隨心 (已搬遷) 新店位置

這個假期前的下午忙到食午飯的時間都無。下午六點，我們幾個人餓死了。就在客戶公司附近的隨心隨便的食不知應該叫做午餐或是晚飯的一餐。三個人分別叫了海南雞飯，海鮮喇沙及馬來西亞肉骨茶。首先上的是馬來西亞肉骨茶，煲蓋打開一陣陣肉骨茶香味今人開胃。入口是非常正宗的馬來西亞肉骨茶味道，我的最愛。女同事覺得藥味太濃。再上來是海南雞飯，雞肉合格，飯就一流，雞汁及椰香的配搭出色。

今日我係我哥屋企過夜，將軍澳去鰂魚涌好近，果邊又比較多點選擇，就同他們過左去食野經過海光街，見到呢間名叫隨心的餐廳，一看之下是吃馬來西亞菜式，入去試下。裝修是啡木色為主調，掛在牆上的馬來西亞風景照，和馬來西亞國旗，瀰漫一片馬來西亞風情。來到侍應推介檸檬薏米水$18，喝罷，唔錯，檸檬味適中，酸酸甜甜，有粒粒薏米煙韌，喝下咬下，幾過癮，況且薏米可以建脾、美白養顏，夠健康。先點了小食拼盤，內有囉喏沙律、參巴雞翼，黃金豆腐，是二人份的，但一人吃會更飽。囉喏沙律有蘋果、薯仔等，上面灑了花生碎和混了點甜醬，跟西式沙律好唔同，但也有一碟仔青瓜和蕃茄、生菜的西式沙律送，可以平衡一下濃味和熱氣的小食。超讚參巴雞翼，原因是用參巴醬醃雞翼，我知道參巴醬是馬來西亞的馳名辣醬，做法是把不去殼的蝦和乾貝炸熟後，加入辣椒、蒜頭、乾蔥頭等磨成茸，再巴雞翼蘸上參巴醬混脆漿炸熟，極惹味又香辣，外脆內多汁，好好食。而黃金豆腐，有點以港式的，也是外脆內滑溜，不過多左D花生碎，更香口！食呢類菜，海南雞飯係必叫。帶油香的海南雞飯既不軟熟亦不硬，中中等等但配上了油，淡淡都好吸引。海南雞有少少骨，不過唔算多，所以都好容易食。雞肉整得

‧ 聽聞位於鰂魚涌既『隨心』有好味既喇沙麵 ,於是收工就同朋友黎到一探究竟 ,睇下係咪真係名符其實haha....『隨心』個名改得好好 , 一望店面佈置就有好既印象 , 吸引到我入去食個飽飽  ‧ 龍眼水 ;味道比較淡 , 唔太甜 , 唔會有種飲緊糖水既感覺 ,清清地反而令到個龍眼水好清新 ~不過如果等到d冰融得多 , 就真係太淡 , 所以要快快飲haha ‧ 喇沙海鮮麵 ;湯底方面: 喇沙湯底完全唔辣 , 係食佢個香味 ~ 有小小沙嗲既味道 , 有蝦 , 有蟹柳 , 有蛋 等等 ,主要係食佢個湯 , 好香好甜 , 有小小花生醬味 ,  好味道麵既質地比較軟 , 易入口 唔錯~ ‧ 3串雞 + 3串牛 既串燒~ 配上一個濃濃既沙嗲醬 ,如果唔靠個醬整濃個味 , d串燒會有小小冇味 , 但係無論雞定牛 , 配上個醬之後得以昇華~啖啖濃味肉 , 爽~ ‧ 小拼盤 ;有2隻雞翼 , 豆腐 , 沙律 , 瓜類 ;雞翼比較出位 , 外皮好脆 ~ 不過有小小多油 , 但係淡淡都係滋味 ~豆腐味道好出位 , 咬落去淋淋地 , 配上花生味都唔錯~個瓜麻麻地 , 因為花生醬唔係幾夾個夾~.......

隨心!一間好特別名稱食店如果人亦可做到事事隨心就好~黎到呢到,我亦隨心選了一向愛飲既肉骨茶肉骨茶大大煲,2個人份量剛好呢度分星加坡及馬來西亞兩款選擇個人選了馬來西亞肉骨茶呢款(HKD98)因喜愛其藥材味濃骨排份量好分,如果吃掉應該再吃不下其他藥材份量亦足味道帶點藥材苦澀味如果接受不了,建議選星加坡的但相反胡椒味較濃有野先要有野飲我選乙凍檸檬薏米水(HKD18)有點酸酸甜甜薏米份量好多可以慢慢飲慢慢'o趙'^^海鮮喇沙(HKD80)黎食星馬菜點可以唔點喇沙同樣用料豐富有點微辣滲出湯底濃郁如果有椰香味再濃一點較好而一碗有2種粉,好像米粉及瀨粉般好好食咬感亦不錯呢度店侍應亦好友善服務態度不錯十分滿意

朋友相約在一起，但又懷念新加坡同馬來西亞的美食！朋友帶我去了鰂魚涌站巷仔的小店，小店給我一種回到新加坡時的感覺。無論裝修的格局及餐牌都很「隨心」舒適。首先我們點了海鮮喇沙，內有帆立貝.豆卜.魚片.雞蛋.蟹柳.小蝦等。湯底用微微椰漿製成，不會太重而且辣味調較得恰到好處。幼嫩的麵缐被喇沙吸收湯後超入味。馬來西亞肉骨茶以藥材為主，內有當歸，紅棗，杞子，准山，瘦肉等。肉骨茶內裡的藥材配料非常適合女性進補，藥材味不太濃不太苦.容易入口。如果第一次試肉骨茶的朋友也不怕～海南雞飯，油飯+雞湯別以為會很油膩但並没有此感覺。嫩身的滑雞去骨後更加容易進食，小店還給了三個醬汁。三個醬汁都令海南雞有不同的味道可供選擇～今晚最想食的是麥皮蝦。大大隻的麥皮蝦超級鬆脆，利用鹹蛋黃醬及麥皮再炸過味道超濃郁。滿滿鹹蛋黃加大蝦真的令人胃口大開～我們還叫了串燒栟盆及咖哩薄餅，串燒燒得剛剛好沒有過老。不過只有雞肉，豬肉串選擇，如果有埋牛肉串會更好。薄餅不太厚配上咖喱醬汁不錯～最後點了2杯飲料作結，熱檸檬薏米水及凍金桔檸蜜。薏米超多適合女性飲品去水腫一流，金桔檸蜜不太甜，調製得剛剛好～三個人食飯每人$200內有找，非常抵食。服

下午茶時段在鰂魚涌，無中午時份咁人山人海，想同係附近工作既朋友坐低舒舒服服的傾下野，就隨心地入左這間'隨心'。下午茶都幾抵食，最平$35蚊就有交易。~介央多士拼蔘巴雞翼~我係雞翼狂，這雞翼炸得外皮好鬆脆，口感唔錯，雞翼熱又多汁，不會太乾。多士就薄薄地，甜甜地有椰子味，介央唔算多，但足夠。伴碟的車厘茄和青瓜好新鮮，中和返炸野的熱氣感覺。~新加坡雞絲炒貴刁~下午茶size, 但不會太細，細食女仔都夠架。新鮮炒起熱氣不停升，夠鑊氣，唔太油，幾好食的。雞絲和配料貴精不貴多，朋友就說有東南亞風味，我就唔理了，好食就得了。~特飲~加錢升級做特飲，左邊係雪碧面頭有好香既椰漿。起初有啲驚驚地，但食下佢隨杯有的藍梅和桃，幾好飲!右邊係凍咖啡，不過不失的朋友說Lunch勁多人，下午茶舒服好多!!

隨心所慾，是另一層次的快樂。可惜，自問沒有此能耐。尚處於一事無成的人生階段，抱著一絲僥倖的希望，深信終有一天，能做到隨心所慾。在這天來臨之前，加上身體未響警號之前，吃，是我能隨心去做的。想吃便吃，想吃甚麼就吃甚麼。能飽口福，也是一種福份。山長水遠來到鰂魚涌，參透一下"隨心"。究竟店主是隨心開了家店，隨心起了個名，還是隨心享受烹調的樂趣？簡單的小店，午市時間座無虛席。餐牌上的喇沙、炒粉麵、咖喱飯、海南雞飯，都是高速上菜，最合打工仔的需要，而且價錢尚可。檸檬薏米水只有一片檸檬，酸度不算太重，帶點蜜糖的甜。雖然有不少薏米，但味不夠重，只有從水的稠度找到薏米的存在感。冰融了把味溝得更淡，較喜歡熱的。海南雞喇沙又想吃海南雞，又想吃喇沙，這個配搭正合心意。想起Oldtown海南雞飯併喇沙的午餐，但這個沒有又飯又粉，不怕太飽。喜歡它米粉和瀨粉混在一起，而且兩樣都夠爽，口感豐富。湯的顏色漂亮，有突出而清新的椰漿，但馬拉盞的咸鮮不夠，使整體的味道偏淡。雞肉夠滑，味道頗鮮，配雞醬或黑醬油都不錯。馬來炒麵看著老抽的顏色，想不到原來是茄汁味，跟泰式金邊粉有幾分相似，只是麵夠濕，汁夠稠。酸酸甜甜的，味道不錯，都

新加坡是我其中一個喜歡的地方，原因是有好多香濃惹味美食，如海南雞飯和喇沙等。最近在鰂魚涌吃午餐，想不到這次隨心行竟尋獲一間挺岩口味的餐廳。下午的人都幾多，要等位入座。店的環境不算大，但牆上有不同的掛畫，給人感覺清新。海鮮喇沙 $80餐牌只有一隻小辣椒，辣味程度一般，比起正宗辣味略微不夠，建議可以分大•中•小辣，滿足不同辣味愛好者的需要。老實講配料都幾豐富養眼：半隻雞蛋，數塊薄切魚片，幾粒吸滿湯汁的腐卜，兩條蟹棒，兩隻蝦。最鐘意係個麵底：有足料芽菜混在水晶粉和米粉中間，口感挺特別。配杯熱生薑茶，去寒濕，舒緩喉嚨痛都係不錯的選擇。燒海南雞飯 $68碟上的一堆飯傳出陣陣惹味香草的味道，配料有豆角和小蕃茄，感覺更簡潔清新。朋友那碟海南燒雞到外表微脆和帶點煙燻的感覺，有好香的鮮雞香味。雞件尚算大件，而且在食喇沙的時侯常常嗅到脆雞的爆香味。杞子雞湯同海南燒雞都幾夾～

是日又係去肥少度，晚餐當然係鰂魚涌海光街解決，因呢條街有好多不同種類既食店。今次選擇左星馬菜，店內裝修簡潔鮮明，令人感覺在乾淨舒適的環境下用餐，心情立即好爽！阿豬叫左娘惹咖哩牛腩配薄餅上枱已嗅到很香的咖哩香，娘惹咖哩牛腩沒有泰式果種很重的椰奶味，所以阿豬好鍾意食。咖哩只是少辣，牛腩較少肥位，但牛味十分香濃。薄餅剛烤好，十分香口又煙韌，沾上美味的咖哩十分惹味。馬拉盞炒芥蘭，馬拉盞香氣十足，芥蘭炒得十分靚，既爽口又甜。食落口更有陣陣馬拉盞及咸魚香滲出，送飯一流！阿豬再叫了一份馬來西亞肉骨茶，睇食評d人講幾正。阿豬好鍾意藥膳類食品，因很香之餘，又可補下身。肉骨茶睇落好足料，有多種藥材在面，附送炸兩可放在湯中浸淋吸湯。但飲落就喝不到藥材香味，而且只剩下咸味，不知是否落太多醬油？實在失望。但排骨就很軟淋夠咸。食完好飽，希望下次再黎時肉骨茶有改善。

住係鰂魚涌十幾年，係太古坊附近的海光街是比較出名的食街。星期六晚出發去哈佬喂前先來醫肚。由太古坊轉入，行到海光街街尾就會見到一間叫<<隨心>>的星馬菜館。名字夠特別，門口又掛著一面馬來西亞國旗，很吸晴。餐廳裝修都幾時尚，有卡位，有四到八人長枱，坐得蠻舒服的。先來一碗<<新加坡肉骨茶>>，跟平時吃的馬來西亞肉骨茶很不同。馬來的是用藥材做的，而這個新加坡肉骨茶則是用胡椒來調味的，喝一下湯，很濃的胡椒味，但又不會有一種很味精的感覺。而主要的配料則是白蘿蔔及及一字排骨。點了小食<<參巴雞翼>>，有四隻雞中翼。炸的剛剛好，入口雞肉內層嫩滑外層脆。然後點的是<<海鮮喇沙>>，此麵用料豐富，看上來很有層次。芽菜，豆卜，蛋，帆立貝，蟹柳，蝦，魚片，真才實料。湯底香濃，淡淡椰香味，但又不會太油膩。而麵是瀨粉及米絲兩種不同的放在一齊，令口感更有屠次。飲品點了<<純真>>，個名字跟店名一樣特別。主要是雪碧/七喜溝椰汁。再加上藍莓及桃。飲之前先攪勻椰汁

最近很想念東南亞菜，網路上看到在鰂魚湧新開了一家東南亞餐廳很人氣便和朋友來試試看。從鰂魚湧地鐵站出來大概走5分鐘就到餐廳，非常好找。餐廳不大，但晚上人也蠻多幸好訂了座位。來之前就已經想好要點什麽了哈哈！吃東南亞菜當然要試海南雞飯！雞肉很滑很香，味道不會鹹，配上雞油飯非常贊！我們還點了海鮮叻沙,用了米粉和瀨粉兩種麺煮，裏面有豆腐卜，蝦，魚餅和蛋等等。如果椰醬味再濃一點會更好，不過味道也算是地道正宗！而且吃完麺不會覺得口渴，我想應該沒放什麽味精。最後還叫了印度薄餅配咖喱汁。薄餅味道濃郁香酥，配上香濃的咖喱汁超好吃的（>∀<）兩個人結賬不到200塊，晚餐價錢非常親民，味道也很好，大家可以去試試看哦！(≧∇≦*)

近日心情唔好,同事請食午飯陪我傾心事,放中午飯唔去得遠,係公司附近見到隨心,店名改得好,就食這間,人如果都可以同店名一樣【隨心】就好。十一點幾,未到中午食飯時間,二人可以坐四人卡位好闊,唔洗迫。放飯時間有限揀左食物先海南雞飯 ,油飯很香,充滿雞味同香料味,每粒飯都軟硬度舒中,雞嫩鮮甜無雪味。海南雞飯飯送杯雞湯,雞湯太濃鹹味重。新加坡炒貴刁 ,偏辣,有兩種麵做底。臘腸,蝦同菇片炒味道都夾,但油左D凍檸檬薏米水 ,薏米有咬口,有檸檬味,整體就甜左D

好中意同朋友周圍去食唔同既菜色，從美食中感受下唔同國家既文化，當中有好多唔同既特色都可以互相學習～間唔中都會去鰂魚涌搵食，雖然唔係我地頭，但都搵左間幾特別既星馬菜餐館－隨心。雖然店名同食物方面冇咩關係，但我當然會照舊捧場環境唔算好大，設計有啲似中式茶餐廳，中上價錢，二人份量百餘有找雖然我地都唔太熟悉星馬菜既菜色（最多都係最熟海南雞飯）不過依然好努力咁慢慢揀啲有興趣又夠特色既菜色！娘惹咖哩海南雞飯，一個小鍋加一大碗飯，夠晒兩人分，金黃色既咖哩非常香濃，食落會帶點辣夠晒惹味，每啖都食到咖哩既甘香，非常抵讚！色澤明亮鮮艷，海南雞件件都夠多肉，雞肉口感又夠滑，係一大加分位！馬拉盞炒通菜，口味較重既一道菜，通菜新鮮爽脆，配炒既醬汁就比較咸，但唔會COME左通菜陣味配埋咖哩一齊食都唔錯，不過價錢就貴左啲，但都可以一試～班蘭葉炸雞，有別於出面既一般炸雞，佢唔會落炸粉，只用左班蘭葉包住，岩岩上菜果時有好香既葉香味，但見到成塊葉都係油，心諗今次一定好油膩喇！之後折開塊葉，就見到一塊類似三角形既雞塊出現，驚喜既係，被包實既雞塊冇吸到油，所以食落完全唔會油！而肉質都有別於一般雞塊既口感，佢係比較實正，食落有

某日搵鰂魚涌朋友食飯，朋友就說這間不錯，就試試喇! 海鮮喇沙麵有兩款，算幾正宗，湯底雖然無馬來西亞的咁濃，但也不錯!娘惹咖哩雞飯原煲上很震撼下，Size很大煲，跟一碗白飯，味道有少許椰香，個雞很入味，啲味撈飯就連平日唔多愛飯既我都食左小半碗海南雞飯油飯做得香而不油，雞鮮嫩，配上黑油醬很夾，黑油醬比起其他香港同類餐廳來得較杰身，帶點星馬風味，旁邊的青豆出奇地好味! 夠爽口!檸檬意米水甜味算輕，仲食到一粒粒意米，意米有排毒功效，檸檬就有維他命C又能美白，飲完當堂覺得自己健康咗

好少去鰂魚涌呢邊，原來呢度都有好多野食，今晚就想食番個星馬菜先。講起馬來西亞就一定會諗到佢呢個肉骨茶架啦，呢個肉骨茶$98，份量都有番咁上下大架睇落去都相當足料，而且未飲已經聞到好香啦「不」起d料見到d骨大大條，仲有好多藥材，有玉竹、紅棗、杞子…未飲之前先用油炸鬼浸落個湯度試下個味先，好正，緊接住飲番啖，飲到藥材既甘味，飲完有回甘，藥材味夠哂濃，同時間飲到豬骨帶出既甜味，配番碗白飯就岩哂。豬骨煮到好稔，食到肉既鮮甜，雖然有豬骨但個湯底都唔會話油架，店員話呢個肉骨茶好岩女人飲添呀！星馬菜當然唔少得喇沙啦，呢個係海鮮喇沙呢個海鮮喇沙都相當足料，有兩隻鮮蝦、蛋、帶子、魚片、蟹柳、豆卜…喇沙最緊要係咩？揀係個湯底，呢個喇沙都飲到個湯夠香，有淡淡椰香味，飲到蝦味，仲有微微既辣椒辣，唔錯，不過可以再濃d！個麵係「參參」，姐係將唔同既麵撈埋一齊，呢個喇沙係米粉加瀨粉，可以食到兩種口感，幾得意，幾match個湯，見到麵既顏色已經同湯底融為一體，入哂湯底鮮甜味。食埋個吸哂湯汁既豆卜真係無得頂。