雲南小鍋米線

營業中

休息中

呢間野已經食左好多年由於入面既位好少同好迫所以我多數都係買外賣黎食買外賣既話可以預先order定同佢講幾點去拎不過多數去到都要等陣每次買外賣既時候出面都有好多人等緊基本上一到假日都會黎食每次都係嗌腩肉同雞絲呢兩個餸夾埋米線食真係好正之前食過小辣 但對於我黎講太辣啦所以宜家都唔要辣佢本身有肉碎已經係辣既所以都唔會話完全無辣味 同埋宜家會嗌多酸 唔嗌既話酸度就唔夠如果想食腩肉既話就要lunch time黎啦腩肉好快賣晒嫁

好紅既石蔭米線，當然要排隊！同友人係下午1,2點既時間到，都等左大概15分鐘，本身其實已經多人食，但係有人報道過之後就更加多！酸辣米線 $25揀左雞絲(+$9)同螺旋藻($8)，辣度就中小辣。份量都幾多，雞絲真係好幼！之前未試過食米線會配螺旋藻，原來螺旋藻同米線一齊食係好夾！爽脆又索湯汁味，大量既螺旋藻食極都仲有咁至於湯底個人認為唔夠酸，酸菜可放多一點，加上地理位置偏遠，我自己唔會成日黎，但係值得一試！

今日中午lunch，特登由葵興過來試下呢個宇宙最強米線。來到門口12:00已經見有很多人在外面等，心諗咁大鑊，幸好我一位原故，所以店員即時安排我坐位！我睇左餐牌一陣，發覺無寫豬腸，我就問店員，佢話我地無賣，咁我唯有叫左個小鍋米線配腩肉炸醬。等待期間，眼見對面個肥哥哥連湯都飲埋，我心諗一定好正！等左約10分鐘，我個面終於到左，立即就打個照分享一下俾朋友仔，因為佢地之前都話好想來試下。首先就嘗嘗湯的味道，感覺上欠了點酸味，而炸醬就比較特別，與出面的很不一樣，我本人覺得就一般般，至於腩肉都幾好食！總括來講，味道不似預期，但我肯定是用心制作，都不負其名。只是可能與我口味不夾，我喜歡較酸的湯底！

住係附近，但每次經過都見到好多人排隊，所以都無機會試。但早前見網絡上，電視都有介紹依間被稱為全宇宙最好食既米線，就決定去試下。🤤🤤今次專已經登揀平日去，但都係咁多人，可能撞正午飯時間，目測都有十幾二十人排隊。就唯有買外賣翻屋企食。🙈我嗌左雞翼尖雞絲小鍋米線大辣🌶一打開蓋已經聞到好香既味，試左一啖湯已經覺得辣得好過癮,佢既辣真係比一般辣。可惜既係湯底比較油，不過依個都係情有可原，始終我嗌左大辣。講翻配菜先1️⃣雞絲同平時出面食開既唔同，可以見到真係撕到好幼細，吸湯一流，不過有啲”鞋”口。2️⃣雞翼尖就普普通通3️⃣值得一讚係米線，我攞到翻屋企食已經係15分鐘後，但米線都唔會過霖而米線份量真係超多，女人真係好大機會食唔晒。Remarks‼️如果鐘意食蔥，可以係落單既時候講定，否則係唔會有蔥

米線自問食過好多間，成日搵啲隱世米線出嚟食，但咁多人排隊都係第一次見到！仲要見到間嘢食係零腐皮，更加令我哋期待佢究竟有幾好食🤤餐廳地方淺窄，只有四張圓枱，但座位與座位之間都尚算闊落我叫左個炸醬腩肉小窩米線，朋友叫咗雲吞雞翼小窩米線同埋炸醬腩肉酸辣米線（中小辣）。呢度推薦炸醬、腩肉、螺旋藻、黑木耳同埋冬菇。本身想嗌豬腸，但平時米線舖都有嘅豬腸呢度冇。有幾款米線本身個肉碎都已經有小小辣，想再加辣嘅朋友可以另外唔使錢再揀一個辣度🍜雲吞雞翼小窩米線就還好，個雲吞嘅皮好似漿，個餡就正正常常。雞翼就應該係本身煮好，然後臨上前先再淥一淥，因為裏面啲肉凍🍜我食個個係炸醬腩肉小窩米線，佢每樣餸都好夠味，結果個湯就有啲鹹，但如果就咁食啲炸醬同腩肉係好正。個炸醬肥膏同瘦肉均勻，腩肉個質地就有啲似豬頸肉，差唔多每一塊都有肥膏。🍜另外朋友嗰碗酸辣米線就唔夠酸，酸味完全被鹹味同辣味蓋住有少少建議俾返餐廳，個人覺得韭菜有啲少，大概見到七八條左右。朋友都覺得酸菜太少，如果多番啲就好啦～ 另外小小建議比顧客，就係濃味既食物靜係嗌一款會比較好，湯底就應該會冇咁鹹～

專程和男友揸車來食，去到都幾多人食，唔知關唔關上左facebook廣告事。店舖環境超級狹窄，大約坐左廿令人，經常會被人碰撞到，食物選擇就不過不失，沒有問題。我就覺得雞絲幾出色，幾特別。不過豬肚就比較普通，冇乜特別。本來我不想食太重口味，我的腩肉米線是叫了正常小窩米線，但來到味道和男友的酸辣湯一樣，有點失望。不過連平時不喜歡食腩肉既男友都讚出色。價錢合理。本身想叫豆漿，但可惜賣晒了。走時排隊的人都有廿人呢。

第一次食，就叫左出面少有既雞絲，外通常都係雞肉，本身想食腩肉，不過三點鐘已經賣完，個湯底味道偏濃，雞絲有雞肉味，但有啲鞋，口感好似肉鬆，吸埋啲湯，炸醬比較咸，有咬口，米線好好食，幼得來又唔會太霖，依到仲有其他既整體來說都可以一試，來到依到附近可以試下，好多人推介腩肉，有機會都想試下，個辣中辣同譚仔既中辣差不多，不過就係濃啲，我叫左多酸，所以感覺剛剛好個湯底，份量都足夠既，下次我會叫加葱，應該會更加好味。

作為米線fans，一直都有留意呢間吊腳米線神店，咁啱星期日下午路過，當然唔可以錯過！三點幾都排滿人，都係叫外賣算。一心想試下招牌腩肉，賣晒。雞絲呢？又賣晒。雞中翼啦咁，都冇。咁冇辦法啦，一場黎到，點都要整返碗先捨得走。結果點左炸醬、豬肚、腐皮同菜肉雲吞，小辣，盛惠60大元。個人覺得60蚊一碗4餸米線好貴下。返到屋企依然熱辣辣，試啖湯，偏咸，唔知係咪有炸醬嘅關係，米線幾彈牙，唔會成糊狀。成碗最好食係豬肚絲，量多且爽。菜肉雲吞唔得，皮厚餡亦麻麻。路知係我揀餸嘅問題定點，我覺得60蚊唔值，有機會會再試多次腩肉雞絲。

這家雲南小鍋米線經常lunch嘅時候都大排長龍，好多人等好耐都願意等到有位食，好想知其吸引之處，究竟在於什麼? 基本上未走到門口，約十米已會聞到它的香，酸辣味又有，麻辣味又有。路經時你真係會好想好想立即入去。 叫咗個小辣小鍋米線， 本身已有芽菜、酸菜、韭菜和肉碎。見到評論同店內既相片，不難會叫埋腩肉和螺旋藻，仲有我喜愛既腐竹。 腩肉的確係抵讚，好薄好林，只有少少肥， 而且有啲辣咪溝咗落去， 再夾埋大量嘅螺旋藻，係健康上層面上這兩款餸係可以平衡得到既✌ 腐竹既分量就少咗啲，不過索哂啲味都好好食。 個湯底我最後飲咗成半，飲完成個下晝都有甜甜地 同流口水嘅感覺

是那碗傳說中的很好吃的雪花手撕雞雲南小鍋米線！❤️❤️❤️但去到已是下午茶時段，因此手撕雞、腩肉、雞翼三個主打配料是經已售罄的😂😭😭於是叫了炸醬豆卜。炸醬好有咬口（但吃完全部其實個口有點攰😂)，偏瘦，個人沒有很特別喜歡。豆卜很新鮮，偏硬所以不算很掛湯，但因為湯都偏重口味所以我覺得剛剛好，不用吸太多湯都已經好好味👍🏼🙃湯底唔係好一鳴驚人果種，第一啖飲落唔算驚艷，但都幾好飲已致我們差不多把湯喝光光😳米線軟硬適中，食到最後都不會覺得太軟，而且很入味！😋不過位置真心逼，服務一般（追加雞翼尖但食完成碗都無上，最後cancel了）。但整個途中見到店家客似雲來。會再光顧🙂😇

眾所周知石籬勁出名食雲南米線，每日都會好多人，但今日好想食，所以決定等！可能未到Lunch Time關係，等左一陣就有得食。佢嘅腩肉係必食嘅餸，雖然係辣 (我不嬲唔食辣，但都會叫，因為真係好好味！）另外我在加左雞絲同豬肚，豬肚好爽，而佢個湯底亦有肉碎，簡直係好味 (流緊口水)..一句講晒：冇得輸!

「被喻為#史上最好食嘅米線？」咁誇張😱店舖位置相當「隔泄」遠離地鐵站又位於斜坡上，店舖裝潢簡陋只有幾張圓枱和膠椅...不過不過...食客就經常爆滿在門外排隊等食，咁就知咩事啦！肯定唔簡單😎酸辣米線$24 +雞絲$8+腩肉$8+黑木耳$7.米線一上台已經相當吸精😍🐔雞絲有驚喜別於一般的出品，撕得非常幼細似雪花般堆滿小山丘，連湯同吃吸盡湯汁很特別又不錯的！👍🏻不過用上雞胸肉所以口感比較乾似煲湯瘦肉🙊🐷最喜歡又驚喜的莫過於腩肉，不是平日吃到肥肉佔多的五花腩肉，而是經調味的薄片腩肉，半肥瘦肉嫩腍，味道甜辣入味十分惹味！好好食呀😋⚫️👂🏻黑木耳爽口，是補鐵質良品👍🏻.總括說，每碗米線都是一碗碗即叫即煮所以米線口感剛好，麵份量十足又附上點芽菜、肉碎、韮菜等等，湯酸辣度平衡得剛好，配餸份量多又有質素，的確很不錯！小店式經營，沒有豪華潔淨裝潢，又沒有寬敞用餐環境，不過有滿滿的人情味👍🏻

最鐘意幫襯小店嘅我, 每次搭車經過 Lee 間米線店, 總係會見到長長嘅人龍, 搞到心癢癢好想去試一下, 但無奈放工時間去佢已經關左門, 唯有放假先可以去試｡ 上網一 check, 原來 Lee 間嘅評價都幾高, 被號稱為全港最好味嘅米線店｡星期六特登早D起身搭車去試, 未夠12點到達, 已經有一條小人龍排緊隊等候, 好彩好快就入到去｡店入面只係得四五張檯, 所以要坐得比較迫一點｡ Order 左個雞絲小鍋米線, 由於佢 D 酸辣湯底係逐碗煮, 所以成碗米線送到我面前時係超級熱辣辣嘅｡ 最值得一讚嘅係, 佢 D 雞絲堅係一絲絲的 (好難得真係撕到咁碎), 所以可以完全索晒D酸辣湯一齊食, 酸辣平衡剛剛好, 真係超級正呀 !!聞名不如見面!

好多傳媒、雜誌、個個都話呢個係全香港最好食嘅米線，什麼宇宙最強我就期待左好耐，但礙於位置比較隔涉，等老公放假揸車先去到試當日下午三點去到，未入去已經話豬腩肉賣晒。等位大約等左半個鐘鋪頭好細，坐得好迫見到啲雞絲整得咁細、即管試吓，應該會幾索湯我就叫咗雞絲木耳酸辣米線小辣又中咗伏，因為網民話依度係比外面嘅辣更辣，話食譚仔食中辣，呢度要食少辣咁我平時譚仔真係食中辣，咁咪叫咗小辣囉點知完全唔覺辣另外，我真係唔覺得佢個湯底特別好味，我鍾意食酸，佢係偏酸，但個味真係一啲都唔特別雞絲配米線係唔錯，吸晒啲湯但可惜湯底真係唔吸引唔知點解吹捧得咁勁，但我就唔會再去荃灣老闆娘好食得多

雞絲酸辣米線為左呢碗米線遠赴葵涌，呢度既微辣都幾辣下，我食到流曬鼻水🙊湯底濃郁，酸度恰如其分，非常開胃。雞絲份量非常多，幾乎啖啖雞絲，見到幾乎每枱都有嗌到雞絲🐣而且米線份量都幾多，食完超飽呀～米線黎講，呢度既湯底真係一流，好惹味👍🏻不過未去到一試難忘咁誇張！炸醬雞絲小鍋米線炸醬好香，粒粒分明，唔係譚仔一Pat Pat個啲炸醬，但係我唔識欣賞🙅🏻小鍋米線湯底偏淡，冇乜味道，一般般，都係酸辣湯底好食得多👍🏻👍🏻-食左幾次，個人最推介既配料就係雞絲☺️