雅 ‧悠蔬食

營業中

休息中

今天約了一位茹素的朋友共進午膳，很理所當然的選了一家素食餐館～中午時分，這裡提供多款午飯套餐，套餐裡包含了一杯飲品和一碗糖水，十分豐盛👍🏻我點的是海南雞飯，米飯很足，蘸海南雞的醬料風味十足！所謂的海南雞其實就是豆皮之類的食材吧，不知道是否心裡作用，吃下去還真是有點雞味😂然後我朋友點的是日式鰻魚飯🐟朋友對它的評價很好，就連平時食量不大的她也一口氣把整個吃光！另外，我在等侯朋友到來的期間一直在翻單點的menu，發現原來這裡有賣蛋糕😲那個🍓千層蛋糕看起來好好吃，將來又有多一個地方選購生日蛋糕了～

抗疫了一段時間，身心都要放鬆，相約好朋友一聚，開心渡過一個午餐。今次朋友提議食素，偶然在社交平台見到這間餐廳，是新派素食，決定一試。先說說室內，裝飾以紫色為主，氣氛走優雅路線，但空間感不足，枱與枱之間較迫，說話大聲點都好似太嘈，不是聊天好地方。食物方面，意外地，星期日都有套餐選擇，味道不差，但餐後點了熱咖啡竟然不是熱的，這點令人失望。甜品卻不錯，雪糕朱古力蜂蜜多士粒，不但好味而且很大盤，很飽。雖然我們坐了2個多小時，餐廳亦有很多座位空出，但竟然叫我們結賬，這個有點點不是味兒。

食左幾次呢間餐廳，越做越好，今次忍唔住要寫佢食評！係外賣平台嗌左個中午set lunch【和風淮山野菌燴扁意粉配紫菜豆卷便當】，番到office打開，豐富到一個點。食物盒有兩層，有齊小食、沙律、生果，同埋主菜：沙律酸咪咪，D 菜又爽口小食我就麻麻，但都睇到佢唔係求其炸夠野俾你食生果仲有柚子做調味，超fresh至於主菜扁意粉味道都唔錯，唔會太重口味，又有我至愛既蘆荀仲有個兩杯，一杯係餐飲檸蜜，味道唔錯，酸甜適中；另一杯不得了，係糖水 - 木瓜雪耳無花果雪耳海底椰粒，我打開蓋個下直情打左個突，成半杯都係料，老細駛唔駛咁老實？呢杯係送架咋成餐加埋$70有找，係尖沙咀呢個價隨時淨係食到碟超肥又無菜既碟頭飯

食物味道不錯,但服務好差！個侍應放底配菜後,隔兩分鐘話拎錯左.佢拎走碟菜,之後行個圈又放番底.30秒後又話「吾好意思,拎錯左」,又拎走多次拎錯野！母親節飯,真心勁失禮！

第一次黎食，爸爸生日，想特別啲搵間素食餐廳，唔洗下下大魚大肉。朋友介紹，雖然價錢對我黎講有少少貴，但食物質素、味道、份量都值回票價餐廳環境優雅，淡紫色為主，舒服嘅感覺。每人點左個晚餐，餐湯有中式菇湯同西式牛肝菌忌廉湯。中式菇湯超清超清甜，西式牛肝菌忌廉湯超濃郁同creamy! 每個餐前菜都有兩款：南瓜蓉同陣醋雪耳，非常清新開胃！還有一件手卷：蘆筍或芒果牛油果，佢嘅紫菜係有三層，就算唔即刻食都唔會好易變軟，呢樣好好，出面手卷好少見會包幾層。一樣係咁清新好味。終於到主菜，我叫左焗牛油果闊傑麵，入面仲有紫薯、茄子，雖然唔係好大份，但已非常足夠，超飽。爸食栗子雜菌煲配飯，好多款菌，惹味！老公就食未來漢堡，佢話完全唔覺得自己食緊素菜我試左個炸椰菜花，好似薯餅，味道香口。最後以甜品結束，中式加西式，都係唔會太甜又好食。非常圓滿特別提下佢地嘅招呼都好周到，好有禮貌，好alert你飲晒杯水就幫你加返，又得閒留意下你有冇需要，Good

依間餐廳計埋今次，係食第三次lu，兩次食尖沙咀依間，一次食荃灣新開分店，今次生日都揀依間食，因為未同友人試過，所以就想同佢一試啦，都幾鐘意依間餐廳個格局，因為主色係紫色，望落感覺都幾舒服~ 一坐底先叫左兩個午餐，一個係素鰻魚定食、另一個就係素墨西哥餅配牛蒡沙律我同友人就分別叫左兩杯唔同野飲，我叫左杯鮮榨果汁，佢就叫左杯蝶豆花飲品，上次都飲過鮮榨果汁，因為覺得唔錯所以再encore啦先黎個南瓜餐湯同蒜蓉包，個湯都唔錯ge~整體我覺得都唔錯架，大家都可以試下，個素鰻魚都整得幾似，飯都用左珍珠米，像真度都幾高~反而個素墨西哥餅配牛蒡沙律，我會偏好個沙律多d，對個餅就一般啦，但欣賞食落口時都係熱，起碼廚房都有用心整過，不過總括都係唔錯~ 反而對個糖水就真係一般啦，因為d雪耳都未熟透，仲係硬ge...食左之幾啖都唔想再飲啦

之前都黎過呢間素食，其實一向都有d名氣。今次同屋企人一齊黎，疫症其間真係少左好多人。我地叫左好多餸，素雞腿、魚餅、炒金邊粉等。最好食既係炒女邊粉，夠辣夠入味，同平常金邊粉冇咩分別，好食！仲有抗疫糖水送！

平時好少寫食評，相都唔記得影🙈，今日想食健康d,食素食，用左$30優惠外賣自取，真係好抵，同朋友買左兩個玉子素鹵肉飯便當，因為本身有野飲就無要野飲，半個鐘去攞，要上樓，上到去見都幾多人食，侍應都幾有禮貌，攞外賣見到有野飲，佢話送糖水，真係好驚喜，有兩杯雪梨南北杏，兩杯檸檬柚子，入面仲有蘆薈，鹵肉飯好好味，有水果同沙律菜配搭，食完無負擔，朋友都話好味好飯🤣，會再幫襯，糖水同野飲係送嘅都好真材實料，柚子茶自己加水又沖左次，好味

雅悠蔬食一洗吃素等於老套嘅印象，原來家下食素先係緊貼潮流😅更是一種生活態度。我本身係一個間中食素嘅人，Vegan 晤係重 點，味道先係我最concern. 而雅悠蔬食絕對係兩樣都做得非常出色嘅一間餐廳💛前菜三點賣相精緻，色彩繽紛 ，誘人食慾，有d好似食高級日本菜嘅前奏☺️焗千層香濃不油膩，意粉煙韌 ， 素肉醬茄 汁味較淡 ，但合我何車✌🏻乳酪蛋糕反而比一般嘅cheese cake黎得清爽，唔太甜，但又會食到芝士嘅香味。素馬拉盞炒通菜，同一般泰國餐廳食到嘅一樣，用上秘製嘅素醬汁，唔會太鹹，絕對係嘗素入門版。蜜汁脆燒腐皮卷，用腐皮做的素食，口感特別出色，炸過之後外脆內軟，唔會好熱氣藜麥蔬菜越式米紙卷，加d酸汁更醒神開胃，啖啖清新refresh嘅感覺🤣香芒牛油果蓿芽手卷，見到好多人比like, 梗係要叫翻客驗證下啦！果然冇令我地失望，兩種生果嘅配搭very match, 紫菜亦都夠脆。有人食素或許是為了養生，有人也許是因為信仰，亦都有人吃素為左保護環境，我自己呢排都多咗買素食產品，希望香港可以多啲唔同類型嘅餐廳比大家選擇啦！

我已經比OpenRice團隊激到無咩心機寫食評俾個好評又話人哋係試食，俾個差評又話帶有攻擊性侮辱性我今次冇堂食，因為這間素食店終於有外賣自取，叫了一個素食千層麵，很有芝士味但又不油膩。另外也叫了一碗西湯，紫背天葵雪梨茶比我想像中的好飲很香甜的雪梨味。當然送的甜品更是最窩心之選，香港人要打打氣！另外還叫了一個素食手卷，味道當然就冇有肉的好食，不過口感營養都十分不錯今次外賣自取不在餐廳吃，所以沒有太多餐廳的照片，親愛的OpenRice管理者，就睇吓你今次批唔批。

位於尖沙咀金馬倫道48號中國保險大廈3樓B號舖的雅悠蔬食 (Leisurely Veggie)，主打多國菜素食菜式。餐廳以紫色為主色，感覺舒適優雅。餐廳設有午市套餐，價錢約五十多元至九十多元，餐牌圖文並茂，相當詳細。餐廳是素食餐廳，如果菜式有雞蛋或牛奶的成份，也會在餐牌上說明。餐牌的後頁還有特飲和甜品的選擇，甜品款式也頗為精緻及有心思。約十分鐘後，前菜 青紅蘿蔔馬蹄雪耳保肺湯 配 芝麻蜜汁薯仔蓮藕 (Carrot & Snow Fungus Soup , Lotus Root with Honey) 來到了。保肺湯熱騰騰的，味道清潤，味道比想像中濃厚，青紅蘿蔔切成一口一粒，還有雪耳等配料。小食的味道也相當不錯，薯仔煎得表面微焦頗為香口。每一件有蓮藕都沾上充足的蜜汁。主菜 蒲燒玉子淮山蓉素鰻魚配日本珍珠米 來到了，(Grilled Veggie Eel & Tamagoyaki Rice)。素鰻魚質感香脆，口感和真正鰻魚頗為相似。日本珍珠米口感軟糯，配上微甜的蒲燒醬汁。還有玉子、醃蘿蔔、青豆等作配菜，頗為豐富。點了一客特飲 - 藍蝶花雪梨汁 (Butterfly Pea & Pear J

This restaurant has given me very good impression when I came last time. I decided to give it a go again after a few years of not having it, luckily it wasn’t too full on a weekday. We order two sets dinner to share between the two of us. Picked a tomato vegan risotto and also a lasagna pasta made with veggie instead of meat! Both sets came with an option of soup (Chinese /western) and two plates of starters. we picked the former one which included a lot of Chinese ingredients. the small appetiz

睇到咁靚既環境唔講真係以為自己去錯地方去鬼去左d網紅打卡cafe，成間舖既裝飾都勁有公主feel, 但其實呢間係一間素食餐廳係做facial 之前就搵少少野食下，無意中就發現左呢間餐廳！餐廳有供應午市套餐，原來而家食素都好多選擇，菜式仲同我地平時食開既差唔多午市套餐加$10可以配餐湯同前菜我就叫咗個素鰻魚試下，食落去口感真係好似食緊魚肉咁，真係估唔到而家素食既味道都可以做到咁接近本身既味道，真係令到我對素食大大改觀套餐仲可以加錢升級飲品加配甜品咁靚嘅環境我梗係升級左杯咖啡嘆下雖然好想叫埋甜品，但係食唔晒就無謂浪費！點知原來餐廳仲有送糖水，係雪梨雪耳煲海底椰，夠哂滋潤！今次的確係一個對素食好新既體驗，大家都可以為環保出一分力多食素！

第一次黎試，整體感覺係吾錯。環境坐得舒服。裝飾得幾光猛。食物味道都可以。大啡菇好食 🤤 。雖然今次係單點，見到餐廳有套餐都幾吸引。將來初一十五再食齋，會再考慮返嚟試其他嘢。

如果要👧🏻講中西式素食既例子，齋菜同沙律一定走唔甩，但為食既👧🏻今次搵左啲唔同食法既素食介紹俾各位朋友仔。呢間餐廳俾👧🏻既感覺好似間cafe咁，坐得好舒服，同朋友一齊黎食嘢傾計感覺都唔錯😊晚餐時段有Dinner set供應，👧🏻同👦🏻分別揀左西式煮法同中式煮法既食物，跟住就同大家介紹下味道上有咩分別啦。前菜包括左兩款小食，分別係麻醬牛蒡青爪粉皮同埋泰式鮮果沙律，粉皮落左好多麻醬所以👦🏻👧🏻都覺得食落比較膩，相反另一款鮮果沙律感覺清新同開胃。苜蓿牙手卷分別有配蘆筍或者芒果牛油果既，手卷入面包苜蓿牙既口感好清爽，加上唔係包飯唔會整淋塊紫菜，包蘆筍會比較清淡，而包芒果牛油果就會有水果香甜味。餐湯都係有兩款可以揀，分別係西式既忌廉湯同埋中式既燉湯，忌廉湯因為有白松露所以好香同好濃郁，而中湯比較清飲落好舒服。主食👧🏻揀左大啡菇鮮豆包栗子紫薯焗千層闊條麵，每層麵中間舖滿左唔同既蔬菜，每嗒食落都有唔同既口感；👦🏻就揀左牛肝菌栗子芋頭野菌啫啫煲配糙米飯，呢個煲仔菜上枱非常香，而且入面好足料，醬汁惹味得黎又唔會太鹹。甜品就揀左唔洗另外加錢既椰香紫薯千層糕同柚子乳酪蛋糕，千層糕口感煙韌同好香椰子味，柚子乳