雲南小鍋米線

營業中

休息中

以前係對面做野，成日都走黎食，最瘋狂時期一星期食4次之後雖然無係對面工廠區做野，但都會心思思走過黎食，因為實在太香太野味。淨係係門口排隊，已經聞到炸醬個香味，雖然佢係有落味精既，但佢真係好好食，我係米線痴，真係搵唔到一間可以令我食足十幾年都覺得佢係最好既。我今次食腩肉+螺旋藻+雲耳+米線（少辣多酸）腩肉：必點個汁影響晒成個湯底，炒得夠香又有少少辣帶點點甜，勁正螺旋藻：唔係道道都有，佢索埋湯汁，正雲耳：有滑而且有炒過有陣香味，食完有便便記得記得必點腩肉腩肉腩肉

早前都聽朋友講過依間米線是他食過最好味既米線，我一直都唔相信，但自從今天之後，我真係信！！！行到差唔多到達的時候，已經聞到好香既酸辣香味，門口好多人排隊因為lunch hour的關係所以等了大約4個字才入到去，但真的值得一試！！！他的湯底十分香，而且雞絲很多，又香好大碗，我淨係敢叫正常辣，因為我睇openrice既食評都話比出面的辣一點，怕叫返黎食唔到所以就叫正常就算正常都好好味，一樣咁香，但我下次會食少少辣食完之後都一直咁多人排隊加外賣，最後我覺得行半個鐘都係值得的

之前睇過有推介介紹佢係全港最好食嘅米線，最吸引我注意嘅係佢逐鍋煮。今日去開嗰頭，慕名而來去試吓，2pm 去到唔駛等就有位不過亦坐得幾密吓，應該有唔少街坊熟客。叫咗碗小辣腩肉雞絲紫菜米線，都煮得好快，等咗冇幾耐就有得食。做得唔差但係坦白講唔係特別好食，因為對我嚟講個湯底係好重要，而佢個酸辣湯底並非我喜歡嘅味道；我食辣嘢都ok，但係佢個小辣都幾辣，後來聽到佢哋話個米線本身就有啲辣，小辣就係再加小辣；腩肉唔夠腩，即係唔夠肥，入口完全咬唔到出油嘅肥肉，而且比較碎，搵唔到一塊比較完整嘅；米線煮得剛好，夠滑之餘亦唔係煮到淋晒；雞絲幾特別，白雪雪咁鋪喺上面，我覺得佢應該叫佢做雞肉鬆貼切啲，用嚟嗦個湯幾好食；我唔應該叫紫菜，因為佢放埋落去煮，紫菜同米線撈埋一齊，而我自己就喜歡清楚分開等我可以一樣一樣咁食。唔算伏，總體嚟講係好嘅，畢竟係逐碗煮嘅小店，大家去開可以一試，酸辣口味喜好大家唔一樣！

氣憤！不得不開名！呢間店仔“雲南小鍋米線“，地點偏僻，係葵涌石蔭個頭，得5張細枱，最多坐18人，好迫下，居然可以做出這碗高質米線！我叫咗三個餸，腩肉炆得焾滑入味，雞絲..真係做到一條條絲！天呀，如此仔細嘅雞絲都係第一次見，好食！紫菜，不用提，米線有嚼勁，酸辣湯底夠火喉，我叫中辣，店員提醒我，小辣已經很辣，夠細心，最後都係叫左小辣，到家！真係好食過好多大集團，真有誠意，...要投訴，典解唔開係我屋企樓下！

見網上推介, 於是我呢個米線控就特登同fd山長水遠走入黎試下, 好彩另外有fd住呢度附近, 醒左個tips比我地, 避開午飯時間去會少人啲, 咁我地就過左2點後先過去, 真係唔洗等, 一入去就有位⋯一入到去就即刻落單,雞絲同腩肉, 小辣🤤想像中既雞絲係乾爭爭, 但呢度呢啲唔會, 幾好食, 但呢度既小辣真係好辣囉⋯拍得住出面其他米線鋪既中辣

朋友一直高度推介既米線,講左好耐今次就中午去左試,不過買都有策略架喎,因為太晏真係會等到2046,所以十二點前就打去叫定,十二點半前去鋪拎,去到都有十個八個人係門口等緊!由於唔食辣既關係, 揀左最簡單既清湯,要試佢最原汁原味一定係咁揀!果然無令人失望,好鮮甜既湯 同譚仔果啲無得比較餸方面就食左朋友最推介既腩肉 仲有雞絲同豆卜腩肉好薄切微微既辣味令人好有胃口!!如果有多啲肥膏仲正wor 雞絲都係好特別 因為好幼身,而且好大堆塞得滿一滿,性價比好高呢!!!米線比較幼身但都彈牙,幾中意呢個口感

呢間雲南米線我成日都食 因為佢系我屋企附近 所以間唔中都會買外賣翻屋企食 食左好多年喇 應該有6年 水準keep住甘好食 不過就成日要排隊 捉緊開門11-12點食就會好啲 可以唔洗排隊又唔洗同人逼hahaha最出名同最好食系腩肉 每次必叫既 但系試過好晏去食(3-4pm)就無哂腩肉 所以想食最好就早d去佢既辣呢比起出面辣好多架 如果平時食唔到辣要走肉碎 因為佢既腩肉同肉碎都辣 我自己平時就食小辣 我系譚仔就食中辣或小辣 辣度差不多

全宇宙最好食既米線🙄？ Really🤔 超足料 成座山既米線🤤 如果係米線控，應該食過呢間啦🙊！雞絲 螺旋藻 炸醬😆 配酸辣中辣 食到我個嘴👄 但越辣越想追這種辣😅 份量勁足 勁多米線 食到一半已經飽啦 都係$47 買單🙌🏻 超抵食！**要留意營業時間:11am-6pm (5:30pm後只做外賣)*此店位置較偏僻 食好野係要付出的 吃貨加油！========================雲南小鍋米線 (葵涌)葵涌梨木道112號葵寶大廈地下5號舖

朋友推介這間米線，於是特意去試一試，地點偏僻，在大窩口再轉巴士。下午兩點到達，原來座位很少，而且天氣很熱，冷氣不夠，幸好再入面位置有位，終於涼到冷氣叫一碗小窩米線，然後再叫配料，特色是配料選擇頗有特色，例如有螺旋藻、冬菇，於是我點了小窩米線+冬菇+螺旋藻螺旋藻口感像海帶，不錯。冬菇值得一試，很入味👍🏻腩肉就沒什麼特別，不會腩肉本身有辣味，吃不了辣的就不要點辣，因為我不要辣都已經夠辣朋友點了腩肉螺旋藻蘿蔔，點小辣，已經辣到她吃不下，而且小店不提供水，要自己買加湯也不可以，最後她沒什麼吃雞絲腩肉小窩米線總的來說，米線不錯，但並不覺得這碗米線值得山長水遠過來吃，住附近的可以試一試

🍜📸#tagnshare葵涌篇.......................🆙媽阿~最近高妹真係終極忙⋯食左好多野都無時間PO😶💰 豬耳拼冬菇米線 $39🤤 望到都想食⋯🍄冬菇都依然係我既主打⋯煮得入味而且大隻厚肉⋯入左味既冬菇係可以食數唔多咁多隻ga🌝而我最近已經由腩肉變左做豬耳⋯可能天氣熱既關係🔥本身食辣已經唔係勁⋯宜家功力仲慢慢消退🌪當肉碎加埋腩肉既辣我已經食唔到⋯ 鐘意佢既湯底係偏酸令人開胃⋯配菜有韭菜芽菜就無乜酸菜⋯價錢唔貴同埋算係大碗👍🏻男士分量🙋🏽‍♂️都係ok⋯ 大家可以趁放假嚟試下⋯ #地點唔近地鐵而且座位較少 #大家要預留多d時間排下隊#開11至6咋#千萬唔好叫咁辣 好多個都話食唔到side哂d野就唔好la #對面個學生哥流住鼻涕咁食....……………💁🏻高妹小篇👇🏻地址👇🏻雲南小鍋米線梨木道112號地下5舖………………#hkig #hkfood #hkfoodie #foodpics #foodbloggers #香港吃貨 #uhkfood #foodig #相機先食 #相機食先 #香港美食 #葵涌米線 #雲南小鍋米線

不論身邊的朋友, 宣傳和雜誌都推介呢間外號'宇宙最強的米線', 今天小弟終於來到朝聖.同事住附近, 路都唔洗搵, 更好彩係唔洗排隊就直入, 可能因為臨近收鋪, 一坐低就叫左個四餸---炸醬, 腩肉, 螺旋藻, 雞絲小鍋米線, 中辣 (溫提: 呢間ge辣度請小心選擇)份量都幾大下, 而且賣相唔錯雞絲同個米線好鬼夾螺旋藻出面好少地方可以叫, 好爽, 幾特別正面相.建議食辣, 唔係沒左個精髓, 推薦!

今日食嘅係被譽為全宇宙最好味嘅米線係石蔭區受歡迎程度很高嘅一間小店店舖面積比較細，座位都唔係好多同埋坐得比較迫如果lunch黎食要有足夠嘅時間同心理準備去等位啦！腩肉+螺旋藻小鍋米線（少少辣要蔥）腩肉惹味得黎又帶少少辣肉肥瘦適中唔會太肥另外螺旋藻食落似海帶嘅感覺但比海帶爽口健康又好味螺旋藻+雞絲小鍋米線雞絲好多仲可以索晒d好入味嘅湯底一齊食順帶一提佢d辣都比較勁，如果唔係好食得辣的話建議食少少辣就足夠了。另外佢本身米線係冇蔥嘅，如果想加蔥嘅話要係落單嘅時候要講埋要蔥！

住喺附近三十幾年，今日先第一次嚟試12:45喥到，門口已經勁多人，附近近打磚坪街工業區，好多OL Lunch都會過嚟，除左好多人攞飛排隊等堂食，叫外賣嘅人更多去到，樓面有2個姐姐，一個年紀大少少講唔正宗嘅廣東話+普通話，一個廿零歲嘅樓面通常呢啲米線店姐姐都有啲惡死+無禮貌，但呢度出奇地2個都好好，好有禮貌，廿歲姐姐仲好有笑容等左45分鐘，終於入得，喺等嘅過程，會先幫你落定單，一坐低唔洗5分鐘就有得食我叫左碗腩肉、生菜小鍋米線（小辣、走芽菜），辣比起其他同類舖嘅小辣辣啲，腩肉只有2、3塊大少少，其他都好細塊呢碗叫俾阿囝嘅，所以走辣～魚蛋、生菜小鍋米線（走辣、芽菜），完全的一個兒童餐，我囝好鍾意食麵，都食左大半碗，我試過個湯底，濃味嘅總括嚟講，好味，但比起荃灣某間老字號我覺得荃灣好味啲

今日同老婆專登去試下地上最强，鋪仔細細，對住大路，又比太陽曬，等咗成個鐘，其實都幾辛苦，難得中途有小妹妹幫手落單先，真係好貼心。講返個麵，係好食嘅，個腩肉有特別香味，炸醬有炒過，好香雞絲好絲，感覺上想你浸湯食，好有心機，好有heart，螺旋藻好新鮮，麵質同湯底就水準之上，一家人打理百零二百尺地方，感覺乾淨，天氣需熱，但服務態度有禮，地方雖小，但人情美濃。

呢間米線經朋友介紹 形容為最強米線一試之下 真係名不虛傳雖然環境比較一般 服務亦唔算太好(唔係好多員工)但性價比絕對值得當日同同事一齊買外賣已經見到門口排哂長龍 入面都坐滿哂,以為叫外賣都要等好耐啦點知都係大約等左10分鐘左右返到公司即刻試下呢碗絕世米線..果然名不虛傳米線湯底明顯用心機煮  食得出係逐碗逐碗煮十分足料  米線質地亦出色但配料方面更值得一讚炸醬 真係不可不試炒香哂先拎去做炸醬 淨係呢份心機出面都食唔到相比譚仔果D 一PATPAT既炸醬 呢度既炸醬真係無得比對於一個米線控黎講 呢間絕對係必食推介