雲南小鍋米線

營業中

休息中

呢間米線喺石蔭都算係老字號，以前食過覺得好好味，湯底好鮮甜而且雜誌都有講過佢全港最好味嘅米線，以前成日食都會排長龍，今日去到唔使排隊，可能因為佢哋擴充左鋪面，今日點咗個豬紅水餃小窩米線，但個湯底好酸好而且冇乜鮮味，有點失望，而嗰啲豬紅係凍嘅，又係冇乜味，啲水餃稍為好一點，仍能保持水準！希望呢間米缐可以做返以前嘅水準啦！

依陣子都岀左啲全港米線排名，發掘到好多隱藏係鬧市中的好食米線。🤩依間雲南小鍋米線都榜上有名，而小編就係住係依區。依間米線真係由我中學食到依家，即使岀了名，多了人流，味道依然。☺️☺️今日中午12點黎到，門口已經堆滿曬人。😲所以小編決定叫外賣，拎翻屋企慢慢嘆。😆有幾個餸係必食推介！1. 腩肉 😋腩肉腌得好入味，得少少肥肉。但味道偏辣，叫腩肉個湯底要減辣道。2. 螺旋藻 😋落手認真大方，半碗面都係螺旋藻。味道有啲似海帶，但比較爽口，重重地口味都可以有啲蔬菜食下。👍3. 腐竹😋大大塊既腐竹，非油炸，豆味新鮮。

.📍雲南小鍋米線 (石蔭)呢間係🐷屋企樓下嘅人氣米綫，之前多人到傻，啲人專發入黎食😂所以早排多人到呢，特別係星期六日，所以我都好耐冇食過喇，不過早排佢租多間鋪好似即刻唔洗排隊咁濟，不過好似質素比以前差左絕對值得黎試嘅，如果鐘意食辣或者米綫更加唔可以錯過，雖然價錢係比其他嘅貴，但話曬都係全港第一米線都值得嘅—————————————————————❣️雞絲+木耳+螺旋藻+薯粉(外賣$53）平時就食米線既，不過嗰日突然好想食薯粉，點知發現下次都係嗌番米線，match好多😂但呢個配搭真係不能轉，啲雞絲真係好味到呢，睇樣都知好食啦係咪🤤不過今次冇嗌辣！下次要食翻bb辣雞絲真係手撕，吸曬啲湯汁真係好正🥰螺旋藻增加左整體口感—————————————————————不專業評分👅好味指數:4.5/5💰性價比:4/5👍🏻推薦:5/5—————————————————————🏡地址:雲南小鍋米線 (葵涌)葵涌梨木道112號葵寶大廈地下5號舖—————————————————————#chuchu食在葵涌#chuchu食港式#chuchu食米線#香港美食 #hkfood #852food #相機食先 #香港

呢度係我住果頭食過最好味嘅米線，擴咗鋪之後唔使排咁耐隊，去食嘅意欲都大左😋今日叫左腩肉金菇小鍋米線$45☺️小鍋米線$26 湯底加左肉碎、芽菜、韭菜同埋酸菜，酸酸辣辣，夠濃郁，好惹味！米線都好彈牙同滑嘟嘟😛配料我一向揀開:腩肉$10，係佢嘅招牌，少少辣，肥瘦適中，食落唔會鞋，幾嫩嘅😛整得好入味，好想問下點樣整😋不過份量好似少左，唔夠喉😭金菇菜 $9， 應該都有半包金菇，索晒啲湯汁，食落好juicy又有嚼勁，my favourite 🥰

被稱為香港第一米線，係我成日午餐嘅選擇。而家米線價格都係30至$50。呢間米線出名多人排隊依家開咗分店終於唔使成日排隊今日趁放假一於再去食米線佢必食嘅餸包括腩肉雞絲同埋我最愛嘅冬菇佢仲有推薦嘅係炸醬不過我覺得炸醬偏鹹亦都唔少人鍾意食佢嘅豬大腸佢嘅米線相比出面既辣平時食少辣嘅朋友可以先選擇小小辣。老實講佢米線唔係彈牙。佢出色嘅地方係佢濃郁嘅香味湯底但每次食完都會有口渴嘅感覺😆可見佢係落咗味精嘅🤦🏻‍♀️不過出邊食嘢一定有味精㗎啦🤐所以佢仍然係我既午餐之選❤️

我由係葵涌做野都大大話話有22年了，在石蔭叫打滾了22年，所以呢間係仲做得越來越大，仲企得住脚真係有一定的實力。我見証住佢由1間蚊舖，鄺大到後面開多間舖。主力煮麵架有2個人。1個是煮麵煮得最耐架胡鬚佬應該係老闆，1個比較年青的高大男仕煮係門口係大街個間店煮。昨天跟同仕食午餐，因為每次都食唔曬d米線，所以3個女仔都叫了小麵，佢架米線份量比較多。上星期食過d米線都很彈牙的，不知道是否轉了牌子米線，今星期d米線比較淋。我坐後行個間舖，可以望入厨房望住佢煮麵。見佢真係一個個小窩咁煮d米線，所以都幾幸苦下。佢係家庭式作業，所以都幾唔錯！要支持小店，多一分忍耐。唔係就全部都係連所店架拉。雞絲最花功夫，我叫餸一定會叫d自己都小整，同埋要花功夫架餸菜，先值得。真係唔會好似同仕咁叫腐皮，丸，木耳，豆卜咁呢d行野。識食緊係食腩肉，雞絲，豬大腸，蚊冬菇，豬軟骨，呢d架功夫餸拉。雞絲：份量多，全手撕的，一定唔會係機碎得來1絲絲感，雞絲吸曬d湯汁，勁好味，建議如果唔太食得辣，就叫腩肉後唔要辣，因腩肉本身就辣，就算唔要辣都幾辣下。豬大腸：都洗得幾乾淨，只係切得太薄。蚊冬菇：好大隻入味同淋，正。豬軟骨：都幾好味，份

朋友落力推薦，講到天上有地下無咁好食，我可以話比大家聽我從來無食過咁難食既米線。最重要既食物：0分，米線出奇地淋，一食落口已經溶溶爛爛，另一位同我試既朋友食薯粉都係同一情況，好似啫喱咁，大家表示都唔知食緊既係米線定糊仔。我果碗叫左4個餸，第一個韭菜，十分多渣，咬極唔爛，無乜韭菜味。第二個餸蘿白：糖水浸得太耐，糖落得太多，搞到蘿白表面變左蒟蒻咁既樣，，食左一舊，見到其餘兩舊都有呢個情況，已經唔敢再食。第三個餸榨菜：一食落口凍冰冰，個女工仲自爆係一包包榨菜倒出黎，令本來好有期望既我一瞬間失望，原來都係買現成一包，無自製成份。第四個腩肉：好淡味，無任何特別，太細塊無口感，唔明間舖點解會推薦。如果真係要比較，相信食過荃灣四坡坊果間既各位應該會覺得石蔭呢間係無誠意之作。湯底：食雲南米線居然會有離奇既薑味，湯底口味唔咸唔甜唔酸，唔知食緊乜，再加埋死辣，愈食愈覺得自己係唔係去錯左舖頭？定係大家既口味都咁獨特呢？價錢方面：價錢的確係偏貴，連韭菜，紫菜，冬菇等都要9蚊一份，以食物質素同地區黎計可以話係全港最貴之一（好食都算，仲要係難食）。服務：小店，唔需要有啲咩服務掛衛生：地下好多污水積我只能夠講，可能

呢間米線大大話話我都食左10年由中一食到大學 可以話見證左佢味道嘅轉變呢間嘅小鍋米線每一鍋都係獨立咁煮 而湯底每一朝早炮製而成 所以味道係超好食 所以佢好快就會賣晒呢度必試係雞絲 腩肉雞絲係人手撕 同出面譚白色嘅雞絲係完全唔同 撈埋佢啲湯簡直係一流 腩肉半肥半瘦 味道係啱啱好 而米線嘅肉碎係有少少辣 好吊味 如果唔食得辣嘅人就可以叫唔辣 但都千祈唔好走肉碎 因為有少少辣 呢碗米線先好食米線係呀好多芽菜 米線份量就唔算話好多 識嘅人可以加底但米線係幾年前其實係好食過依㗎因為個師傅已經退咗休 依家傅左比後人所以未到已經去返之前咁好食 仲有堂嘅位置係好細 中午去食一定要派番半個鐘左右 三點至五點就唔需要排太耐 但腩肉可能會無曬

早陣子某熱門生活網站列出「全港十大好吃 」，而在列首位、被譽為  竟然是餓底中學時期偶爾光顧的小店😱.感到出奇是因爲小店位置偏遠，而且店面小到只能勉強擠下十多人，想不到還是被發現了，果然是 .當中最值得推介的不得不提 ，由人手把雞肉撕成絲，讓每條幼細的雞絲浸泡在濃郁的湯底，吸收了湯底的味道再送以米線入口，咬到雞絲時溢出湯汁，每口米線也是足味可口！.如果愛吃辣的也要挑戰一下，餓底認為這裡的辣度比  還要辣（用彼此的小辣程度作比較），餓底最多只吃到中辣，大辣就根本放不下口🙈不知又有多少個嗜辣勇士能成功挑戰？.價錢： HKD 31味道：8/10

覓 覓 \_凸_/餐廳定位： 白領，遊客， 學生，街坊賣點：有心意，認真做好一碗米線價錢：在米線界偏高食用方式：外賣，堂食Wifi：使用商場內wifi，無需密碼上菜速度：快奉送：茶水，餐具，調味料，小食:裝修：舊茶餐廳燈光：柔和噪音：一般，可以接受溫度：適中服務質素：服務員不足，勞累，貼心。點菜:菜式：米線和湯底很用心，好味，只是芽菜太多過敏原：蔥，芽菜，酸菜，洋蔥，海鮮備註：有沒有人可以告訴我，點樣唔使同兩對情侶同桌吃飯òᆺó優惠：無謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

好耐之前都已經知道葵涌有間米線好好食，但我一直都無機會去個頭附近。今次終於有機會去食呢間，真係十分之期待😝😝我同男友係佢11點開店前已經去到，個時10點搭十左右就開始有3/4個人排隊！包括一位抱住bb黎嘅爸爸！原來好多都係外賣自取，包括我！我叫左小窩米線微辣加菜肉雲吞。雲吞滿滿白菜！最好食嘅係碗麵嘅靈魂！湯底同米線！湯底個隻酸甜好對到我嘅口味，真心係我食過嘅湯底內面最好食。而米線唔會太淋，有一定嘅咬口，而且湯汁會依附係米線。超好食

雲南式小鍋米線，每碗米線逐碗煮，一個小鐵鑊加湯底，放配菜米線再調味，夠晒熱辣辣。 呢度坐得唔算舒服，地方比較細，坐得有啲逼，不過都係個句，要食好野就要忍耐下，好食就得！雞絲腩肉小鍋米線 $44，湯底有豬骨香甜，先酸後辣！米線軟熟滑溜，聽講呢度啲雞胸肉煮熟人手撕碎，幼細度好似雪花。腩肉切得好薄，惹味，肥瘦適中。這裏唔做晚市，5點半後只可外賣，6點就收鋪，好強都會賣曬，想食除了要耐心等，仲要早啲黎排孩等食呀！

呢間米線店經常大排長龍，今日5點幾經過見冇咩人便試試。店內位置不多，沒記錯的話好似只有5、6張台。 一入店內已聞到濃濃的小鍋米線味，我叫了小鍋米線微辣加大腸同腩肉。 第一啖呷了一口湯試試，酸同辣的比例配合得剛剛好，而且湯底用料好足，除了我叫既大腸同腩肉外，芽菜、酸菜、韭菜及肉碎分量也不少，難怪湯底味道如此濃郁。之後再試大腸，很好食，肉質不硬，而且吸了很多湯底的味道，好入味好好食。腩肉就肥瘦適中，本身帶有少少辣味，配上微辣都湯，真是讓人回味。總括來講，呢求既小鍋米線十分出色，米線最重要是湯底，而這裡的湯底煲得一流，配料亦好味，以呢個價錢黎講真係抵食。難怪呢間小店可以甘多年來都甘受歡迎， 支持！！小鍋米線微辣加腩肉大腸 （$45）

呢間米線 由中學食到而家見住佢而家開埋後面既舖位咁成功當然係因為佢真係好好食啲湯底不得了雞絲 腩肉 豬紅 係最受歡迎既不過記住佢地既辣比出面勁一黎就叫小辣既話已經辣到飛起

當日下午1:20左右到達大街門口無咩人以為好快可以入座但原來行入去再拾級而上幾步仲有一個鋪面，出面有成20人等緊😱非常繁忙等左15分鐘左右就入座入座前已經問定你食咩呢到個雞絲咁出名一定要試腩肉都好多人讚又試叫左小辣（聽覺小辣都算幾辣）叫埋小米再叫多個凍檸茶5分鐘就上檯非常大堆頭雞絲好有質地，唔係水水既雞柳腩肉分量好足（雞絲同腩肉各10蚊），又夠入味要讚個湯，好夠辣同有少少酸菜個炸醬係有咬口個種，唔係譚仔d肉醬米線腍滑清曬！呢杯凍檸茶都好飲wor值得encore😉