隨心 (已搬遷) 新店位置

這夜約了兩位型男共晉晚餐選了隨心因為天氣太熱好想吃點辣,素聞這兒喇沙頗不俗,加上那店名令我有種安逸的感覺,那就隨遇而.安隨心所吃吧!!店子不算大但四正企理,就正好給我份安全感我很喜歡這種小店呢^0^牆上掛有幅3D壁畫徒添生氣~天氣那麼熱當然要杯冰凍飲品啦,左係我的{凍柑桔檸檬}$28,味道酸甜並重喝下解渴非常呢,右係{凍檸檬薏米水}$28,看得到足料,好友很滿意呢^0^我最期待的{海鮮喇沙},餸料可豐富囉!!有坊間少見的半熟蛋,魚片,帆立貝,蟹棒,鮮蝦,最頂癮係用米粉溝瀨粉而不是常用的油麵果然随心呀!!而喇沙湯非常濃郁香辣都齊味,椰味較少那樣吃下也沒有那麼膩~{海南雞}$148/半隻,賣相未算可愛,但吃下帶有住家風味,點上三色醬吃仍是可口的!!但附上的雞湯就十分濃香,一看那濃稠的雞湯車媽媽不顧一切的呷下去,可惜忘了那是滾燙的雞湯而灼痛了咀嘴呢!!但我不會嬲它,因為味道確是不錯的,那便是{家的味道}~點都要照顧吓愛香口嘢的型男們嘅,{新加坡炒貴刁}$75,香氣係有的味道

鰂魚涌以我所知有好多美食小店~~係朋友推介下, 就黎到海光街覓食順便等人收工!!!呢間主打星馬菜既【隨心】喇沙及海南雞當然係佢地既招牌菜啦~~海南雞半隻 (HK$148)普通海南雞係唔跟飯及湯的, 所以要另叫；色澤不錯的海南雞蘸上甜豉油是最好吃的, 雞件嫩滑且雞味濃!!另外雞既精華就全部係哂個杞子雞湯 (HK$18) 入面"*味道超濃味, 不錯喔!!!海鮮喇沙 (HK$85)超足料的海鮮喇沙, 包括魚片, 帶子, 大蝦, 半熟蛋, 豆卜等；湯底充滿椰香姐味道唔太辣, 適合香港人的口味!!!麵底用了麵線及米線, 多了一份不同的口感~~而且麵條吸收哂湯底的味道, 很入味"*沙爹串燒 (HK$65)星馬菜少不了串燒, 這是豬肉串燒, 一碟有6串；串燒跟沙爹醬是分開的, 可以隨自己的口味蘸上多少~這裡的沙爹味濃而不辣十分惹味, 豬肉亦不韌!!!黑白胡椒沙蟹 (HK$388)這道星加坡名菜這裡都有得食；用上既都係大肉蟹, 配上勁香的胡椒味, 超惹味!!識食一定係食蟹鉗位置, 蟹殼早已輕輕的敲碎；蟹鉗裡啖啖肉, 有成隻湯匙咁大隻架!!一啖咬半隻, 超滿足"*最後仲點了亞參魚 (HK$208)亞參魚

之前看了openrice嘅食評，大部份都話好味，於是今日下午抱住好大嘅期望去食，點之完全係非常非常之失望，從來未食過咁難食嘅東南亞嘢食今日我哋點咗5個餐，2個海鮮喇沙湯麵，1個海南雞飯，1個炒貴刁，1個肉骨茶。2個喇沙湯麵味道還可以，但不夠正宗，喇沙應該係有椰汁同唔辣，但呢度係冇椰汁同有D辣(如果唔食得辣嘅朋友就唔好叫喇).;海南雞飯味道麻麻，特別係個油飯完全唔ok, 好肯定翠華嘅海南雞飯好食過佢;至於炒貴刁味道還可以，但貴刁應該係幼身，但呢間用嘅唔係貴刁係河粉，同埋D嘢唔夠熱，如果即炒應該係熱辣辣，但呢碟炒貴刁係和暖;但最難食應該係個星加坡肉骨茶，首先係一打開蓋完全聞唔到味，冇煙(即係唔熱), 全窩肉骨茶只有一條一字排及十多片白蘿蔔，飲落完全冇味唔熱，於是同老闆反映，老闆話味道係咁，但佢都冇逼我哋要，叫我哋換過第D嘢食，於是換咗個咖喱海南雞飯，咖喱味道ok,但雞係凍嘅，其實真係唔知點解呢間食店D嘢全部都唔熱(除咗個喇沙) ..........總之完全失望

约左幾個朋友聚舊,大家都想飲肉骨茶，然後上網揾左一間餐廰,門面平庸入到餐廰,感覺幾舒服,第一時間點肉骨茶,正藥材味濃,香，確實香港很小地可以飲到正宗的肉骨茶,聽聞這間餐廰也着重健康為主,所有食物不加味精除左肉骨茶也叫了招牌菜,喇沙和海南雞，個海南雞真係滑,再來班蘭葉炸雞,真係好正,椰香味濃,雞肉鮮嫩多汁帶有淡淡的班葉香味

是日很充實，中午同朋友去飲茶，跟住睇戲，之後當然又繼續食。朋友話事，去食南洋嘢，我自當奉陪。係呢個位置，中午肯定無問題，會爆到七爆，但夜晚或者會窄窄地，佢已經算係咁。麥片蝦，係星洲名菜。呢度既出品，蝦肉爽口之餘，竟還有咸蛋的香味，咁似港式的黃金蝦既? 之不過，味道肯定更好。由於有點喇沙，海南雞就不跟飯，要份例牌好了。肉是嫩，而海南雞既精髓，從來就是那三色醬，我尤其喜歡沾黑漆漆的甜醬油。要了個海鮮喇沙兩份吃，有蝦、蟹柳、魚片及帶子等等的材料，呷口湯，是頗辣，卻又是有點點港式，特別是那隻溏心蛋。然而，香港人見到有溏心蛋，總會兩眼發光。據說薏米水是自家煲制，不妨要一杯，凍的。唔錯！

在假日，難得心情還可以，隨心約家人想到處走走，知道家附近近來越開越多不同有特式的餐廳，隨心經過此處，看到快到下午茶時段價錢相對較抵吃，亦看過口碑不錯，便隨心走進去，家人亦無異議。再細看餐牌，雖然下午茶價錢較便宜，但可供選擇的款式不多，只有約五六款，包括湯麵、面包類，而且亦標明是輕量的，而午餐的款式相對較多，相信大部分人想吃的都是在午餐套餐之列，最後我們叫了一份海南雞油飯午餐、炒貴习和海鮮湯麵下午茶，各包一飲品。先說海南雞飯，一碗份量剛剛好，雞肉十分嫩滑，亦配了三款醬料，油飯亦香口，難怪弟弟一口又一口地放進口裡。然後到海鮮湯麵，由於是下午茶，份量不多，海鮮配料有蝦、魷魚，種類少，麵質較軟腍，沒有咬口，味道普通。最後是炒貴习，雖然是輕量版，但可能是炒類，用油較多，故亦足夠。配料不算多，吃上來有少許粒粒花生，增加口感，帶點微辣，亦有鑊氣，重點是不算太油膩，麵質亦不會過軟身，算是不錯。 套餐配飲品，其中點了一款較為特別的檸檬薏仁水，似乎較為健康，但飲起上來其實偏甜，要再加水沖淡甜味。雖然好評頗多，但親自試過後沒有預期的好，有點失望，但總算一試了。

一直對曼谷大型商場的food court海南雞飯念念不忘，可惜香港找到拍得住的並唔多。今日慕名而來的餐廳主打馬來西亞菜式，點左海南雞飯。先從雞的部分說起吧，白雞調味清淡些，加上部分雞件用上雞胸肉較鞋口。油飯，是海南雞飯的神髓，油飯粒粒分明、色澤酥黃金亮，吃下口香滑鮮腴不油膩，餘味帶一點鹹鹹的馨逸，最值得欣賞。配醬是海南雞飯的靈魂，呢度都有傳統的老抽，薑茸同辣椒醬，以辣椒醬較為可取，老抽偏咸，薑茸則偏淡味。雞湯用杯子上比較特別，加入杞子，可惜飲完後頗口渴，或許是味精作怪吧。總結而言，油飯是最值得欣賞的。

一班於港島上班的好友說要齊齊到太古逛街再覓食。好吧…我認啦…下班後逛街這環節著實不能在我身上發生啦，一起晚飯卻是可以的，那我就後join啦，一行幾人來到鰂魚涌的「隨心」，隨意地吃吃看。我對某幾款食物的印象也蠻深刻的，就在這篇文章中跟大家分享一下~海鮮喇沙 ($85)呀，只顧著吃卻忘了拍攝這碗喇沙的原貌。這喇沙味道十分濃郁，咖喱味放在湯中並沒想像般怪異，反而味道跟口感都很夾。喇沙用上不同粗度的麵條所組成，麵條把咖喱的味道都吸收了，滑溜的口感更令人愛上。不得不提的是…整個喇沙的味道帶點點刺激，香辣的感覺在口腔裡散發著的，令人回味~沙爹黃金豆腐 ($48)沙爹香之餘，也帶有點點甜味，加上花生以後，口感豐富，而且鹹鹹香香的。豆腐炸過之後，外脆內軟滑，沾上沙爹之後，味道層次更高更有驚喜。新加坡炒貴刁 ($75)這個炒貴刁聞落相當不錯，入口十分惹味的。每一條河粉均是鑊氣十足的，最棒的…就是貴刁之中的魚片，入口很滑的，而且咬落相當彈牙，也很惹味，令人十分喜歡。

Haian Chicken Laksa | 海南雞喇沙.有沒有人跟我一樣 每次吃星馬菜 都會在海南雞和喇沙中間選不定?🤔 這裡的海南雞喇沙就幫我解決了這問題 兩樣都有得食😆 雞與喇沙是分開上的 先說海南雞 我這碟雞脾和雞胸位也有 兩個部位都超嫩滑 味鮮 肉與皮之間有層啫喱狀的物體(你們知道我在說什麼嗎😂) 非常不錯 !😋 如果有油飯就好了 畢竟海南雞配喇沙不算很夾喇沙湯底稠身 不夠香 椰香為零(因不知道這碗喇沙是屬那煮法 所以不能評論沒椰香是正宗與否) 麵是米粉和水晶粉兩溝 而辣度較高 應是在港吃過辣度最高的一碗喇沙 所以不能吃辣的人要注意啦 整體來說海南雞比喇沙做得出色 下次來的話點海南雞飯好了

weekend 既tea time 同蚊咪經過""隨心""搵個地方食lunch 叫左兩個set 都跟野飲自製魚片頭喇沙一上檯已經好香喇沙味 準備影相已比蚊咪食左粒溏心蛋.... 溏心蛋外暖內涼, 蛋黃仲係蛋液真係無得頂!! 魚片頭彈牙厚切. 麵由米線同薯粉好特別!! 湯底好讚~  有椰子香 又濃烈的辣味, 食到停唔到口娘惹咖哩牛腩飯賣女好似樣衰D 但食落 好野味~ 咖哩好濃好似煲到溶晒D 肉碎係D 汁入面咁~而且仲有娘惹獨特既味~~ 牛腩好林身~  每件牛腩都入晒味

好隨心咁見到間馬拉餐廳， 而係太古坊鰂魚涌呢帶其實好罕見。無耐性排隊所以買左盒外賣返公司食。一打開盒海南雞飯其實好驚喜。鶏偏瘦, 沒有太多肥膏; 而且色凙好靚, 應該係一隻好健康的鷄。肉質帶彈性, 最殺食係夠嫩, 件件部夠滑, 無一件是 '鞋' 的, 咬落有雞味,引證了 「雞有雞味」的道理。另外，個油飯底做得唔錯, 就咁食都好香, 配上雞肉就 perfect! 感覺到成個海南雞飯的靈魂所在。店家又特製了蒜蓉辣椒醬, 但唔夠辣, 香味就十足。另有鼓油同薑蓉。我最鐘意豉油, 撈哂成個飯都重得！下次一定要堂食。

見無人等， rating 又ok. 所以去食。叫左海鮮喇沙。一食，同咖哩魚蛋一樣味。肉骨茶....鼓油味多過當歸。又無蒜頭。只可當叫左碗鼓油當歸湯飯。伏已中。點解有50個good 1個bad?

見到雜誌介紹，專登過黎側魚涌試，但結果令人失望叫左海鮮喇沙，一D椰汁香味都無，只有辣味…新加坡抄貴刁，以為咁common應該好食，點知都係得個辣…仲要辣到好辛苦，一路食要一路飲水…最後海南雞飯，一般，雞係無骨，係滑，但無味，飯亦相對少…後來先知可以加飯，但侍應唔出聲只望一望我地總括而言，唔多正宗，價錢唔平，唔會再試

一心諗住search馬來西亞菜(我係馬來西亞人). 入到見到另一張枱食laksa ，啲色水一睇就知超正宗。未order，先興奮！可惜我一個人，又唔係肚餓。所以諗住叫肉骨茶試下，肉骨茶一到，當歸香味撲鼻，驚喜新配方：當歸味道濃郁的肉骨茶，聞到已經好high，入面有一條小排骨，少少肉味吊起濃郁嘅當歸味！我係馬來西亞人都未試過咁正嘅肉骨茶獨門新配方呀！區區一條小排骨就可以有咁嘅效果，完全向香港人示範咩係正宗“肉骨茶”！

今日試下食新加坡菜/馬拉菜, 平時多數都係中日西式.食物上得幾快, 差唔多同一時間上所以好快凍. 叫咗海南雞飯, 魚蛋魚片喇沙同埋馬來西亞肉骨茶. 海南雞飯嘅飯可以再香D, 雞都算滑. 我印象中嘅喇沙係香D (椰香味)同埋有蝦, 唔係得個辣字. 呢度喇沙有分幾個價錢就會有唔同餸. 所以魚蛋魚片喇沙係無蝦同埋有咖哩嘅辣. 馬來西亞肉骨茶配三小片油炸鬼都重藥材味, 但紅棗同杞子仲硬, 似就咁文落去湯入面總體泥講,可以再好味D