雲南小鍋米線

營業中

休息中

朋友極力推介，話好出名。我向來喜歡食麵食辣，點可以唔特登去。（必須特登，因為無事根本唔會去果個位置)。去到勁多人排隊，顯示了這店真心著名。老闆娘叫我地先下單。我叫了腩肉，因為朋友話正。辣度本身想叫最勁果隻，但老闆娘對自己的麻辣好有自信，話如果第一次幫襯就唔好叫最勁，話佢地d辣辣過人地云云。咁事但，順下人意，叫了最辣嘅次等。米線勁大碗，不錯不錯。👍🏻腩肉方面，係幾嫰，好香，不過好多油，但係咁，雲南米線多油其實係正常嘅。😌麻辣方面，我對麻辣係真係有要求架，佢個麻辣真係唔辣乜滯，得隻色夠紅。同埋佢係偏向麻，椒味可以話係冇乜。可能要落多少少指天椒去d肉碎度炒先至入味？🕵🏻下次去的話要食雞絲同勁辣。

朋友住附近才會外賣這間偏辟的話好出名米線！ 因為和小朋友一起吃，叫了碗走辣米線，加了生菜和肥牛，最後吃了兩口，小朋友和大人吃唔到！太太太酸又鹹！成碗酸湯，食物酸晒....生菜酸到變酸菜，肥牛味度也變成酸肥牛！食了N咁多間米線店走辣的米線，末食過吃了兩口吃不到成碗酸到咁米線！😞😞😞曾經話好出名？曾經吧⋯⋯N年前吧⋯⋯原來幾年前，曾經話好出名的老闆娘冇做了⋯⋯易手了？ 中伏！常常食開的街方就知大不如前.......

店內大概只有八張枱 剛好去的時候不用排隊(•̀ᴗ•́)و臨走時看到一條長龍在排隊😂不過環境就好陳舊 衛生真係一般般🥶𒊹︎豬軟骨雞絲螺旋藻小鍋米線 ($𝟲𝟬)聽聞老闆娘非常下重手 小小辣已經好辣今次就選了小小辣試下水溫先～雞絲係海量咁多😂非常幼身 應該係雞胸肉 好入味吸哂湯汁！豬軟骨都有四舊 炆得好入味 軟骨炆到好軟身不過都未能取代坐忘的位置！(☞ ͡° ͜ʖ ͡°)☞湯底偏清 冇預期中的辣🥺我諗得五小辣而且湯底冇人地講到咁濃郁 酸度欠奉米線爽口彈牙 不是軟淋那種雖然一大碗非常足料 但價錢也偏貴𒊹︎腩肉冬菇雞絲響玲小鍋米線($𝟲𝟴)腩肉帶少少辣 非常入味～冬菇都好大舊 略嫌硬左少少 個人鐘意炆得好淋的冬菇！加埋響玲吸哂啲湯汁都好好食～看到其他食評話質素好飄忽 湯底一時好濃一時好淡可能我個次唔好彩先覺得麻麻地🥺

米線控最愛周圍試唔同嘅米線，隨住米線關注組嘅成立，成日睇post更燒到我成日想食米線。之前食過一次石籬呢間人氣米線鋪，今次再嚟到食水準依然。不過估唔到係本身個鋪面行入啲原來仲有另一堂食位置，唔會焗促冷氣充足，讓行咗一段路過嚟嘅我地可以抖一抖。皇牌米線有齊佢地熱門嘅餸，分別係雞絲、螺旋藻、腩肉。啲餸鋪滿成個碗，完全見唔到米線嘅縱影啊！每個餸嘅份量都好多，小鳥胃就要睇住嚟嗌啦！雞絲簡直用澎湃嚟形容，每一啖米線都會夾到雞絲一齊食。螺旋藻係類似昆布嘅味道同質感，營養價值高！有時好怕腩肉會好韌同柴，但呢度嘅又唔會太柴，帶少少辣。今次嗌咗肉碎辣，算係剛剛好，湯底熱嘅時候食會覺得稍辣，但食食下湯底凍咗就覺得無乜野。整體嚟講皇牌米線係抵食嘅，餸量都多，當日好餓嘅狀態都食唔晒呢！但始終地理位置都比較偏僻，所以唔會可以常來喔！順帶一提，因為佢地嘅餸大多都係凍擺上湯，所以湯底食食下會凍咗，對住趕時間嘅我地都幾方便，但如果有人鐘意熱湯就可能有concern啦！

呢間鋪頭剛開張時讀小學就食 細個個時咩味其實已經唔記得啦 但記得當時無乜人 老闆娘仲會不斷問我同埋細佬辣唔辣 幫我地加湯溝淡佢🤭🤭依家再食翻都是覺得咁好味 佢地d腩肉真係世界級 有時不知叫咩送的話 會腩肉x2🙌🏻🙌🏻因為佢地的腩肉同記面不同 沒有個層肥豬肉 是一塊塊薄片 鐘意呢種口感多d❤️❤️今日去食左久久沒叫的冬菇 好入味都好冧 肉又厚真係好好味😭😭😭湯底加左酸 超正 鐘意酸的話叫佢地多多酸 真係會係咁刺激口水分泌 勁開胃架👍🏻👍🏻👍🏻👍🏻

見到佢廚房 全部都係一碗一碗咁煮出黎 要等一段時間 如果有外賣 仲要等耐啲 係條街已經聞到佢好香嘅湯底嘅味 出面好多人等外賣 如果要堂食就要早啲到 坐位唔算好舒服 又啲逼 但旨在碗米線好味

外賣拎返屋企食，分湯要加$3，但係都寧願比😂 如果浸到啲面吸晒啲湯就哂咗了😂 知道呢間野成10幾年，到今日先第一次試😂 比起出面嘅舖頭呢一隻辣係辣好多，我叫肉碎辣加腩肉豬紅，都覺得好辣了😂 可能因為腩肉都係辣，所以就更加辣😂 食唔開辣嘅朋友仔，要睇住黎叫😂 呢間舖頭湯底好食過雲貴香，個湯底好濃郁，但係腩肉嘅質素就比雲貴香差，豬紅就不相伯仲不過嗰度環境好細㗎咋，如果你諗住堂食，一係早啲去，一係就買外賣，咪真係好難等到位

葵涌出名米線店，慕名而來。聽朋友講，依家係第二代接管，第一代嗰陣每日只開到5點，依家開到8點。星期六，下午一時多到了鋪頭，門外站了好多人，以為好多人等待堂食，我們便選擇買外賣，點知原來外面等的都是外賣，反而堂食是有位的。大家如果想堂食，記得問下有冇位先。皇牌米線係小鍋米線配上腩肉、雞絲、螺旋藻，今次無再加辣，要返本身辣度。雞絲如其名，好功夫，真係一條條絲，唔係粗條嗰d。腩肉不太肥，夠入味。螺旋藻比較少見，口感爽，本身無乜味，配酸辣米線幾夾。餸幾好食，唯一係米線我覺得淋左d(我取外賣後，過了大約15分鐘才食，可能有影響)，買時已是麵湯分開上。湯酸辣味主、微酸。個人覺得湯底味道不夠濃郁，有少少淡口感覺，嗰種感覺有少少似溝左水感。食物份量和一般米線店份量相約，雞絲比腩肉多d。外賣本身加1蚊，麵湯分開上再加3蚊，覺得外賣盒價錢偏貴，都係加外一個盒，3蚊一個外賣盒，我暫時未想起邊度有。可以的話都係堂食吧！一來環保♻️，二來慳7% 附加費。外賣皇牌米線，$60 一碗，再來，我會堂食！

呢間小窩米線一向出名，個位置真係專程搭車去先食到～係石蔭商場附近。今次已經係第二次嚟到喇，好似冇上次咁好食，不過都分享吓今次食咗啲咩啦😀😀叫咗好招牌嘅雞絲，好幼細，仔細食會有好香嘅雞味，可以吸下啲湯汁🍜另外叫咗冬菇，好大、好濃、好軟綿爽口嘅質感。炸醬應該先半煎炸炒過，粒粒分明香口！今次冇叫嘢飲，因為上次見到啲檸檬放晒喺其他餐枱上面，衛生起見，都係唔飲啦🤭🤭🤭下次要試吓個腩肉😛都係其中一個招牌！今日差不多啱啱開門就去到，所以唔使排隊，不過佢哋舖頭個電話都係咁響，好多生意，好受歡迎啊！

好耐冇嚟食～就算開咗新鋪平日lunch time都要等一陣位。腩肉冬菇雞絲係我Top3之選，今次嗌咗雞絲中辣，佢辣度比其他舖頭勁，之前朋友食小小辣都食到嗌救命，但會飄忽啲，有時好辣有時又會冇咁辣。湯底依然酸酸辣辣好開胃，雞絲份量雖然比以前少但都算多，加埋肉碎芽菜酸菜韭菜其他配料絕對足料。

加咗入去社交平台米線群組之後，真係個個禮拜都要食米線！呢間之前都食過，都幾鍾意食。價錢同以前相比當然係升咗，不過物價上升都冇辦法從來冇食過佢嘅螺旋藻，今次一於就叫個皇牌米線試吓，呢三個餸如果分開叫嘅話呢個餐係平咗$2腩肉都幾肥，但係個味擺落湯度好夾！我就算唔食腩肉都會叫呢個餸浸落個湯度佢哋嘅雞絲真係可以叫做「絲」，雞絲本身冇咩味道，但係索晒啲湯之後都幾正！三個餸裏面我最唔鍾意就係螺旋藻！第一啖食落去淡而無味，浸軟落啲湯度，可能烚螺旋藻嘅時候啲水仲有好多，所以搞到啲湯慢慢越食越淡有一樣嘢從來都冇變過，永遠食完佢哋嘅米線都係好口渴

皇牌米線 雪花雞絲 螺旋藻 腩肉 極具特色 呢間地區小店聞名已久 幾乎與'唯一雲貴川' '老闆娘'齊名皇牌米線值得一試 有齊最出名既雪花雞絲螺旋藻 麻辣腩肉 再配以辣肉碎/芽菜/幼米線湯底只有酸辣湯底 食開譚仔十小辣叫肉碎辣剛剛好 雪花雞絲夠幼 打卡一流 但肉絲太幼 難免容易乾身 份量則相當十足螺旋藻口感如海帶 有咬口 麻辣腩肉簿身香口 幼身米線軟滑爽彈 老火酸辣湯底心機之作飲完一口接一口 雖然位置偏遠 味道之好 絕對值得前往一試 味道獨特 只此一家！

⚠️注意係葵涌石蔭個間啊⚠️-同老公遠赴石蔭工廠區去食一碗米！線！果然無令我哋失望 個湯底好好味 好濃郁 香氣撲鼻 🥰🥰-🙎🏻‍♀️雞絲豬大腸黑木耳酸菜米線ᴴᴷ$69 （肉碎辣）難得去到咁遠 忍唔住叫左四個餸😋 雪花雞絲係呢間店好出名架 每一條都係細絲 放入湯中吸🈵️湯汁好正 豬大腸口感亦軟稔 不過就無咩鹵水味 黑木耳夠爽口 酸菜就真係好酸 雖然我自問係好酸之人 不過本身湯底已經夠酸 再加酸菜就多左啦😂😂 特愛湯底超正 肉碎辣對於我呢個唔食得辣既人都handle到 而且混合酸味一d都唔辣 但就好香好開胃😍😍-🙍🏻過橋米線ᴴᴷ$56老實講呢碗米線所配既菜我就真心麻麻 但老公就好鍾意食咁話wor 哈哈🤦🏻‍♀️ 食材就普普通通啦 無咩特別 但老公都好鍾意個湯底 👍🏻-鹹檸七 跟餐➕ᴴᴷ$11味道一般啦 不過食雲南米線咁濃味既食物當然有杯凍飲就爽d啦-✏️總結一下 湯底正 份量同價錢正常 會encore

朋友知我勁愛米線🍜話帶我去葵涌一間隱世小店食小鍋米線 佢仲要好有信心話 包好食😋 咁我就同佢癲下 去試吓佢 話哂都去到咁鬼遠 又唔就腳 真係博一博 😂😂點知去到間鋪門口 點解隱世小店都咁多人排長龍 😂 仲叫乜鬼隱世 應該係人氣米線就差唔多 等左30分鐘終於可以坐低叫嘢食 我叫左腩肉豬頸肉羅白同菜肉餃 碗野黎到勁大碗 好足料 再飲啖湯🥰 嘩⋯真係好鬼正 湯底香濃 真係勁香 唔係講笑 飲完個湯 隔左好耐都仲會記得佢地個香味 豬軟骨又夠淋入味 腩肉係切到細細條咁方便食 菜肉餃 我覺得應該係佢地新鮮包 因為好好食羅白又淋又甜 好正如果呢間米線喺我住既附近 我真係可以一星期食兩三次😂😂😂

好好好好好好食的小窩米線👌🏻👌🏻👌🏻必叫雞絲 螺旋藻 冬菇 中小辣* 都幾辣 (平常食開譚仔中辣)湯底濃郁!! 啲餸朔晒湯底 鍾意食重口味的人會喜歡位置唔多 得五六張枱 但係排隊都好快 多人買外賣小食方面淨係試咗麻辣豬耳/ 鴨腎 都很不錯 👍🏻