隨變火鍋

營業中

休息中

呢間嘅麻辣雞煲真係好好好好食見到個廣告牌有酸菜魚2人午餐，價錢仲非常之抵食！平均每人$90左右咋梗係諗都唔諗即刻決定去呢度食lunch環境好寬敞開揚，仲有景觀添連水都係唔同啲加左檸檬&薄荷葉！酸菜魚呢度係用鱸魚的鱸魚肉質特別細緻，所以食嘅時候好緻滑加上又唔會有骨，我食左咁多舊，都只係得幾條骨咋而個酸菜湯麻味好出，酸菜味道亦岩岩好不過朋友就話覺得唔夠酸！可能我本身唔喜歡太酸喇辣味亦好足夠集麻、辣、酸於一身，食嘅時候好有層次配菜有荳芽&凍豆腐，豆芽好爽脆，唔會浸到好老好淋！四色丸+四寶餃香芋牛丸：口感好特別中間有芋蓉，牛丸又好彈牙香蔥貢丸：又係好彈牙喎岩哂唔食牛人士啲蔥香真係令味覺更昇華！餃子係手工餃，餃子皮好夠薄最鍾意韮菜餃&粟米蓮藕餃燒雞軟骨呢度嘅串燒都無得輸麻辣味&孜然味好均勻，勁香而且雞軟骨脆度十足燒墨魚丸墨魚丸其實係好普通嘅食材而已，但呢度燒得好好食完全無誇張！質感又好彈牙蒜蓉青瓜芥末牛舌有埋跟餐餐飲

午餐食火鍋會不會太飽呢！絕對沒問題！一人一鍋，份量剛剛好，又有美景相伴。午市套餐$59，湯底，主食，飲品和三款配料。追加配料每款十元。但要注意的是安格斯肥牛，黑毛豬，廣島蠔，羊肉片這四款是雙倍價錢，有點不清晰。蕃茄湯底濃郁。所點配料己放入鍋內，滖後己聞到香噴噴蕃茄鮮甜味。安格斯牛肉算ok。廣島蠔夠肥美。芹莱木耳餃餡料足。淮山夠爽口。稻庭烏冬煙韌有嚼口。凍奶茶略為甜膩，下次要減甜！凍奶茶有多片檸檬，甜度適中。

今年第一次嚟幫襯,好耐冇嚟,兩個人星期日食晚飯,舊時就要訂枱仲要等位,而家奇怪就係唔係特別多客,可能轉咗樓上舖,地點就超級方便啦.叫了雞煲,半隻雞,燒烤叫了扇貝,雞泡魚乾,雞軟骨.每次嚟呢度都係為咗飲湯,啲湯真係好飲同埋千祈要慢火唔好畀人加水或者加湯破壞曬.價錢方面好似貴過以前,視乎你叫乜嘢啦.可以食得好經濟又可以食得好貴.今日坐最邊邊個卡位,出入有啲麻煩.我寧願坐使打張卡位因為就出入就方便.食完雞煲可以落樓下食甜品.

去到門口諗住叫外賣，個侍應話要上OpenRice先可以叫外賣，唔可以喺門口度就咁睇餐牌。問多兩句，個餐廳職員就開始好勞氣，覺得我哋好煩！但係我哋結果都係幫襯左叫外賣送貨，後來個餐廳職員繼續發癲，唔憤氣我哋同經理投訴佢原本嘅態度，竟然話我哋冇俾錢就咁拎走啲食物！如果真係咁，點解唔報警？！定係個職員想收完錢再自己收多次？好彩有晒俾錢單據，如果唔係就俾佢砌生豬肉作故仔。仲話人哋拎完外賣搞到污糟晒個地方？！既然個外賣係拎走，又何來會整污糟？！個餐廳職員好明顯係趕客！強烈建議大家唔好再幫襯，平時都有食開佢哋嘅午市套餐，雖然係平但係材料一啲都唔新鮮，上菜亦都十分慢。湯底亦都唔係咁好，一間餐廳最重要係員工質素，啲員工可以對客人態度咁差，好極都有限。😖

We order the food for dinner and paid HKD 1,5XX with the credit card receipt. The so-called manager yelled and complained that we have not made the payment without checking its credit card system of the restaurant. I know business is difficult during COVID period especially after the restriction of eating in service. However, if we didn't pay, why the restaurant still deliver the food? Are they doing service for free?Will not recommend it again. Please be careful of this mucker manager. We are m

冒名而去的 💛滿有驚喜同一間店有乾鍋有麻辣火鍋有串燒乾鍋麻辣田雞超級惹味😍微辣都好辣好麻風味十足食到嘴都腫埋都唔想停🙊食完乾鍋輪到麻辣火鍋碟牛肉好好味👍🏻👍🏻👍🏻肥瘦均勻，有咬口，一灼就食得雲吞無令人失望蝦肉新鮮彈牙🦐淮山同皇帝菜根本係必點蔬菜簡直係火鍋必備 不過 #隨心粉 麻麻好快腍同散😭😭😭夾唔到黎食😬😵後尾加左厚燒白鱔正正子 🥳 好厚肉而層皮勁香啤酒$78一杯有啲貴😝好彩第二杯唔係火鍋仲要辣飲得好快會破財🤪🤪

呢一間火鍋店肥妹之前都有食過，覺得質素真係唔錯，所以今晚決定同肥爸肥媽嘅家姐再嚟食過。酸菜魚煲微辣  $338肥妹仔我哋已經叫厭咗一般嘅火鍋湯底好似沙嗲，清湯，芫茜等等，所以肥妹決定要食酸菜魚煲做湯底。打邊爐之前就可以食佢嘅酸菜魚，食完曬啲酸菜魚就可以繼續用佢嘅湯底打邊爐。佢嘅酸菜魚肉質非常嫩滑，啖啖都係肉，最緊要係冇乜骨。而且除咗魚肉本身之外仲有埋個魚頭同埋魚鰭嘅部分畀你攞嚟煲湯， 非常抵食。燒牛舌心 $48不得了，厚切牛舌，非常之爽口，牛味超香。孜然牛肉串  $28肥家姐最鍾意食燒肉串，所以佢一定叫呢一啲有孜然粉嘅牛肉， 質素真係高。內蒙羊肉串微辣  $28肥妹仔覺得呢一間嘅羊肉串係好高水準，因為佢唔騷，但仲食得出係羊肉本身獨有嘅香味。美國安格斯肥牛  $268打邊爐又點可以冇肥牛呢？肥爸嘅至愛，亦都係肥妹仔最鍾意食嘅配料。佢呢度嘅肥牛好高水準，唔會好薄身，雪花紋好靚，咬落去好香油脂味。鵝肝墨魚丸  $68真係好特別，肥妹仔好少食呢一種有鵝肝醬嘅墨魚丸。 佢嘅墨魚丸本身已經好食，好香墨魚嗰種鮮味，再加埋鵝肝醬，真係鮮上加鮮。蟹子墨魚滑 $88鑑於肥妹仔真係好鍾意食墨魚 嘅產品，所以

隨變.第二次黎呢道打邊爐，鍾意呢道因為環境好正，坐得舒服，而且性價比唔錯！.串燒🍢呢道有個燒烤爐，除左火鍋以外有提供串燒，係即叫即燒的！我地首先嗌左兩串串燒:🍢燒白鱔👍🏻外皮香脆，魚肉爽口彈牙，好新鮮！.🍢蒜蓉燒扇貝😍大大隻扇貝上有蒜蓉粉絲好惹味，將扇貝的精華吸收晒😍扇貝亦好鮮嫩，燒過後依然鮮甜多汁！.火鍋我地叫左兩個，分別有隨變麻辣雞煲同乾鍋肉蟹。隨變麻辣雞煲嗌左最少辣，都keep到麻辣刺激嘅口感，雞煲以花椒、辣椒、洋蔥、大蔥等香料熬製，香辣兼備，雞煲當然唔少得惹味嘅雞件，雞件都唔錯，食落好嫩滑！.🦀🦀乾鍋肉蟹: 呢個超級推薦！肉蟹非常新鮮，食落好鮮好爽，食到一梳梳肉！整個鍋用了香味十足的花椒八角等炒得好惹味，椰菜花吸收晒蟹同配料嘅精華😍.配料我地點左: 響玲，菜，墨魚滑，魚腩當然仲有主角:手切本地牛頸脊，牛頸脊好有口感，有重重的牛味，手切牛更多一份鮮嫩🥰脆脘腩肉質結實，好鮮好爽口，魚肉脆脆的😋🐠👍🏻.呢道嘅海鮮好值得推介，下次火鍋都會再黎！

【 銅鑼灣雞煲火鍋 】------------------------------今日黎到銅鑼灣見落雨涼涼地，就一於去食雞煲打邊爐就最岩喇。🤩［隨變麻辣雞煲］「隨變火鍋」既雞煲唔同出面果啲乾鍋，佢雞煲係連湯上。 開頭都覺得會唔會唔夠味，點知又唔會喎！好入味得黎仲好嫩！食落首先係辣味更重，辣味過後就感受到麻既香氣，好食👍🏻👍🏻［串燒］我地叫左兩串串燒，雞腎同牛舌都燒得好好食，燒完仲有肉汁，而且辣辣地好開胃😍 叫多杯啤酒就岩岩好！🍺［手打牛肉］食完雞煲再叫多碟手打牛肉，嘩極新鮮！睇啲紋路都知啲牛肉好正！食落牛味濃郁，仲有成口都係牛既油甘香呀😋出面有自助調味料比你簡，但我覺得唔洗都已經好夠味！一隻雞煲都只係2百幾蚊已經食到超高質既雞煲邊爐，絕對值得！其實除左湯煲仲有乾煲簡，如果想食得再濃味啲既我覺得乾鍋會好啲。 埋單800 幾已經食到好飽啦 下次同一大班人黎可以叫多啲野食試下😋------------------------------[ 隨變火鍋 (銅鑼灣) ]地址📍銅鑼灣登龍街18號V Point 23樓港鐵🚇 銅鑼灣站B出口------------------------

上次食完隨變雞煲一直念念不忘。今晚終於有機會再食喇!上次黎係冬天，天一早黑唒所以看到美美的夜景。今次係夏天，晚飯時間天還亮，可以清楚見到維港，心矌神宜。今次叫了一個微辣嘅雞煲，以花椒、辣椒、洋蔥、大蔥等香料熬製，香辣兼備。雞件又滑又彈牙，仲有香甜嘅紫洋蔥。薯粉索唒湯底，口感煙軔，十分美味。食完雞後就加入火鍋湯料，點了蟹柳、蟹粉流沙丸，黑柏葉，生菜和桂花蚌。蟹柳又滑又嫩，蟹粉流沙丸一咬開蟹粉就不斷湧出。黑柏葉又爽又掛湯，仲有我最鍾意嘅桂花蚌，口感層次好豐富。另外，吧枱也可供食雞煲、食串燒及飲生啤。我今次雖然唔係坐吧枱，但都點左兩份串燒-內蒙羊肉串和燒雞軟骨(微辣)。隨變唔只係雞煲嘅expert,串燒都十分有水準，食得出每一串都係用心燒出來。希望好快再有機會黎打邊爐!

好耐都冇食過火鍋啦！想搵個好啲嘅環境同朋友聚一聚☺️所以嚟咗依一間試吓😀入到餐廳 環境真係好舒服好闊落👍可以同朋友一邊食一邊輕鬆暢談🗣餐牌既食物都好多選擇！依間餐廳最出名嘅係麻辣雞煲 但由於朋友唔食得辣 所以叫咗一個養生雜菌雞煲（半隻）$168 仲叫咗一啲火鍋配料 包括 西班牙黑豚肉$138 南非鮑魚$108 蝦籽墨魚滑$88 黑松露蝦丸$68 除咗打邊爐配料 原來餐廳仲有燒物可以叫 所以叫咗一個羊架$38 同一個蒜蓉燒扇貝$68🤤首先講吓個雞煲 我同朋友都覺得雞煲嘅雞肉好滑👍裏面亦都有好多雜菌 有六隻鮮冬菇 好新鮮好好食！冇叫錯😋南非鮑魚好細心切左片 可以同朋友開心share 鮑魚片好爽 切左片之後好易熟 👍 個黑豚肉好新鮮 肉質好靚 脂肪好均勻😋至於個墨魚滑同蝦丸都好爽口👍丸類果然冇得輸！除咗打邊爐 其實啲燒物都唔差👍羊架可以揀五成熟七成熟同全熟 我哋揀咗全熟 食落都唔會好un 唔會好大陣蘇味 幾好食☺️個蒜蓉燒扇貝當然都係冇得輸🤤粉絲都好多而且扇貝都算大隻👍整體都幾滿意! 餐廳原來都有吧枱可以提供食雞煲食串燒或者飲啤酒🍻餐廳真係好隨變呀😆

意想不到，出奇的好。雖然價錢略貴了些，但真心說的是高質素的。由其是特級本地手切新鮮牛，頂級手切牛頸脊，同埋日本和牛，仲有西班牙黑豚肉，黑松露蝦丸，飛一般手打蝦滑，中山脆鯇片，雲吞皇，三色手打丸，真係好正。仲有個隨變干窩醬雞煲（走辣，因本人唔食辣的 😅）也超級好味，個個唔食自己個煲，爭住食我個雞煲。。激死人喇。。但嘢食係要爭吓至好食的。。可能隔離飯香掛 😆😆😆 仲有個粟米同天使米粉都是要一試的 😄

要係銅鑼灣搵食，一定要去下啲商厦商場樓上鋪，今日呢間位於v point23樓既隨變火鍋，早已久閒大名，今日有幸同朋友一試。以雞煲火鍋鋪頭黎講，呢度地方算好大，裝修亦都高級，坐得好舒服，一啲都唔迫。經店長介紹後我地叫左隨變既招牌乾鍋醬汁雞。呢個雞煲同出面嗰啲好唔同，完全乾身，鍋底只有少少油，雞經過油炸，再以獨特醬汁撈炒，外脆內嫩，非常惹味，香，辣，脆，嫩。而乾鍋配菜亦大走韓式風格，椰菜，椰菜花，韓式年糕，吸盡乾鍋風味精華，令到平凡既配菜變得不簡單。食完乾鍋，店員立即為我地上了一煲麻辣湯，準備打邊爐，呢度既邊爐料好多都好新奇，例如鵝肝手打墨魚丸，爽彈墨魚胶包裹住香濃鵝肝，食完大呼過癮。黑松露蝦滑，一放入口黑松露味道已經在口腔爆炸，加上爽租甜蝦滑，天衣無縫。有糕鵝腸，呢個唔係度度有得食，入口爽甜之餘仲多一陣油香味道。最後總結，一個字，好味

銅鑼灣登龍街V Point又好多餐廳，今日就揀左 23樓呢間隨變火窩。一上到去，就被餐廳嘅環境吸引左，座位好舒服，唔會好嘈，仲可以一邊食，一邊欣賞到維港迷人嘅夜景。呢間餐廳可以食到雞煲之外，仲有個串燒bar，更加特別係呢間餐廳有酒吧枱，可以一路食住雞煲，一路飲返杯。一坐低，店員就上左前菜比我地，涼浸浸好似冷面咁，幾得意。然後店員就介紹左唔同嘅雞煲，乾鍋等等比我地。串燒：燒海蝦要微辣，黎到熱辣辣，應該係即叫即燒，上面有啲孜然粉，好夾，幾好味。燒羊架，夠羊味。雞煲：我地揀左招牌嘅隨意麻辣雞煲，比較特別係雞煲係連湯上，叫左半隻雞，兩個人食夠哂份量。美國安格斯肥牛：叫左碟大嘅美國安格斯肥牛，唔會太肥，幾好味。其他配菜：魚皮餃、西洋菜餃、冬瓜、皇帝菜，新鮮，蔬菜洗得乾淨。要讚下嘅呢度嘅service 同環境，店員見我地隻碟多骨就會主動行埋黎換碟，同埋主動加水，比其他嘅火鍋店更好服務。

銅鑼灣V Point 越來越多好美食，作為火鍋愛好者唔滾唔舒服又去試新嘢la，有火鍋、燒烤、乾鍋，選擇困難症當然3樣要哂！先食乾鍋，後火鍋，再食串燒，一次過滿足晒三個願望！試咗隨變招牌乾鍋，試下醬汁雞，一上枱有驚喜woo，配菜都好多種類，除咗必有紫洋蔥之外，另有椰菜、椰菜花同年糕，食雞煲少有咁多菜。醬汁雞入哂味，肉質剛好唔會overcook，雖然每鍋半隻雞，多配料下2個人都夠食溫馨提示：鐘意食辣都算食得辣Venus表示：「小辣都好辣！」大家量力而為食乾鍋期間叫咗幾串串燒過下口癮一夜情(雞中翼夾芝士腸)，個名搞笑叫嚟試下，唔使去骨一咬即食，中辣都唔算太辣，另外燒雞軟骨同墨魚丸都唔錯，可以一試到火鍋時間，乾鍋會送一個濕鍋，揀咗饞咀口味(小辣)，職員表示會香濃d就試試，有個籠仔提供，食海鮮同粉面方便好多，饞咀火鍋相比起乾鍋無咁辣，有香茅做配料，多咗分東南亞風味乾鍋食到飽飽地關係叫咗幾樣火鍋料試下特別推介2款：招牌手打黑松露蝦丸& 不可錯過手工雲吞王黑松露蝦丸好重黑松露味，蝦丸勁彈牙，如果唔係飽會叫多d，黑松露Fans唔可以錯過！雲吞王好大粒蝦，亦都好彈牙，$32四粒超抵食！每次火鍋必食花甲！