雅 ‧悠蔬食

營業中

休息中

雅 悠蔬食尖沙嘴 Tsim Sha Tsui.晚餐.不像素食的素食餐廳有日式壽司手捲 印度式咖喱薄餅 西式漢堡當然還有些比較中式的選擇晚餐有set 有前菜 有手捲 有湯 有主菜 有甜品我們各點了一set.1) 手捲兩款各點了一個 有芒果牛油果 和 蘆筍味道偏淡 芒果那款比較吃到芒果味其餘只有清菜味內面只有菜 沒有米飯的所以不會太heavy.2) 野菜紅咖喱 配 印度薄餅咖喱不辣 椰汁味重野菜份量很多薄餅是比較像酥皮 較油的那款不是白色軟軟的那款 有點失望旁邊還配了個小白飯 用來拌咖喱汁吃.3) 淮山意大利飯 配 脆腐皮捲跟平常吃的意大利飯沒什麼大分別頗好吃的.4) 前菜那個紅菜頭蘋果好好吃 很清新.5) 菠菜桃膠忌廉湯西式的忌廉湯配桃膠 好新穎不過其實沒什麼 桃膠本身沒什麼味道跟平日喝的忌廉湯沒什麼大分別.6) 花菇淮山栗子猴頭菇湯中式湯 味道有少許苦.7) 甜品非常小巧的甜點椰汁糕一般焦糖芝士蛋糕則不錯.餐廳平日晚上也滿座建議先book枱

澳洲山火令人類重新反思,如何保護地球。【食素】就是其中一個好方法。雅 ‧悠蔬食 一向是我的定期飯堂,呢度的menu種類繁多。絕對唔會令你覺得自己食緊素發現最近更新了menu,午餐種類又再增多了。貪食的我見到咁豐富,二話不說就決定食你啦!!!點心併盤+紫菜豆卷豆漿湯麵首先講吓紫菜豆卷豆漿湯麵,第一次見真係原杯豆漿製成的湯底。估唔到豆漿加上昆布的鮮味會如此出色。紫菜豆卷亦非常厚身,配上豆乳湯底~無得頂。素叉燒包-普通叉燒包完全無分別,麵團口感猶如叉燒藜麥如意餃-健康清新五香春卷-即叫即炸,有椰菜,雲耳,紅蘿蔔素翅香菇燒賣-口感則較結實,飽肚之選所有午餐+指定價錢均可自選甜品,而家咁乾燥一於叫返個香滑腰果露潤一潤。新鮮打磨口感真係特別唔同,香滑濃郁!!!超級驚喜寫到最後,真係好想同大家講,其實食素都可以好滿足。唯素食料理往往來貨受天氣影響,準備功夫亦較肉類料理煩多。所以價錢略高亦無可避免,但都希望大家可以從每星期一餐形成食素新習慣。

今日週一素食日，試了一間新派素食餐廳，感覺非常良好，食物賣相和餐廳環境都有別於傳統齋舖，餐廳以粉紫色作主調顏色，柔和優雅，食物精緻度似西餐般講究，甜品十分出色！二人點了兩個午市套餐，蒲燒玉子淮山蓉素鰻魚配日本珍珠米$88，配抺茶千層蛋糕$20，素鰻魚配上醬汁，口感和味道都很似真鰻魚，加上紫菜扮鰻魚皮，更加神似，千層蛋糕抺茶味濃，很好味！南瓜雜果仁忌廉燴扁意粉$78，配榛子乳酪蛋糕$15，意粉很足料，味道清淡不會太濃，份量適中，乳酪蛋糕口感綿密，跟千層蛋糕同樣出色，推薦！飲品方面，二人同樣點了檸檬蜂蜜生薑茶，十分滋潤！餐廳質素頗高，食物和服務都很好，生意不錯，是一間值得支持的小店。

呢間餐廳行新派素菜風格，款式十分多，食材配搭同煮法都幾有新意，想搵d特色餐廳食飯嘅話呢間都係個好選擇！呢度連蛋糕都有得訂，同人來慶祝生日都得！今晚就來試下呢度嘅招牌All Day Set前菜可以選三款咁多，可以試多d唔同嘅嘢！選左照燒杏鮑菇、紅菜頭蘋果核桃沙律、胡麻藜麥羅馬番茄。每樣份量唔多，做前菜就剛剛好！沙律同羅馬番茄好fresh，照燒杏鮑菇都整得好入味！牛肝菌桃膠忌廉濃湯牛肝菌同忌廉味都好香好濃，湯嘅口感幾細滑，而且上檯嘅時候好熱！和風白松露蘆筍准生燴扁意粉拌香脆腐皮卷好少見會將蘆筍同淮山做意粉嘅配料，呢個配搭幾新鮮，覺得呢個意粉結合左中、日、西餐嘅元素，味道似係中式炒意粉個種風味，而醬汁近似日本燒汁嘅味道，調味偏濃，個腐皮卷口感好軟滑，幾好食！野雜莓乳酪蛋糕呢個即係藍莓cheese cake，食完主菜都已經好飽，所以呢個蛋糕方型細細舊，份量剛剛好，味道都唔錯！

連續的假期過後，而且是新一年的來臨，又是時候要為自己的健康著想一下。有時外出用膳會忍不住吃得過份豐富，所以今天決定不吃肉。試一下家人推薦，位於金馬倫道的雅 ‧悠蔬食的午市套餐。午市選擇花多眼亂，我選了花生雪耳湯和迷你滷水併盤，蒲燒玉子淮山蓉素鰻魚。另外發現臨近農曆新年，這裡更有賀年榚，還要是限量發售。迷你滷水併盤份量適中，沒有油膩的感覺，雖然在吃滷水，但有份健康感XD 花生雪耳湯亦很足料。終於來到主菜素鰻魚飯，米飯用上日本珍珠米，特別好味。素鰻魚真的是第一次吃，可能因為沒有骨頭的關係，感覺不太像鰻魚，不過味道還是不錯的。最後以抹茶千層蛋糕為一個健康和環保的午餐劃上句號。

呢排成日喺app search良心店，行過TST鬧市search到呢間素食店上去試吓，素食嚟講，賣相同味道都好高質部份整到似葷食嘅素食有dinner set可以揀，由前菜到甜品逐個點，好滿足！每人低消$200，不過成個套餐可以食到飽，都算幾抵食前菜﹕四喜烤夫+柚香紅菜頭蘋果拌合桃酸酸甜甜幾開胃，左面烤夫似齋，右面蘋果好爽甜手卷﹕香芒牛油果苜蓿芽手卷侍應特別提醒要盡快食，避免紫菜變淋有別於平時啲手卷，用咗2塊紫菜包住，紫菜香脆無淋到牛油果切條，味道清甜，芒果同樣切條，香甜味好突出，加上沙律菜好fresh餐湯﹕菠菜桃膠忌廉濃湯值得大讚係個餐湯！賣相綠色為主，湯嘅質感好creamy有啲一粒粒固體狀嘅桃膠喺中央桃膠可養顏，通常放甜品，今次放落餐湯幾新鮮，女士必飲！主菜﹕白松露美國露筍南瓜紫薯鮮豆包焗千層闊麵成層闊麵好大塊，有陣芝士香味，應該係素芝士入面有露筍南瓜粒紫薯粒等加上白松露香作點綴絕對唔輸蝕於葷食可另加多款主菜菠菜野菌忌廉燴扁意粉伴香烤茄子都係綠色為主，以菠菜製醬汁撈埋意粉後，掛晒汁醬，好有黏稠感建議2個人食，1個人食可能會覺得膩甜品﹕椰香紫薯千層糕2件糕點好清甜，完全唔甜膩適合作飯後

喜愛素食的朋友，曾經提及這間餐廳，說款式種類多，味道豐富，於是，趁著假期前夕，親臨光顧品嚐一下。聽朋友建議，點了All Day Set，前菜點左照燒杏鮑菇、涼拌杞子百合黑木耳及麻醬沙薑豆絲粉皮。其中，最喜愛黑木耳前菜，黑木耳跟百合及杞子非常搭配，以柚子醋混合，酸甜開胃。餐湯有牛肝菌桃膠忌廉濃湯，個人十分喜歡這款湯，原因是夠濃夠熱，菌味香濃，平時食到桃膠，多數在於甜味糖水，今次嘗到放於鹹味湯內，感覺新鮮特別。主菜有牛油果紫薯栗子藜麥焗千層闊麵，裏面有牛油果、紫薯、栗子、藜麥、草菇、小油豆腐等，芝士份量非常豐富，用义輕輕拉起，有拉絲效果，洋溢香噴噴嘅味道。甜品點了黑芝麻豆腐千層班戟，班戟香滑，黑芝麻味道濃郁，好滋味。總括而言，值得推介。

好耐都冇試過食素啦，想搵一間坐得舒服又特別小小嘅素食！悠蔬食係一間有分店嘅新派素食，之前食過銅鑼灣，今次試吓尖沙咀訂咗位6:30 ，一入去就可以坐低，環境都幾舒服，好光猛，好似西餐廳，完全唔覺得自己係黎食素！餐牌上面all day set好難揀呀，樣樣都想試吓，最後揀咗個意大利飯！前菜揀左紫薯球、照燒菇、蘋果沙律紫薯球超濃，好好食，食落仲有一啲酸味味嘅感覺好開胃餐湯就揀咗牛肝菌桃膠忌廉濃湯個濃湯真係超級濃，牛肝菌嘅味道超出，忌廉味道又唔會話太漏，反而係恰到好處，調味剛剛好🤗菠菜合桃雜菌意大利飯配椒鹽天貝猴頭菇以為係一個簡單嘅意大利飯，點知入邊嘅配料超級多，粒粒嘅合桃，好多嘅菇，而且咬咬下仲有栗子添，好驚喜！食落完全係覺得有健康嘅感覺！菠菜煮嘅意大利飯好濃郁👍🏻👍🏻猴頭菇炸完，唔會好乾，感覺上似食緊肉！野什莓乳酪芝士蛋糕🍰細細件，作為晚餐嘅終結啱啱好餐飲用半價跟咗一杯燕麥杏仁脆脆牛奶， 成餐飯都好多忌廉同奶類製品，牛奶帶有杏仁味， 好似飲緊杏霜！總結而言，新派嘅素食，真係幾驚喜，似食緊西餐，完全唔覺得自己食緊素，但又享受到素食嘅健康，唔錯

好耐之前來過呢間素食店，上次好滿意，今次來依然係咁好食。我叫ge 係lunch set，包前菜餐湯餐飲。前菜同湯好好味。前菜四擇二，我叫左芝麻醬蕃茄同照燒菇。估唔到日式芝麻醬同蕃茄兩樣都酸酸地ge 野竟然match 到。菇都好食，不過我估唔到原來唔係熱ge。湯二擇一。我好鍾意個中湯！素湯好多時候都好淡口，但呢個好足料味道好濃郁！印度椰子的椰子味好重。成碗飲哂，湯渣都食哂。主菜叫左泰式金邊粉。好食但有d 肥膩，有點重口味，食唔哂。食物質素好，環境都唔錯，幾安靜。值得再去！

早排同朋友行過見到有間新派素食想試今日終於有機會去試啦一入見到裝修都好別緻仲好有聖誕氣氛，好多小裝飾menu都好吸引，可以選兩款小食，一個湯，一個主菜，一個飲品，加錢仲可以要埋甜品另外仲有個輕盈版，價錢仲再實惠d咁我就選左 杏鮑姑 同 小雲耳杏鮑姑上面有d好似鰻魚汁咁，仲有d芝麻，咬落爽口既 唔錯～個小雲耳好好食，仲有d青瓜仔，酸酸地好開胃個湯都好滑好好飲，唔只椰子味濃，仲真系有梛子你食朋友叫左個牛油果手卷個配搭好match，牛油果加芒果入面仲要唔系飯黎菜全部都系菜！！！紫菜仲要脆卜卜，佢食每啖都聽到索索聲泰式魚餅都好出色香矛味好重，而且食落個口感都似真魚餅配埋個辣辣地既汁，無得輸主菜終於黎啦系漢堡～好足料有齊菜，蕃茄，酸瓜，芝士同埋一塊"玉"個包皮都好脆好好食，仲有好多芝麻，更加香舊肉個口感都真系有d似真肉可惜可能落左薯仔，有少少粉，所以口感上差左少少不過味道都唔錯～最後埋單唔洗二百蚊素食黎講夠特別，都算ok見到隔離叫左個鰻魚飯下次真系要試下佢系用咩做既先！！

喺尖沙咀同個friend搵嘢食，兩個女仔想食啲light啲嘅嘢，上網見到呢度裝修好fancy, 而且睇落啲嘢食都幾好就嚟咗喇。我哋叫咗一個餐再散叫咗個黑松露芝士大啡菇，估唔到嗰餐咁豐富，首先係個中湯猴頭菇椰子桃膠湯，飲落去好夠火喉而且唔覺得寡。有三個前菜包括涼拌雞絲粉皮、涼拌蕃茄、涼拌菇。涼拌雞絲粉皮夠通透配麻醬口感清新👍食完涼拌之後都等咗一段時間先至有主菜，可能因為人比較多。主菜係牛油果芝士栗子焗千層麵，口感同質感都非常之重好啱秋冬食，不過栗子略嫌少咗啲。估唔到牛油果同芝士係咁夾。大啡菇嘅黑松露都好多但係略嫌畀芝士覆蓋咗個味，最後係班蘭椰汁糕，唔會太甜食落好清新😛全餐飯由裝修到望落去啲餸菜，你完全唔會覺得自己食緊齋，不過男仔黎就可能分量少咗啲啦🤣

12月總是有很多大魚大肉的機會我都不敢磅體重了 lol .所以想食一下素食，中和一下肥腫難分的身子.午餐有正常及light 版本Light lunch 沒有湯及少一款前菜我想飲湯，所以選了正常的D set .湯-中湯，有湯渣，夠火候！.前菜：4款選2款.雪菜毛豆菇絲紫淮山湯麵湯底清得來好夠味豆腐絲有口感，模擬到肉的咬口.點心拼盤完全不似是素食！食齋但口味不齋！有叉燒包、春卷、菜餃及燒賣燒賣賣相似平時的燒賣，口感有肉的質感，沒有肥豬肉油的膩，帶有豆味的香春卷炸到香脆，不過少油些更好（我的肥肚腩......）.飲品A-H選擇好多，來一杯classic 英式紅茶，過一個優雅的午餐。

創辦人心思細密，有諗頭（ 銅鑼灣區食品質素）最impressive 係創意手捲，最好味係意大利飯餐廳入面，每個位置都有獨立私人空間感，間隔層板高身， 中間用咗細玻璃分隔。 見到餐牌上有圍餐可以booking，1圍-3圍，12人－36人，VIP 獨立房， 用屏風做分隔， 今日晚上booking都幾full， 每15分鐘就有人入坐。208hkd All Day Set For Dinner菠菜合桃野菌忌廉燴意大利飯 伴 椒鹽天貝猴頭菇一人份量，青瓜， 四季豆，菠菜，雜菇，合桃，車厘茄，汁醬多，味道豐富姬松茸椰子黃耳竹笙燉湯溫度保存非常好， 屬老火湯，姬松耳，竹笙， 都被燉到變果醬狀， 印度椰子連皮，三至四件， 湯底主要係香濃嘅茶樹菇味。手捲 ＋18hkd冇飯， 但可以食出有飯嘅質感， 仲有大量豆苗，沙律菜，芒果，牛油果 ，芝麻好香口，香口得黎又非常健康， 就咁食菜就會有啲 寡， 但係落咗芝麻及麻醬後， 唔需要點任何醬汁，都唔會覺得寡。冷盤前菜1。紅菜頭蘋果沙律， 切件蘋果，切件紅菜頭， 紫紅顏色2。非基因改造番茄，1/4 去皮番茄size， 比較少水分， 果實肉味較重， 放入口淡淡都係肉，

有人生日想食素慶祝，於是揀咗尖沙咀雅悠蔬食，地方真係幾幽雅，而且高朋滿座，肯定有美食喔！急不及待點咗個紅咖哩野菜猴頭菇配印度薄餅及珍珠糙米飯套餐，有餐湯、前菜、飲品及甜點，份量十足，絕對滿足。再有和風照燒汁素鰻魚手作薄餅，鰻魚的感覺好强烈，甚至連魚腥味都嗅到，你唔會覺得係食素，加上薄餅焗得乾身脆口，可以一試。泰式素大哈炒金邊粉，金邊粉炒得啱啱好，不油不膩，質地柔韌，比起其他正宗泰國餐廳有個之而無不及，加上青檸酸味，零舍醒胃。甜品有黑糖手作芋圓遇上豆乳布丁，暖暖地，甜甜地，冬日最佳之選。仲有鮮磨腰果露配湯圓，腰果磨得幼滑，甜味適中，既滋潤又順喉。仲有試咗一個香脆五穀杏仁牛乳嘅飲品，淡淡杏仁味，配以五穀，好飲又好食，健康之選。

食肉獸朋友極力推薦食素菜，點名介紹尖沙咀雅悠蔬食，於是去試吓。餐廳裝修雅潔，格局分明，仲有大房間隔，適合十二人或以上飯局及聯誼聚餐。點咗兩個套餐，先上中湯，係姬松茸椰子黃耳竹笙燉湯，材料豐富，燉得夠火候，湯味濃郁，冬天飲得舒服又暖胃；而西湯就係牛肝菌桃膠忌廉濃湯，湯煮得綿密細緻，幼滑香濃。接住前菜有六款：杞子百合黑木耳、照燒杏鮑菇、胡麻藜麥蕃茄、紫薯紅菜頭雪球、麻醬豆絲粉皮及紅菜頭蘋果合桃沙律，每個套餐可選三款。雖然份量的的骰骰，但開胃醒神，特別係紫薯紅菜頭雪球，雪糕造型可愛，質地滑溜，必定要試。主菜有和風白松露淮山露筍燴扁意粉及菠菜合桃野菌忌廉燴意大利飯伴椒鹽天貝猴頭菇 ，素食材料已經好吸引，味道恰到好處，份量又適中，再配以斑蘭椰汁千層糕及黑芝麻豆腐千層班戟結尾，飽肚之餘，令人回味無窮。品嚐過後，果然不同凡響，真心要推介比更多人，改變固有食肉之概念。