雲南小鍋米線

營業中

休息中

呢間米線 由中學食到而家見住佢而家開埋後面既舖位咁成功當然係因為佢真係好好食啲湯底不得了雞絲 腩肉 豬紅 係最受歡迎既不過記住佢地既辣比出面勁一黎就叫小辣既話已經辣到飛起

當日下午1:20左右到達大街門口無咩人以為好快可以入座但原來行入去再拾級而上幾步仲有一個鋪面，出面有成20人等緊😱非常繁忙等左15分鐘左右就入座入座前已經問定你食咩呢到個雞絲咁出名一定要試腩肉都好多人讚又試叫左小辣（聽覺小辣都算幾辣）叫埋小米再叫多個凍檸茶5分鐘就上檯非常大堆頭雞絲好有質地，唔係水水既雞柳腩肉分量好足（雞絲同腩肉各10蚊），又夠入味要讚個湯，好夠辣同有少少酸菜個炸醬係有咬口個種，唔係譚仔d肉醬米線腍滑清曬！呢杯凍檸茶都好飲wor值得encore😉

如果你問我食米線，未食呢間之前，一定會同你講食連鎖米線，但食完呢個之後，就唔會架啦👍👍👍因為一來夠大碗，二來湯夠濃，三來招牌雪花雞絲夠味，四來酸菜正👍👍👍食咗真係食唔返大型店🙊😂😂本來都唔識食，以為佢upup dupdup ，點知真係高手在民間，美食在凡間✌️✌️✌️✌️不過呢，要成功登頂入內用餐都唔易，實在太多人來朝聖啦😭😭😭豬印推介：👍👍👍👍👍👍👍（滿分係10👍）

雲南小鍋米線, 成日見到網上評選佢都屬於香港十大最好味米線之一, 唔睇真係唔知呢間店望落去都好有歷史, 咪睇佢門面咁舊, 其實呢度既米線個人覺得真係實至名歸不論平日定假日, 門口都一定人山人海, 有D人仲要係專程搭車過黎食但係而家開左新舖就好左好多, 疏散左D人群, 同埋營業時間延長到8點至8點半左右記得以前收工返到黎未夠7點佢都已經落左半閘門口玻璃貼住左餐牌, 如果買外賣就要通知店員, 落單後比完錢店員會比個號碼牌你等叫號碼攞外賣, 新店開左之後, 小食既種類都多左我只會叫小小辣, 因為佢既小辣真係辣到食唔到呀 (Ref: 平時如果食譚仔我食小辣)湯底會有肉碎 (會有小小辣), 芽菜, 酸菜同埋韭菜而我個人就好鍾意叫螺旋藻同埋腩肉因為佢個湯底浸住螺旋藻好入味, 而腩肉本身自己都調過味, 又唔會太肥食既時候都要小心呀, 因為湯底會好熱, 我買完返屋企都仲出哂煙辣口既而米線返到屋企都唔會變到淋哂, 廚師煮既時候應該冇煮到太淋, 值得讚賞丫 (行返屋企大概7-8分鐘)

住葵涌附近有間食正宗辣粉店，差不多隔個星期都會買外賣返屋企食，全因為個湯底好正宗好夠辣，同埋螺旋藻真心超好味，同個湯底好夾，辣得黎好過癮通常都會叫中辣螺旋藻薯粉，試過喱間既大辣啦，真係辣到幾難入口，愈食愈辣，所以平時食開大辣既我都只能屈服食中辣薯粉煮得好淋身好入味，用既係酸辣粉既薯粉；螺旋藻好滑嘟嘟又吸哂d湯汁，超好味之前試過叫腩肉，喱間腩肉有腌製過好有味道，唔同出面一般的腩肉，好食好多呢仲試過蘿白，蘿白好硬身唔入味唔建議食啦，豬紅一般般，唔係滑口的，似煮咗好耐唔多新鮮總結：好有水準的辣粉店，正宗湯底夠麻辣，腩肉同螺旋藻100分值得推薦，價錢就偏貴少少，但分量好大碗好飽肚

呢間米線榮登我的最愛，價錢雖然偏貴，但是喺十分正宗的雲南風味 <3 湯底超級正，酸辣適中！個雞絲特別要點名讚一讚，撕到魚絲咁幼細，吸埋啲湯汁一齊食，非常惹味

之前朋友食過介紹話吾錯份量大碗而且味道唔錯，難得今日放假就決定坐小巴過去食，去到大約二時等了一陣就有位，原來這店有二間舖頭，整體覺得坐得都舒服而待應都好快手問食咩，我地今次選擇了二碗米線再加一個小食，整體來講份量的確大碗而且餸多到有點嚇親。這裡的雞絲每人都差不多都會叫當然冇錯過啦，味道的確吾錯而且夠幼身，腩肉入味吾太硬身，木耳和腐竹都好味，米妙偏淋身一般，辣度叫咗小辣都已經十分辣有驚喜，小食酸齋反而有失望，味道偏淡而且口感十分硬身，吾好食，食咗一半已經沒有吃了。

🚩石蔭🍜雲南小鍋米線-中學一直喺附近讀書, 都聽過好多人介紹, 話佢係隱世小店, 全港十大好食嘅米線之一, 然後畢咗業咁耐, 終於去左試🤪真係小店, 坐位唔多, 下午一點幾去, 唔使等位就食得-🍜腩肉雞絲米線小辣大大碗, 份量剛好, 小辣唔算辣, 湯底清而有味, 不過爭咁份「酸」叫咗兩個必叫嘅配料雞絲好特別! 撕得超碎超幼, 令佢浸係湯底索晒味, 腩肉嫩, 唔會煮得過老, 本身帶辣味, 都醃得幾好-整體係幾好食, 會想再食, 但又唔覺得係全港第一or top既米線店🙈心目中最好食既都係雲川燒！！-🚩舔舔脷：7.5/10🚩價錢💰：8/10🚩回頭度：7.5/10-

每次去親葵涌都會食呢一間全香港最好食嘅米線，因為真係好好好好好好味。每次去親都基本上一定排隊，今日竟然唔使排隊，因為樓上開咗間分店，終於都唔使排咁耐啦。入面嘅舖位係比較殘舊，張圓枱係需要搭枱坐，而且人同人之間冇乜空間，但為咗一碗米線大家都冇乜所謂。佢有好幾款餸都係招牌，有腩肉、雞絲、螺旋藻、黑木耳、冬菇、炸醬。腩肉雞絲螺旋藻小鍋米線（小小辣） 腩肉肥瘦適中，醃得入味帶少少麻辣，食落香口。雞絲幼細，將啲雞絲浸落湯底，雞絲變得濕潤，將啲湯汁原味咁索入去，十分惹味。螺旋藻增加整個米線嘅口感，變得有咬口，本身不帶味道，但浸落湯底變得非常好食。湯底係十分正宗嘅雲南酸辣味道，佢比起其他坊間嘅米線多咗一份麻辣，食到一半嗰陣開始覺得個口有啲麻，越食越起勁，鍾意食辣嘅必食。呢一間酸辣米線自從開咗上面嘅分店，好多人都覺得變得冇咁好食，呢一點我都認同，總係覺得有啲味道唔同咗，個湯變得冇咁入味。但係相比喺其他米線，依然都仲係幾好食嘅。

呢間米線朋友成日話我知係最好食既米線朋友住左呢頭幾廿年我都好信佢！我成日都想食但係舖頭收得比較早haha我終於有一日係可以係閂門前去到呢度食晚餐本身想叫炸醬腩肉的但腩肉賣哂😭😭😭😭😭咁我就叫我聽到隔離好多人都有叫既雞肉啦～一黎到個份量我係嚇親既再夾埋落去都仲係驚親既每個配料只係幾蚊雞但多到咁既地步炸醬同雞肉除左你眼見舖滿個碗面之外佢仲要係有厚度架好癲呀炸醬係辣既 加埋個辣湯底我有d到頂haha下次學精d如果叫炸醬就將個湯底叫低一兩個辣度咁就應該岩岩好喇而雞肉我都無諗過係咁既形式架佢好細碎望落好似乾爭爭咁但食耐左會吸到好多湯好juicy一啲都唔乾架又幾得意喎希望下次我可以食到腩肉啦咁快賣哂一定好好味架喇嗚嗚😩

呢間米線鋪地方唔算大，但長期有人排隊。所以我都會避開人潮，11點-12點去就唔洗等位必食小鍋米線湯底濃郁，食得出係用酸菜調味而唔係加白醋。嗜辣既我次次都會叫中大/大辣，一路食一路飲汽水真係超正！配料份量好足推薦配菜係螺旋藻有益之餘浸落湯到再食都好爽口

要係葵涌區揀龍頭米線的話呢間米線相信大家都唔陌生。呢間米線我都食過不下10次，但對甘一次黎已經係店舖擴充之前。如今店舖大左，等候時間當然短左啦。一如而往，雞絲腩肉米線。湯底酸辣適中，米線爽口，正!!

今日遲左起身冇食早餐，於是就同屋企人求求其其搵間lum住食個lunch算，咁arm行過呢間問一問有冇位，結果閣樓個度有檯，於是就入左去食啦！每次搭車經過呢間米線舖都見到好多人係度等緊，所以都冇試過真係入去食，今日終於可以睇下係咪真係好食到次次都咁多人排隊！佢個menu係得一頁紙咁大把，如果要叫唔辣佢就會冇肉碎因為d肉碎係辣既。不過我完全唔食得辣都食到最普通個種辣。佢一碗入面自帶酸菜韭菜芽菜同埋肉碎，同d連鎖店一樣唔要d咩都可以走既。價錢就雖然冇連鎖店咁平但係真係好食！個湯就酸酸辣辣咁不過酸既成份我覺得佔得多d！我屋企人叫左薯粉，我都試左少少，我覺得薯粉其實好食好多😂佢d薯粉係粗身既，好有咬口真係幾好食！四個人叫埋野飲大概一百八十蚊埋單都算唔錯啦！

食米線一定要叫腩肉！😋腩肉整得好入味，辣度都適中，麻辣得黎又唔會令你品嚐到佢嘅滋味。(不過最近食覺得個湯底可以再好d) 而家舖頭多左個舖位，排隊唔使排咁耐，加上以前淨係做晏晝，依家去到夜晚八點都有得食，得閒就去下啦！

幾年前朋友介紹去食後，每星期都至少去食一次，每次都叫2碗外賣同屋企人食，味道真心覺得不錯，但自從擴張左後換左人寫單後，成日等嗌外賣都無人出黎，明明排係最頭嗌，都視而不見唔幫我寫單，一次都算，今次都係咁好谷氣，以後我都唔會再去食啦，廢事又唔寫單又浪費車錢同時間，可能要求個店員出黎先肯寫單。人流都無以前咁多人都可以搞到甘，好食甘又點呀？店內客人又唔係坐爆晒又開始食野，個店員就係廚房唔知做緊乜都唔出黎做野。如果繼續係以前個女店員做樓面，我可能會再去食，但由現家開始成肚氣都唔想再去幫襯啦!