雲南小鍋米線

營業中

休息中

今日天氣凍凍地，念想吃地熱野。就去樓下附近買小窩米線。我要雞絲，墨魚丸和木耳，結果打開係豬大腸。我唔食內臟的住係黎友10年，已經有三次俾錯料好火滾咯！！到屋企打開時才發現，大家小心地😔

前排公司調左去葵涌區返工同事知道我鍾意食米線 千叮萬囑一定要試呢間小店呢間米線店真係好細 但無論任何時間 都一定要等位對於食飯時間爭分奪秒既打工仔黎講要花咁多時間等 實在十分奢侈於是 我係再被調離葵涌區前 終於夾好工作時間 11點就去排隊結果都要等10分鐘入到店其實無乜概念食咩配料好但見到人人都叫雞絲 於是我都叫先另外再叫特色野 海藻 配料比一般連鎖米線店特別同多選擇雞絲海藻小窩米線雞絲摵得好幼好細 心機手工之作同時亦都吸晒湯既味道唔怪得人人都叫 初時仲以為雞肉切絲only海藻份量多 有啲似食緊雲耳爽爽地咁米線好滑 湯底濃味好飲 再配上可樂 賞心樂事唔怪得長期有人龍排隊 臨別葵涌 總算食到傳聞中好食米線

特登假日由九龍岀到黎轉車都要食呢間今次去到發現原來擴展左再入啲有另一間好新既鋪位但都枱枱有人d米線又唔貴難怪咁多人黎！小食 麻辣豬肚非常爽口 但太辣無辣度揀 但真心覺得好好吃一上枱就秒清雞翼腩肉小小辣米線雞翼有葉制過 都入味腩肉必食！不需多講啦個湯好多料 好好吃 好香雞絲腩肉豬腸小辣呢個係我例牌吃開der雞絲吸晒個湯濃郁嘅湯有d酸菜同肉碎真係好正吃過都翻尋味唯獨豬腸今次加發現新大陸！我下次會再揀呢個餸！爽口會再來的！

今次係第二次黎食佢, 都山長水遠又唔就腳嫁,但要食好野呢啲點會計較,所以咁隔涉都特登黎第二次。次次黎都人山人海,上次黎,得呢個舖位,今次黎,後面開多左個舖位,大好多,等位又快好多。叫既野食都係無變我就揀左呢個雞絲,豬軟骨大辣米線, 雞絲仍然撕得好碎,口感好好,份量夠, 豬軟骨夠林夠入味,但甜既。米線軟硬適中既,但碗野唔辣既, 仲要酸酸甜甜, 而我呢碗食左一半後, 無晒湯,好似醬咁, 唔ok。 朋友就叫左小辣都係雞絲,另外豬腸,呢碗一樣,問題都一樣係甜既一個小食,涼點黎既, 木耳,好食既,夠味埋單同食譚仔差不多今次食比上次差左好多,個調味出左問題, 好甜, 起初食落只係唔辣,食多兩淡就發現甜甜酸酸, 今次真係。。。要努力啦小店!

米線界嘅表表姐♥️.《#炸醬腩肉小鍋米線 $43》叫得米線界嘅表表姐當然有返咁上下貨仔啦！即管叫下佢嘅炸醬同腩肉嚟try try先(˶‾᷄ ⁻̫ ‾᷅˵)！份量如圖一樣咁多呀！！佢嘅炸醬同腩肉本身已經帶有小小辣，試水溫嘅我就無再額外加辣啦～湯底係好正宗嘅酸辣湯底，係我愛嘅味道！配菜同米線入晒湯底嘅味♪( ´θ｀)ノ太正了！ .《#豬軟骨紫菜小鍋米線 $42》豬軟骨唔會淋到好似娒左咁，但滷水味依然係好入味！😍紫菜索晒啲湯底好夾好好食呀(￣^￣)ゞ小二黎多碗！.肥妹仔評分： 8/10 (會返check嘅一間！下次試下雞絲先🤣）

每個人心目中都有第一，對於我來講全香港最好食嘅米線就係呢一間❤️❤️❤️。佢真係好山旮旯，喺石蔭，地鐵唔到嘅地方，但係好多時我都會專程入去食呢一碗米線，因為其他地方真係搵唔到呢種會上癮嘅米線。😋😋😋佢嘅酸辣湯底非常香濃，食耐咗條脷會有少少麻，會越食越上癮。😛😛😛佢有幾個推薦嘅配料，等我逐一講下：腩肉🥢必叫🤤🤤🤤肥瘦適中，本身帶有辣度醃到好入味，令成碗米線加分👍，講真冇咗佢會失色不少，所以一定要叫呀🤟🏻🤟🏻🤟🏻炸醬🥢炸過嘅肉粒增加口感，本身帶鹹，由於本身成碗米線略鹹，所以唔建議叫，除非你個人好重口味啦。雞絲🥢撕開到一條條索晒啲湯底，好正呀🤤黑木耳🥢爽身好食，增加口感，同碗米線好夾。螺旋藻🥢爽身好食，加上食完冇咁大罪惡感，相對健康咁。冬菇🥢煮到好淋好入味好正呀🤤注意⚠️呢間鋪頭一到午膳嘅時間就會好多人喺門口排隊。想避開人群最好就兩點後先入去，但一定要早過四點，因為過咗四點某啲配料就賣晒。⚠️要食一定要食佢既舊鋪位，新鋪位冇咁好食，大概得返一半美味程度。⚠️偏辣！要嗌比平時帶少一個辣度呀。味道指數：🌝🌝🌝🌝🌝上樓指數：🌝🌝🌝🌝回頭指數：🌝🌝🌝🌝🌝⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加

中秋節正日難得放假，同朋友入咗機場影相。出返嚟咁啱想食米線，經過葵青區一間小店都幾出名，喺附近拍好車之後，行落少少已經到。這間米線小店地方非常不就腳，不過為左食正嘢遠少少都要。網上面有寫小店傍晚五點就閂門，不過嗰日見到五點仲有做生意，不過食客多數都係外賣拎走為主，可能糖食嘅鋪面比較細，留低嘅人唔多。被譽為係葵青區最好食嘅米線，驚喜是雞絲，碎上得黎變左容量吸哂湯汁！可惜下午去到腩肉賣哂。最後叫咗雞絲腐皮小辣！米線都彈牙，湯底用上自家製的辣椒，初初飲落有d甜的感覺，然後愈食愈香，辣得刺激，小辣已經流哂汗。所以唔食得辣嘅朋友，真係要三思。第一次食建議可以叫小小辣，小事牛刀。🌶😅 下次要試埋腩肉同埋螺旋藻！另外炸醬都好似幾出名，都幾多人叫。

舊區的一間小店舖, 座位不多, 每次去到門口都企滿人, 需要等位, 早陣子擴充, 於後巷一個店舖加設座位, 將等位時間大大縮短, 但必需到齊人才可入座, 每次都選擇酸辣米線, 味濃, 師傅講求質素, 堅持每碗米線獨立烹調, 所以湯底好熱, 有時唔小心都會燙到咀, 配料選擇都唔少, 螺旋藻非常特別, 其他店很少有, 聽講很有益, 味道口感類似昆布, 其他較出名好味又多人食的還有腩肉及雞絲, 雞絲吸收湯後進食一流, 但要留意收舖時間比較早, 堂食至五點, 外賣至六點, 要食就早d去啦. 

先前已經聽過這間在石籬有名的米線小店，雖然離居住地點不遠，但懶於自己的惰性和較短營業時間而未。今次基於工作原因終於可以順道一訪。我在下午一時左右來到，店外約有十人在店外等候，其中有不少客人都是外賣自取的。由於是次自己來到，輪候不到 10 分鐘便可以入座。店內環境如一眾小型港式麵店般，衛生尚可，坐位偏狹窄但可以理解。先前看了網上不同的食評，主要推薦了小鍋米線配腩肉或雞絲。眼見米線份量普遍較為多，最後決定了只外加雞絲中小麻辣。 米線湯底惹味香濃，不會過鹹過膩，能嘗出是新鮮烹餚出來的。米線的韌度剛好，不會有一部分米線略軟或硬，米線份量亦不會以芽菜而偷工減料。雞絲口感的確如絲一般乾身幼嫩，一同湯底進食的話味道的層次更豐富。若是說要挑剔的地方，倒是自己本來不太喜歡有肥肉的肉碎，但味道還是不錯的。總括來說，這裡的米線真材實料，名符其實，暫時是在香港吃過最美味的米線之一，相信日後也會再度光顧，期望小店能經得起人流增加保持水準。

聽聞呢間係人氣米線頭3之選，我同朋友於是黎試下。螺旋藻唔係間間米線鋪有，於是叫左雞絲螺旋藻小鍋米線小辣。一食米線，好咸。配菜方面，雞絲好似肉鬆，份量都幾多，不過就冇咩味，而螺旋藻配米線食係幾夾。試埋湯底，真係勁失望，濃味得黎，得個咸字。呢間味道太濃味太咸都係唔岩我

之前已經俾好多人推介過嘅呢間米線，以我自己亦都試過，今次再食，水準依然無變因為鋪頭唔係好大，如果你揀食飯時間去，就要等好耐先至有位，所以我今次下午茶時間去，就唔使等位，我叫咗個小窩米線，加雞絲腩肉同埋炸醬，雞絲係必食嘅推介，一來唔係度度都有，二來佢真係整得好好食，腩肉就有小小辣，亦都係我心水之一，我見隔離枱點咗黑木耳，都好似好特別，而且好多，我下次都會試吓，今次我太肚餓太心急啦，竟然唔記得影相，下次補數

今日行開葵涌，順道過黎試下呢到出名既米線，晚上7點去唔洗等即刻有位！ 見d人通常都係叫雞絲同腩肉，但我就唔係咁好後者，最後揀左雞絲豬腸。辣度方面有好多選擇，由於比較辣，餐牌上提醒食客要比平時降低一度。平時食開三小辣既我，今晚就揀左小辣！ 等緊野食期間keep住有人買外賣，個個都似係熟客仔，我諗都唔會太差掛... 凍檸茶黎啦，好甜得微微茶香，檸檬得兩塊仲要係薄切，真係麻麻地... 嘩！好多雞絲，真係雞絲，好幼好幼，感覺上入口即溶。試下湯底先，酸酸辣辣好開胃又唔會太油，但小辣對我黎講都太辣...雞絲浸入d湯到會吸哂d湯底，食唔到雞味，好冇口感，完全冇咬口，唔係我杯茶... 豬腸得幾條，仲要條條都好幼，但都有可取之處既，佢真係洗得好乾淨。 對於中意咬野既我黎講就覺得好麻麻。

網上吹噓到咩什麼穩世十大米線，所以就黎試一試囉。但一試就中晒伏，言過其實。d米線得個死酸同咸， 完全冇鮮味，而且衛生非常惡劣，坐得又迫，店主待應仲要唔識廣東話。落單靠手指指譚仔麻辣味精湯都好食過佢一百倍，點解網上食評全部讚好，一條相反意見都冇。溫馨提示2018年2月，消費者委員會發表報告指經測試10種、合共100款亞洲常見湯粉麵，發現高達76款的鈉含量超出每日建議攝取上限。所以建議大家什麼東西都是少吃多滋味多吃壞肚皮

一直以嚟都聽過的唔少人講呢間餐廳嘅米線好好食。路過順便試一試好彩未到一點放飯時間人流唔算多見到舖位好細以為需要等店員指我哋去後邊嗰個舖位後面嗰個部位乾淨企理好多冷氣都勁好多。叫左酸辣腩肉米線， 酸辣雞絲螺旋藻米線， 清湯腩肉螺旋藻米線腩肉是辣辣地的，食第一啖冇諗住少辣係呢種辣所以濁一濁。酸辣可以揀大中小辣度，不過中辣已經好辣腩肉雖然辣，但係確實幾好味，唔肥，厚度剛剛好雞絲嚟講畀其他嘅米線店係比較乾身有啲似食緊肉鬆而且佢係放喺個湯上面，冇沾到湯，食落凍凍地。螺旋藻幾好食，平日較少地方有得食，吸左湯汁又爽口入味，同米線非常夾。飲品只有罐裝同紙包，冇茶記嘅什麼凍檸茶凍奶茶個種。食完嘅感想就係，其實未有大眾吹噓嘅咁好食，但不是難食味道令我驚訝的是，我在紅磡個邊食過一間米線店嘅味道同佢一模一樣，只係個間冇咩人流。食後感是，相信味精不少，中午食完，直到夜晚都仍然好口渴，不停飲水

雲南小鍋米線 -呢間米線被譽為葵涌最好味嘅米線 經常返屋企經過 都大排長龍-由我細個行呢條斜路返幼稚園時間鋪已經有 數落開左十幾年有多 住喺到咁耐 第一次捨得過嚟花時間排隊-味道係值得我排左快1粒鐘🙈米線湯底好濃好香 螺旋葉新鮮👍🏻 腩肉惹味🌶但食完真係口渴左好耐😂#吃貨之路