隨心 (已搬遷) 新店位置

是日很充實，中午同朋友去飲茶，跟住睇戲，之後當然又繼續食。朋友話事，去食南洋嘢，我自當奉陪。係呢個位置，中午肯定無問題，會爆到七爆，但夜晚或者會窄窄地，佢已經算係咁。麥片蝦，係星洲名菜。呢度既出品，蝦肉爽口之餘，竟還有咸蛋的香味，咁似港式的黃金蝦既? 之不過，味道肯定更好。由於有點喇沙，海南雞就不跟飯，要份例牌好了。肉是嫩，而海南雞既精髓，從來就是那三色醬，我尤其喜歡沾黑漆漆的甜醬油。要了個海鮮喇沙兩份吃，有蝦、蟹柳、魚片及帶子等等的材料，呷口湯，是頗辣，卻又是有點點港式，特別是那隻溏心蛋。然而，香港人見到有溏心蛋，總會兩眼發光。據說薏米水是自家煲制，不妨要一杯，凍的。唔錯！