622
53
16
| 餐廳: | 雅 ‧悠蔬食 |
|---|---|
| 資訊: |
為推動全港減鹽減糖新飲食文化及新生活態度，食物及衞生局、降低食物中鹽和糖委員會及食物環境衞生署食物安全中心推出了《少鹽、少糖、少 • 確幸》餐飲聯盟，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.fhb.gov.hk/cn/our_work/feh/rssf.html
開飯介紹
新式素菜店，裝修簡潔，以紫、白色為主題，致力推廣健康清新的蔬食文化，韓、泰、西、日、中式的選擇皆有之，饒有口碑。
繼續閱讀
營業時間
今日營業
11:30 - 16:30
18:00 - 22:00
星期一至日
11:30 - 16:30
18:00 - 22:00
公眾假期
11:30 - 16:30
18:00 - 22:00
公眾假期前夕
11:30 - 16:30
18:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
喺網上面見到呢間素食評語唔錯所以帶老爺奶奶去試吓！入到去環境裝修好雅致，同一般齋鋪唔同，很文靑感覺！我哋四個人揀咗四個套餐，每個套餐你可以揀中湯加沙律或者西湯加焗法式麵包！中式湯有青紅蘿蔔冬菇等⋯清甜飲得出係老火湯，反而南瓜忌廉湯實在偏甜，我個人就一般般！焗烤牛油果墨西哥薄餅～中間夾雜左用香料調味的免治肉素豬肉同牛油果，外皮烤得香脆，味道一流👍泰式鳳梨炒飯配沙嗲串燒～沙嗲串淋上沙嗲汁，冇乜特別，反而泰式菠蘿炒飯就很有驚喜，飯炒得粒粒分明加上菠蘿同惹味的泰式醬料同炒，特別又好味！乾炒牛河配香脆腐皮卷～腐皮卷，卷成髀咁嘅模樣幾得意，成髀咁嘅模樣幾得意，河粉加入咗老抽其他配料一齊去炒，所以特別嘢未，而且仲炒得很乾身少油，唔錯！鮮茄芝士素漢堡扒焗黃金蛋炒飯～淋上煮過的鮮茄醬汁，同炒飯底一齊食，酸酸甜甜份外醒胃，再加上芝士嘅鹹香，完全食唔出豬扒係素肉，好似真係食緊豬扒咁，好正👍藍蝶豆花雪梨汁～就真係完全唔得，甜到不得了，加咗成杯水落去都仲係好甜，加$10淨係覺得飲緊糖水！
繼續閱讀
呢一間位於尖沙咀素食餐廳主打係fusion料理❤️🥰午餐亦都非常之多選擇，當日去到午餐時段幾乎全場爆滿，價錢合理。餐廳環境都幾舒服，座位之間都唔會太過擠迫😊今次同有友人試咗兩款唔同嘅午餐set😎～以下係詳細食評.▫ 乾炒素牛河 配 香脆腐皮卷$88⭐️ 強烈推介⭐️午餐一set包括餐湯、主食、飲品，餐湯我就選擇左西湯-南瓜扁豆玉米忌廉濃湯配香脆法包 🥳南瓜湯一直都係我嘅至愛，呢一間餐廳嘅南瓜湯比我想像中好飲，而且唔知絕對唔係嗌貨貨色，南瓜湯唔係打到好滑漏嗰種！南瓜湯非常之有口感，食得到扁豆、玉米粒質感，味道清甜😍而且法包堅脆口，夾埋一齊食實在太滿足啦！🤯而乾炒素牛河簡直好食到爆燈，估唔到素食嘅乾炒牛河都咁吸引😁味道好惹味，重點係唔會好似傳統嘅乾炒牛河炒到油淋淋，感覺更加健康，而且佢嘅香脆腐皮卷真係好好食，豆味濃郁～.▫ 鮮茄芝士素漢堡扒焗黃金蛋炒飯 $98同樣都係set餐，但呢一款朋友就點咗中湯🥰姬松茸佛手瓜蓮藕雪耳湯味道非常之清甜，忍唔住偷飲咗朋友碗湯好多啖🤣而且我都係第一次食素漢堡扒，感覺同食炸豬扒真係差唔多，幾可亂真😍醬汁方面，有點似羅宋湯既味道，有驚喜！加上係黃金炒飯底，令到成個焗飯更加昇華！不得不提就係邪惡熱辣辣拉絲芝士～🤭估唔到食素食都可以咁豐富，連朋友都話下次一定要encore再嚟🥳🥳
繼續閱讀
🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻📸打卡指數： 👍🏻👍🏻🪑環境衛生： 👍🏻👍🏻👍🏻👍🏻🤵🏻店員服務： 👍🏻👍🏻👍🏻👍🏻因為fai.lok朋友有素食者，所以得閒都會食下素菜，而悠蔬食就有多國款式的素食菜，適合唔同口味的素食者。悠蔬食啲食物份量唔係好多，本身諗住三個人食4菜2甜，可以不用叫飯，點知係一定要叫埋白飯先夠飽，不過悠蔬食啲食物係好食高質。想知道又靚又好玩地方? fai.lok.mode仲會係社交平台分享相片同攝影心得 ______________________________ 花茹准山栗子燘豆腐煲 ( $138 )就咁睇個份量真係唔係太多，但食落真係好味，打個芡打得好入味。泰式生菜包 ( $118 )佢用左好多配料做生菜包啲肉個種口感，食落感覺非常似，老實說fai.lok感得仲好食過真正的生菜包。鮮蔬豆腐粉絲煲 ( $108 )粉絲真係唔多，但啲汁好鮮味，而且菜類都好多。土匪腐皮卷4件 ( $78 )個陣土匪味，加上炸物的感覺，令到人覺得好似真係食咁雞搥咁，雖然食到腐皮卷個到就無左依種感覺，不過都有炸物感覺，唔錯。乳酪蛋糕 ( $38 ) & 千層蛋糕 ( $58 )最最最驚喜係，我地個朋友生日，膽粗粗走去問佢有冇生日裝飾，其實我地都打定輸數，始終素食地方好少見人搞生日，點知佢地竟然有，為我地加個生日牌同生日蠟燭，小小舉動，但非常窩心。千層蛋糕淡淡地，但佢食到一層層個種分感，而且好滑，整體好好食。乳酪蛋糕本身好cream，加埋啲醬甜甜地又幾好食。
繼續閱讀
朋友出咗尖沙咀搵我食晏，我同佢幫襯咗「雅 ‧悠蔬食」，其實我之前一直想試好耐，但男同事大食，驚食素唔夠飽，所以未有機會🤣。餐廳位於大廈一樓，一到步發現都幾滿座，人氣頗高的。呢度環境唔錯，裝修清新簡約，白色牆身同地板配上紫色座椅💜，又帶點少女味道。餐廳設有午市套餐，主菜共九款選擇，價錢由$78至$98不等，涵蓋多國菜式🍽🥢，例如有中式小菜、西餐、台灣菜同埋東南亞嘢等。同時，午餐款式更會定期更換，以保持新鮮感。泰式鳳梨炒飯配沙爹串燒($88)，🇹🇭呢個泰式炒飯比起泰國餐廳嘅出品還要出色，份量又夠多。🍚炒飯用上珍珠米，炒至粒粒分明兼好入味，估唔到辣度都幾明顯，不過都算易入口。🍍除咗菠蘿粒帶來甜味之外，炒飯亦加入咗素肉鬆同素煙肉等炒拌，完全做到色香味俱全嘅效果！沙嗲串燒有兩串，沙嗲汁好惹味，富有花生香🥜，素肉「肉質」軟稔，有一下唔記得自己食緊素，心諗點解啲肉咁嫩嘅，幾好食喎，哈哈。野菌甘筍腰果忌廉汁燴扁意粉($88)，🍝意粉無炒飯咁驚艷，但其實都唔錯，麵條質感彈牙。雖然醬汁用上忌廉汁，但食落一啲膩嘅感覺都無，亦唔會太鹹；而餸料就有大量野菌🍄。至於香脆腐皮卷亦幾有特色，腐皮外層酥脆，入面包裹蘿蔔同豆製品。泰式奶茶千層班㦸(跟餐價$28)，呢度竟然有千層蛋糕食😛，而且仲要係奶茶口味，勁吸引。甜品冇令人失望，奶茶味濃而不甜，🥞班戟層同忌廉梅花間竹相隔，口感好正。尖沙咀過江龍老店賣緊六七蚊一件，而家半價都唔使就食到，唔係唔嗌啊。甘筍地瓜扁豆忌廉濃湯配香脆法包，午餐可加$10配湯同前菜，有中湯同西湯揀。🥕睇色水都知忌廉湯好夠味，口感唔稀，甘筍味清甜突出；法包亦塗滿香草，一啲都唔馬虎。椰子花生南北杏雪耳湯配蜜瓜哈蜜瓜藜麥黑醋沙律，🥥素燉湯有驚喜，以為無落肉煲點都會爭啲，但椰子配上雪耳好滋潤，飲落喉嚨舒服。沙律加咗蜜瓜，所以唔係得個酸字。飲品方面🥤，午餐包飲品，另外有幾款特飲就加$10，我哋要咗凍香芋黑糖珍珠奶茶同凍柚子青檸蘆薈冰茶。今日無珍珠，店員問我哋轉唔轉，但由於想飲，所以淨香芋奶茶都OK，芋頭味好香，無嗌錯。冰茶屬正常發揮，柚子較青檸味顯住🍊。總括嚟講，呢餐素食午餐幾有水準💚，食物味道不俗，多國菜式令人花多眼亂。價錢以尖沙咀嚟計就中等啦，午市平均一百蚊位。題外話，餐廳幾貼心，會照顧客人需要，提供免奶或免蛋等選項👍。
繼續閱讀
📍尖沙咀 雅‧悠蔬食🍴餐廳類型：純素、五辛、奶蛋素食給人的刻板印象就是以蔬食食物偽裝成肉類，但當今的素食潮流是運用蔬食本身的味道做烹調，激發美味的原動力滿足大眾的胃口。.💯今晚的mvp 是蘆筍素香鬆苜蓿芽手卷(可免蛋奶)侍應特別溫馨提示要盡快吃手卷避免紫菜變軟熱量極低且富營養素的苜蓿芽搭配柔滑甜香的醬料，吃起來清爽又美味是道特別開胃的前菜.🍝素大哈炒金邊粉也好吃配料豐富 金邊粉Q彈 香氣也很足！第一口辣度不高 但會慢慢累積越吃越有辣感.🍝牛油果新吞拿魚鮮豆包藜麥焗千層麵也挺不錯一般覺得千層麵是吃完很有罪惡感的食物加入大量的牛油果、鮮豆包的千層麵就吃的理直氣壯呢～.🍰榛子海鹽焦糖乳酪蛋糕海鹽跟焦糖的經典味道組合 是鹹與甜的完美融合香濃的乳酪口感幼滑作為晚餐的甜點最適合不過.整體而言環境氛圍舒適 餐點好吃上餐速度蠻快的服務也很親切大愛蘆筍素香鬆苜蓿芽手卷會想為了它回訪❤️
繼續閱讀
您可能會有興趣的...