雅 ‧悠蔬食

營業中

休息中

相信2020年整整半年間，世界各地最關注的一定是健康問題，日常飲食營養已經唔可以輕易忽視，新派素食潮流感染力亦尤其重要。今日來到一間較寧靜的樓上素菜店午餐，餐廳環境用以紫色作主題，既舒適安心又不失優雅。疫情期間，二人能坐四人座位空間感較大。午市套餐有8款選擇，前菜及湯品可選擇兩款，A椰香南瓜甘筍濃湯配香脆法飽、B木瓜甘荀雪耳花生湯配藜麥蘋果沙律飲品升級:紫貝天葵荔枝梳打、檸檬蜂蜜生薑茶甘筍濃湯口感濃郁。配埋鬆脆法飽浸湯，牛油蒜香味就更加出色。台式大滷麵配香脆腐皮卷及天婦羅南瓜$98 上檯已聞到濃香滷水味，材料都滷得好入味，用上麵根取代牛肉也味道依然。讚!天婦羅南瓜是健康之選，炸雞腿的腐皮卷，中間有雪條棍支撐就要小心食用了。蒲燒玉子淮山蓉素鰻魚配日本珍珠米 $98淮山蓉揉成魚餅的形狀，紫菜作魚皮，就咁睇外型真心唔似鰻魚，但味道同口感都滿足，微甜饅魚汁配珍珠米加玉子、醃蘿蔔、青豆及薑是件豐富又健康的一客。 甜品時間額外加了$20的班蘭千層蛋糕，層次不錯, 可以一試, 忌廉感重，因為怕肥所以自行剷走面層的忌廉。👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️

今日嘗試一間尖沙咀嘅新派素食店，入到去已經見到裝修好型格，主要色調係紫色同白色見到餐牌當然主打係新式素菜，每一道菜色睇圖片都覺得好豐富，而且款式有好多，完全唔知揀邊一款先好，所以唯有叫套餐首先有餐湯，原本以為係普通嘅忌廉湯，點知食落去裏面有桃膠嘅，感覺幾特別之後有兩碟前菜，火龍果沙律同四喜烤夫，火龍果沙律食落去酸酸甜甜，幾開胃，而烤夫就幾有咬口跟住有香芒牛油果手卷，一咬落去脆卜卜，原來裏面嘅唔係白飯，係類似菜嘅嘢，叫苜蓿芽，幾清新終於到主菜出場，係千層麵，用咗番薯片同幾款唔同嘅蔬菜喺上面一齊焗，所以味道有好多層次，同埋食落好健康另一款主菜係青咖喱配薄餅同飯，咖喱夠辣勁，就算裏面無肉，但係味道都好豐富，配薄餅簡直係絕配最後仲有幾款唔同嘅糖水同甜品，糖水夠晒滋潤，而且好足料。至於芝士蛋糕整得唔膩，有少少乳酪味，酸酸地幾好間餐廳真係強烈推薦比無論食或者唔食素食嘅人士，因為真係可以感受到不一樣的新派素菜

每逢初一十五, 朋友都會食齋嘅, 今晚同朋友一齊食飯, 就當以跟佢一齊食曬啦 呢間餐廳2年之前都食過, 今次再度回味, 食個晚市套餐, 貪佢咩都有, 大包圍, 有前菜, 手捲, 湯,仲有main course, 甜品, 都係二百蚊around,先食個手捲, 蘆筍素香鬆苜芽手捲, 青綠色嘅菜蘆筍, 非常之爽脆, 個紫菜keep得非常之好, 完全冇淋, 咬落去有飯香, 開一開胃先之後呢一個湯品, 叫咗個中湯, 舞茸竹笙蓮子燉湯, 非常之足料, 鮮甜味道完全滲入咗個味蕾, 飲落去非常的清香, 冇味精, 不錯不錯主食嘅有幾款, 我就要咗個西式嘅 黑松露露筍野菌炒扁意粉, 配吉烈蘑菇 .扁意粉炒到非常之香, 又夠彈牙, 黑松露嘅味道非常之吸引, 點綴成個扁意粉, 吉列蘑菇, 非常之脆身, 又juicy 甜品就選咗個乳香乳酪蛋糕, 香濃嘅乳酪 , 再加榛子嘅味道, 非常之香濃

是日食得太飽了，所以晚上不想太heavy，就決定食素食。因為我們都超級懶,所以就直接點套餐；套餐有湯、前菜、主菜和甜品，真的會吃到爆肚，哈哈！*紅火龍果藜麥沙律伴無花火黑醋先來就是紅火龍果藜麥沙律，吃少少水果開胃；酸酸甜甜的，很清新。*四喜烤夫是一吃不能停口的前菜；煮得很入味，不會太咸，且帶少少甜味。*太子參黃耳馬蹄花菇燉湯選了中湯，因為中湯不會飲到太飽；而且搬出去住少飲了湯，都想出街可以有少少湯水；這個燉湯很清甜，又暖胃。*香芒牛油果苜蓿芽手卷手卷都是包飯的，但這裡的手卷是以蓿芽代替飯，比較似沙律；可以少一點澱粉質；香芒甜甜的，很開胃；牛油果亦很CREAMY。*黑松露蘆筍野菌忌廉燴扁意粉配鹽酥白靈菇（$238）超香的黑松露香味；意粉忌廉汁都委夠，每一條都沾到醬；意粉又煮得剛好，不會太軟；鹽酥白靈菇增添了一些口感。*伯爵紅茶乳酪蛋糕其實已經好飽，再吃乳酪蛋糕真的很膩，但都試了一口；怎知道，原來有淡淡的伯爵紅茶香，中和了一點膩，最終自己ＫＯ了一件。

平時餐餐都食肉，間唔中都要食得健康啲，依間餐廳同以往嘅素菜館好唔同，比較新式，中西菜式都可以一次過食晒，所以約埋朋友試下！餐廳裝修以紫色為主，感覺柔和舒服Dinner set 好豐富，有前菜、手卷、湯、主菜，甜品，價錢都係$228-238前菜有紅火龍果藜麥沙律配無花果黑醋，火龍果配黑醋，甜甜酸酸好開胃，另外四喜烤夫好入味。香芒牛油果苜蓿芽手卷，苜蓿芽取代左白飯，食落清爽帶有少少青草味，配埋香甜芒果同牛油果，感覺好清新太子參黃耳馬蹄花菇燉湯材料豐富，好滋潤，無左肉既肥膩感反而仲好飲椰香冬陰鮮蔬意大利飯配吉列蒟蒻西式意大利飯配上泰式冬陰公醬原來都幾夾，有椰香味，仲有少少辣，中間仲加左好多蔬菜粒，增加口感，不過略嫌味道濃左啲。吉列蒟蒻有驚喜，食落似炸魷魚圈，煙煙靭靭。和風照燒汁素鰻魚手作薄餅 $148素鰻魚食落口感都幾似魚肉，加埋燒汁甜甜地幾好食，不過要襯熱食，如果唔係個餅底硬左無咁好食。擔擔麵 (中辣) $58湯底濃郁，平時食開少辣既我都接受到中辣，食落有少少辣既刺激感，雖然無肉碎，但芝麻同花生味已經好香濃！椰香斑蘭千層班㦸 (跟餐+$25)班㦸雖然有啲厚，不過好香斑蘭味，椰子忌廉好濃郁，

2020年7月6日 星期一距離我同女朋友嘅婚禮只係剩返一個星期，好多事情都準備得七七八八，不過受到疫情影響，好多嘢都未必控制到，所以都幾擔心。不過飯點都要食嘅，今晚就去到尖沙咀食呢一間素菜餐廳位置於一間大廈裏面，一出lift就見到晚市有套餐可以選擇，分別有前菜、手卷、湯、主菜同甜品，感覺好似有好多嘢食於是我哋每人叫咗一個套餐，首先嚟到嘅係湯，周打黃耳桃膠忌廉濃湯，冇諗過黃耳同桃膠都可以同忌廉湯煮埋一齊，食落去又幾配合之後有前菜四喜烤夫同紅火龍果燕麥沙律伴無花果醋，燕麥沙律食落去酸酸甜甜，幾開胃，而烤夫都幾飽肚，浸得好夠味至於手卷係香芒牛油果苜蓿芽手卷，嚟到嘅時候真係以為係同普通手卷冇分別，點知咬落去發現裏面原來冇飯嘅，取而代之嘅係牛油果同苜蓿芽，感覺幾清新跟住終於嚟到主菜，牛油果南瓜紫薯藜麥焗千層闊麵，上菜嘅時候充滿芝士嘅香味，切落去見到闊麵上面有南瓜片，食落去非常爽脆，而且隱約仲食到紫薯嘅味道，都幾多層次另一款主菜係青咖喱野菜猴頭菇配印度薄餅同飯，青咖喱好夠香味同有少少辣，用薄餅點黎食簡直係絕配，完全食到咖喱嘅味道最後仲有甜品伯爵紅茶乳酪蛋糕，乳酪蛋糕整得creamy，充滿伯爵茶嘅味

最近疫情稍為好轉，出街食飯的次數亦多了，最近係公司附近發現一間樓上素食店，有抵食套餐供應，又見有不少食客捧場，就想去試試啦！有別於一般的素食店，餐廳裝潢設計特別，其實更似一間咖啡店或者特色西餐廳呢，完全給人一種新氣象的感覺！餐廳人流都頗多啊，晚飯時間上嚟食飯都全場爆滿呢！前菜：火龍果藜麥沙律和四喜烤夫！先有開胃前菜，火龍果藜麥沙律清腸健康，四喜烤夫就好似平時的齋菜，簡單清新好食！手卷：香芒牛油果苜蓿手卷！這個激讚，估不到素菜店都有日式手卷食到，首先紫菜勁脆口，咬落索索聲，內餡又用上牛油果和芒果兩種水果，入口清新美味！餐湯+飲品：周打黃耳桃膠忌廉湯、紫貝天葵荔枝梳打！餐湯很足料，大大件桃膠夠入味，忌廉湯又夠濃味夠creamy！荔枝梳打不在套餐之內，要另加20元才可享用，個人感覺略甜，下次要叫少甜才好呢！主菜：椰香冬蔭鮮蔬意大利飯，很特色很精緻的一個意式燴飯，配上新鮮即炸的素蝦，令人回味無窮！😋😋素蝦其實是吉列蒟蒻，但吃入口的味道很像真蝦呢，飯亦做得很出色，既有意大利燴飯的creamy口感，亦有陣陣的冬蔭功味，中西合璧，值得一試呢！夜市時間都人頭湧湧，又是健康素食，可以捧場試下啊！

雅 · 悠蔬食朋友話成日出去食今日想食清淡一些, 有間素食都好有感覺第一次食素食，去到門口設計都幾靚，有高貴氣派感覺泰式五彩生菜包 黑木耳、冬菇、白菌、秀珍菇、馬蹄、三色椒等香口惹味，鮮甜生菜包入味道香濃餡料。餡料用上好多配料口感層次豐富榛子咖啡乳酪蛋糕咖啡味好香, 餅底做得香脆粉紫色白色為主顏色，貫徹其輕鬆悠閒餐廳格調款式多樣，份子豐富，CP值高服務都好好，訂位前一日會先確定訂座資料肉食王既我都好欣賞#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me #followme #comment💬 #like4me #smile #igers #hkig

#抵食大份多國菜式素食最近吃肉太多，一於就來一餐素食，餐廳位於尖沙咀，是樓上舖，賣的是多國菜式的素食版本。我們點了兩個套餐和升級了一款甜品。Appetizer紅火龍果無花果 伴 無花果黑醋/ 四喜烤麩Dragon Fruit Quinoa Salad, Served with Fig Balsamic DressingBaked Bran先有頭盤，一些開胃小菜，簡單也醒神。Handroll蘆筍素香鬆苜宿芽手卷/ 香芒牛油果苜蓿芽手卷Asparagus & Alfalfa Sprout Hand Roll, Avocado, Mango & Alfalfa Sprout Hand Roll接下來是兩款手卷，值得一提的是，店員提醒我們要盡快吃，免得風味起變化，但是和一般肉食日式手捲相比，感覺是欠了一些層次感。Soup週打黃耳桃膠忌廉湯/ 太子參黃耳馬蹄花菇燉湯Golden Tremell & Peach Resin Chowder, double-boiled ginseng, Shiitake mushroom & Golden Tremella Soup忌廉較想像的濃厚，相信是加了奶的

📍雅 ‧悠蔬食 (尖沙咀)🔍尖沙咀金馬倫道48號中國保險大廈3樓B號舖-----食素曾經是B仔很抗拒的事情，總覺得素食「淡茂茂」不如食肉來得爽口舒服。怎知之前有段時間因為經常出街大魚大肉吃得太不健康，導致起了些濕疹，才令我嘗試開始間中吃吃素，吃健康些，希望能令濕疹好轉。而間中食素之後亦令我認識多咗素食嘅廳，並開始令我明白到一間好食嘅素菜，唔單止唔會「淡茂茂」，其實有時甚至做得好食過有肉嘅食物。-而呢間「雅 ‧悠蔬食」就係一間令B仔覺得食素唔會「好寡」嘅餐廳。餐廳裝修以粉紫色為主調，同佢個名非常合襯，環境典雅高貴，有私房菜嘅感覺。-黑松露鮮蔬炒飯$108：老實說，無肉黎講呢個價錢我覺得唔算平，但係佢地又真係做到一分錢一分貨，黑松露落得好足，未開始食已經聞到芳香撲鼻嘅黑松露味，炒飯亦係材料豐富，有切粒嘅素火腿、翠玉瓜、三色椒、芝麻、素肉鬆等等，入口無論層次定味道都非常多樣化，令人覺得食素都食得有滿足感。-藜麥蔬果沙律配鳳梨百香果汁$68：大量嘅菠蘿🍍貌甚吸睛，配搭健康飽肚嘅藜麥，整體味道開胃，香甜多汁，口感亦佳。-腰果露湯丸$48：濃郁嘅腰果露，質感稠身，雖說是腰果露，但食落又非常似花生味

dinner set 包左手卷, 湯, main 同dessert.湯選左中式, 馬蹄花菇燉湯 真係好足料唔同種類菇菇, 幾香菇味手卷選左牛油果芒果芽菜, 牛油果較少唔點食到. 芒果清甜加入味道唔錯. 落左滿滿芽菜好fresh仲有兩碟前菜, 中式烤夫. 其實係醃麵筋加扁豆. 以及紅火龍果配無花果果醋藜麥沙律.冬蔭功risotto 頗惹味, 冬蔭功酸辣味好出, 配上唔同蔬菜同素肉味道一點都唔單調。而risotto 上炸蒟蒻, 因為口感都係帶點QQ 真係幾有炸魷魚感覺另外叫左個擔擔麵, 選左中辣其實都唔算好辣. 麵偏腍身, 湯花生香味都幾濃, 唔錯日式素鰻魚pizza 比想像中大份, 邊位焗至脆卜卜. 底層有牽絲cheese. 素鰻魚第一啖都有少少似魚丸. 覺得如果鰻魚汁再多d 會更加好食雖然係素菜餐廳, 甜品都幾有質素. 加$25 的班蘭crepes cake 班蘭香味幾濃郁. crepes 都薄身, 不過cream 有點太多, 略偏甜同膩左d. 如果cream 可以再輕盈少甜點會更出色

獨個兒的豐富美味素食晚餐～～～大舊晚上要加班 突然放我飛機 雖然很不開心 不過作為24孝女友也要體諒男友的工作辛苦 但同時為咗令自己開心返 我就決定一個人去食下好西～～～上網Google咗一輪之後 最後決定食呢一間想食好耐嘅素食餐廳 行入餐廳便被它那粉紫色的美麗裝修弄得少女心爆棚 正好男朋友不在 可以一個人慢慢多拍幾張自拍🤳～～～本來以為是素食 餐單的選擇應該不會太有趣 結果一打開便非常有驚喜餐牌好多選擇 有中西式甜品 前菜 手卷 pizza 西餐 中餐 泰式粉麵 等等 看得我心花怒放 頓時覺得一個人吃飯也挺幸福的～～～最後我則點了他們的晚市套餐 貪佢夠豐富 由前菜到甜品全部應有盡有 包括了：紅火龍果藜麥沙律 無花果黑醋四喜烤麩 香芒牛油果手卷太子蔘黃耳馬蹄花菇燉湯 椰香冬陰鮮蔬意大利飯配吉列蒟蒻 和菊花杞子馬蹄糕～～～紅火龍果藜麥沙律 無花果黑醋：凍冰冰又非常新鮮的紅火龍果 非常漂亮 吃下去味道也是棒棒的👍🏻～～～四喜烤麩：雖然只是前菜 但份量一點也不少 一個人吃完全足夠 而且整得非常入味 好好食～～～香芒牛油果手卷：超脆身的紫菜 令人一吃難忘 牛油果🥑滑 香芒香甜 加上清新的特色菜

食肉獸小編好少食素，知道尖沙咀「雅 ‧悠蔬食」有fusion素菜，口碑都幾好，當日去到門口已經聞到好濃烈黑松露香！🤤打開餐牌，菜式好多元化，有黑松露大啡菇，擔擔麵，炒金邊粉，好有創意地用素食食材做出不同國家料理，選擇困難下決定點晚市套餐啊😬成日話要食多啲不同顏色嘅蔬菜水果，今餐樣樣都試到。特別一提，整個用餐體驗非常好，店員會留意住客人用餐進程，享用完前菜，先會上主食，唔會一次過上菜，你知食物凍左就無咁好食㗎嘛😛。晚市套餐(前菜+手卷+湯品+主食+甜品)簡直係黑松露控、牛油果控嘅福音，睇落去你就知。黑松露蘆筍野菌忌廉燴扁意粉($238)配鹽酥白靈菇••••••So creamy！黑松露醬香氣撲鼻而嚟，搭不同種類嘅野菌食係絕配，蘆筍清新鮮甜又有益😋加埋火箭菜可以中和一下忌廉汁嘅膩口。扁意粉掛汁，唔會過淋，鹽酥菇兩件就好有台式味道喎😜。牛油果南瓜紫薯藜麥 焗千層闊麵($228)••••••一路食一路好似尋寶咁🥳出爐千層面表面金黃，切開有拉絲芝士，茄醬比例剛好，口感好複雜🤪軟滑牛油果🥑南瓜紫薯香甜，唔錯嘅澱粉，加埋千層麵麵皮真係食到飽飽啊！(前菜)紅火龍果藜麥沙律••••••口感過癮，火龍果籽

第一次食素就係由依間開始，而且係銅鑼灣食晚餐，真係好好味，因為廚師由中西兩廚主理，食物質素很有保證。反而對比之下，試過尖沙咀分店沒有銅鑼灣的好味。但係疫情開始，再去食番嘅時候，真係刮目相看，加上大多數人選擇外賣而不堂食時，佢哋亦迅速轉變，開設午餐便當，健康之餘，賣相十分吸晴。這款魯肉飯味道好似真的魯肉飯，旁邊有小菜及生果，營養十足，附送餐飲及糖水，真係好窩心。今次嘅生果係鳳梨，非常甜美，食魯肉飯前來這款酸甜生果，胃口大開。午餐便當十分精美，簡真係開啟美好嘅一天。

這晚到了尖沙咀的上樓素食店飯局。以往對素食的印象是刻板又老派，但隨著近年來的新派素食餐廳興起，素食已經變得越來越多元化。這間「雅•悠素食」位於商業大廈的3樓。餐廳以紫白色為主調，予人舒服柔和之感。甜甜的紅火龍果肉粒，伴上藜麥和蔬菜，加以黑醋，甜酸開胃。另外還有四喜烤夫。手卷需要把握時間進食，因為紫菜可能會腍掉。紫菜脆口，包著香芒、牛油果、苜蓿芽。芒果非常香甜。苜蓿芽是芽菜類之一種，口感爽身，原來營養價值頗豐富，而且還是低熱量食品。餐湯有中有西，既然點了2份set dinner，就2款湯品都來嚐嚐吧。2款中，西式忌廉濃湯相對較吸引，可能是帶著濃郁的忌廉香味。而這一款入口就較清甜滋潤。材料一點也不吝嗇，盅內有黃耳、馬蹄、花菇等，雖然是素湯，但仍然很夠味。千層麵揮別傳統的肉醬，在素食版本下，夾心變成了牛油果、南瓜、紫薯、藜麥等菜蔬。入口還是有酸甜的蕃茄醬香味，最欣賞闊麵加了大量芝士焗製，有微微拉絲效果。不過千層麵的層數有點少，未夠千層呢。意大利飯用了餐廳調製的冬陰公醬烹煮，微辣之間又有點椰香，頗為惹味。飯粒夾雜了雜菇粒，煙韌中又有幾分彈牙，口感豐富。吉列蒟蒻頗有驚喜，以往對蒟蒻的印象是透明的