雅 ‧悠蔬食

營業中

休息中

長假期食得太多油膩野，想食返清淡啲將功補過。今次揀咗間素食餐廳，食完都冇咁大罪疚感。同友人叫咗一人一個set dinner，都幾多選擇，我揀咗D餐 - 白松露蘆筍茄子紫薯千層闊麵。有前菜、手卷、湯、主食同甜品，好豐富。前菜 - 柚子沙律同百靈菇刺身第一次食菇刺身，好鮮味。柚子沙律好 refreshing，好健康。香芒牛油果苜蓿手卷 - 好有創意，用苜蓿代替傳統手卷嘅飯，更健康。苜蓿好高纖維，營養價值豐富，口感又爽脆，同牛油果、芒果味道夾，好特別嘅一道菜！猴頭菇竹笙黃耳無花果百合燉湯 - 睇個名就知好養生，好清甜嘅湯，又足料。猴頭菇又係好有益，全部食材都可以食埋，夠哂進補。白松露蘆筍茄子紫薯焗千層闊麵 - 好 creamy，芝士焗得好香。本身以為好膩，但原來闊麵中間放咗茄子同紫薯，中和返芝士同白松露嘅油膩感，好創新嘅配搭。蘆筍好清甜爽口，正！古法黑芝麻糕 - 低糖，香濃黑芝麻味，口感煙韌，好食！

有時想吃素，宜家新興新派素食，精緻一點。晚餐有晚餐或單點。晚餐包前菜、湯、主菜及甜品。每個項目都有選擇。 是日前菜唔駛揀，係係蜜桃紅火龍果蜜瓜沙律、日本黑豆亞塔子伴吉列天貝。蜜桃酸酸甜甜，仲有火龍果蜜瓜，幾鍾意個沙律。另外仲有手卷，蘆筍素香鬆苜蓿芽手卷。蘆筍口感爽口，味道幾好。接著有湯，可揀中湯或西湯，揀左中湯：鹿茸菌冬瓜黃耳竹笙百合雪蓮子。青咖喱野菜猴頭菇配薄餅，咖喱唔會好辣，而且好多菜，點薄餅唔錯。

晚餐幾抵食又豐富🤩前菜有蜜桃紅火龍果蜜瓜沙律🥗及日本黑豆亞塔子伴吉列天貝。沙律豐富又新鮮，鮮果好清新開胃。黑豆亞塔子好特別，咬落煙靭。吉列就口感較硬。手卷揀左香芒牛油果苜蓿，味道好清新。手卷紫菜好脆。湯揀左鹿茸菌冬瓜黃耳竹笙百合雪蓮子燉湯，好足料，又清甜好飲。無味精。白松露粒粒意粉酥皮盒配苔菜三絲脆卷。賣相幾靚，酥皮盒脆卜卜～ 入面啲意粉有松露味。最後甜品揀左芝麻膏。芝麻好香。素色整體唔錯，價錢合理。

由於疫情關係，好少出去食嘢，就算想出去食嘢，都想食清淡少少。所以今次就嚟咗呢間西式嘅素食店。我同朋友就叫咗呢個晚餐set，首先嚟咗嘅係香芒牛油果手卷，佢個味道好清新，牛油味好濃郁，好適合開胃。之後佢哋就嚟咗一個湯，係鹿茸菌冬瓜黃耳竹笙百合雪梨蓮子燉湯，佢呢個湯好足料，真係有以上所講嘅材料，飲落去都會覺得好補，好適合而家疫情！飲完呢個湯之後，心理上都覺得自己預防左少少疫情啊！由於呢間係素食嘅店舖，所以我哋專登叫咗一個牛油果南瓜紫薯藜麥焗千層闊麵，佢千層麵做得非常之好，清晰分明好多層。而且藜麥都係近年來最受歡迎嘅健康素食物品之一，所以呢兩個組合真係令我覺得好清新，加上我本身其實自己偏向鍾意食西式野嘅，所以今次呢個菜呢就令我覺得原來素食都可以做到咁好食！之後由於我哋兩個人，所以都叫咗一個牛肝菌松子菠菜忌廉意大利飯配三色黑醋車厘茄，首先佢嘅車厘茄因為有黑醋嘅配搭，所以其實都好開胃，出邊有好多意大利粉都整得好油膩，但佢呢個就啱啱好，加上有牛肝菌嘅襯托仲有菠菜又健康又好食呀！最後，呢個餐都包括左一個甜品，而且呢張圖入邊嘅甜品就係古法芝麻糕同埋柚子蘆薈乳酪蛋糕，我覺得簡直係今餐我最鍾意食嘅嘢呀，因為

好耐冇同朋友食素，呢一間餐廳係尖沙咀屬於比較就腳，一於試下佢究竟如何～一入到去，就望到紫色色調嘅裝修，座位都好優雅，俾人一種舒適嘅感覺咁我就叫午餐套餐，佢都有九個款式，我同朋友都不約而同咁樣想食E餐，「蒲燒玉子淮山蓉素鰻魚」，仲送一杯特飲，我想飲熱野，所以叫咗韓風蘆薈柚子蜜，至於前菜我都加咗$10，揀咗南瓜湯同香脆法包～餐湯係先上嘅，真係超級好飲，濃郁嘅南瓜加上好嘅調味，點下包食真係同出面法國餐水準差唔多，我無吹大左，出面食都真係咁嘅味話說我點餐嘅時候淨係見到鰻魚，食落口少少脆，個樣都好似鰻魚，完全可以fake到我，唔知道原材料係淮山，成個飯都有好多醬汁，完全唔會因為佢係素而遜色，仲有其他配菜like青豆，營養豐富，真係幾滿足我仲同fd share左個荔枝玫瑰cake,雖然賣相一般，但係真係幾好食，不過食完個飯都好飽啦🤣所以一人一半岩岩好✨

是日諗住去美麗華睇Lulu豬 但預左多人唔起果度食嘍 去到尖東站隨興打去呢間 有位呀 立馬出發😍前菜及湯品南瓜粟米雪耳桃膠忌廉濃湯 配 香脆法包較好多餐廳既南瓜湯都正 濃得黎唔膩 最特別係有埋桃膠 口感滑滑彈彈 竟然出奇地夾 法包亦夠熱辣辣青木瓜甘筍花生雪耳湯 配 孜然薯仔藜麥沙律中湯西湯一樣好飲 呢個入口就相對清潤啲 沙律🥗有驚喜 孜然既香辛配薯仔好惹味 主食蒲燒玉子淮山蓉素鰻魚 配 日本珍珠米 $98賣相堅似 而且真係好食😋鰻魚口感都算好似 又無骨又比較易咬 湯圓妹勁愛 玉子亦捲得精緻 滑滑溜溜大啡菇野菜炒烏冬 配 雜錦天婦羅 $98賣相也是討喜 天婦羅有茄子/ 蕃薯 都好食 可惜烏冬油左啲小食鹽酥靈芝菇 $88推薦❤️ 脆漿剛好 鹽酥味剛好 而菇仲係juicy 熱辣辣好好味 佐酒真係一流（不過我地無飲😂）升級飲品套餐本身已包唔少野飲 升級飲品就+10 都合理 照加😛（右）藍蝶花雪梨汁（凍）+$10賣相圖文相符 味道酸酸甜甜 很清新（左）紫貝天葵荔枝梳打（凍）+$10唔太甜 解渴之選 紫貝天葵個味一飲即感覺置身大澳 離島feel⬆️⬆️⬆️😂甜品海底椰糖水想埋單果陣 店員話仲有糖水送 海

約會友人 中午，品嚐新派素食店，簡單型格裝修，白色 紫色為主，舒服舒適叫套餐就是最化算了吧餐湯 ：黑松露淮山桃膠忌廉濃，有桃膠，感覺幾特別香滑濃郁，粟米...粒粒蔬菜等等，豐富口感香草蒜蓉香脆法包，惹味😋主菜： 大啡菇野菜炒烏冬切條啡菇，白菇，紅蘿蔔、椰菜絲烏冬好滑溜，份量多雜錦天婦羅甜甜南瓜、冬菇、茄子韓式籚薈柚子蜜開胃醒神，味道適中另加 $15 有甜品：柚子籚薈乳酪蛋糕我的至愛 芝士蛋糕，略帶酸酸哋😋

素食近幾年大行其道，中式，西式多樣化。我自己比較喜歡西式化的，款式變化多端之餘，味道清淡。中式會覺得油膩一點，過於傳統。呢間素食餐廳來過一次，合我胃口，非常推介。南瓜粟米雪耳桃膠忌廉湯配法包湯底濃稠，南瓜味濃。雪耳，粟米，桃膠有著不同口感，正！烤焗牛油果墨西哥薄餅薄餅脆口，餡料除了牛油果外，還有蕃茄，瓜類...口感豐富，份量剛好。配菜是紅菜頭乳酪沙律，清新開胃。柚子青檸蘆薈冰茶小清新的飲品，味道清香透心涼。

Happy Friday,放左工老公帶我去尖沙咀試新派素齋餐廳-雅.悠蔬食。環境以紫色為主，襯托出高貴格調。餐單菜式有好多款，單點或套餐都有。入座後侍應好細心，拎左兩個籃俾我地放袋。我地點左六樣野食，兩個小食，兩個主菜，加兩杯飲品。黑松露薯蓉焗大啡菇：老公好鍾意食菇，必叫小食之選。大啡菇勁大隻，入口勁多芝士同薯蓉，仲有黑松露點綴。泰式香煎如餅：如餅勁大塊又夠熱同香口。擔擔麵：哩度擔擔麵無肉碎，但湯汁勁多，撈住擔擔麵來食勁好味，食到有花生同紫菜味道，叫左小辣唔算辣。泰式鳳梨炒飯：哩個炒飯炒得好出色，每樣材料切得好幼細，有蕃茄粒、青椒粒、鳳梨粒⋯連我唔鍾意食青椒既人都覺得好好味，食落有口感，濃味但唔油膩。最後叫左兩杯清潤蘋果雪梨汁，飲落好清潤，仲有粒粒盧薈粒係杯底。餐廳出菜都好快，食物質素高，賣相吸引，性價比。今晚晚餐相當滿足😋😊

講起食素食，好多人都會覺得清淡，想起中式齋鋪。其實呢個都係我既感覺，不過今日試既呢度，就推翻哂上面既固有印象。一入到既風格，已經有一種高雅既感覺。坐得好舒服，第一印象已唔錯。當然，餐廳最重要既係食物。先試左小食，泰式香煎如餅，望落似泰式蝦餅，雖然係素食，但鮮味比肉食有過之無不及，出色。之後就係擔擔麵，辣味適中，食麵連湯一口食，濃厚滋味。主菜係招牌菜黑松露薯蓉大啡茹，叫得招牌菜，精彩可期，薯蓉焗到好香，有好濃黑松露味，菇既鮮味咬落又有juicy。一定要試。最後係，泰式鳳梨炒飯，雖然無任何肉，但好開胃，幾種味夾起嚟好有層次。一餐飯，有哂中，西，泰風味，素菜都有哂咁多玩法，值得捧下場。

前幾日食烤肉太豐富，於是是夜約朋友到這間她推薦的素食館，來個「無肉」晚上！我們兩人點了一個二人套餐，有兩個前菜、一個手卷、一個湯、一個青咖喱猴頭菇主菜和一款甜品，之後再點多一個鰻魚pizza。首先是兩款前菜，蜜桃火龍果蜜瓜沙律很新鮮，而且水果都是很甜；另一款日本黑豆配吉列天貝也很特別，口感有點像芋頭般綿滑，而且日本黑豆果然很甜！手卷我們選了香芒牛油果手卷，最驚喜是紫菜十分脆！而且芒果搭配牛油果沙律很開胃，裏面有一些炸脆，增加口感，苜蓿芽味道亦很清新！我們選了黑松露淮山桃膠忌廉濃湯，一上菜已聞到濃濃的黑松露香味！忌廉湯很滑，也很喜歡桃膠像啫喱的質感，沒想到原來和忌廉湯也這麼配合！而主菜青咖喱野菜猴頭菇配印度薄餅更是今餐最滿意！青咖喱很重椰香味，對我們來說不辣，而且有泰式香料和紫蘇葉的香氣，加上猴頭菇和其他配菜像泰式圓茄子、芋頭、椰菜花等吸收了咖喱的精華，很好吃！想不到猴頭菇的質感原來和肉類也有幾分相似！不過最令我驚喜定是印度薄餅了，一拿起來已經感覺酥軟鬆化，食起來充滿酥油香！配上青咖哩真是很搭，令我們一口接一口！我們另外點了照燒汁素鰻魚手作Pizza, 味道也很好！Pizza亦有芝士拉絲

2020年呢個疫症年令人不得不關注到自己的健康問題，抵抗力由日常生活影響，所以飲食習慣也需要多加留意，食開素菜的友人今天約會來到幾少女心的樓上鋪食午餐，門口出面已感受到一份紫色系列的吸引，店內寧靜舒適，岩哂我地呢D優雅健康美麗人妻。哈哈打開MENU有8款午餐揀選，同朋友一致揀左兩款前菜例湯，1. 木瓜甘荀雪耳花生湯配藜麥蘋果沙律、2.椰香南瓜甘筍濃湯配香脆法飽南瓜甘筍湯濃郁好味。將香脆法飽浸落個湯非常滋味，木瓜甘荀雪耳花生湯是養生湯, 送上健康藜麥蘋果沙律，品嚐雙重健康補品。蒲燒玉子淮山蓉素鰻魚配日本珍珠米 $98所謂的鰻魚其實是用淮山蓉揉成的魚餅，魚皮是紫菜而成的質感，就咁睇賣相真係有個疑問，而食落出奇咁個口感同味道都有鰻魚原味嘅味道，甜甜地嘅饅魚汁加入珍珠米同玉子，配菜有青豆醃蘿蔔、及薑是件豐富又健康的一客。 台式大滷麵配香脆腐皮卷及天婦羅南瓜$98 滷水香味出色，入味滿意，牛肉是件件幾有口感的麵根，吸收左當中的精華，配上南瓜天婦羅香脆中亦多一份健康感，炸雞腿的腐皮卷同樣脆口，加了跟餐價$20的甜品，班蘭千層蛋糕，面層忌廉香滑，一層層班蘭蛋皮夾著芬香班蘭味。飲品跟餐升級左檸檬蜂蜜生

終於....終於都等到限聚令放寬啦！！好耐冇見既朋友終於都聚首一枱...我們相聚於cafe, 有別一般嘅cafe, 揀咗一間素食cafe之前一直都好想黎食，見到裝潢典雅，感覺寬敞舒服，係相聚好地方午餐、晚餐都有set，款式仲好多前菜叫左藜麥蔬果沙律🥗菠蘿🍍好甜，藜麥多，新鮮蔬菜配上菠蘿百香果汁，甜甜酸酸，入口fresh之餘，仲好開胃泰式鳳梨炒飯，份量好多，女仔嘅話，可以同朋友share，試多D唔同菜式飯粒吸收了醬汁，入口香而不過咸 ，配上素肉鬆，豐富配菜同菠蘿，令炒飯味道豐富而不覺膩就算不是素食者，餸菜味道也令人非常滿意女士們又點會缺少甜品—椰香班蘭千層班戟，係推介食品之一薄薄的班戟皮帶有香濃班蘭味，加上幼滑忌廉帶有椰香，入口配搭更令人難忘令人感到驚喜的是素食餐廳🍴也有着出色手藝，cafe 也可以創造健康生活風格，而不失典雅氣派

生日週食餐素食開羅！朋友帶路，平日上到嚟都幾滿場喔。素食好少食，叫套餐唔洗煩。黑松露淮山桃膠忌廉濃湯Creamy爆燈，比平時飲嘅忌廉湯更加香更加濃夾更加結！多得淮山桃膠幫手，好美顏去濕，黑松露味道突出！鹿茸菌冬瓜黃耳竹笙百合雪蓮子燉湯喜歡鹿茸菌脆口，材料齊全。 竹笙好入味，上哂色！百合雪蓮子粉嫩粉嫩，感覺有啲似食糖水舖嘅燉糖水，哈哈！蜜桃紅火龍果蜜瓜沙律水果幾款，紅火龍果令大家顏色紅紅！蜜桃甜、紅火龍果滑腸、蜜瓜脆口，多重口感享受！素食都做到！「紅」運當頭生日週！日本黑豆亞塔子伴吉列天貝日本黑豆亞塔子甜甜地，有d似蜜豆！吉列天貝薯仔口感。露筍素香鬆苜蓿芽手卷脆紫菜嘅時候食更加好食！香芒牛油果苜蓿芽手卷上面蘆筍紫菜就係脆脆口感，呢個就係軟棉加脆口感！9月既芒果都仲幾甜！牛油果南瓜紫薯藜麥焗千層闊麵 $228外型8成似肉色既焗千層闊麵！紫薯就係做「肉」，色澤好似！芝士配麵焗好肥呀，素食嚟既，唔肥唔肥！食完依加已經好飽啦！有個素魚蛋既，幾特別！得三粒咋，食左兩粒既幸運兒揮手區！btw~素食店既店員全都幾溫柔，輕聲輕語！牛肝菌松子菠菜忌廉意大利飯配三色黑醋車厘茄 $228黑醋車厘茄甜中帶酸，藜

最近突然愛上素食，原來宜家啲素食餐廳都好好食，環境新派而款式都好多元化，今次試咗呢間嘅午市先嚟香脆嘅法包，入口好脆身，仲有係牛油蒜香味仲有香濃忌廉湯，入面好多蔬菜粒，飲落都滑身又有啲菜粒咬口蒲燒玉子淮山蓉素鰻魚，賣相成個日式便當咁，飯底用咗日本珍珠米，飯粒分明又軟熟，而素鰻魚口感都好似，咬落去仲有蒲燒醬油味，仲有青豆及紫薑等配菜最後加錢追加咗個甜品，呢個係榛子咖啡乳酪蛋糕，食落好幼滑，咖啡味好出好香濃