雲南小鍋米線

營業中

休息中

米線達人Jan 又出動了😤有冇人都好鐘意食米線㗎😍係關注組成日都見到有人推介今次去左位於石蔭既雲南小鍋米線到試下😋✅雲南小鍋米線(葵涌)佢正確既地理位置係近石蔭 對我呢啲住係大西北既人 真係冇乜機會會去到咁啱有野要去附近整 就係荃灣搭巴士去試下啦2點幾去到門口好多人 以為大家係排隊 點知係等外賣 排隊其實係佢後舖既位 行到入去目測都有20人等緊😂真係同老闆娘一樣誇張不過等左15分鐘到就有位 都算係咁啦~🔆皇牌米線 $56係group見到雞絲同腩肉係必食見到有呢個set 唔係唔叫啊~呢個set係有雞絲，腩肉同螺旋藻感覺螺旋藻就好似海帶，紫菜咁佢呢到既湯底只有一款 冇得揀要酸辣定麻辣只可以揀辣度男朋友叫左少少辣但！！！佢既辣度係遠超少少辣😂覺得佢有小辣以上但的確個湯係幾香幾好飲既~米線唔會太腍 呢樣都要加分！味道: 4/5賣相: 3/5🔆雞絲豬腸小鍋米線 $51至於我就麻麻地腩肉 所以就揀左豬腸試下佢呢到既豬腸係切左幼絲相對上會食得比較方便 唔會咬唔斷雞絲又真係幾好食 如果唔係睇左推介 我諗我唔會揀😂我平時食開米線通常都叫小辣所以我都叫小辣啦但由於呢到既辣度係偏辣 所以呢個小辣等於平時食中

食物係比較好食，佢逐碗逐碗煮但自從佢有左外賣app後，無論食物定服務態度都比以前差左，可能唔憂做啦我打電話去落單，個阿姐語氣好差，我講完佢完全無反應，我都唔知佢聽唔聽到，問多兩句就話「聽到啦」。我買成5碗，我話要分湯，佢唔肯分我都算，問佢要等幾耐仲好笑，話今日好多單都要等，呢樣我明，所以我都只係問時間，我再預時間去拎，我前後問4次，佢先話30分鐘啦，咁okay啦。但最後，我由落單到拎到外賣，前後50分鐘，原因係佢接左外賣app嘅單，唔遲得，於是我地呢d自己打電話落單嘅就要延後。總結：趕時間真係唔好去食

今日終於叫到同事由大埔專登入黎石蔭食呢間我介紹已久既雲南小鍋米線，一直以黎我都係佢地既fans。今次我地分別叫左個皇牌米線、大腸炸醬小鍋米線小小辣，一直唔係好食得辣既我都勉強食到佢地既小小辣，講返個湯底先，好足料，肉碎、芽菜、酸菜同韮菜分量十足，成個湯底味道濃厚，正！皇牌米線包左腩肉、雞絲同螺旋藻，腩肉甜甜辣辣好惹味，雞絲好幼吸埋湯底一齊食好入味同嫩滑，螺旋藻十分爽口！另外再試下朋友叫既大腸，又淋又入味，炸醬肉碎都好香、辣辣地，分量亦不少，好好味，推介！

最近好多xxx關注組，今次朋友係米線關注組見到呢間鋪頭話正，於是去試食下。今次點左小窩米線肉碎辣加蘿蔔豬大腸，個米線非常香，辣度適中，米線彈牙蘿蔔無渣。另外叫左麻辣豬耳豬肚，呢個都幾辣。

呢間又係一間人氣名物---小鍋米線人手逐碗煮，酸辣湯底濃郁，湯底本身有微辣炸醬,已經好野味!!小店最馳名係腩肉、雞絲及炸醬。腩肉塊塊都是手工切，雞絲亦不是平日的切條雞絲，全人手撕開的雞絲，吃下去口感綿密，吸入湯汁後更好味。呢3樣都係必食之選,真係好正以前要等好耐,宜家係後面開埋分店,多左好多張台,等位時間少左好多不過有時覺得味道好似冇以前咁正當然同譚X相比就係完勝去開石蔭 可以試試

呢間米線我已經幫襯咗好多年啦，由老闆娘親自煮，到依家開新舖佢出黎做樓面，雖然我都覺得無以前咁好食，而且食物質素都唔係咁穩定，辣度都唔係好穩定（我次次都係叫小小辣，但有時候完全唔辣，有時候辣到鼻涕眼淚一齊流>.<好難捉摸呀大佬）。不過！相比起坊間既酸辣米線，呢間野都仲係優勝好多。大家睇下！！！！啲雞絲幾多（雖然以前仲多，係舖滿個米線咁濟。）呢個價錢，絕對抵食我本身最鍾意食既送係冬菇，因為好大粒，同埋煮到好淋，一咬落去勁juice。不過就唔係成日keep到呢個質素，有時候啲冬菇又細粒又硬，今次食既就係有小小硬同細粒，所以小小失望。佢個湯係偏甜同鹹，有啲人可能會覺得太重口，不過我就好鍾意不過都係果句，以前好食啲。>.<

係附近工作了1X年，由唔鹹唔淡廣東話嘅鬧人阿姐，到老闆娘唔煮麵出黎做侍應個位都一直好支持同好鐘意食哩間米線，個個星期都至少食2次，可以話係忠粉，其他食過都係覺得比不上。初轉手時都有一試 😭bu...差啲喊左出黎，乜嗱野味黎，煮衰晒成個米線，又酸又咸米線又生連最愛腩肉都.... 真係想問一句搞咩呀。明明仲見過個班後生仔有跟老闆學過一排，點解正式接手後可以煮到咁天淵之別。剛開始時諗住後生仔唔熟手啫，可能之後會改善，有進步空間。個年斷斷續續都去食過幾次都失望到核爆，加上lunch時間真係多人排隊，所以無再去食了。相隔幾年了，昨天路經又過左lunch時間可即入座就再試一下，可以講唔係繁忙時間，煮得都有5成似以前個味道，米線叫有進步，唔會太生或太淋，不過還是咸左啲，唔知係咪味精落太多🤷‍♀️值得一讚個腩肉好似keep返個水準，如果價錢都可keep返舊價會更好。希望將來真係可以食得返懷念嘅味道！

往往最好食嘅野,都係隱藏於你估唔到嘅地方,特別係啲地區小店😯.小編係學生時代已經聽住係個頭嘅同學仔話有間米線可謂全港第一也不為過,結果如今事隔咁多年後經過個區先專登一試🙊.位於葵涌石蔭區,要係葵芳或者荃灣再轉車上黎,但有不少人就係為左食一碗雲南小鍋米線,又或者呢度啲人都會叫佢做石蔭米線. 呢度米線湯底只有一款 - 酸辣湯底,確實係我暫時食過最好味嘅湯底,香濃嘅茄紅色湯底,伴著少少辣嘅味道,忍唔住一飲再飲,至於米線配料,最出名嘅就係呢個 - [❄️雪花雞絲],可謂係香港其他地方搵唔到,雞絲弄到非常幼細,雪白,在滲入湯底後頓時變橙紅色,入口即融,吸受哂湯底嘅精華,至於肥瘦均勻,伴隨微辣嘅口味👍🏻亦相當讚,有時米線叫豬血最驚食到啲腥味,呢間完全唔會,而且口感煮到剛剛好唔會太腍,講左咁耐米線本身又如何呢?正正常常喇🤣總括嚟講佢嘅湯底同配料比米線本身更出色,成就了一個街坊傳奇👍🏻.至於價錢方面叫左三個餸加杯豆漿埋單都要$60蚊,價錢唔係好街坊,皆因被多方雜誌媒體報導過🙊...但仍然非常受歡迎,一路食緊嘅時候一路黎攞外賣嘅客人絡繹不絕...如果會經過石蔭/葵涌呢頭,不妨黎探下呢間米線小店👍🏻

中學時期同學就已經推介嘅一間小鍋米線，食過一次後上癮經常放學後同同學都會一齊嚟食。到大家踏出社會後，因為忙碌少咗嚟食。今日咁岩經過附近，叫返我例牌必點的腩肉螺旋藻小辣米線。味道依然好正湯底好濃配料好足！腩肉肥瘦剛剛好而且食落夠軟淋。

位於石蔭呢一間小店雖然有啲偏僻，不過星期六日門口仍然有好多人等外賣。以前舖頭好細間，不過之後擴大左等嘅時間都少左。雖然對比好多米線呢一間都叫做有啲貴，不過真係幾好食。腩肉雞絲都係店家嘅推介，腩肉入口一啲都唔乾，而且好入味，雪花雞絲浸喺湯度都好入味，好好食，另外仲見到好多人叫螺旋藻，應該都係一個幾受歡迎嘅菜。係湯底方面，酸同辣都好足夠，不過呢一間米線只有酸辣湯底，冇麻辣或者係其他湯底。如果唔鍾意食酸嘅話呢一間舖頭未必適合你。唔食得辣嘅話最好淨係叫少少辣，聽聞老闆娘好重手😂舖頭嘅環境就有啲窄同埋熱，如果唔多人有得揀位嘅時候店員通常都會叫你去新裝修嗰間，就喺隔離，環境相對就舒服啲。一碗米線叫兩個餸大約46，不過真係幾好食嘅，值得一試！

雲南小鍋米線✨如果問我，我最喜愛的港式美食頭5名，米線一定榜上有名💖一份價格相宜，自主度極高嘅平民美味😋呢間小店裝修陳舊、座位擠逼，但呢份就喺伴我成長嘅美味✨😋食咗乜：小鍋米線+雞絲+螺旋藻HKD$28+10+9米線質感彈牙✨湯底方面，我最鍾意小辣多酸💖好似雪花嘅雞絲，完全吸收香濃嘅湯底+爽口嘅螺旋藻⬆️⬆️口感層次豐富黎呢度真係必試雞絲👍🏽👍🏽👍🏽早好多年，仲未興食螺旋藻嘅時候，小店已經開始提供呢款配料🤓記得個陣仲會貼埋張簡介出嚟，介紹螺旋藻嘅功效。今次返去，簡介已經除下，但呢份美味依然不變🥰‼️TIPS‼️🚌點搭車：🚌巴士：乘搭途經北葵涌街市嘅巴士線，沿童子街向下行一個街口，向左轉入梨木道向前行少少就到嫁啦🚐小巴：乘搭途經北葵涌街市嘅小巴線就可以㗎啦，沿住上邊巴士路線教學咁行就搵到嫁啦🚇港鐵：喺葵芳站巴士總站乘搭235M線喺北葵涌街市落，沿住上邊巴士路線教學咁行就搵到嫁啦💡遠道而來嘅朋友，記得留意小店嘅營業時間

問問自己：你即將離開香港，在香港的最後一餐，可見將來未有歸期。你會選擇在那兒吃呢？我曾有一段回憶。依稀記得廿年前，中學高考後，同窗好友考獲獎學金前往美國著名學府升學深造。離開前，同學們最後一個聚餐，大家知道這或許是我們人生中最後一次與主角見面。他選擇了最後一餐在「雲南小鍋米線」，說這兒是正正代表香港的地道的美食。流動異鄉為異客，最令人惦記、最令人懷念的香港味道。我們購買了一艘帆船模型作為道別禮，祝他學海無涯，孤帆遠影碧波盡，此離綿綿無絕期。當年道別場景，今日仍歷歷在目。十年人事幾番新，廿年前還是老媽掌舖。她說話響亮，矮小粗壯，總是老樣子穿著花紋裇衫，對學生關懷有加。午膳時間要不掛起電話不接外賣，要不對著電話咆哮「做學生先呀！你叫一碗自己落嚟囉啦!」。門外長長人龍，招牌上方排氣管噴出陣陣酸酸辣辣獨特香味，轉角街口也可嗅到，惹人口水長流。那時只得細舖經營，廚房瑟縮大門一角，兩個爐頭不停猛火烹調米線。店內人頭擠擁，肩膊相貼而座。為了美食，大家混亂得來有種微妙秩序。今日老媽退下來了，由下一輩應是女兒經營。頗懂思考，明暸自己樽頸位錯於出產量過低。是故，承租樓上店舖擴充經營範圍，將廚房樓面一併擴大

住九龍區，平日當然不會特地到葵涌工廠區吃飯。今天放假去找男朋友吃個午餐，他說這間米線鋪出名好吃，一於試試。一進去，只有四五張枱，原來穿過鋪內的門，入面還另一間空間較大的鋪位。午餐時段人數都比較多，被安排坐左門口位置，幸好冷氣夠大。我點了豬軟骨和冬菇，各三大舊。豬軟骨軟腍味道不錯，冬菇十分入味。另外亦試了兩塊男朋友點的腩肉，帶微辣，挺好吃的。而我最喜歡的是湯底，惹味出色，而且酸辣度剛好，很合我口味。米線正常水準，不會煮得過淋，其他配菜方面亦不過不失。一邊吃一邊留意到原來有很多客人都會點雞絲，看來下次再吃我也要試試雞絲啦！

早幾年酸辣米線大行其道，所以呢間屋村米線都比人大捧到上天，好多人都山長水遠入黎食，成日都見排隊人龍，住附近既我就咁多年只食過一次，因為我懶唔想排。最近又挑起左條癮，決定去食。果日係假日一點半去到完全唔使排，仲坐得鬆動。屋村店黎講佢果價唔平，但份量足味道真係唔錯。我叫左小鍋米線（小小辣）加雞肉絲同螺旋藻，共需47蚊😛黎到果陣見到堆雞肉絲真係好治癒，因為成堆白雪雪好靚，整到咁碎好處係好吸湯，撈埋米線一齊食好正，但又少少敗筆記就係雞肉雪味好明顯。螺旋藻好爽，本身無味，吸左湯後就岩岩好。米線配料勁多，好多肉碎同芽菜韭菜果d，我就至愛食😛湯頭亦唔錯，酸辣味道同時出眾，食完唔會超口渴，可以接受。食完今次後，而家無之前咁多人，我一定會再encore!

今日雖然天氣都有d 熱，但今日lunch 好肚餓，就好想揾d 大大碗既野食，記得有朋友推介過呢間隱世米線店，就特登同同事一齊走過黎呢度食，佢有好多餸揀，價錢望落去貴過出面，但佢黎度每樣餸都有好多，完全性價比高。我叫左個小鍋米線，加雞絲同埋螺旋藻。 黎到，睇到碗米線， 我覺得好大碗😂😂😂，47蚊，但兩個餸，每個餸都多，完全唔係出面個d 咁得少少餸，佢個湯底好夠味到，辣得黎夠過癮，餸又夠多，食完係勁飽👍👍👍