雲南小鍋米線

營業中

休息中

今日約咗朋友喺葵涌食晏,朋友話有間隱世米線，平靚正，咁我梗係去試下😛😝間野地下個層好細，如果上一層就大好多，冷氣都夠涼😛👍🏼 間鋪提供酒精搓手液，都有啲膠板做間隔，所以都放心既☺️我叫左個雞絲螺旋藻米線，佢有好多辣度可以揀，我今次就叫左少少辣試下水溫😛雞絲螺旋藻米線（7/10）：份量好大，我諗男仔食完都會好飽😛啲雞絲同螺旋藻都好多， 少少辣岩岩好，有味覺刺激之餘，又唔會要係咁飲汽水解辣😏 啲米線好爽彈，一句講晒，性價比高👍🏼

曾經係呢間米線附近工作,連報章雜誌未訪問前已經覺得佢係正宗的雲南風味但轉了工作3-4年多,今天順路再來一試,價錢貴左好多呀!! 以前等位等好耐的,,但今次黎原來佢店舖已經擴充了，等候時間短左好多!見唔到以個位老闆娘了，應該轉手了叫左腩肉螺旋藻米線螺旋藻係其他米線店比較少見的，其實有少少似海帶, 但就軟身D的腩肉依然好食,螺旋藻冇青草味但覺得湯底不同左, 冇咁咁濃郁,偏死鹹 湯肉香味少左唯一不變是佢的辣度係保持手準我叫少少辣都非常辣，接近出面的小辣呀!

呢間米線位置隔涉，如果唔係喺附近工做野都唔會特登黎。第一次食係豬腸、麻辣腩肉酸辣湯底小小辣米線。佢既湯底本身應該唔太辣，加埋麻辣腩肉就似譚仔十小辣。酸度好合我口味。豬腸同平時米線鋪唔同，佢會切絲。如果鍾意豬腸有咬口既感動呢間就唔多岩你。腩肉肥瘦適中，醃得好入味隔左一個星期又再食！今次食雞絲螺絲藻！啲配菜多到我都食唔曬。從來無見過雞絲可以咁幼細索曬啲湯底既味。但今次無左腩肉既辣，辣度相對差左啲，建議如果配菜無辣野，辣度可以嗌大一級！總括黎講一句好食！

小鍋米線 $28 *外賣+$1自選配料(每款) +$10/$9-呢間舖由中學開始幫襯 唔知幾時多咗個稱號叫全宇宙最好味既米線不過佢的確係我食過最濃湯底既米線 有時返屋企只要你行過附近 都會聞到啲香味佢地個湯底有少少肉碎 以前仲會有D酸菜令到個湯啲味更豐富 湯底仲有韭菜同埋芽菜 芽菜浸落湯汁到 沾滿湯底既味道好好食 同埋佢個湯底真係逐碗去煮 但依家老闆娘交咗俾個女婿之後 好似冇以前咁濃郁 但都keep到水準！鍾意食辣嘅人仲啱晒 湯底小辣已經等如中辣 而且D餸份量充足 雞絲同木耳係必叫-住開呢頭既人絕對知道呢間出名既米線 好似我哋咁想食米線好自然諗起佢 不過有時見堂食太多人 我地就外賣返屋企食

咁大個都未去過石蔭，今次專程嚟就係為咗呢碗米線！​​呢度主要做街坊生意，佢米線嘅餸超級足料，感覺好似仲多過米線咁，食完米線都未食晒啲餸！佢嘅腩肉都幾辣下，豬大腸切幼絲煮得夠冧，螺旋藻似係平時食嘅海帶，重點第一次食米線嘅雞絲係雪花咁款，更加嗦湯好味呀！湯底唔會太重口味，食完唔會口渴！呢間米線絕對會想再食，但始終有啲遠，要睇吓幾時有機會再入石蔭食啦。​​P.s. 聽講呢間嘅辣真係好勁，如果唔太食得辣嘅記得比平時嗌少一個辣度，想挑戰嘅記得黎試吓！同埋記得晚上八點後只限外賣呀！

親戚介紹這家米線非常好吃，帶我來一試，説這裡的米線每碗都是獨立煮的。中午一點幾，外邊還是有不少人在排隊。幸好它擴充了，不然就不夠地方坐。我點了腩肉、螺旋藻、豆卜小辣雲南小鍋米線，一來發現份量不少，我覺得女生的話，兩人可以吃一碗。辣度剛好，非常惹味。腩肉已經有少啦，而且非常入味。螺旋藻佔了三分至一，份量十分多。豆卜也是大大粒，比平常的要大一些，吸收了辣湯，吃得過癮。另外叫了鹹檸七，真是爽啊，下次可以再來

久仰大名既米線，交通又不便，如果唔係黎開呢頭都好難會見識到了呢間米線，佢係屬於偏濃味嘅，湯底都偏鹹，不過我鍾意食濃味野都叫做接受得到。我唔記得喺食之前影相，佢個雞絲削都好鬆好大堆頭架，腩肉都好味。總體而言，呢間個味道都幾似以前嘅星林居，可惜現在嘅星林居已經大不如前。而呢間又未至於好食到真係要排隊嗰種囉，但雞絲係好讚既！

朋友係米線迷，成日都食米線，佢屋企附近有一間米線話好好食喎，咁我就去食下啦，帶埋佢佢話炸醬同埋腩肉都好正，我揀咗炸醬酸辣米線，小辣，賣相唔錯喎，成碗份量好足，而且配料好豐富，有芽菜、肉碎、韭菜等，我覺得個米線質感都唔錯，唔會一夾就散，同埋都可以吸到好多湯汁味，炸醬幾得意，味道比較濃，好似好熱氣咁，不過又好好食😋小辣我覺得唔夠辣，我朋友話中辣啱啱好另外我哋仲一齊食咗一個小食，麻辣豬肚，超好食，呢啲先叫辣啊，豬肚食落好爽，唔錯！

位於石蔭呢間小窩米線，係我同朋友嘅童年回憶，由中學食到大學食到出嚟做嘢，由廿幾蚊碗食到四十幾蚊，由一間鋪食到兩間鋪，一眨眼已經食咗十幾年。配料十年如一日，係近幾年多咗少少款式，特別係螺旋藻，既健康又索汁，係唔錯嘅選擇。另外以前只有豆漿、紙包或者罐裝飲品，而家就多咗幾款茶餐廳飲品，例如檸茶、檸水同咸檸七之類，仲多咗好多小食👍🏻食足咁多年都係鍾情於兩個配搭，第一係雞絲螺旋藻小辣，第二係腩肉雞絲小辣，今晚揀咗前者，老實講唔知係回憶總是好，抑或質素真係下降咗，我覺得味道大不如前，配料除咗份量少咗之外分別唔大，雞絲依然係好鬆好幼細👍🏻但湯底差別都幾大，非常鹹同酸，而且冇以前咁香，雖然依然算好食，但就有對比有失望🙁可能因為夜咗去，朋友本來想叫嘅腩肉已經賣晒，所以揀咗雞絲同豬軟骨，豬軟骨幾稔幾入味，但朋友都呻話湯底太鹹太酸，食完非常口乾😢唔知係咪因為開咗新鋪應接不暇，導致質素下降，希望鋪頭越做越好，保住我哋回憶中嘅味道💪🏻

小鍋米線配腩肉，黑木耳，螺旋藻($54)永遠足料大大碗既石蔭米線呢間野每次都好多人排隊由兩年幾前入位，上手介紹我食米線就愛上咗佢到之後佢開分店，陪伴我呢兩年幾宜家我就轉位無咁容易可以食佢啦🥺🥺(其實平時都係搭的士上去食，因為佢位置有啲僻） 💫必點既係腩肉，肥瘦適中大眾推介既仲有雞絲同炸醬我自己喜愛有螺旋藻，每次必點！以前食過豬軟骨都勁稔冬菇都唔錯好大舊好入味😋呢度既正常湯偏辣肉碎腩肉都辣辣哋食唔倒辣既朋友要注意呀！舖仔較細，雖然開多咗間分人流但由於太出名所以基本上永遠都要等位建議大家預鬆少少時間唔好介意有時真係肩並肩坐架無法子啦，好食呀嗎！

快閃午餐。没帶飯會去呢間食最好味的米線。我在葵涌做了2x年。個時佢地已很多人食，我見証住佢由1間很細的舖仔到而廣大至2間舖。所以比較易找位食飯。現在多左新的餸，好似豬軟骨，豬大腸等等。

在石蔭附近居住的人都會知道，這裡有一間有名的米線🍜舖頭，幾乎每天都會有一條長長的人龍在等待⌛️，但今次經過的時候竟然還有空位，一定要好好朝聖了 說真的這問舖的裝修真的很殘舊，招牌還褪色了，但為什麼這間米線舖這麼有名真的要試試看！ 餐牌上的價錢真的非常便宜，如果不加任何餸，其實$26亦已經可以飽肚，市面上要找到這個價錢實在少之又少 🥢雞絲 豬紅 小鍋米線🍜一試下去，真的明白了為什麼這裡會這麼多人排隊吃，湯底是酸辣湯，辣度可以自由選擇，而且最欣賞是酸味，酸味十分濃郁，和辣度配合得天衣無縫 加上餸菜非常多，如果不加餸，基本上肉碎及芽菜都已經夠吃，加上餸菜只是錦上添花，豬紅亦十分入味，我相信一定有用醬汁煮過才放入麵的 唯一美中不足的是雞絲雖然多，但不夠滑，吃下去有點像瘦肉的感覺呢，如果用雞腿🍗去做應該會更好吃呢

今日無帶飯，又想食米線就去左食哩間大家都話好好食既雲南小鍋米線因為驚好多人，所以都係外賣自取番去慢慢食我叫左腩肉雞絲酸辣既小辣打開當然聞到香噴噴啦首先講下個湯底，雖然話係酸辣但佢辣得泥有小小甜雞絲既份量都幾足😍雞絲加埋個湯一齊食係幾正既吸曬d果😆😆腩肉食落去同平日米線鋪d腩肉有d唔同佢比較爽，唔會太厚但咁買就47蚊，好似貴左小小😅仲等左差唔多20分鐘😞

湯底好夠酸，正常湯底既話辣度岩岩好（試左朋友個小辣，都幾辣下），而且配菜都夠多（酸菜、芽菜、韭菜、肉碎），幾抵食👍🏻。豬軟骨好lum好入味，我地個個試完都贊不絕口🤣，而且份量有三大舊，每舊啖啖肉，真心推介😋

由一間地區小店，做到依家咁出色，因為廚師真係好用心做每日堅持天未光就開始煮湯底，每一碗都係逐碗逐碗煮出黎中意食米線嘅絕對唔可以錯過想清淡啲可以試下螺旋藻雞絲米線，非常健康嘅選擇腩肉都係必食，如果食到少少辣就唔好走肉碎，咁成碗米線就會更好味