃到出汗和流鼻水的辣度，正適合要上班的炎炎夏日。豬紅集彈、爽、腍於一身，偏甜。把雞胸肉

呢間米線好出名，之前飲食雜誌都介紹過，前幾個月公司調左我去葵涌工廈果邊返工，一直都想食下呢間野係咪真係咁好食！但我lunch時間去永遠排滿人，就算想外賣都要等，時間有限既我永遠都食唔到呢間野今日因為要開會，時間廷後左，3點先放飯，終於，終於見無人排，就9秒9入左去！入去都坐左幾多食客（間野細細地），當然要搭枱啦！我就點左個酸辣米線小辣加腩肉（辣）同豬肚！米線23蚊，加餸每樣7蚊！

我的第一篇食評一定要獻比呢間位於石梨的米線！如標題，絶無誇張，早在佢被譽為宇宙第一米線之前我就經已食上癮，三年前有段時間在葵芳番工，經朋友m激烈推介呢間米線，記得第一次食，炎炎夏日lunch time等左足足半個中先有得落單，不過當我食左第一口，就知道等幾耐都值得！即使而家離葵芳勁遠，每隔一陣子都會搭個幾中地鐵轉巴士黎食！一如以往，拎非門口等，今日星期日都要等幾個字佢既小鍋米線真係逐碗整，個湯底濃得黎唔膩，我食dd辣，剛剛好，又不至於食到出汗，同埋最欣賞米線本身既麵質，比出面既幼身，唔會浸到淋，又keep到有彈性，真係其他地方食唔到！