隨變火鍋

營業中

休息中

和朋友去了銅鑼灣登龍街18號V Point 23樓的隨變火鍋食飯，雖然這是一間專食火鍋的餐廳，但最近推出了撈起麵，所以過來試下。餐廳裝修得非常光猛，通透，一入到餐廳已經望到落地玻璃窗外的風景，由於位處高位，所以戶外景點非常開揚和舒服。店員服務亦都相當殷勤有禮，而且很主動，讓人感覺舒服。我們點了兩款撈起套餐，牛肉撈起，雞絲撈起。套餐包一杯飲品或一罐汽水，而且有一碗清湯，可以加在撈起麵食。這裡的撈起非常大碟，配菜有蘿蔔絲，青瓜絲，海帶絲，蟹柳絲，雞絲和蝦仁等，相當足料。牛肉撈起，將雞絲改了牛肉碎外，其他配菜大致相同。蝦仁相當結實彈牙，而且雞絲也很嫩滑，加上麻辣汁，相當惹味，另外值得一提，這裡的撈起並不是一般的烏冬或者麵食，而是餐廳特製的隨變粉，我還是第一次食，口感相當爽滑彈牙。值得一提是，撈起麵的份量真的很大，如果是比較細食的女生，可以兩人叫一份，之後再點其他小食，這樣可以試到更多食物😉👍

約左好姊妹食麻辣火鍋，但多心嘅我又想食雞煲，我地不約而同book左銅鑼灣隨變雞煲，呢間地點係V Point，即登龍街果邊，原本食雞煲覺得好地踎，呢間就完全唔同，靚view靚裝同service好好！怕辣到胃痛所以點左小麻辣雞，啲雞入口幾滑，醃得好惹味，真係落足晒多種香料，食入口先辣後麻，仲有茴香、花椒、八角唔同層次嘅香料，不過我略嫌佢嘅雞件斬得太細，骨件比較多，食過兩次呢間斬雞都係比較細件。食完雞煲，即刻轉打邊爐煲，新嘗試點左酸辣湯底，酸辣湯底偏酸，辣味十足，如果鍾意傳統啲就點返豬骨湯、蕃茄湯，佢湯底都幾多選擇，配料方面選擇好多，唔少得一定要點鴨血，唔係度度都有得食，仲有本地肥牛，呢個超正，雖然貴少少，肉味十足，啲料好新鮮唔係比cheap野！仲有點左D丸、菜、薯粉，同樣新鮮正！兩個人慢慢食，我地食左兩個幾鐘，冇人趕service好好👍🏼，仲有tempo送，所以話一分錢一分貨！

佐敦嘅隨變雞煲，食過無數咁多次，還記得以前排隊隨時排個幾兩個鐘，雖然而家人潮冇咁強烈，但水準依然，一年前去過吃完還是非常滿足。 銅鑼灣嘅分店反而冇去過，睇見啲相都唔敢相信以前一間小小嘅地舖，而家竟然變成一間又有靚景又舒適嘅大雅之堂。 兩個人去食午餐，聽聞佢嘅火鍋午餐非常出名，唔試唔得，碰巧有人推介食新嘅酸菜魚午餐，個人又鍾意食酸菜魚，唔使諗，即食。 每位$100唔使有前菜，飯，串燒，火鍋料同酸菜魚，時光倒流一句話，真係唔講得笑。 坦言前菜真係較為普通，蒜蓉拍青瓜同牛脷沙律，配搭就普通啲，牛脷同沙律亦都唔係好夾，但係以夏天來講非常清新。 兩吋串燒，一串雞軟骨，一串炸墨魚丸，完全還原佐敦分店嘅水準，我立刻想嗌一串佢嘅手本名菜，吃過嘅一定有感覺。 酸菜魚辣度尚可，有椒香有麻香，爐魚每啖肉質都鮮甜，平時單點一個酸菜魚都最少$300，你話係唔係非常過分。 到最後可以開始打邊爐，加點湯就可以淥佢嘅四寶丸同餃，質素高，最好係爆醬丸同雲呑，特別一定要加我最喜歡嘅紅薯寬粉作結。 星期日嘅下午可以係一個咁舒適嘅地方以一個咁平嘅價錢打邊爐，實屬離奇，我諗真

自從有人推介過呢一個無敵煙花海景打邊爐之後，就一直想搵個機會同幾個朋友晏晝嚟食下。佢哋下午嘅套餐一人一鍋只係$100一位左右，一定夠飽。今次新推出左一個酸菜魚套餐，兩人份每人都係$90左右。前菜先來拍青瓜同牛舌，兩個前菜都幾開胃，但係特色相對欠奉。通常用鱸魚做酸菜魚係常見，魚嘅肉質好滑，最重要係唔算太啦，我呢啲好怕食辣嘅人都食到，湯又溫和到可以再飲埋。另外隨變串燒都好出名，呢個餐都包左兩串串燒，一串雞軟骨一串墨魚丸。當中我比較喜歡墨魚丸，記得味道同喺佐敦食過都一樣。四色丸四寶餃應有盡有，當然串燒會較出色，呢幾樣野平時一人嘅邊爐鍋都可以見到，相對冇咁特別。一人可以有一碗飯，我自己就加多咗個紅薯粉。最重要是一個相對低嘅價錢可以有個咁靚嘅環境打邊爐，同朋友吹水可以坐足三個鐘，值得一試。

今日經過銅鑼灣想打邊爐咁岩係登龍街見到有個好新既大樓而呢間餐廳好搶眼就決定上去試下！有雞煲食，有好多口味麻辣，饞咀，香辣，酸菜，鮮茄，雜菌，清湯有鮮茄，岩哂鍾愛蕃茄既我配料選擇亦非常多除左火鍋，另外亦有串燒選擇非常多元化送酒一流鮮茄濃湯雞煲(半隻)滿滿既蕃茄超濃郁！雞件大件多肉，好嫩滑頂級手切牛頸脊(小)好高質既牛肉油脂分布好好食落唔會太膩好滿足燒牛舌心又點可以唔試下佢地既串燒！火喉控制得好好熟度剛好口感軟淋好滿意

一入去就見到勁大個落地玻璃， 我去嘅時間咁啱開始日落， 景色超靚，如果唔講俾我聽這是一間火鍋餐廳係我會覺得呢一間似西餐廳。 我就叫咗一個麻辣湯雞煲， 平時鍾意食辣嘅我覺得呢個雞煲好啱我食，味道適中， 雖然只叫了小辣，但麻的感覺都好刺激。 食辣野當然一定要叫番杯嘢飲， 我就叫咗杯檸樂， 而朋友就叫左杯藍莓洛神花果茶。呢間餐廳用嘅器皿都好得意😂😂 一大樽咁放我枱面， 飲得好爽👍🏻👍🏻 火鍋配料方面: 白蘿蔔片，頂級手切牛頸脊，手打墨魚丸和牛筋丸。 白蘿蔔片清甜，冇絲。 牛頸脊雪花分布平均，而且份量都好足夠。 佢牛筋丸和墨魚丸都很彈牙， 牛筋丸嘅味道相對比較出， 牛味好濃。 整體來講如果想望住靚景食火鍋呢一間係一個很好嘅選擇。 如果有朋友嚟香港我可能都會帶佢嚟間食下

今日同朋友去銅鑼灣shopping，大家都肚餓想食野先，網上搵到一間隨變火鍋，評價不錯，重點是佢推出酸菜魚套餐，價錢唔洗200，我地決定試下職員安排大卡位，坐得舒服，景觀很好望海景店內環境清潔。小食先到，墨魚丸不錯，有魚味，蒜蓉青瓜爽甜，醒胃一流！芥末牛舌，牛舌不錯，有牛味而且軟唸，配上蟹籽味道不錯主角酸菜魚到了，魚新鮮夠滑冇雪味，酸菜湯底配上四川酸菜、泡辣椒、花椒和辣椒滾湯而成，味道又酸又辣，惹味開胃，配白飯一流丸類都不錯，新鮮彈牙，而餃類粒粒飽滿，絕不欺場！套餐還有雪糕同飲品，奶茶是泰式的，茶味夠又唔會死甜，幾好飲埋單連加一$185，係銅鑼灣算平，最重要食物好又坐得舒服，今餐很滿足

銅鑼灣食飯好多選擇, 但坐得舒服既就唔多, 一係就好貴. 呢間我覺得好有驚喜所以要講講.首先係坐得舒服, 仲要有個高層靚景, lunch出黎break一break真係唔錯一人一煱佢有三款一人一鍋, 價錢相宜.嘢食黎咗, 見到咁多份量及咁既質素即頭係抵食添我叫咗蕃茄湯底, 湯底濃郁所謂一人鍋, 個鍋仲大過你出去叫小菜果啲鍋值得一提, 佢跟一個主食. 店員介紹咗呢隻"隨變粉", 係薯粉果類嘢, 但烏冬既造型.我覺得唔錯, 因為無普通薯粉咁一塊扁既, 烏冬造型易入口同埋會比較彈牙.因為下晝放假, 個景又咁靚, 我再加咗啲配料慢慢嘆, 望下平時無咩閒情會睇既風景總括黎講, 食物質素加埋咁高質既環境, 呢個價錢絕對係抵

行完市集，約了隨變火鍋打邊爐，好開心約到窗口位，夜晚景色很美，遠眺維港。先來點小食，手拍麻辣青瓜，青瓜爽脆，麻辣得惹味。饞咀雞煲，鍋裡有洋蔥、大蔥、青椒，湯底以大量雞隻熬製，雞味濃郁，又帶少少辣，嫩滑惹味，停不了口。美國安格斯肥牛，牛肉和脂肪比例平均，涮幾秒食，肉很嫩。不可錯過雲吞，原隻鮮蝦肉，與豬肉比例平均，的而且確，幸好冇錯過。蝦滑，涮大概2- 3分鐘，蝦滑是自己手打的，口感彈牙。油麥菜，吃了那麼多肉，都要吃番些菜中和一下，翠綠新鮮。望著眼前夜景，燈火繁榮，很享受與另一半這樣享受美食呀！

最近天氣熱本身都冇諗住食火鍋，同事提議試吓呢間，心諗就冇所謂試吓啦，點知有驚喜，值得推介一下。我同我朋友一齊過午餐餐牌，覺得都好抵，我自己就叫咗安格斯牛肉火鍋，朋友就叫咗黑豚豬火鍋，諗住可能唔夠食，就加咗響鈴同埋蝦滑。點餐嘅時候，侍應姐姐好好咁樣介紹唔同嘅湯底，我自己揀咗雜菇湯，因為本身自己鍾意食菇，個湯好好味有驚喜，$88估唔到俾啲咁好質素嘅牛肉，自助醬料吧就基本啦，醬料齊全。我覺得個餐本身都夠飽，多叫左配料反而飽得滯，呢個價錢有咁好嘅服務，再加上個景觀，我覺得值得推介一下。

🍴尖椒皮蛋 48 蚊🥚尖椒係綠色嗰款 切成細片。加少少生蒜蓉 皮蛋最緊要係黃色嗰款 晶瑩剔透 蛋味夠濃 如果口夠大 將蒜 尖椒同皮蛋一齊放落口好有層次感 🍴麻辣豬肚絲 48 蚊🐽中辣既豬肚絲 充滿住 炒過既辣椒油同蒜香味 豬肚切成絲大細適中 食落好入味而且夠彈牙好食🍴半隻隨變麻辣雞煲 198 蚊🌶️麻辣雞煲用瓦煲放住保住温度 入面材料豐富 有洋葱 青紅椒 麻子胡椒 乾辣椒 雞煲切成細粒 🐥 夠入味 咸辣度夠 雞肉彈牙 食完再打邊爐 正: 🍴隨變粉 28 蚊🍜應該係寛粉黎 煮熟左有 d脹 食落有口感帶 d黏稠口感 🍴即炸響玲卷 32 蚊🔥夠香脆 放落煲3 秒就夠哂入味 🍴手工粟米蓮藕餃 一份32 蚊🌽🥟皮夠薄 入面既粟米甜 蓮藕新鮮爽口 配埋豬肉好 match 🐽🍴新鮮有膏鵝腸 70 蚊外面爽口 又滿膏既油香 正🍴粟米 一份20 蚊🌽夠哂爽甜既粟米#粟米 #麻辣 #雞煲 #火鍋 #皮蛋 #豬肚絲 #水餃 Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value

難得同男朋友一齊放假，緊係食好d，今日揀左呢一間銅鑼灣登龍街隨變雞煲火鍋。呢間火鍋真係有別於一般火鍋店，裝修新穎，冇油煙氣味，環境又舒服闊落，仲位於23樓，一大塊落地玻璃添🤩講左重點食材先！叫左麻辣火鍋細份手切牛頸脊，油脂分佈好靚😍😍😍食落好香，好正！魷魚爽口👍🏻仲叫咗兩串串燒試吓燒白鱔超級好味，好juicy肥美好想再encore😭😭牛肉串，惹味👍🏻牛筋丸係我同男朋友最愛，彈牙多肉汁！韭菜餃正正常常，皮真係做得好薄蝦滑，真材實料，一食就知！最後仲送香港製造的芒果雪糕🍦呢間火鍋店好岩著重質素嘅朋友，食物質素真係好高，同任食火鍋店完全冇得比！推薦

今日去咗位於銅鑼灣嘅隨變火鍋，一入到去已經見到餐廳四周圍嘅景色好靚我哋嗌左一個湯雞煲，因為朋友仔唔食得辣所以只叫咗微辣，但係味道都好出色好濃食完雞煲就當然要打邊爐啦同朋友仔叫咗一碟美國安格斯牛肉，牛肉好靚肥瘦適中，仲叫左碟午餐肉，服務員仲好有心思咁將佢切成心心形狀，魚皮餃啲皮好有咬感同彈性，響零都好好味，最好味都係象拔蚌，味道新鮮之餘，份量都唔少，最後仲叫咗一隻燒扇貝添！味道好味之外，服務態度仲好好，絕對係火鍋之選！

V Point 個view 好正，我經常去嗰度食飯，今次試下隨變火鍋。呢間唔單止有得打邊爐，仲有雞煲，乾鍋，串燒，好多元化。加埋個靚景，真係超級relax 同盡興！今次我同老婆食左半隻麻辣雞煲，我地已經叫微辣，已經夠晒麻夠晒辣！(平時我食譚仔係食二小辣) 個雞煲好入味，d雞又滑又好味。食完雞煲我地叫左火鍋配料打邊爐，手切牛頸脊好香牛味，手打丸都好彈牙，其他配料就不過不失，好可惜今日無晒手打蛋黃豬肉丸。價錢方面係偏貴，預人均$400左右，叫海鮮的話會更加貴。但質素同環境都係滿分，都值呢個價錢

去了隨變火鍋食火鍋，環境幾正，感覺都幾好，可以望到銅鑼灣一帶既環境，我就 order左份麻辣田雞煲，叫了少辣！都已經幾入味！香辣得黎幾惹味，田雞肉大大隻，已經斬件！肉質夠嫩又滑！吸哂麻辣湯既味道，味道幾有刺激感，田雞骨與骨之間既脆骨好正！隨了火鍋之外，還有大量即燒串燒供應，相當多選擇！孜然牛肉串，孜然粉相當突出，但又唔會過咸，幾有回香感！幾惹味。牛肉粒唔乾柴！粒粒幾有口感好好食。燒雞軟骨，脆卜卜，唔會過油！送酒一流。燒白膳，相當嫩滑燒到剛好，keep到白膳既肥美油香，而且份量都幾足料！呢度坐得舒服，店員都幾nice, 抽風做得幾好，唔會成件衫都係味。